|
مُــتّكحلات لون المـــطر .....
|
راوغـتهنْ في حـتتنْ حـننْ عـليّ ... راقـنـِّي في نغــمة غُـناهنْ صـفقنْ شـردن من الأحلام عـدم شركـّتَ ليهن عــردنْ جـفلن مجــافيات الغمــيد قٌـبال يشُــرنْ سِـــرهن راودتهــنْ ... قُــبال يفــوقن للحــليب غــرسن مســاحة وردهــن غـابة فـرح ورَدَنْ على المُشـرع عطِـيش شِـربنْ ضِمـاهِـن سـاومني على الســدور لحظــة نفـور ... فار العصــب من التعــب صــفـرتْ ليهـن يســمعن صوت المزامير الرهيب درّوخـني خـوفي من العويش وغــفرتَ ليهن غلطـتن ما أصــلهن من يومن المقسـوم نصيب ودعهــتن حوكارة القلب العليـهن منقسـم زي أيّ حـته متعــِّباك زي أيّ زول عــاصي وعـنيد ... حـددت من وين أدخـلن قـبال يمرقـن بالوريد اتجاوزن حد السـفور اتعلمـن كيف الزمن يهبش مساحة وُدهــنْ أو يهّــتدن قبال أتوب أو يعـرفن معـناهن الفوق فى السـما يتمطقــن .. شن طعمهــنْ وين فايدتـن ؟ .. ما حننْ راحة كفوفن يلمعن يوم زغـرتن هاش الفرح اتلفـّحـن توب الهوى اتكحّـلن لون المطر زرّقـنْ سـواد عــينن ولد من ســرهن ... موجوع وما قادر أطيب من وين أجيب ليهن نحيب لو أصـلهن هبشـن دساتير الجنــون اتمــردنْ ... قطعـن حواسي بدون إذن من غننْ الفرح القشيب مين لبسن وهج الجدايل ورقصـن اتسلـّقـن قمم الهضاب اتعلـّمـن كيفن يغادرن وما يجـن عـِـرفنْ يحبســن حسرتـنْ قبال دموعـن يغـرزن لو قـُـتْ ليّـ..ـهنْ كـّـلهـِن ما لــ..ـكـّن على سِـكك الصعاب متخطــيات كل المحن وما تعطـّرنْ ... اتقسـّـمن طوق ياسمـين سـِـكرنْ حواســنا وانتشـن اتهـوززن بالهودنا ولعـبنْ ســوا صبقـن بواح باكر فرح اتفرقـن بين السحاب اتهجـْســن خطواتن البتسكـّعن فى الروح خُطى لامن غرســناهن شدر اتخدّرن سِــدره وهشاب ناغــمتهن ... بين الهوايد والصدي كان يرجعـن يتراوحـن
|
|
|
|
|
|
|
|
Re: مُــتّكحلات لون المـــطر ..... (Re: عبدالله داش)
|
Quote: زي أيّ حـته متعــِّباك زي أيّ زول عــاصي وعـنيد ... حـددت من وين أدخـلن قـبال يمرقـن بالوريد اتجاوزن حد السـفور اتعلمـن كيف الزمن يهبش مساحة وُدهــنْ أو يهّــتدن قبال أتوب أو يعـرفن معـناهن الفوق فى السـما يتمطقــن .. شن طعمهــنْ
|
المبدع عبد الله داش صدق هنا شفت السما وكيف كان بعيد وعرفت كيف صدق المثل قال كل أيام الله عيد ياروعة حطمت المقاييس ذوق وحس ..
الله يديك العافية على مطر الجمال سلام الله يغشاك عيدك مبارك
| |
|
|
|
|
|
|
Re: مُــتّكحلات لون المـــطر ..... (Re: هند محمد)
|
Quote: غــرسن مســاحة وردهــن غـابة فـرح ورَدَنْ على المُشـرع عطِـيش شِـربنْ ضِمـاهِـن سـاومني على الســدور لحظــة نفـور ...
|
عبدالله داش.....
تعرف دائما اقراك واتحاشى الرد لانو مفردات مثل جميل ورائع لاتفى
خصوصا اذا كانت المفردة بتهبشك لمن تنط يبقى صعب وصعب جدا انك تكتب
وتعبر...
المرة دى قويت قلبى ودخلت لكن المرات الجاية مابوعدك...
ياخ الله يمتعك دنيا واخرة..
| |
|
|
|
|
|
|
Re: مُــتّكحلات لون المـــطر ..... (Re: Amira Elsheikh)
|
Quote: خصوصا اذا كانت المفردة بتهبشك لمن تنط
|
الأمـــيره ...
سعيد بيك للحد الما معقول ياااخ
وفرحان بيك بالجد ...
والله يا أميره تصويرك الفوق دا واقف فيهو ساعه عشان أجيب كلام لضيض يشبهو ..
شوفي ... تعالي وكت يروق البال تعالي على بساط الريح ومدي يمين غناك فرح
ليك مني الحاجات السمحات كلها ...
| |
|
|
|
|
|
|
Re: مُــتّكحلات لون المـــطر ..... (Re: هند محمد)
|
انا قُت ليك .. جيت أسمعهنْ .. وقعن شبابيل من ودع وكان الزمن بيننْ حروف قوس من وتر إتشهدِنْ ليلي الهجع نسجنْ كلامـِـنْ خيزران باسق مسافات ألحقِنْ قاومت خُــفت من العراك يا اجمل الناس الهنا فى اليابسه والكون مااتســع الشمس ما سطعت براك والقمرا خلاقة بِـدع خليني أحرق من سناك أو امتهن .. سر المساسقه وألحقهنْ ْ
| |
|
|
|
|
|
|
Re: مُــتّكحلات لون المـــطر ..... (Re: عبدالله داش)
|
وأنا قُتَ ليك .. ماكان غريب وهج الحروف يتهجّد أسوار قبلتك أنت الشمس مرهونة للفرح الشّرق منك طلِق ومامن قليل يتشهدن ساعة نجومك ترجمن واقفات هناك شوقِن حفى مخطوفة أنفاس شهقتن ضاعت مفاتيح الكلام ساعة بيانك أدهشن حردن تقاسيم الغنا وكمين حرف منك وتر شّلتَ كتوفن وقدرتن غيمة سماك مين بلحقا أديهن أحلام اللقا ومالى حق اتباهى بيك وسناك عتم قمرتن يهون عليك يطرح شقاى والحزن يرجع مبتسم أنا يافرحَ فرّحَ رؤاى ماخد كمان لون القمح كمل الكلام والشوق معاى لونت أحزانى العشم خليك معاى أجمل وعد ...
| |
|
|
|
|
|
|
Re: مُــتّكحلات لون المـــطر ..... (Re: هند محمد)
|
وقاقه نار الشوق لهيب حراقه زى طعم الشجن من عندي ليك وعدي القبيل نخب الهوى وكاس من حليب ساعة عيونك ينعسنْْ مرواد مكاحليهن شهد خليني للزمن الجميل برجاك فى أحلك ظروف الليل ونجمو وما حوى النيل وهفهفة الخميل هاك المعاني وأجملنْ في القيمه ما غاص فى البعيد الشوق قصادك متقد النحل ما لسع الورود والورد ما خذل النحل يا حب تمنيتك معاااي فى الرحله على طول الأمد على فكره ... منتظرك ملاذ أو حاجه أدفا من الوطن
| |
|
|
|
|
|
|
Re: مُــتّكحلات لون المـــطر ..... (Re: عبدالله داش)
|
نار الهوى .. سموها بإسمى الشقا وقادة دفقت الحنين طول السنين مابدلا لا ليلة فارقنى الأنين والحسرة كون ومفرهدة الدمعة سيالة جروف والفرحة محروقة حشا وعدك ومرواد العيون والبهجة تملآ الكون هناء والانتظار رهن الظروف واللهفة موجة معربدة قول الحروف كم ساقنى ليك ورجعنى بى خاطر الجفا راجياك جيتك اليقين أصدق وعودك أصّدُقها خلينى أوصل للنجوم وأخد بريقها وطلعتها كان للملاذ عينى سما دمع العيون طل غيمتها والشمس مابين هدبتها تديك نيران الدفا وانا قت ليك أنا والوطن ضل الشدر والسوسنة متلازمات زى القمر والنجمة سهارة السما..
| |
|
|
|
|
|
|
Re: مُــتّكحلات لون المـــطر ..... (Re: عبدالله داش)
|
والله يا عبد الله
انطربت وانجذبت وانبسطت
لحدى ما بانت نواجذ الروح
يا سلام ياخ
طولت والله ما مليت وعبيت اخاديد الدم بى شعر زى ده
مرات لما الزول يضايق خلااااااااااااااااس
بقوم اهابش القدال
لكين تعرف
شغلك الهنا ده، يانى المسويهو حجاب
| |
|
|
|
|
|
|
Re: مُــتّكحلات لون المـــطر ..... (Re: أبوذر بابكر)
|
Quote: زي أيّ زول عــاصي وعـنيد ... حـددت من وين أدخـلن قـبال يمرقـن بالوريد |
يا ولد يييييا ولد امسك عليك شعرك وامسك عليك روحى ضهبتنى بين الكلام وديتنى وين؟ ما نى خابرة ولانى عارفة هسى الزول يقول شنو غير دا شعر من روحك براك قاطعو من روحنا التريدك
| |
|
|
|
|
|
|
Re: مُــتّكحلات لون المـــطر ..... (Re: سلمى الشيخ سلامة)
|
بعد صمت دام قرابة الشهرين عدت لأبعث بعدة بطاقات معايدة لبعض الأحباب في هذا الفضاء الرائع. كنت أنوي تحية كل شخص ببطاقة معايدة لكن بدا لي الأمر مستحيلا..كان نصيبك ياعبدالله داش واحدة من تلك البطاقات فيما أذكر. وتذكر أنني قلت لك واصل هطولك ! أكتب شعرك يا أيها الشاعر بنفس هذه العفوية والإنسياب ، وقطعا لك المستقبل. وصيتي أن تكثر قراءة شعر العامية السودانية في كل مراحله وكيفما رفدته لنا عامية أهل السودان المتنوعة. كما أوصيك بقراءة غير الشعر..فقراءة الشعر وحدها لا تصنع من المرء شاعرا. أعجبتني بعض المداخلات هنا وأخص منها مجادعات الشاعرة هند..والتي أرى أن محاولاتها بالعامية تكتسب نضجا وعمقا كل فترة وأخرى.
| |
|
|
|
|
|
|
Re: مُــتّكحلات لون المـــطر ..... (Re: mohmed khalail)
|
يا خــّــيّ ...
مفقود الفرح السافر بالتأكيد منتظر الخبر اللاح زى الشمس المالت تال الليل من بعد غروب يا دوب اتنفس نَفَس الورد إرتاح للفجر الباكر من قسمات البت القالت طبع النيل متوجس يوم يتحنن طمي الطين ويوم يتكدر بعدين ياصاحب ..! كيف تتوقع اقدر أتوب أو أقدر أجيبهن لي .
| |
|
|
|
|
|
|
Re: مُــتّكحلات لون المـــطر ..... (Re: فضيلي جماع)
|
Quote: صبقـن بواح باكر فرح اتفرقـن بين السحاب اتهجـْســن خطواتن البتسكـّعن فى الروح خُطى لامن غرســناهن شدر اتخدّرن سِــدره وهشاب ناغــمتهن ... بين الهوايد والصدي كان يرجعـن يتراوحـن |
اتراوحن ؟؟؟ ديل رجعن وتانى اتحكرن من سمح الغنا المارق مكندك بالحنن رقص علالات الفريق لامن رطن رص الخلق جموع.. جموع اتمحنن **** وبيك يكتمل كل الفرح يا داش عيدك سعيد و مترع بالفرح والحنية اهديك رزاز المطر وريحة الدعاش
| |
|
|
|
|
|
|
Re: مُــتّكحلات لون المـــطر ..... (Re: soma)
|
حِردَن عيونِن مرقتِن ما يطلعن حنّستهن ونَّستهن والبال يجابد طرقتِن مطراً مقابل تُـربتِن جوف السحاب بيه اتعطن دفرن شهيقِِن وحُُرقتِن لو يسمحَن أو يسمعَن حِس المناخات الوطن ناغمتهِن كان يرجعن جوه الدواخل يرتعن أول تبادي اتمنعن حلفن (دُعاش) ما يرجعن لكنهن ما (طلّقن) وسَّـطَ بينَّا الريح حكم إمكن يوهِّط كبَّتِـن ما اقنعِن وإتفرزعَن بين الجهات الأربعه أتفرقن إتوزعن إتمعنن درب الرحيل خفت الدموع حين هبَّتن كيفن جروحن بصنعن إتوّهطن في الحس زمن ملح الغنا ما احبطِن بشويش علي قدلن مشن وانا كنت في الخوف منزرع خايف يطيرن ينجعن حامن قصاد مُشرع غناي وإتجمعن جمب النشيد رتعن رِعن يادوب أظن صدَّن وِعَن جوه الوريد قامن زرِع برَّن صباح طيِّب ورِع باقيهن اتلافي الشهيق مدَّن علي الشريان فرِع وكتمت أنفاس الرحيق خايف عليهن مرقتِن يوم شفتهن ما عرفتهِن تاريهن السمحات وطن.
!!! !! !
----------- عبد الله داش موسم إدهاش
.
----------- فتّقت (عراقي) الغنا. شحتفت فيّ روح الشعر
| |
|
|
|
|
|
|
Re: مُــتّكحلات لون المـــطر ..... (Re: فاروق أبوحوه)
|
Quote: حِردَن عيونِن مرقتِن ما يطلعن حنّستهن ونَّستهن والبال يجابد طرقتِن مطراً مقابل تُـربتِن جوف السحاب بيه اتعطن دفرن شهيقِِن وحُُرقتِن لو يسمحَن أو يسمعَن حِس المناخات الوطن ناغمتهِن كان يرجعن جوه الدواخل يرتعن أول تبادي اتمنعن حلفن (دُعاش) ما يرجعن لكنهن ما (طلّقن) وسَّـطَ بينَّا الريح حكم إمكن يوهِّط كبَّتِـن ما اقنعِن وإتفرزعَن بين الجهات الأربعه أتفرقن إتوزعن إتمعنن درب الرحيل خفت الدموع حين هبَّتن كيفن جروحن بصنعن إتوّهطن في الحس زمن ملح الغنا ما احبطِن بشويش علي قدلن مشن وانا كنت في الخوف منزرع خايف يطيرن ينجعن حامن قصاد مُشرع غناي وإتجمعن جمب النشيد رتعن رِعن يادوب أظن صدَّن وِعَن جوه الوريد قامن زرِع برَّن صباح طيِّب ورِع باقيهن اتلافي الشهيق مدَّن علي الشريان فرِع وكتمت أنفاس الرحيق خايف عليهن مرقتِن يوم شفتهن ما عرفتهِن تاريهن السمحات وطن.
|
لا حول ولا قوة الا بالله
انت يا زول واقع لينا من وين ؟؟؟
الله يجازيكم يا اللابدين
| |
|
|
|
|
|
|
Re: مُــتّكحلات لون المـــطر ..... (Re: فاروق أبوحوه)
|
البنيـات المَشـَنْ أمشاج على حِسَ الفواصل واحدة مِنهِنْ إشـتكتني وإنتهـت جواي ريد خـِدْرَنْ أساريري إهتدن لى حاسّة مِنها قد تكـون في روحي أو منـ ما يكُّن من كلها وذابت معاي ... إتخــيَّل ...!!! الإزميل وقـع من فكرة التكـوين معاهِن والثــبات في خطوط الدهشة كانت تمتحـني وتمْتحــن وفقدت مقدرة الصمود في وصفها المجـنون جــَمالِن والجمال الفيها كالضو والحنين كان لونا مخلوط بالسِـحَّنْ من طينة ما معروفة من ضُلعي اليمين مغيور معاكِ جمالِك المسحور كمن كانت مُحال يابنــيَّة ما كُل البنات البشبهَن معنى الخيال والرِيح شـبابيلن صُــدق يا بنيـَّة خاطرك للسـما الفوق والنجـيمات البِضـون يشلعن نور من بعـيد زى بيشبهن طعم الجـميلات البعرفْن يصدحــن فى دروب الروح نشيد مالهِنْ نِسـَنْ وهج الرقيص في حضور غناي أدَّنِّي مقسومة النصيب في الدنيا معروف .... ( الفرح بالكاش ومجـاني الحـُزن ) ما عاودَّني مع الربيع في آخر الليل إحتفن بى طلة القمرا الطشاش خجلانة منها .. والبنيَّات .. العزيزات إستحـنْ من خُدرتا الإنسـانة .. راحـن مني في أبعاد جنونى وفي مساماتى إنتهن لا ودعنى ولا نسـنْ عِرفن مصبَّات الهُطول من عيني دمعاتي البَكـنّْ وفقدت مقدرة الصمود في وصفها المجـنون
تحيات الصباح يا جميل ...
| |
|
|
|
|
|
|
Re: مُــتّكحلات لون المـــطر ..... (Re: soma)
|
ساويتك بي افراح الزمن الفات والجاى من الأيام أنسام ناديتك أسمعي مني نداي حلفتك جيبي غناك كلمات من نور أخضر يا أما ترشي الدنيا مطر أو أبقي معاك فى آخر الليل نجمات .. سوما السوميت حبات اللولي الخام بتفتش فيك هناك
| |
|
|
|
|
|
|
Re: مُــتّكحلات لون المـــطر ..... (Re: فضيلي جماع)
|
Quote: أعجبتني بعض المداخلات هنا وأخص منها مجادعات الشاعرة هند..والتي أرى أن محاولاتها بالعامية تكتسب نضجا وعمقا كل فترة وأخرى. |
شاعرنا القامة واستاذنا فضيلى جماع هذه شهادة أعتز بها ودعم كبير ودفعة قوية للمواصلة سعيدة بالمتابعة من قبلك وأشكرك كتير عيدك مبارك وكل عام وأنت بألف خير
| |
|
|
|
|
|
|
Re: مُــتّكحلات لون المـــطر ..... (Re: فضيلي جماع)
|
كانت نواياك مثل لون الحليب وكانت كلماتك غيم . لذا كان طعم العيد مختلفاً عن أفراحي القليلة على مدى العمر ..
أستاذنا وحبيبنا
فضيلي جماع ...
كم كنت مزهواً بك وأنت تطوقني بجميل فعلك وافتقادك لي من بين هذي الألوف الجماهير التي هتفت مراراً حين تعزف شعرك المصقول باللغة الرصينة والحرير . سأعمل كما توصي ، ولكن لمرورك هنا ألف معني ومعني
دمت كما اود
| |
|
|
|
|
|
|
Re: مُــتّكحلات لون المـــطر ..... (Re: سلمى الشيخ سلامة)
|
بت الشيخ يا سلمي ...
الأشواق وتحايا العيد وحزمة من الكلام يتحمـــّدك ... بهدي الكتابه دي تاني ... عشان أفرح بيك
إرتجلي الكلام من ركـن الوجوم أبديها بالتحـريض علي الكان مستبـاح إسـتهلكي القوت من بيـوت النمله والمويه ذرات من هواء ( وأتنين ) هي كيف الدنيا .....؟ تقلب وشها التاني المرايه براها في خجل السنين بتـّـدور أدمني الشـوف في المدي الجاييكِ من بين المسام والعين أنا كيف تحاصرني الهموم من تاني وين ؟؟ باقي الفضل أنا وين ؟؟ وين..؟؟ يمنعني منك كيف ؟؟ إذا المد جابني ليك عندك وما مصدق خطاي ..!! وكفــرت / بي كل الحواجز لو تقيف بالصـد ... تكبلني وتفك ساجور غناي ما تكملي الفي الجوف معاي الشوق بحر ممتد علي مد البصر علي وين أقبل بيك كتّرت السؤال معليش علي وين ؟؟ أدسك مني في جواي خريفين وإرتواء يتباكا ضلي هناك هِنا طشيت معاك والطيش هوي وشقيش !! توديني وتباصري مروقي من حلق السكات عبّره وسيل الرغبه يسأل بكره والهبيش ســـوا وعلي وين..؟؟ أقابلك صحّوه في حلم الليالي الهيش يحاصرني السؤال علي وين..؟؟ وأنا تاني مسلوخ من ألم باكر عذابات إكتواء والنار ملاذ الضوء وبيت دفئ الشتاء وعلي وين....؟؟؟
| |
|
|
|
|
|
|
Re: مُــتّكحلات لون المـــطر ..... (Re: أبوذر بابكر)
|
ضراعي اليمين المطر
كيفك يارجل ...
بفتش ليك لقيتك في حنايا الجوف ندهت على الغياب حاضرين على الفقراء ومحاية الدين من البرق السطع باهر من الصوت الصدح مشروح عليك الاولياء الصالحين مسرسف بالكلام من وين وانا القانص غلبني الشوف عوافي عليك
| |
|
|
|
|
|
|
Re: مُــتّكحلات لون المـــطر ..... (Re: عبدالله داش)
|
Quote: ناغــمتهن ... بين الهوايد والصدي كان يرجعـن يتراوحـن
|
يا داش تسلم الأيادي وأراك أتخذت مساراً لا يشبه المسارات دربا من دروب الأبداع نواصيه بيمنك
________________ العيد الجاب الناس لينا ماجابك و.. لازلت بانتظارك يا صديق 0914360602
| |
|
|
|
|
|
|
Re: مُــتّكحلات لون المـــطر ..... (Re: مصدق مصطفى حسين)
|
اجمل خاجة في الدنيا الملونة لينا فرح انك خليت فضيلي جماع اطل علينا لكن قصيدة بي عذوبة موية المطر بتعمل شنو؟ غير اتلف حولك كل الناس الجميلة يا اجمل الحلوين لبسنا عقد ياسمين من صفاك واغسلنا بي نداك وتمر قلوبنا .... راوغـتهنْ في حـتتنْ حـننْ عـليّ ... راقـنـِّي في نغــمة غُـناهنْ صـفقنْ شـردن من الأحلام عـدم شركـّتَ ليهن عــردنْ جـفلن مجــافيات الغمــيد قٌـبال يشُــرنْ سِـــرهن راودتهــنْ ... قُــبال يفــوقن للحــليب غــرسن مســاحة وردهــن غـابة فـرح ورَدَنْ على المُشـرع عطِـيش شِـربنْ ضِمـاهِـن سـاومني على الســدور لحظــة نفـور ... فار العصــب من التعــب صــفـرتْ ليهـن يســمعن صوت المزامير الرهيب درّوخـني خـوفي من العويش وغــفرتَ ليهن غلطـتن ما أصــلهن من يومن المقسـوم نصيب ودعهــتن حوكارة القلب العليـهن منقسـم زي أيّ حـته متعــِّباك زي أيّ زول عــاصي وعـنيد ... حـددت من وين أدخـلن قـبال يمرقـن بالوريد اتجاوزن حد السـفور اتعلمـن كيف الزمن يهبش مساحة وُدهــنْ أو يهّــتدن قبال أتوب أو يعـرفن معـناهن الفوق فى السـما يتمطقــن .. شن طعمهــنْ وين فايدتـن ؟ .. ما حننْ راحة كفوفن يلمعن يوم زغـرتن هاش الفرح اتلفـّحـن توب الهوى اتكحّـلن لون المطر زرّقـنْ سـواد عــينن ولد من ســرهن ... موجوع وما قادر أطيب من وين أجيب ليهن نحيب لو أصـلهن هبشـن دساتير الجنــون اتمــردنْ ... قطعـن حواسي بدون إذن من غننْ الفرح القشيب مين لبسن وهج الجدايل ورقصـن اتسلـّقـن قمم الهضاب اتعلـّمـن كيفن يغادرن وما يجـن عـِـرفنْ يحبســن حسرتـنْ قبال دموعـن يغـرزن لو قـُـتْ ليّـ..ـهنْ كـّـلهـِن ما لــ..ـكـّن على سِـكك الصعاب متخطــيات كل المحن وما تعطـّرنْ ... اتقسـّـمن طوق ياسمـين سـِـكرنْ حواســنا وانتشـن اتهـوززن بالهودنا ولعـبنْ ســوا صبقـن بواح باكر فرح اتفرقـن بين السحاب اتهجـْســن خطواتن البتسكـّعن فى الروح خُطى لامن غرســناهن شدر اتخدّرن سِــدره وهشاب ناغــمتهن ... بين الهوايد والصدي كان يرجعـن يتراوحـن
| |
|
|
|
|
|
|
Re: مُــتّكحلات لون المـــطر ..... (Re: محمد سنى دفع الله)
|
الزول السمح حد وين..؟
السني ...
ياااخ أهلاً بشرّناك بالمطر ..
مطّـــرناك عديل نقاط كُبـــار كُــبار
ومن عندي ليك الفرح بي جياتك الزيّــك كمان ..
على كل حال ...
- لو حصلت لى أيّ حاجه بعرفك أنت وبس ..!
- لــيه...؟
لانك ......... لانك ......... لانك ......... لانك .........
تم النقاط زى ما عايز
تاني ليك التحايا كلها
| |
|
|
|
|
|
|
|