|
Re: فنيـات وتكتيكـات ونصـائح للراغـبين فـي الـزواج بأخـرى (Re: عبدالوهاب علي الحاج)
|
اهم الدوافع :
هو وهم يصيب الرجال بعد كم سنة زواج ( 15 ) فما فوق وهو البرود الذي يصيب الحب والاهتمام المتبادل والبرود الجنسي من الطرفين او من طرف الزوجة لموروثات ثقافية وهي تبرر ذلك بان العيال كبرت ووووو انانية الرجل الذي يريد ان يكون هو محور حركة البيت وطبيعي في وجود الاطفال الزمن المخصص له سيتضائل تدريجيا والمسألة متناسبة تناسب عكسي اولاد اكثر اهتمام اقل والعكس صحيح .
وهنا يبدأ صاحبنا بالتفكير باخرى بحجة انه غير مستقر نفسيا وجسديا وجنسيا وبما ان الشرع حلل ليهو اربعة وكما هو معلوم دائما الزواج الثاني اسهل من الاول واصعب من الثالث والرابع اسهل من القاء تحية والمغالطني يجرب .
وصاحبنا لو اعتبرنا عمره في اواخر الاربعين واةائل الخمسين ( دا عمر الزهور للناس البيفكروا بالارتباط باخرى ) يظن ان البرود الذي يعتريه الان هو رد فعل طبيعي لبرود المرأة ويتناسى ان المسألة مربوطة بمراحل سنية محسوبة لتدفق الهرمون الذكوري المسئول عن النشاط الجنسي وبعد ان يتم الزواج يحس بالورطة ويبدا رحلة طويلة مع المقويات والمنشطات و....
| |
|
|
|
|
|
|
Re: فنيـات وتكتيكـات ونصـائح للراغـبين فـي الـزواج بأخـرى (Re: عبدالوهاب علي الحاج)
|
فرضية اولى لشىء فى نفس يعقوبة
{{ هو وهم يصيب الرجال بعد كم سنة زواج ( 15 ) فما فوق وهو البرود الذي يصيب الحب والاهتمام المتبادل والبرود الجنسي من الطرفين او من طرف الزوجة لموروثات ثقافية وهي تبرر ذلك بان العيال كبرت ووووو}}
العيال ديل بدربهم يا عبدالوهاب
شن دخلهم فى الموضوع ده
ولو ماده ذاتو كانو جوا؟ وكمان بتفاصحوا؟ { وش ممغووووووووووووووص}
وشايفاك ركزت على المرة اها الراجل ده مارق منها يعنى؟
----- جارتى عمرها 82 سنة لاقيتها امس قاشرة ومعاها {حبيبها} كل مرة بلاقيها براها، من سنين كدى، ومن فترة معاها جدنا الحلو ده والله الاتنين حسيت بيهم زى الفى التاشرات، بتاع الحب الاول داك
تابعتهم بدقات قلبى وطريت {قواعدنا} من الحياة- حكمة الله بالغة
| |
|
|
|
|
|
|
Re: فنيـات وتكتيكـات ونصـائح للراغـبين فـي الـزواج بأخـرى (Re: عبدالوهاب علي الحاج)
|
Quote: جارتى عمرها 82 سنة لاقيتها امس قاشرة ومعاها {حبيبها} كل مرة بلاقيها براها، من سنين كدى، ومن فترة معاها جدنا الحلو ده والله الاتنين حسيت بيهم زى الفى التاشرات، بتاع الحب الاول داك |
ديل ما عندهم تعدد يا اشراقة
استمرار الحب عندهم واجب
ويا استمرار للحب يا الخيانة
ونحن مسلمين وديننا واضح
والاصل في الزواج التعدد
ربنا قال مثنى وثلاث .....)
ونواصل ...
| |
|
|
|
|
|
|
Re: فنيـات وتكتيكـات ونصـائح للراغـبين فـي الـزواج بأخـرى (Re: Ishraga Mustafa)
|
سلام لجميع المتداخلين .... وبعد حا تودونا في داهية لكن تقولوا شنو شلاقة بس دخلتنا هنا والله المستعان ....
ونبدأ من الآخر و من الخبرات العالية ، لواء متقاعد صديق أبي له مقولة مشهورة في أن الزواج من ثانية كالإنقلاب العسكري تماما ... إن أردت أن ينجح لابد أن تحيطه بسرية عالية وإلا سوف تشتغل الإستخبارات العسكرية والأمنية والخطط المعاكسة .. والخطط المعاكسة في السودان كثيرة ولكن أيسرها الذهاب إلى أقرب فكي مكرب لتفشيل العرسة ... والله يسترك من الفكي دة يا عبد الوهاب ولو كان مكرب حا تشوف الجديدة دي حمار عديل بإضنين لو ما هنق ليك .. ولو كان أقل تكريبة لا ينفع الدفع المقدم في فاتورة الكهرباء كما هو الحال في السودان ... وهنالك من الخطط الفنية التكتيكية المدروسة والإشاعات عن الرجل أو المرأة التي سوف يسري مفعولها سريان النار في الهشيم ... إلا تكون زي صاحبي ماجد القال العايز يعرس تانية دة يمسك في المعوذتين والإخلاص عشان خطط الفكي ما تنجح والتكتيكات التانية دي ماجد ما عندوا ليها حل وكل زول يدبر نفسه . ويقال والله أعلم أن كل متزوج في باله عرسة ثانية وأن كل إمرأة في بالها طلقة من زوجها ... لا أدري مدى صحة هذا الكلام ... بس النسوان ديل ما يخلو الرجال يتكلموا بس يقولوا عايزين واحدة تانية وادوهم شي من الحرية في الكلام بس وبعدين يتكتكوا اللي يتكتكوه عشان دة ما يحصل ... المشكلة الحقيقية في ظني أنه لا توجد إحصائيات رسمية ولا دراسات حقيقية توضح الحالة الإجتماعية العامة للمجتمع من عنوسة ، زواج ، طلاق ، والمشاكل أو الفوائد المصاحبة للزواج من ثانية أو ثالثة أو غيرها .... كما أن الزواج من ثانية يربط بفشل الأولى ولا يربط بفشل الرجل ، قد يكون الرجل نفسه هو سبب الفشل وقد يكون غير ذلك وكل ما يقوله الناس ويتداولونه هو أحلام ، أماني يتخيل وراءها الرجل السعادة ، وقد تجلب هذه الأماني التعاسة بدل السعادة أو العكس ، ولكن تمنيت لو أرى دراسة علمية في السودان تدرس هذه الحالة وتقدم حلولا عملية ، تبدأ بإصلاح حال الأسرة أولا ... لكن في ظني قد يكون الزواج الثاني حلا لكثير من المشاكل وكما يقال "الجمرة بتحرق الواطيها" فمن حق النساء " الزواج من راجل مرة" ومن حق الرجال التثنية وزيادة لكن بشرط أن يكون ذلك في صالح الأسر ، أظنها معادلة صعبة جدا يصعب حلها وليس بالضرورة ربط هذه المشكلة بالعلاقة الجنسية فقط فهي ركيزة في الزواج ولكنها ليست الزواج كما أن ثقافة مجتمعنا الآن اختلفت كثيرا عما سبق ... فأصبح تقبل الزواج من ثانية أمرا يصعب " مخمخته" وكل يفسر حسب هواه ... لكن السؤال الذي يطرح نفسه هل من الممكن أن نضحي رجالا ونساء من أجل حل مشاكلنا ؟ أظن أننا أمام مشاكل حقيقية وبحاجة لعلاج ولابد من تدخل الأسر ، المؤسسات الحكومية ،الطوعية وغيرها في تبصيرنا في حل هذه المشاكل .... بعيدا عن العواطف والأماني ، ولكن قبل ذلك لابد من الدارسات الوافية التي تبصرنا بمشاكلنا الحقيقية ... وأنا من أنصار تزويج العزاب بأي شكل كان إن رغبوا في ذلك ، ومن حقهم أيضا أن يتمتعوا بالحياة بطولها وعرضها وإن لزم الأمر نشر ثقافة التعدد ، لكن التعدد المسؤول الذي غرضه العفة و إشباع الغرائز للطرفين ، فهذا حق طبيعي ومكفول للجميع ... أها لو الراجل أقنع مرتوا ورضاها وتزوج تانية وما قصر معاها ، حا يكون رايكم شنو ؟
بعد دة كلوا مافي واحد والله واحدة يجي يقول/ تقول أها إنت عايز واحدة تانية والله لا !!! لأنو ما حا أهببو ليهو بالمرة ... والله يجازي الكان السبب ، الدخلني البوست دة شنو ... والله شلاقة بس ، الله يستر والخواف ربى عيالو وفي مقولة أخرى والما بخاف من مرتو ذاتو ما راجل على قول المصريين ...
دعاء من القلب :
اللهم زوج الراغبين من أبنائنا بناتنا وأولادا ، رجالا ونساء ، شيبا وشبابا .. وسهل لهم ذلك وارزقهم من عندك بنينا وبناتا وحفدة تقر بها أعينهم ، آمين يا رب العالمين ...
مع خالص ودي ومحبتي ...
| |
|
|
|
|
|
|
Re: فنيـات وتكتيكـات ونصـائح للراغـبين فـي الـزواج بأخـرى (Re: عبدالوهاب علي الحاج)
|
Quote: كما أن الزواج من ثانية يربط بفشل الأولى ولا يربط بفشل الرجل ، قد يكون الرجل نفسه هو سبب الفشل وقد يكون غير ذلك وكل ما يقوله الناس ويتداولونه هو أحلام ، أماني يتخيل وراءها الرجل السعادة ، وقد تجلب هذه الأماني التعاسة بدل السعادة أو العكس ، ولكن تمنيت لو أرى دراسة علمية في السودان تدرس هذه الحالة وتقدم حلولا عملية ، تبدأ بإصلاح حال الأسرة أولا ... |
Quote: لكن في ظني قد يكون الزواج الثاني حلا لكثير من المشاكل وكما يقال "الجمرة بتحرق الواطيها" فمن حق النساء " الزواج من راجل مرة" ومن حق الرجال التثنية وزيادة لكن بشرط أن يكون ذلك في صالح الأسر ، أظنها معادلة صعبة جدا يصعب حلها وليس بالضرورة ربط هذه المشكلة بالعلاقة الجنسية فقط فهي ركيزة في الزواج ولكنها ليست الزواج كما أن ثقافة مجتمعنا الآن اختلفت كثيرا عما سبق ... فأصبح تقبل الزواج من ثانية أمرا يصعب " مخمخته" وكل يفسر حسب هواه ... |
انور ينصر دينك يا اخوي
ومرحب بمشاركات الاخوة
| |
|
|
|
|
|
|
Re: فنيـات وتكتيكـات ونصـائح للراغـبين فـي الـزواج بأخـرى (Re: عبدالوهاب علي الحاج)
|
المكرم / عبدالوهاب علي الحاج
تحية طيبة ,,, ----------------------------------------------------------
Quote: من الراغبة في حياة متعددة وجميلة |
حاضر ومتابع لبوستكم الشيق نظريا وغير القابل للتطبيق عملياً .. في حدود من يبحث عن الاستقرار .. فلا أتصور أن الرجل الذي يتزوج من اخري أو بفكر في ذلك رجل مستقر لذلك حتي لو عدد او أعتقد بإن جمال الحياة في التعدد ... يصعب له أن يحقق ذلك
توفر القدرة بجميع أنواعها ليس مبرر ... لان الزواج ليس جنس وإنفاق فقط لانه نسق قائم على نوع من الحميمية والخصوصيةتجاه كل طرف للأخر ( حصريا ) بأشياء لايمكن ان يحسها .. أو يقتسمها ... أو يشرك معه فيها سواه
وحتي لو تجاوز (زوجته) بعدم التفكير في الاثر النفسي عليها على الاقل من خطوته عليه أن يفكر في أبنائه
ببساطة على الرجل أن يفكر في كثير من الاشياء (كأب ورب) أسرة أكثر من كونه( رجل) ... إن لم يفعل ... لا أتصور انه كان بالنضج الكافي لتحمل مسئولية زواج وأسرة .... تتطلب منه الكثير ليقوم بدوره فيها على النسق الامثل ...وحتى يتوقع أن يحصل من زوجته على الدعم العاطفي والنفسي والأستقرار اللازم وهو يواجه تبعات الحياة
لذلك الجماليات في أن تنجح وتسعد في زواجك وبناء اسرتك وليس في التعدد او البحث عن (زواج جديد)...
-------- تقديري
| |
|
|
|
|
|
|
Re: فنيـات وتكتيكـات ونصـائح للراغـبين فـي الـزواج بأخـرى (Re: Amira Elsheikh)
|
عبد الوهاب
سلامين وحتة
كنت متابعة وباهتمام شديد
لغاية ما دخلن ريا وسكينة
ولخبطن البوست كلو
بصراحة أدوه طعم لذيذ
واصل التكتيات وأنا معاك مية مية
وياريت لو عندك تكتيات "للراغبات" كمان
بس أوع تدوينا في دهية
:ـــــــــــــــــــــــــــــــــــــــــــــــــــــ اشراقتنا والأميرة
تحيات كميات
"عشان كدا ياشروق ركزى لينا على حتة وجود مفتيات ديار"
كلام موزون يا أميرة يخش الدماغ طوالي
عشان الشغلانة ما تبقى محصورة على "المفتيين" بس..
مودتي
| |
|
|
|
|
|
|
Re: فنيـات وتكتيكـات ونصـائح للراغـبين فـي الـزواج بأخـرى (Re: عبد الناصر الخطيب)
|
Quote: ببساطة على الرجل أن يفكر في كثير من الاشياء (كأب ورب) أسرة أكثر من كونه( رجل) ... إن لم يفعل ... لا أتصور انه كان بالنضج الكافي لتحمل مسئولية زواج وأسرة .... تتطلب منه الكثير ليقوم بدوره فيها على النسق الامثل ...وحتى يتوقع أن يحصل من زوجته على الدعم العاطفي والنفسي والأستقرار اللازم وهو يواجه تبعات الحياة |
اخونا عبدالناصر
شكرا على هذه المداخلة المهمة
وارجو ان تتابع معي المرحلة الثانية
وهي تتحدث عن الاشياء التي لمستها بعمق
واكرر شكري
| |
|
|
|
|
|
|
Re: فنيـات وتكتيكـات ونصـائح للراغـبين فـي الـزواج بأخـرى (Re: عبدالوهاب علي الحاج)
|
Quote: واصل التكتيات وأنا معاك مية مية
وياريت لو عندك تكتيات "للراغبات" كمان
بس أوع تدوينا في دهية |
الغالية بت الغالي
اميمة سند
انا شاكر جدا مرورك الطيب
التكتيكات للراغبات في شنو ؟
ما في انثي غلبها تسوي حاجة دايراها
والقرءان شاهد على ذلك ( ان كيدكن.....)
قال تكتيكات للراغبات قال
طلبك دا كرني قصة للمشجع الهلالي عبدالهادي الدابي ذكر ان والده مرة غضب منه وقال ليهو امشي انا ما عافي منك .. صمت عبدالهادي برهة واندهش من كلام ابوه عبد الهادي قال ليهو انت ما عافي مني ليه سويت لي شنو قريتني طب ولا سكنتني الرياض ما طلعتني جزار وسكنتني ابو سعد ياخ انا الما عافي منك
| |
|
|
|
|
|
|
Re: فنيـات وتكتيكـات ونصـائح للراغـبين فـي الـزواج بأخـرى (Re: عبدالوهاب علي الحاج)
|
Quote: الحل يااشراقة...
عبدالوهاب دا ومعاهو ناس تانين ماسكين لينا العصاية من النص ومحل
ماتميل تدينا كعة فى راسنا لكن هيهات الكعات دى قوتنا وادتنا دافع
عشان نبداء بشكل واضح وصريح...
حتى تفسير القران احيانا يتفصل (من المفسرين) لمصلحة الرجل ومتطلباته
عشان كدا ياشروق ركزى لينا على حتة وجود مفتيات ديار |
ريا وسكينة
حبابكن
انتو بارو الكاز الممسوك من النص بيقويكم
خليكم قراب .......
المرحلة الجاية للبوست دا مرحلة خطرة وحساسة ومهمة
| |
|
|
|
|
|
|
|