حقا أخي أباذر إنه إيقاع الفرح الذي يسكن دواخل الكردفانيين... وهو كذلك رقصة الشبع والعافية و(البدن)... وهو رقصة التجذر في الأرض فنحن من الأرض وإليها.. إيقاع يتشبث فيه المرء بالأرض ويداعب السماء إظهارا لنعم الله التي لا تعد ولا تحصى..
10-07-2008, 12:38 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
أنا عندى إهتمامات بسماع مزيكا وغيقاعات الشعوب عموما، وأغرب شى ما سمعت شى قريب من المردوم إلا عند مجموعة واحدة بس فى الهضبة الإثيوبية، إيقاع قريب جدا من المردوم، والأغرب إنه الرقصة المصاحبة برضو قريبة من طريقة الرقصة مع المردوم
قبل فترة كنت بشوف قناة إسمها"يوشويا" بتهتم بالطبيعة والأنثروبولوجى، ولما شفت الناس برقصو "الكمبلا" إنتظرت لحد ما الرقصة تخلص وأسمع التعليق عليها أو أعرف الموضوع شمو بالضبط
وكانت المفاجأة إنه الناس البرقصو ديل من "زيمباوى" أى والله من زيمباوى، وما من جنوب كردفان
يوم تالتة العيد أهلنا المسيريه كان عندهم عيديه نادره جدا والله ما شفتا زيها فى الرياض دي كلو كلو تخيل الناس دي بترحب بضيوفها برقصة النقاره ... مردوم تقيل وخفيف رصاص بس
يا رجل ...
صوت النقاره صحي فينا الدساتير يعلم الله
انا غايتو المردوم دا قاعد أشبهو برقيص الجن لانو حاجه غير قابله للوصف ...
تمبس وثق اليوم داك كلو لو نزلو تعال أرقص ليك رقصه رقصتين
10-07-2008, 01:41 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
ابوذر وداش دوشتونا وجيتونا للكلام البدغدغ الحشا واتعب قلوبنا حكاية الايقاع والتناغم ما بين العقل والارجل والانساجام ما بين اهات الفراجة والراقصين لمن ترقص حول ذاتك بتلف لفة كونية تختصر الزمان وتختزل الامكنة في ذكرياتك عشان كده الرقيص ما بكون حلو الا لمن ترقص مع البتحبو ارقصوا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أبوذر بابكر
محمد الأمين موسى
محمد سنى دفع الله
mohmed khalail
فيس بوك
تويتر
انستقرام
يوتيوب
بنتيريست