|
Re: ســــــــامي المغــــــــربي ..!! (Re: humida)
|
تسلم يا محمد
سامي ده عندو قصه مع ناس مانشيستر، شيينه في حقهم، اول و اخر حفله احضرها هناك
كان مفروض يعمل حفله والناس كلها اتلمت في عز الشتاء و شتاء مانشيستر شيييين، وكت الحفله جا و سامي ما جا، الساعه حداشر بالليل جات و هو ما جا، انا جيت مع مجموعه قعدنا اتونسنا و نسينا الحفله، بعد شويه نسمع ليك النقاش احتد بين الناس، ووينو؟ هو اصلو كده؟ ياخ ما ممكن ما جعنا احنا! يعني اصللله ما ممكن، شوف الشفع ديل نامو في الواطه كيفن بدون عشاء (انتو المطلعكم من بيتكم بعد الساعه سبعه شنو ما متعشيين)، والله انا كان عندي مواعيد و لغيتها، ياخ انا ضرسي قايم علي (الخفه و نكش التفه ليكم شنو ما دام ضرسكم واجعكم)، bla bla blaaa
المهم كميه من الكلام ما عاديه، بعد شويه جا زول قال سامي حصل ليهو حادث في طريق لندن مانشيستر بالعربيه، صبت في الناس دي مطره، بغم دي ما سمعتها، انا طبيت شنطتي و ووقفت اصله الدنيا امتحانات كانت، و انا في وقفتي جانا سامي داخل يا حليلو متكل و بي عكاكيزو crutches اظن عشان يوري الناس انه صحي حصل ليهو حادث، وهو داخل اول زول علي يده اليمين كان شايل مايكرفون طواااااااالي مداهو ليهو و قال ليهو اتفضل ادينا فاصل
اها، احنا من اليوم داك بقينا شابكين بعض كان زول طلب من التاني حاجه ما في محلها ولا في وكتها
هاك، ادينا فاصل!
| |
|
|
|
|
|
|
Re: ســــــــامي المغــــــــربي ..!! (Re: humida)
|
اختلف معاك في الحته دي صوت سامي ادفاء واعمق من صوت بكري ونسبة تطريبو عالية خاصة انو السلم البغني بيهو بارد ومريح بالاضافة لاختيارات سامية (الراقية) عكس بكري البيعتمد علي نظرية العداد بغض النظر عن الاغاني البغنيها
| |
|
|
|
|
|
|
Re: ســــــــامي المغــــــــربي ..!! (Re: humida)
|
Quote: المشكله في الاغاني المرفوعه في سيرفر الاون لاين ما بتشتغل الا مع الاكسبلورر !!! مافي زول في زمنا دا بشتغل بالاكسبلورر |
هسي أنا ما سمعتا إلا بتاعت معاوية دي
الباقي كلو مشيت فيهو بي نمرة 5
| |
|
|
|
|
|
|
Re: ســــــــامي المغــــــــربي ..!! (Re: humida)
|
سمسم العسل,
غايتو في عرسي بالغ رسمي ما قصر معاي تب حفله مبالغه كانت حديث فرجينيا و ما جاورها لزمن طويل و لغاية هسع في اي عرس يقولوا والله الحفله حلوه لكن عرس دانيه كان مبالغه و سامي ابدع اكويكم شويه ياالما حضرتوها فاتتكم, سامي بيغني من ثمانيه مساء لغايه ثلاثه صباحا و من ثلاثه لغاية سته و نص تحيه للعروس و ام العروس, الناس مرقت من الصاله سبعه صباحا و انا لغاية هسع رجليني مورمه. بالغ بالغ عديل كده لو بعرف انزل الاغاني كنت نزلها ليكم ممكن زول يوريني عشان احندكم شويه
| |
|
|
|
|
|
|
Re: ســــــــامي المغــــــــربي ..!! (Re: humida)
|
والله بـــــــــــالغته معــــــــــــــاى عديـــــــل كده
يا حميدة انا عندى كمية بتاعت اغانى لسامى مبالغة بس المشكلة انها mp3لوبتقدر تحولها برسله ليك فى اميلك او المسنجر
امــــــــــــــوت انا فى ســـــــــــامى المغربى
| |
|
|
|
|
|
|
Re: ســــــــامي المغــــــــربي ..!! (Re: humida)
|
شكرا ياحميدة يا حبيب.. سامي المغربي لأول مرة استمع اليه كان في عام 2003م عندما أهداني أحد الأخوة شريط كاسيت له.. وكان يحتوى علي حفل له .. به أغاني جميلة من ضمنهااغنية يقول في مطلعها .. أغالب دمعي واتحسر.. وقد استمعت له ولم أصدق أن هناك من يحفظ الزمن الجميل في فنه..خاصة أنه ظهر في فترة الانقاذ حينما توارى الفن خجلا وأسفا من واقع الحال .. الذي جعل الموصلي يهرب بذوقه حتى لا يمسخ .. وجعل الكبار يبتعدون من الانزلاق في الوعر.. مودتي حميدة..
| |
|
|
|
|
|
|
Re: ســــــــامي المغــــــــربي ..!! (Re: humida)
|
تعرف يا رائع ما عارف أحييك بشنو بس بقول ربنا يديك العافيه
لانك جيتنى في جرح...
سامي الرائع..سامى الظريف...
تعرف الزول دا انا من شده ما بعشق غناه امتلك ليه
ما لا يقل عن ال100 شريط ومعظمها طبعا حفلات،
بس شويه الشغل بتاعو نزل من يوم ما فارق صاحب الانامل الذهبيه
محمد بابكر(توأمه) اللى انا ما شفت عازف اورج من الشباب في السودان زيه
واتمني انك تتحفنا بالمزيد منه
مودتي
اليسع
| |
|
|
|
|
|
|
Re: ســــــــامي المغــــــــربي ..!! (Re: najma)
|
بالنسبة لنكات الحفظ .. وبما انه الاغاني كلها مرفوعة علي سيرفر سودانيزاونلاين .. وبكري خاتي ليهو كود عجيب كدا ألا يجي معاوية يشرح ليكم طريقة حفظ الاغاني .. ووممكن تأخدوا الرابط .. بإختيار الاغنية والضغط علي رايت كليك في الميديا بلير وادخل علي خصائص بتلقى اللنك .. بس طريقة الحفظ دايرة شرح ..
| |
|
|
|
|
|
|
Re: ســــــــامي المغــــــــربي ..!! (Re: humida)
|
Quote: شكرا ياحميدة يا حبيب.. سامي المغربي لأول مرة استمع اليه كان في عام 2003م عندما أهداني أحد الأخوة شريط كاسيت له.. وكان يحتوى علي حفل له .. به أغاني جميلة من ضمنهااغنية يقول في مطلعها .. أغالب دمعي واتحسر.. وقد استمعت له ولم أصدق أن هناك من يحفظ الزمن الجميل في فنه..خاصة أنه ظهر في فترة الانقاذ حينما توارى الفن خجلا وأسفا من واقع الحال .. الذي جعل الموصلي يهرب بذوقه حتى لا يمسخ .. وجعل الكبار يبتعدون من الانزلاق في الوعر.. مودتي حميدة.. |
شئ عجيب ّّّ!!!!!
بعيدا عن قدراته الفنيه ( ولنا فيها رأى غير متخصص)
يعتبر هذا الشخص هو من المؤسسين لمدرسة الغناء الهابط فى السودان... ومسؤول بالدرجه الاولى عن انحدار الذوق السودانى فيما يتعلق بالغناء.
وعموما لولا اختلاف الآراء لبارة السلع.
حميده لك المودة......
| |
|
|
|
|
|
|
Re: ســــــــامي المغــــــــربي ..!! (Re: mohamed elshiekh)
|
الكاردينال ود الشيخ .. الهبوط زاتو خشم بيوت .. وبما انه الاغاني السودانية مكررة وما في زول قاعد يجيب جديد .. بقت الناس تنوع في اساليب السمع .. سامي صوته هادئ جدا .. و ممكن يغني ليك اغنية جايطة ( شبابية ذي ما بقولوا ) بكل هدوء .. اضافة الي انه الناس البتشتغل معاهو بتكون فاهمة هي بتعمل في شنو .. وحاليا الفنان الاول في الساحة .. بغض النظر عن مستوى الساحة شنو .. كدي اسمع الاغنية الفي المداخلة دي وبعدين احكم .. Re: ســــــــامي المغــــــــربي ..!!
| |
|
|
|
|
|
|
Re: ســــــــامي المغــــــــربي ..!! (Re: humida)
|
كنت في صيف من ايام الخرطوم الحارة وانا اتهيأ للنوم فاذا به ينساب صوت هادي وجميل وعلي الرغم من ان الاغاني ضعيفة من حيث الكلمات الا ان الفنان قد اوهب صوتا عذباً جعلني اسهر بقية وقت الحفلة وهي للاسف الي الساعةالحادي ...ومنذ ذلك الوقت لم اسمعه لمدة سنتان لاني لم اكن اعرف اسمه ولكن في مرة وجدت بالصدفة صديقي يسمع في شريط وسالته ما اسم هذا الفان ؟فقال لي انه سامي المغربي والان اصبحت من مدمنيه .....رغم اني اتحفظ شويه علي بعض الكلمات المختارة ولكنه فنان يتمتع بقدرة عالية علي التطريب وتهذيب النفس .....من هنا اسجل لك شكري اخي حميدة وشكرا لسامي المغربي ...
| |
|
|
|
|
|
|
Re: ســــــــامي المغــــــــربي ..!! (Re: humida)
|
والله عزبتنا عديل باسامى العسل ده
وانا الان بسمع فى اغنية اليلة اليمون سقايتو على
وعندى اغانى كثيرة لاكن كلها mp3 وانا اسف المشكلة قوانين الموقع
لاكن ممكن ارسله ليك فى اميلك لو رسلتو لى با المسنجر انا متواجد فى الموقع
| |
|
|
|
|
|
|
Re: ســــــــامي المغــــــــربي ..!! (Re: humida)
|
الرابط وحفظ الرابط ..
اولا يمين كليك علي الفيديو او الاغنيه .. وبعدين نختار (الخصائص )
نعمل كوبي للرابط
في صندوق الرد نضغط علي url
ونضع الرابط و ok
بيظهر لينا المربع تاني نكتب الكلام الدايرنو
ودا الرابط للفيديو
| |
|
|
|
|
|
|
Re: ســــــــامي المغــــــــربي ..!! (Re: Maawya Hussein)
|
الشرح الفوق دا بساعد حتي لو صاحب البوست ما وضع الرابط يعني تعمل الحاجات دي براك وزي العاوز ترد وتشيل غنيتك وتزوغ
لو كان خاتي الرابط
حفظ الرابط وتغيير اسم الملف
يمين كليك علي ملف الحفظ..ونختار مكان حفظ الملف
بيظهر لينا الملف بشكل غريب
ود الشكل النهائي
لابد من تغيير اسم الملف لكي يعمل ..فقط ضع نقطه امام(امتداد الملف) avi..mp3..wmv
بكل سهوله غيرنا امتداد الملف
| |
|
|
|
|
|
|
Re: ســــــــامي المغــــــــربي ..!! (Re: Sayed Bekab)
|
شكرا أخي محمد حميدة على إتحافنا بصوت سامي، فقد كانت لنا معه أيام لا تنتسى في الرباط بقيادة المبدع عبدالسلام محمد صالح الحبر والمبدع محجوب البيلي وغيرهما... في الواقع إن سامي وإخوته يتسمون بأصوات مريحة وتتغنى غناء باسما حمولة الشجن والتطريب في أصواتهم لا تؤدي إلى الاكتئاب، كما أنهم يتغنون بطبقة صوتية مريحة ودافئة، ولهم بصمة يضعونها بين طيات الألحان وكأنهم استمدوا جيناتها من عائشة الفلاتية وأحمد المصطفى... وبسبب الروح الفرحة الباسمة التي تخيم على أدائهم ينجحون في تطريب المحتفين في المناسبات المختلفة... التحية لعازف العود في شريط القعدة، وهو ينقرش العود على الطريقة اليمنية.
| |
|
|
|
|
|
|
|