|
عود لينا يا ليل الفرح_ وكل عام والجميع بخير
|
أحبائى وبمناسبة العيد اهدى اليكم جميعا اغنية ليل الفرح اداء الاستاذه الفنانه اسرار بابكر
هنا اللنك لانى ما بعرف انزل الاغنيه البعف يساعدنى
http://www.youtube.com/watch?v=rokqSNLW7Zo&feature=related
عود لينا يا ليل الفرح وداوى القليب الانجرح خليهو يفرح مره يوم طول عمرو ناسيهو الفرح
امكن تصيب اشواقنا يوم وطيفى لى طيفك يصل
يلا تموا باقى الاغنيه يا حلوين
والله يا جماعه العيد بعيد من اهلك وناسك مسييييييييييييييييييييييييييييييخ لحدى ما الخبيز بتاعى ضايقاهو مسيخ دى حاله دى ابو مهند الله يديهو العافيه قام من الصباح ولبس العراقى والسروال مع الجزمه الاسبورت والبدله والشال بس تقول افغانى ومشى الصلاه وجاء لقانى جهزت الفطور واكلنا وشربنا الشاى بالبسكويت واتصلنا بناس السودان وعيدنا دا كله وانا ما شاعره باى عيد واخذت اجازه من الشغل واشتريت هدوم جديده ونضفت البيت وبخرته وعلقت صورة ابوى الله يرحمه فى قدامى وبرضضضضو ما حاسه بى عيد اخيرا فتحت النت دا وسمعت اسرار دى وبكييييت وحسى انا كده كويسه لكن برضو ما حاسه بى عيد يا اخوانا دى حاله.... نرجع لمدر ديك ولا شنو
كل سنه والجميع بخير وعيد مبارك عليكم جميعا ويخلى ليكم اهلكم ويصلح بلدكم ويهدى سر النفوس ويغنيكم ويزيل عنكم الكدر والالام قولوا امين
تحياتى حليمة البتحاول تعيد
ملحوظه : من يستطع تنزيل الاغنيه فليفعل واكون شاكره حبى لكم جميعا
|
|
|
|
|
|
|
|
Re: عود لينا يا ليل الفرح_ وكل عام والجميع بخير (Re: Halema2)
|
عيديه خاصه لاخواتى وحبيباتى وladies first
تراجى مصطفى , اشراقه مصطفى , عزاز شامى, امنه مختار, العزيزه دوما, الفنانه سلمى سلامه, رجاء وراويه, منى ومنال خوجلى، الاساذه بيان, عزيزتى مى الاسيد,وبت الاحفاد,ناديه, ايزبيلا ,اميره الشيخ, والعزيزه لنا مهدى,وضاحه,مها ومها , ندى,سميه طلحه,الاستاذه اسيا,غاده عبد العزيز, الاستاذه تماضر,لمياء, رحاب,حواء ومهيره
وكل نساء وطنى الجميلات وكل من تكتب حرف فى هذا الحوش وكل من تقرا تحياتى وربنا يحقق لكن امانيكن جميعا
حبى حبى حبى
حلوم
| |
|
|
|
|
|
|
Re: عود لينا يا ليل الفرح_ وكل عام والجميع بخير (Re: Halema2)
|
ومن هنا احيى واعيد على جميع زميلاتى وزملائى ومن عشتو معهم اجمل ايام حياتى الزملاء بجمعية اصدقاء الاطفال المشردين- أمل
تحايا خاصه لناديه زايد وامينه والهام مالك ونجاة بشرى وحنان بابكر وسلمى مكى وايمان الهدى وبشير وود الديم وفيصل ود.حسن عبد العاطى وعفاف وسهام وفريد ادريس واميره وفاطمه سيد احمد ويحى والليله نسيت حمدى راجل فاطمه وذينب بدر الدين وهاشم زكريا والهام التانيه وناظم ابراهيم وايوب مصطفى وامين زوربا واشراقه مصطفى ونزار مصطفى وود ابو ونجوى وناس الجلديه كلهم ناس السكرتاريه والنقيه ورجاء محمود واحمد جابر وخالد وحسن نقه يا حليلهم وحليل العمل الانسانى الصحى صحى... يا حليل امبده ومركز امبده وسوبا والخرطوم غرب وكوستى
يا سلام عليكم يا جنود يا مجهوليين اعطيتم وقدمتم وما زلتم عيد مبارك عليكم جميعا ولكل سودانى عمل عمل طوعى باخلاص وشرف فى زمن جميل
حبى لكم جميعا ولم ولن انساكم يومايا احباب تحياتى
حليمه بالصباح
| |
|
|
|
|
|
|
|