|
ما هريتونا وكدا
|
شنو يا شباب لا اول لا آخر موقع يتهكر الجوطة و الكواريك و الحركات دي في شنو عشرمية بوست يسال بكري وينك بكري ما ترد بكري شفقتنا بكري شالوه بكري ختوه وياناس امريكا اضربوا افقدوه و جغلمية بوست تحليل الهكر فلان لا علان لا بكون هناي داك لا الهكر شهادة عربية لا شهادة لندن و بحوث و تحقيقات و تتبع لسيرته و الفمية رابط لمواقع مخترقة و حكاية طويلة عريضة دا كلو كوم و قصة المحاورة كوم تاني بالله البورد كلو عامل فيها قُلة* في المحاورة خرطمية دعوة لمحاورة الهكر و اهدافو و دعوات نقاش و بطيخ ما انزل الله به من سلطان و عاملين ليه راس و قعر من مافي و كمية من التذاكي و المقايسة غير عادية قائمة الحضور الآن دي كان بتنضم كان قالت واي عديل كدة من النسخ الإتنسختو و اللصيق الإتلصقتو وكل زول عامل ليك فيها ماسك قسم مكافحة الحاجات دي في الإف بي آي و هاك يا تنظير و الذ حاجة حموودي امبارح حسو انقرش بالحوامة في البوستات و الكواريك فلان اصلي فلان مهكور خشو دا و ما تخشو دا و الرابط لا و بالجمبة لا و المسلمي يا عمك شابكنا خلوه و اقفلوه و بيعوه و اجدعوه البحر و اشرف من شدة ما الله اداه لمن عمل مسابقة جمال للهكر غايتو يا جوكر ولا آس اسود انتا لو داير تعمل معروف - بعد ما تقطع وشك طبعا - قبل ما تمشي وقف لي الثلاثي دا عليك الله صدعوا بينا و رجع المكتبة باللاي يا كمان شيل مكتبات الناس دي كلها بلا ياخدك و ياخد وارغو معاك
* قٌلة دا يا تتي - ما اظنك حضرتو - احرف جناح لفت مر على المريخ يحاورك في كباية
|
|
|
|
|
|
|
|
Re: ما هريتونا وكدا (Re: Rawia)
|
Quote: وياناس امريكا اضربوا افقدوه |
اها دي بالتحديد انا.. مس عيب نقعد في ملك الزول ومانسأل منه والمصايب نازله عليه وعلينا؟؟ ومنها مصيبة مكتبتك البتسأل منها؟؟
يارب تكون انت كويس بس..
| |
|
|
|
|
|
|
Re: ما هريتونا وكدا (Re: Muna Khugali)
|
أبو حتحوت كيفك وكل سنة و إنت وجميع الحتاحيت بخير إنت عارف ليه كل ده لأنو المنبر بكل بساطة تحت سيطرة الهكرز وأنا من الناس القلقانين من موضوع عدم ظهور بكري حتى الآن أنت رأيك شنو?
| |
|
|
|
|
|
|
Re: ما هريتونا وكدا (Re: محمد البشرى الخضر)
|
والله علمت مداخلة بي كوتيشنها
وهسى جيت اشوف رديت على ولا ولا واشوف البوست ماشي كيف
القى ليك مداخلتي مافي (اقسم بالله العظيم )
اللييييييييلة
داذاتو ما ابو حتوت - اتخارجوا
| |
|
|
|
|
|
|
Re: ما هريتونا وكدا (Re: محمد البشرى الخضر)
|
اكان انت ابو حتوت رد علي دي
Quote: و رجع المكتبة باللاي يا كمان شيل مكتبات الناس دي كلها |
المكتبة الكلها كااااااااااااااااااااااااااكـ وابوي انا.....؟
من ردك بنعرفك ياعمكــ
| |
|
|
|
|
|
|
Re: ما هريتونا وكدا (Re: محمد البشرى الخضر)
|
Quote: ياخ عندي كلام محرقني و مستخسر فيه بوست كامل و بتاع فقلت اكبو هنا وكدا لكن المزاج عكران و البت دي تبكي حامياني القعدة كان الله هون بجي بعدين ارد و اكمل |
الليلة وووووووووووووووووووووب ابو حتحوت اتهكر يارجالة..البت منو ياعمك اخدوا حذركم ...
| |
|
|
|
|
|
|
Re: ما هريتونا وكدا (Re: محمد البشرى الخضر)
|
طبعا المسنجر ما شغال وكدا - وحتى كان شغال ب شيل حالو دا اخير نختاه باللاي اي زول جاهو مني ايميل اليومين الفاتو يرد لي و مافي داعي لحركات رفع القزاز
فاهمني يا انت
| |
|
|
|
|
|
|
Re: ما هريتونا وكدا (Re: محمد البشرى الخضر)
|
الحركة القرعة بتاعة يارا ولا جن احمر دي عبارة عن ثغرة في سيستم البورد نبه ليها خالد الطيب زمان هنا الكود دا
بعمل ريدايركت للعنوان المذكور اتوماتيكلي عندك 3 حلول لو عايز تتجنب القصة دي استخدم اوبرا للتصفح او اقرا البوست بشكل متسلسل و تجنب مداخلة هناية دي او امشي نوم اخير ليك
و يا بكري باللاي لما تستلم الريموت تاني ان شاء الله ما تحذف من طرف كل البوستات شوف مداخلات العرب ديل وين و احذفها براها
| |
|
|
|
|
|
|
|