|
Re: نضافة البيوت يوم الوقفة ! (Re: خالد العبيد)
|
فى مظهر احتفالى لا اكثر تقوم بنات وطنى بكنس الشوارع امام البيوت بهجة بالعيد اسعد
وتوقيع ممهور بعرقهن بفشل المجالس والبلديات فى نظافة شوارعنا
التحية لبنات بلدى قاطبة
وكل عام ونحن وهن بخير
شكرا ود العبيد
| |
|
|
|
|
|
|
Re: نضافة البيوت يوم الوقفة ! (Re: عادل عبدالعزيز عبد الرحيم)
|
Quote: حاجة مش كويسة ان تنتظر بيوتنافي السودان ان يحول عليها الحول وتبدأ الاسرة في كنس غبار السنين
|
العزيز ... خالد العبيد ... تسلم أرجو ألا تكون بذلك قد { ظلمت } بنات السودان وهن يقفن على نظافة البيوت وبشكل يومي ... شايلات المقاشيش إرسمن معالم النظافة اليومية في كل الحيشان المتاحة, القدامي والوراني والأجناب ... وبكل الصبر ... وبلا محفظة إجتماعية لهذه العوائد الإنسانية ... مظلومات والله. أما نظافة الحزام الخارجي فغالبا ما يتولاه الأولاد ... لكن بكل كسلهم المعهود وعدم إنتظاميتهم فى أداء هذه المهمة. عموما ... أي بيت سوداني فيهو بنت هو نظيف وعلى نحو راتب. يوم الوقفة هو اليوم الذي { ينبغي } وأن يلتحق فيه التنظاف الداخلي مع الخارجي, لهذا نراها لحظة نادرة وكأننا نتنظف لأول مرة ... أو بعد غيبة طوييلة وده ما صاح طبعا.
فيا أيها{ الأولاد } ... أحملوا مقاشيشكم بشكل منتظم ونضفوا الحيز الجغرافي/إجتماعي الذي يخصكم... أو أنظروا لما تفعله أخواتكن فيما يليهن ... ويوميا ... كان تبغروا ... وتتغيروا.
لي ذكرى شيقة وغريبة فى ذا الموضوع, وكان ربنا مد في أيامنا ... سوف يحكيها لك راوي من أعز أصدقائي, إسمه { عمر الناظر } ... أحفظ الإسم ده ... وبيننا ما تبقى من العمر.
كل سنة وإنت طيب ... مع تحياتي للأسرة الكريمة
| |
|
|
|
|
|
|
Re: نضافة البيوت يوم الوقفة ! (Re: محمد سنى دفع الله)
|
Quote: كلام خيدر صحصح لكنها العادة حتى البلديات تنظق قبل العيد الظاهر العيد بجي مفاجأة خالد عيدك مبارك وكل سنة وانت طيب في اللاد البعيدة للهائلة اجمل التهاني مودتي |
ياخوانا انتو متأكدين ده (السني) ؟!!!!!!
فأنني اشك في ذلك ..
و
اشجب وأدين
وكل عام وانت وافراد الأسرة الكبيرة والصغيرة بخير يــــا (فنان) .. ومتابع (حنينك) ..
مع عميق محبتي ..
| |
|
|
|
|
|
|
Re: نضافة البيوت يوم الوقفة ! (Re: خالد العبيد)
|
يا خالد كل سنه وانت طيب.
الآن وانا جالس علي الكمبيوتر وعلي يساري مباشرة منظر المنشر بتاع الغسيل ومن فوقه احدي الفرشات
وفي الحمام بعض اجزاء الموكيت والماء ينقط وآخر بهدله في منظر البيت .بالرغم من ان ست البيت في
غاية النظافه وعندما تسالهم لماذا والبيت نظيف يقولوا اهي فرصه للتغيير وغسيل الحيط وجديع الحاجات
الما عايزنها ومره واحده نبش الهتش.
هي بتضايق لكن ربنا يديهم العافيه وكل عام وانتم بخير
| |
|
|
|
|
|
|
Re: نضافة البيوت يوم الوقفة ! (Re: خالد العبيد)
|
اضيف يا خالد انا الآن داخل من الشارع لانو علي نظافة السيب ونحن ساكنين في الطابق الارضي يعني
تراب الدنيا والعالمين كابي عندنا قلت ليها السيب نظيف قالت فيهو تراب انا عارف انو فيهو تراب لانو
نحن بابنا مواجه باب العماره والشقه ارضيه لازم يكون في تراب. نحن السودانيين ديل تقول العيد ده
حقنا نحن بس يا بت الحلال عندنا جيران اتنين سعوديين . طبعا مشوا ربعهم اها اتوكلت علي الله وشلت
جركانة المويه والكراره او الشفاطه او ما عارف اسمها شنو .. المهم مسحت السيب ... نعمل شنو اها ان
شاء الله بعد ده كلو يجوك ناس اصلو العيد هنا ممكن ما يجيك ولا زول ..
| |
|
|
|
|
|
|
Re: نضافة البيوت يوم الوقفة ! (Re: طارق ميرغني)
|
Quote: وتبدأ الاسرة في كنس غبار السنين |
ود العبيد ياصاحب
الظاهر عليك شيلوك (الزعافة) .. عافي منك يابت العبيد ..
كل سنة وانتم طيبيين ..
ـــــ على فكرة خروفك ده إلا ( تمشِقو) .. لأنو انا في سيدني ..
| |
|
|
|
|
|
|
Re: نضافة البيوت يوم الوقفة ! (Re: محمد الجزولي)
|
كل سنة وانت وأسرتك بألف خير يا خالد..
نضافة العيد دي عنها احساس براه..يعني القضية مش النضافه بس..لانه الناس البيتها نصيف علي الناس التانيه بينضفوا.. عارف احساس مختلف.. فيه الناس بتعكس فرحتها بالعيد وبتحب تعيش احساس مختلف..احساس جديد ما روتيني..
يعني زمان تلقي تغيير أماكن الأثاث وربما تجديده وكل زول بقدرته..ستاير جديده أو هي ذاتها يغسلوهاوبكوها حتي لو كانت نضيفه.. وبعدين يا خالد ما تنسي الطربيزات فوق البلاط ولا المشمع ولا السراميك أو حتي التراب بس..شكلها وشكل المفارش عليهم مع أطباق الحلاوه والنعناع..
وبعدين الملايات الشكلها مختلف..جديده ولا ما استعملوها كتير ولا حتي استعملوها كتير وغسلوها وكووها.. انت بتكون عارف شكل الاستعادات دي في حد ذاتها مفرح كيف!
عارف انا كنت بغسل الشجر في الشارع قدام البيت..بحب أشوف موية الخرطوش بتغسله استعداد للعيد زي البيت.. والصباح بدري كنت بقوم مع أخواتي افرش السراير..وما أكره في الدنبا دي الا الزول البيقوم من السرير ويسيب الملايه ملخبطه.. انتو ليه الرجال بيلخبطوا الملايات كده؟؟!
شوفت أسه في لندن دي..بنحاول نعمل حركات السودان..صحي ما كلها لكن أكثرها.. بس مشكلتنا حاجه واحده في محاولة الخلق دي.. انه الجزار بيضبح ليناالحروف عنده..وبعدين لما يجبيب الخرفان للزياين بيكون الليل جه.. يعني بكره أول يوم مع ماما جاره ناكل خروفها بالمساء..امكن الصباح ناكل اي حاجه.. وبكره خروف أختي الكبيره ومعاها ماجده ومنال.. وتالت يوم أنا ومحمد أخوي ومعانا آيه.. وكلها دي خرفان مضبوحه من أول يوم وقاعده في التلاجه!
وبرضه بنفرش مفارش وناكل حلاوه وأولادنا بيلبسوا ملابس العيد..بس ما بيرموا ورق حلاوه علي الأرض
عيد سعيد لك ولزوارك.. وما تنسي تنضف أركان الحيطه كويس..وتساعد في عمل الشيه والسلطه..
| |
|
|
|
|
|
|
Re: نضافة البيوت يوم الوقفة ! (Re: خالد العبيد)
|
Quote: وبرضه بنفرش مفارش وناكل حلاوه وأولادنا بيلبسوا ملابس العيد..بس ما بيرموا ورق حلاوه علي الأرض |
ولي يوم الليلة يا منو أنا بلبس في الأعياد هدوم جديدة و بفرح فرحة طفولية كل سنة و أنت و خالد و كل المنبراب بخير لنا
| |
|
|
|
|
|
|
Re: نضافة البيوت يوم الوقفة ! (Re: خالد العبيد)
|
خالد العبيد
سلام كل عام و انت و اسرتك بخير و عافية
كنا اربعة اولاد في البيت بعد ان تزوجت اختنا الكبيرة و امنا عليها رحمة الله كانت امراة عاملة. عبء النظافة و الغسيل و المكوة كان على ظهري، و يوم الوقفة كان يوم خاص جدا. كنت غالبا ما انتهي من النظافة ما بعد منتصف الليل، و انهض باكرا لعمل التشطيبات. تعودت على ذلك حتى بعد ان تزوج اخي الكبير و يوم الوقفة امد يد المساعدة.
المقشاشة كانت تعبانة معاي.
عيد مبارك
| |
|
|
|
|
|
|
|