|
|
 منديل ... منديل يا نصر الدين (شهيد الكشه) ... أول عيد دون المنديل
|
مدخل متعثر ..... جدا
.....................................................................................................................................
توفي الطفل ( نصر الدين ) امس الاول اثر سقوطه على كتلة خرسانية
اثناء المطاردة الشديدة من عمال الكشة بموقف (جاكسون ) بالخرطوم ..
ونصر الدين كان يحمل مناديل ورق يعول اسرته مما تدره عليه من ارباح متواضعة جدا..
الا ان سلطات المحلية اغمضت عينها عن مليارات الموقف الجديد وآثرت مطاردة ملاليم نصر الدين
مطاردة حتى الموت ..سلطات بلدية الخرطوم تطارد طفلاً يبيع...ف حتى سقط ومــات .. ..
..........................................................................................................................
منديل ... منديل يا نصر الدين
منديل بسراع قبال ماتروح...
منديل معطون بعطور الطين
منديل موزون بخروج الروح...
منديل في كيس يا (اخوي) الزين
وفي كيسنا انين تايه مذبوح..
منديل احمر يا نصر الدين
مليان تشريد تعزيب ونزوح..
منديل للخوف (الحااااار) والشين
منديل لغنانا المامسموح..
منديل يا الزين... او جيب اتنين
اتنين منديل لسؤال مطروح...
ليه موتك انت سريع يا الزين..؟؟
وموت (الساكيك) دايما بعدين..؟؟
يا العشت حياتك في الاسفلت
تنهي عميرك بالأسمنت
وغيرك يبني عليك طابقين..؟؟
ليه موتك انت دوام مجان.. يا العشت حياتك تسديد دين
البيت .. والمدرسه والدكان...؟؟
حا نبني محل ما موتا ضريح
ونسمي ضريحك ود عطشان..
للقمه الطيبه وستر الريح
ونسمي بأسمك كم فرقان...
حانشوفك دايما في المنديل
وميدان جاكسون وبطن النيل...
حانحسك حايم عز الحر
ونحسك نايم نص الليل...
حانشوفك لما الهم يهتم
ويكمل فهم الحيل الويل...
مخرج : .... اخير
كان ربحك كم يا نصر الدين...؟؟
زكاتك كم..؟؟ وضرايبك وين..؟؟
(برضو) بكرة احلي
|
|
 
|
|
|
|
|
| |
naeem ali
Salahaldeen Nadir
Amjed
fadlabi
أيزابيلا
abubakr salih
فيس بوك
تويتر
انستقرام
يوتيوب
بنتيريست