ياصاحب اجمل بوست العزيز ابو الحسين كل سنة و أنت و الاسرة طيبين عيدية للأهل في شمال الوادي نرسلها لهم من القيساب الكبير من العزيز الدكتور يس و نقول ليهو كل سنة إنت و المعاك طيبين و سالمين الحقيقة أنا كتبت هذا البوست لإحساس داخلي بالشوق للاهل و التراب و الحنين الي مرتع الصبي لما الاخ محمد عقمان نزل أغنية تراب بلدي و الاخت سلمي عيني ليها تطير ليفوق طربا و تحلق الذكريات و تسافر بيها الي ارض الحنين و تقالد الاهل و وتنكرف هي طين اهلا دحين يا أبو الحسين صد ارجع و تعال نكمل المشوار و نعيد الفرح للاخوة في الممبر دكتور يس يلا همتك معانا و إنت جمل الشيل المابكل أبو هاشم فتش الدفاتر القديمة و الجديدة و تعال مارق بي كل الجمال
10-05-2008, 09:23 PM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
Quote: أبو هاشم فتش الدفاتر القديمة و الجديدة و تعال مارق بي كل الجمال
وانت زاتك تعال تعالو نوثق لزول ناسينه زول فنان ومهم غير كتير من نظرتنا حتى للحياة على صعيد شخصى احب غناهو يا نسمة كيف اخبار اهلنا وحينا ؟ تبكينى هذه الاغنية حد الموت اتمنى ان نتشايل هذا التوثيق لفنان تعلمنا منه الكثير الفنان عبد الرحمن بلاص
ايدكم معانا يا شباب محمد عثمان دكتور يسن ابو يسرا الشايقى مامان هاشم ودراوى واى زول بحب الفنان دا يجى معانا
جانى احساس افتح بوست وكلمت محمد عثمان لكن بقيت كسلانة حاتكل عليكم وعارفاكم ما بتخذلونى
يا سيد البيت وحات الله ماقصدت حاجة لكن لقيتنى متحمسة فارجو المعذرة
10-05-2008, 10:34 PM
ود محجوب ود محجوب
تاريخ التسجيل: 04-22-2003
مجموع المشاركات: 7643
الست ست البنات سلمي كل سنة و إنتي طيبة و عافية و كمان يتم ليك الفي المراد و ده حمده في بطنه محمد عقمان فرع ليك في درر بلاص يلا بطلي النوم وتعالي مارقه لي برة بلاص في الحوش
10-06-2008, 09:26 PM
حسن الطيب يس حسن الطيب يس
تاريخ التسجيل: 10-09-2005
مجموع المشاركات: 1322
ينسى حبيبنا ابو الحسين السياسة دا جائز (اصلو ما عندو فيها كبير غرض))
أما أن ينسى ابو هاشم دى ما وارده ((اذا اردت ان تطاع فامر بالمستطاع))
خلوه فى حالو وهو كا بقصر معاكم.
ود محجوب إنشاء الله طيب و سالم و السنة دي المولي يدلط الفي البال و حاتك ما قصدنا في الكلام الفوق ابو الحسين ينسي ابو هاشم انا حلفته بي ابو هاشم ما ممكن الواحد يقولو ليهو انسي روحك مش كده؟ لك و للاخ العزيز ابو الحسين و ناس ابو عاشم العتبي حتي ترضوا و اسع نحنا راجيين منكم الفزع في العودة الي النغم الجميل لك الف تحية
10-06-2008, 09:54 PM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
Quote: و كمان يتم ليك الفي المراد و ده حمده في بطنه
غايتو كان عرفت مرادى يا عشاى ابقى عندى مالا كتير اسوى منه مكتبة اكتب فيها كل يوم عن واحد من عظماء هذا البلد خاصة الفنانين ناس عمنا بلاص واليمنى والنعام ادم ومحمد كرم الله ومحمد جبارة نسوى ليهم ارشيف كبير يقعد لجنى الجنى وحات الله ان بقى مرادى دا انتم مانى دايرى شيتا كدى يا وليدى امانى ما بريد ديل الناس
10-06-2008, 09:58 PM
حسن الطيب يس حسن الطيب يس
تاريخ التسجيل: 10-09-2005
مجموع المشاركات: 1322
لك التحية و فعلا فقدنا الاخ ابو الحسين و فقدنا مداخلاته الرشيقة..نتمنى ان يعود فمكانه خاليا هنا..
العزيزة سلمى..
اعملى ضربة البداية و ما بنقصر معااك انشاء الله...
يديكم العاافية...
محمد عثمان الف شكر ليك و كل عام و انت بالف خير سلمي تكون سارحه مع الاغنية الجميلة دي و الله يا رب بتحضر في عمل كبير يا ريت الناس السمحين ديل يظهروا وغيبت ابو الحسين و د. يس و باقي العقد الفريد غيبت الفرحة من الممبر و يديك العافية
10-06-2008, 10:31 PM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
وخليتنى انا لمنو يا شادى ؟ دائماكانت معانا تلميذات وطالبات من بنات الشايقية وغالبا ما كان بينهن من تحمل اسم شادية وتجئ شادية دائما فى اعلى القائمة جاءت شادية كمبال اجمل بنات الابيض ومن الاسم تعرف انها شايقية اعنى اسم الاسرة لكنها المرة الاولى التى اسمع اسم شادى واليمنى وهو حالة اخرى تحتاج الى دراسة قائمة بذاتها لكم كان يشجينا بتلك القصائد الطريفة ومنها على سبيل المثال (التى اراد فيها ان ينتقم او يغتال كلبا ) لسبب ما والغربية انى سمعتها ايضا من الفنان النعام ادم والنعام ايضا يحتاج منا لوقفة طويلة حيث انه معروف بين العالمين بانه احسن من عزف الطمبور
10-08-2008, 02:36 PM
أبو الحسين أبو الحسين
تاريخ التسجيل: 11-07-2006
مجموع المشاركات: 7948
ما قطعني منكم يا غالي إلا الشديد القوي... وها أنذا أعود إليكم أحمل كل قواسيب مودتي وأفتح الحوش الثالث للشايقية هنا في الموقع... أرجو المشاركة من الجميع...
أها يا الإخوان الملوك المعمرين الحوش و البيت الخبر السعيد سيد البين وصل سيد الناس ظهر و الف حمدالله علي سلامته و انا بفسح المجال للخبازين د. يس لسة لابد إنشاء الله عافية أنا و سلمي طب متجزمين راجنكم وكمان مسعولين من الخير العزيزة الإسمها ست البنات وين الحي بيها العارف طريقا وين يدقليها جرس الف شكر أبو الحسين وأنا قلت آمييييين إنشاء الله يديك العافية كمان اسجل حضوري في الشايقية............ دحين يا الاخوانارحكم نرجع للبيت الكبير بين الشايقية أقابلكم هناك
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
سلمى الشيخ سلامة
ود محجوب
Mohamed Ahmaed Olyesh
أبو الحسين
فيس بوك
تويتر
انستقرام
يوتيوب
بنتيريست