خبر عاجل: أوباما يختار (تراجي مصطفى) وزيرة للخارجية الأمريكة..

خبر عاجل: أوباما يختار (تراجي مصطفى) وزيرة للخارجية الأمريكة..
هات أجمل تعليق ـــــــــــــ * تراجي عليكي الله ما تبوظي البوست ده وخلينا حبايب ـــــــــــــ

11-13-2008, 08:24 PM

ناهد بشير الطيب

ناهد بشير الطيب
تاريخ التسجيل: 02-08-2008
مجموع المشاركات: 4180

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: خبر عاجل: أوباما يختار (تراجي مصطفى) وزيرة للخارجية الأمريكة.. (Re: وجدي الكردي)
ازيك يااستاذ وجدى ....اخبارك ..... __________________ تراجى اليومين ديل مزاجها راااااااااايق زى العسل مدورين معاها بى غادى مع فساتين ميشيل .....

11-13-2008, 08:37 PM

yasir Abdelgadir

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: خبر عاجل: أوباما يختار (تراجي مصطفى) وزيرة للخارجية الأمريكة.. (Re: ناهد بشير الطيب)
يعني كوندي أحسن من تراجي في شنو..... (عدل بواسطة yasir Abdelgadir on 11-13-2008, 08:41 PM)

11-14-2008, 00:00 AM

Tragie Mustafa

Tragie Mustafa
تاريخ التسجيل: 03-29-2005
مجموع المشاركات: 49964

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: خبر عاجل: أوباما يختار (تراجي مصطفى) وزيرة للخارجية الأمريكة.. (Re: yasir Abdelgadir)
وجدي الكردي وناس( حكايات) والاعتذار الوعدت بيه شوقي بدري وغطست!!كل صاره لك وليه يوم. نجيء لاوباما ووزارة امريكا اولا يا اخوي اذا كان سارة بالين ما عارفه افريقيا قارة ولا قطر ومترشحة بعين قويه نائبة رئيس,ورئيس كمان عيان يعني ممكن تبقى رئيس لو مكين انقرض . على كده اوباما بقلب قوي يفرح بخبراتي على الاقل ما بلخبط له زي ما عمل مكين وما فارز حسن نصر الله من احمد نجادي! وشيعة لبنان من سنة العراق لك على في خطتي الوزاريه ان اعرف اوباما بكل الاقليات ولا بخلي الشيعه السمر في جنوب البصرة ولا بخلي الرزادتش في مناطق الاكراد ولا دروز الاردن ولا ناس الاغوار السمر بين الاردن وفلسطين وناس المنطقه الشرقيه بالسعوديه(الشيعه) و السنه في ايران برضهم مهمشين و البهائين ولا بخلي اهل موجابي جلابة زيمبابوي بقول له ديل مفرجين خلق الله على مهمشين زيمبابوي الباقين ,واسوقه لك للناطقين بالانجليزيه في الكاميرون اقول له ديل مهمشين وبعدها على عبيد مورتانيا الادعو تحريرهم وهم مسحوقين فرجعوا للعبوديه الاختياريه. واجيبه لك لقضايا (العبيد سابقا) بالشماليه(السودان) واقول له ديل يقال حرورهم من سنة اسكت واراضي تمليك ما عندهم لليوم. شغالين صناعة خمور وصناعة مراكب وعمالة غير ماهرة وعمال بحق البطن بس في الاراضي الزراعيه ديل لازم يتملكوا اراضي في الشماليه التي لا يعرفون بلاد لهم غيرها,بلا فلسلفة بتاعت عبد الرحيم محمد حسين العايز يوطن المصريين وناسي انه يوجد سودانين بتلك البقاع لا يملكون شبر ارض لليوم!! ونجي لتاميل سري لانكا ومنهم نمشي لمسيحين تشاد و السود في كوبا وما تسمع يجينا حسه زكريا جوزيف يعمل فيها عايز يدافع عنهم ويقول لك كاستروا ما ظلمهم صحيح ما ظلمهم لكنه لم يعرف يصلح اوضاعهم ولا يزيل العنصريه ضدهم . وحقا لليوم هم... مهمشين وزيتهم طالع,ونمشي لاهلنا البني عامر والحباب في شرق السودان وفي ارتريا واقول له اسياس افورقي مطلع زيتهم وبطاردهم للحدود السودانيه . والارومو في اثيوبيا ملس زيناوي مطلع زيتهم و العفر ونمشي للصومالين اقول له المحاكم ديل بس اديني لهم الاقاموا حد الزنا في امراة لانها غلبانه لك علي اعمل لهم انزال جوي اخلي ريحتهم طير..طير.ونعلم نساء الصومال السلاح ونقول لهم امسكوا البلد دي رجالكم افشل رجال. وامشي لك للفاتيكان اشوف الرجال المفتسحين في الصبيه ديل اغتصابات قصتهم شنو؟؟؟ وبعرج طبعا على مدينة قم المقدسة اشوف لك باق يالصقور اللابلدين هناك اخلي ريحهم طير ..طير. واجي معرجه على خلاوي السودان واطلع المستخبي كله واشوف المداحين وحقوقهم وقاعدين ملطشة كدي ليه لشيوخهم. واعرج لك للصغار وكيف مسكننهم مع الاكبر منهم وخالينهم ضحايا للجهل ومبدأ القوي ياكل الضعيف !! بتاع الكنغو داك بعمل ليه انزال جوي سريع النشوف باقي التفلتات دي آخر شنوها. جيش الرب اليوغندي بخليهم يآمنوا الله واحد و الراجل ثاني يجند له طفل ولا يفتك ببنت صغيره. المصرين بدي لك حسني مبارك هرشه واقول له حتقعد متفرج لمتين و النوبه مهمشين؟؟!!! وبجرة قلم 20 مذيعات ومذيعين تلفزيونات نوبه و10 وزراة للنوبة و10 محافظين ييعينوا من النوبه وبعدها ادي لك بتوع البحرين وقطر هرشة في احوال الشيعه ببلادهمو الكويتين ايضا و الامارتين كمان. ناس مناطق الاتحاد السوفيت سابقا وامريكا اللاتينيه بجيك راجعه لهم. درافور بخليها لجو بايدن عنده لها خطة جيدة. واوعك تقول لي فلسطين,لو ما بطلت تسال عنها انا ما برد حلوها. لانه انتو ما عندكم شغلة غير فلسطين لما كرهتوا الناس فيها. العالم ملان مظالم بس عايزه اليصحصح ليها. اها لقيتي كيف؟؟؟ آخير من ساره بالين وله لا؟؟؟ يازول انا آخير من مصطفى اسماعيلكم ده ذاته الغير جامعة الدول العربيه ما بعرف حاجه. (عدل بواسطة Tragie Mustafa on 11-14-2008, 00:45 AM)

11-14-2008, 00:10 AM

وجدي الكردي

تاريخ التسجيل: 07-28-2005
مجموع المشاركات: 581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: خبر عاجل: أوباما يختار (تراجي مصطفى) وزيرة للخارجية الأمريكة.. (Re: Tragie Mustafa)
والله عفيت منك يا تراجي.. معقولة تكوني مذاكرة قدر ده؟! شكلك طابخة الشغلانة مع أوباما..! غايتو..كان طلعتي لي منك بي لوتري يبقى ما بطال.. بعدين ما بلقى عندكم وزير دولة؟! أنشاءالله وزير دولة لي شؤون وزراء الدولة الآخرين..! ــــــــــــــــ * برجع ليكي بي رواقة كده، بعدين عليكي الله خلينا أصحاب، سيبك من الماضي وآلمو، على الأقل بي بركة أوباما ووشك الحلو عليهو، الظروف ما معروفة يا أختي إتفقنا؟! ــــــــــــــــ

11-14-2008, 01:52 AM

Tragie Mustafa

Tragie Mustafa
تاريخ التسجيل: 03-29-2005
مجموع المشاركات: 49964

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: خبر عاجل: أوباما يختار (تراجي مصطفى) وزيرة للخارجية الأمريكة.. (Re: وجدي الكردي)

وجدي الكردي
تحياتي

Quote: والله عفيت منك يا تراجي..
معقولة تكوني مذاكرة قدر ده؟!

يا اخوي الناس دي فاكرنا اتعلمنا السياسه في المنابر قول ماشاء الله بس.

Quote: شكلك طابخة الشغلانة مع أوباما..!

اوباما لو سعيد في عمره ده يلم فيني فعلا
عشان اوقع له الشغلانات كلها.

Quote: غايتو..كان طلعتي لي منك بي لوتري يبقى ما بطال..

كان سمعته كلامي بلادنا الوى بيك واياك تصدق انه نحن في الجنه
ولا اوبا ما ذاته في الجنه,صحيح رعايه طبيه افضل وصحة افضل
لكن راحة بال بتعريفه مافي هنا.

Quote: بعدين ما بلقى عندكم وزير دولة؟!

مش لما القى انا الاول ان اء الله مشاطه لبنات اوباما

انت اول شوف لي فكي بتاع البشير داك يدخلني مشاطه في البلاط الابيض اقصد
البيت الابيض وبعدها انا بلقى لك غايتو اللوتري الا وزارة لا تحلم خلينا متواضعين احسن.

Quote: أنشاءالله وزير دولة لي شؤون وزراء الدولة الآخرين..!

نوع الكلام ده
حد العالم الثالث ما الاول.

Quote: * برجع ليكي بي رواقة كده، بعدين عليكي الله خلينا أصحاب،
سيبك من الماضي وآلمو، على الأقل بي بركة أوباما ووشك الحلو عليهو،
الظروف ما معروفة يا أختي إتفقنا؟!

اها خلاص اكلت براسي حلاوة
عشان كلامك السمح ده صافيه لبن.

الظروف فعلا ما معروفه وقالوا بقى لا مستحيل تحت الشمس.

11-14-2008, 11:51 AM

عزيز

عزيز
تاريخ التسجيل: 04-12-2002
مجموع المشاركات: 3290

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: خبر عاجل: أوباما يختار (تراجي مصطفى) وزيرة للخارجية الأمريكة.. (Re: Tragie Mustafa)
عدل لعدم الإستجابه الفورية (عدل بواسطة عزيز on 11-14-2008, 09:15 PM)

11-15-2008, 05:30 AM

Tragie Mustafa

Tragie Mustafa
تاريخ التسجيل: 03-29-2005
مجموع المشاركات: 49964

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: خبر عاجل: أوباما يختار (تراجي مصطفى) وزيرة للخارجية الأمريكة.. (Re: عزيز)
منتظرنك يا عزيز.

11-15-2008, 05:58 AM

abuguta

abuguta
تاريخ التسجيل: 04-20-2003
مجموع المشاركات: 8276

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: خبر عاجل: أوباما يختار (تراجي مصطفى) وزيرة للخارجية الأمريكة.. (Re: Tragie Mustafa)
قلتى لى يا تراجى اوباما دا اطول منك ولا اكبر منك ولا شنو كدا ما عارف ههههههها ههههههها ههههها والله عجبانى انتعاشتك دى,,,لكن لو ما هبش الانقاذ بعد سنة من دخول للبيت الابيض شلكك بتبقى مع ناس مكين,,,, ربنا يولى من يصلك.. حيلك معانا يوم الاتين عندنا دفن,,, وانقاذ لمال البلد من رئيس فريق اول بقروشو مشروع الجزيرة

11-15-2008, 11:53 AM

خالد العطا

خالد العطا
تاريخ التسجيل: 12-12-2005
مجموع المشاركات: 2293

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: خبر عاجل: أوباما يختار (تراجي مصطفى) وزيرة للخارجية الأمريكة.. (Re: وجدي الكردي)
العزيزة تراجي اوفيتي وما قصرتي بس نسيتي حاجة المناصير ديل ما عندهم قضية ولاشنووووووو بالله ما تنسيها تاني تحياتي

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]