|
Re: مشدوه يا ابوذر بابكر (المطر)اتكاءه رمضانية مع حبى وتقديرى لك وللجميع (يوجد فيديو) (Re: أبوذر بابكر)
|
Quote: ضياء
عوافى يا زول يا مضوى
أيامك طيبة وعافية وطيب وكل لحظة ويوم وسنة وإنت بخير
هسه أنا بقيت مشدوه بالنغم والدوزنة
بسمع بس غايتو وبتفرج
خلى ناس الموصلى وتمبس وبقية الناس النغم هنا اليتكلمو
تانى بجيكم |
ابوذر المطر صاحب الكلام كله ومُحَرك الاحساس سلام وعوافى يا رائع الحمد لله انها نالت الرضاء والقبول مشتاقين كتير ومعاك منتظرين ناس المزك والذويقة ورايهم ساجد طريقة لتسجيل العمل لانه حسب كثير التسجيل الحى غير واضح ضياء
| |
|
|
|
|
|
|
Re: مشدوه يا ابوذر بابكر (المطر)اتكاءه رمضانية مع حبى وتقديرى لك وللجميع (يوجد فيديو) (Re: أبوذر بابكر)
|
سمعتها برضو يا ضياء من الرابط التانى
فعلا أوضح وأجمل كتير
ربما بس لأنه تقنية الصوت أو تسجيل الصوت أثناء العمل ما كانت كويسه
عشان كده صوت الإيقاع طغى على بقية الأصوات
لكن المهم العمل نفسه واللحن الحلو مع الأداء الأحلى
وتانى شكرا ليك يا ضوء يا منغم اذن ها انت يا عزيزى تنضم الى الاصوات المنادة بإعادة تسجيلها مرة أخى وهذا غير وعدى ارسالها لك فى ملف صوتى . تعرف الجديد فى هذه القصيدة اننى لحنتها لاول مرة على الكمان وكانت اول مرة الحن على اله غير العود دمت عزيزى المطر ضياء
| |
|
|
|
|
|
|
Re: مشدوه يا ابوذر بابكر (المطر)اتكاءه رمضانية مع حبى وتقديرى لك وللجميع (يوجد فيديو) (Re: دينا خالد)
|
Quote: ياااااا ضيــــــــــــاء
ما سامعين ولا اااا اى حاجة ؟؟؟
محجوب مننا اليوتيوب ما عندكم لينا دبارة تانى؟؟؟ ...
بالعدم كدا اكتبوا لينا كلمات ابو ذر دى نشوفها ! |
عزيزتى دينا خالد لك الشوق الناس كلهم بقولوا التسجيل ما واضح الا انت ما سامعة كلو كلو (وش مبتسم) وع ذلك ساكتب ليك كلام الغنية مشـــــــــــــدوه مشدوه على درب الغيوم مستنى مرسال البروق كايس بشارات النجوم تعلن صباحك والشروق مرسومة ريدتك فى غناى متوهطة الالحان منى ولحظة اجيك بجيك معاى الباقى من فرح العمر حزنى وأســـاى تبقى الحروف زفة سنا اعياد عصافير وإندهاش تهدى الحدايق سوسنة ويبقى الكلام فرحة أرض بلل رموش شوقها الدعاش واجيك انا مصلوب على صدر الهموم متوسد الهم القديم لا ضلك الراقد وقف لا حلمك السهران مسَهد جاهو نوم مستنى طيف لقياك عشم يخشاك يوم
تنسى الاسف زمن التباريح النزف وحرقة الوعد الالم ابوذر المطر ضياء ميرغنى
| |
|
|
|
|
|
|
Re: مشدوه يا ابوذر بابكر (المطر)اتكاءه رمضانية مع حبى وتقديرى لك وللجميع (يوجد فيديو) (Re: إحسان عبدالمتعال أحمد)
|
Quote: فناننا الجميل ضياء ميرغني
هي بلا شك اتكاءة فنيه راقية تقاسمتم فيها الجمال كلمة تحمل توقيع صاحب الكلمة المرهفة و الندية وقدسافرت بنا زخات المطر الي عوالم ساحرة بالجمال اما اللحن فهو سيمفونيه بديعة تنساب الي الدواخل كما الضياء ضياء ميرغني تناديه القصائد ليلحنها ويكملها بحسه المبدع سعيدة لنجاحاتك العديده وما زلنا ننتظر الجديد |
ذات الألق والحضور الآسر استاذة إحسان عبد المتعال اشكر لك الثناء على اللحن والشعر واتمنى دائما ان نكون عند حسن الظن تحياتى لك ولزوجك العزيز وقد اخبرنى اخى حمزة بزيارته لكم فى منزلكم العمر فى زيارته الاخيرة لامريكا ولكم منه التحايا ومن منال ايضا ضياء
| |
|
|
|
|
|
|
|