|
|
|
 Re: مصطفى السنى ، طلال حلفا ، وليد زاكى الدين يعطرون اجواء شمبات باجمل الاغنيات فى العيد .. ص (Re: ناجى أحمد البشير)
|
الأخ ناجي
كل عام وأنت بخير
عندي احساس انك بتكتب بزهج كده وأي كلام والسلام 
ده انطباعك الشخصي والواجب علينا احترامه .. ولولا اختلاف الآراء لبارت السلع!!
بخصوص وليد زاكي الدين أعتقد انك اجحفت في حق واحد من أكثر الفنانين الشباب اجتهادا" وفنا" وأدبا"
وعلما"... وليد ده فنان شامل بمعني الكلمة وانت كان ما شايف كده .. غيرك شايف
يا سيدي توظيف الأصوات يتم من خلال التأهيل الأكاديمي للفنان وليس من خلال الشعراء والملحنين!
وبعد ده كان بتعرف ليك شاعر أو ملحن خبير في هذا الشأن ورينا عشان يساعدنا !!
وليد زاكي الدين يحمل شهادة البكالوريوس من كلية الموسيقي وما أظنو محتاج واحد يعلمو يوظف صوتو
ويختار أعمالو كيف! وطلال حلفا تلقي ما يكفيه من كورسات في هذا الشأن ولا زال يطلب المزيد..
عارف المشكله وين؟ في النقد الموسيقي المتخصص!! حتي الآن لا نملك كليه للتأهيل في
(النقد الموسيقي) .. عشان كده أي واحد بنتقد علي حسب هواه ومزاجه الشخصي .. هذا حتي علي مستوي
الصحافه الفنيه السودانيه .. ان كان لها وجود أو أي دور فاعل أصلا"!
نصيحتك مقبوله و ربنا يوفقنا نجتهد ونحسن من آدائنا ونختار أغاني تنال رضاك
ولك محبتي !!
........................................................
كلو منك يا أشرف عبدالمعطي ... الله يجازيك
| |
 
|
|
|
|
|
|
|
|
Re: مصطفى السنى ، طلال حلفا ، وليد زاكى الدين يعطرون اجواء شمبات باجمل الاغنيات فى العيد .. ص (Re: Talal Halfa)
|
بلا شك ما كتبته هو رأيى الشخصى ولست بناقد فنى ولكنى مستمع جيد .... وكما تلاحظ أستاذ طلال فقد بدات حديثى بالاشادة بالاصوات وبانها خامات طيبة يرجى منها الكثير , ولم اتحدث عن ادب او تعليم فمعظم عمالقة الجيل القديم لم ينالوا حظهم من التعليم وقدموا من الغناء ما عجزت عن تقديمه اجيال عديدة بعدهم وبدليل ان غالبية الغناء المتداول الان فى الساحة هو من القديم ..
تواصل الأجيال ضرورى للنهل من القديم ولا اعترض عليه بل اعترض على الاسترزاق منه وفى الوقت نفسه اتمنى ان يستفيد الشباب من تجارب القدامى ومن ما قدموه من الحان لا تزال تشغل الساحة الفنيه فى السودان ..
قبل ايام كان هنالك نقاشا رائعا بقناة النيل الازرق جمع الشاعر الجميل تاج السر عباس باثنين من الشباب الرائعين وهم احمد وحسين الصادق وهى ايضا اصوات وخامات طيبة تحتاج للمزيد من الصقل ..
لو درس غير المطرب الموسيقى والاصوات قد يصبح اكاديميا متميزا ولكنه بلا شك لن يكون مطربا ما لم يمتلك الصوت الذى يطرب الناس على تعدد الاصوات وانواعها المختلفه .. ولكل عشاقه ومعجبيه .
| |
|
|
|
|
|
|
| |
Ashraf Abdel-Muty
ناجى أحمد البشير
Talal Halfa
osman righeem
Mahmoud Mustafa Mahmoud
فيس بوك
تويتر
انستقرام
يوتيوب
بنتيريست