الواحد فيهم يا تلقاهو راجل شدييد ..يا كمان راجل شديييييييييييييييييد.. علاقة حميمة وسريعة تنشأ بين الطباخ النسوان امات شلوخ .. وناسيييييييييييييييين من تصبح وهو بقرقر في المحشي لحدي ما تمسي وهو بيرص في المخلل وهو في حالة نضمي.. الغريبة في اختلاف في الشكل والمضمون بين طباخين المطاعم وطباخين الاعراس.. الرجل السوداني بطبيعة الحال طباخ من الدرجة الاولى اما بسبب العزوبية الجبرية او بسبب عشق المزة وجلساء الليل وما ادراك ما كرستال البلح وحلة السكارى .. مع ظهور صالات الافراح اختفى الطباخ .. ومع ظهور الخدمات الراقية من النسوان الاستايل الساكنات الشقق وما ادراك ما الاحياء الراقية ويقمن بتوفير وجبات العشاء اختفى الطباخ .. ولّى زمن العشا البيكون محجوز بي ترابيز جمعية الحلّة عينك لي حلل البيض وصواني الباسطة وما تقدر تمد ايييدك .. انتهى زمن مد الصواني للسمحات عشان تعشي صاحباتا مقابل ابتسامة واحتمال ونسة بعد الحفلة قد تمتد لي مواعدة وعلاقة تستمر شهرين لي قدام .. فات زمن الزحمة والشكلة في مكان العشا وطلعوا عشا الفنانين وعشا اهل العريس .. انتهى زمن اختلاف الصحانة جارك تجيهو وركة وانت تجيك باسطة واخر ما تجيهو عيشة ... ويااااااااا حليل الشكلة في مكان العشا وهو مضاء اضاءة باهتة تجدها في كلللللللل بيوت الافراح وكانه متفق عليها ان تكون بهذه الدرجة من الاضاءة .. ويا حليل لمن تصحى الصباح وتكتشف انو في زول كان داسي ليهو صينية كاااملة بتاعت باسطة ونساها .. ويا حليل زمن كان اهم زول الزول العندو مفتاح البيبسي المجدع في البراميل..
قال ليهو يا محمد ياخ العرس قرب وما عارف العشا حا يكلفني كم واجيب كم خروف وكم عجل و و .. قال ليهو انت من زمن العشا يعملوهو نسوان الحلة وجيب لي حلل علوية وصاج زهرا وكانو النعمة ؟؟ ارح اوديك لي طباخ مباااالغة بيسلمك صحن الكوكتيل ده من إلى ولا زحمة ولا وسخ ولا لملم ولا جيب ولا ودي .. وقد كان ومشو لي الطباخ صاحبنا العريس سال عمو الطباخ وقال ليهو : بتعمل العشا بي كم يا عمو ؟ طباخنا قال ليهو هاك الكتلوج ده يا ولدي وشوف عايز ياتو نوع وكم صحن منو؟ عريسنا فتح الصفحة الاولى ولقا ليك الصحن فيهو دجاجة مشوية ولحمة باسطرمة مع قطعة سمك الصحن بي خمسين الف ..شبك ليك الطباخ يا عمو ده غاااااااالي وليي انت عشاك غالي كده و و و .. فتح الصفحة التانية لقا ليك صدور دجاج مع سلطة المايونيز مع سمك فرايت الصحن بي اربعين الف شبك ليك الطباخ يا عممو لكن بتبااالغ غاااالي شديييد اكلك ده والله ... عمنا الطباخ قال ليهو يا ولدي ممكن اسألك سؤال؟ إنت من وين ؟؟؟؟؟ عريسنا قال ليهو انا من جبرة .. طباخنا مسك جلابيتو في نص صفحتو وصفق بي اليمين وساعدا بي انفزارا كده وقال ليهو : هييييييييييييييييييييييييييي يا ولدي افتح صفحة 48 ... مخللة ..بطاطساية ..بيضة ..سلطة اسود ..
12-14-2008, 12:58 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: ولّى زمن العشا البيكون محجوز بي ترابيز جمعية الحلّة عينك لي حلل البيض وصواني الباسطة وما تقدر تمد ايييدك .. انتهى زمن مد الصواني للسمحات عشان تعشي صاحباتا مقابل ابتسامة واحتمال ونسة بعد الحفلة قد تمتد لي مواعدة وعلاقة تستمر شهرين لي قدام .. فات زمن الزحمة والشكلة في مكان العشا وطلعوا عشا الفنانين وعشا اهل العريس .. انتهى زمن اختلاف الصحانة جارك تجيهو وركة وانت تجيك باسطة واخر ما تجيهو عيشة ... ويااااااااا حليل الشكلة في مكان العشا وهو مضاء اضاءة باهتة تجدها في كلللللللل بيوت الافراح وكانه متفق عليها ان تكون بهذه الدرجة من الاضاءة .. ويا حليل لمن تصحى الصباح وتكتشف انو في زول كان داسي ليهو صينية كاااملة بتاعت باسطة ونساها .. ويا حليل زمن كان اهم زول الزول العندو مفتاح البيبسي المجدع في البراميل..
غايتو يا عمر الفاروق لقيتك مبالغة
عارف الحاجات الفوق دي برغم عشوائيتها وعدم الترتيب الفيها
بس برضو لذيذة وكانت بتدي المناسبات دي طعم مختلف عن هسه
هسه تحس بالحاجات كلها معلبة والناس مصطنعة أي شئ
يديك العافية وكل سنة وانت طيب ومبروك المولود
12-14-2008, 01:26 PM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
عمر الفاروغ .... حمد لله على السلامة ... ومبروووك الوليد ويتربى في عزك وعقبال ما يبقوا ( 4 ) أربعة بلنتيات هيي قصدي أربعة أولاد .... ياخي ليك وحشة ده ما كان غلب ده ... ياخي ماشايف ود الصائم وود البشرى مقطعنها في حشاهم وحايمين بي جااااي أها يا أخوي قطعها في حشاااك ساااااكت وتعال مارق تب ...
ود البشرى هسع في داعي للسؤال ده :
Quote: قلت لي البلنتيات مالها
الراجل يادوبك بحاول يتناسى وليس ينسى لانها ما بتتنسي مالك عليهو !! عالم جنها أذية بس ...
ســــــــــــــــــــــــلام .
12-14-2008, 01:38 PM
عبد الدائم سيد أحمد
عبد الدائم سيد أحمد
تاريخ التسجيل: 10-28-2006
مجموع المشاركات: 4220
وللتباخين (التباخين يعني) جاذبية ما ، واصحاب مزاج عالي حيث انهم اول ما يجوا داخلين بيت المناسبة هاكـ ياجدعة يد : اسمعن يانسوان انا ماعايز لى اى مرة هنا خدارنا بنضفوا برانا(شعار لازم من رفعه) حيث ان نضافة الخدار فرمالة النسوان مع التباخين ، وان مالوا للعنصر النسائي تجدهم يحبذون التاشرات وبالكتير بداية العشرينات،،اكتر من كدا لا
نجدهم عادة مبالغين فى النظافة والتمير والترفع من الارض وعادة مايرتدون تلكـ الجلاليب (الرجالة ملحوقة)
ماتنسي قعدة القهوة بعد مايرفعوا الحلل فى النار وتسبق قعدة القهوة دش كارب وعطر مبالغ فيه وحبة بخور كدا للمزاج وتعاليق ولسان طويل فى المعازيم وحساسية شديدة مع النسوان
التباخين عالم جميل
احتمال ارجع
12-14-2008, 01:53 PM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
تصدق ما انحرفت عن موضوع البوست يا ود البشرى!!1 اصلو بعيد عنك يوم البلنتيات داك في حارس كده طلع طباخ خااااالص خااالص .. طباخ من النوع الراجل شدييييييد يعني من طباخين الاعراس ما من طباخين المطاعم .. واخد بااالك يا حج ابراهيم ؟
12-14-2008, 01:56 PM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
السني يا ود دفع الله : ياخ والله ضعفتك دي فيها حلاة طباخة ..مالك ياخ .. والساااااعة التقوم تقول ليها النبي فوقك كان ما ناولتيني المفراكة ديك النلايق ليهم ملاح الكسرة ده ياخ ليك وحشة طن يا سني يا ود دفع الله
12-14-2008, 02:12 PM
Tabaldina
Tabaldina
تاريخ التسجيل: 02-12-2002
مجموع المشاركات: 11844
Quote: ويا حليل لمن تصحى الصباح وتكتشف انو في زول كان داسي ليهو صينية كاااملة بتاعت باسطة ونساها .. ويا حليل زمن كان اهم زول الزول العندو مفتاح البيبسي المجدع في البراميل..
والله فات يا زمن ..
طبعاً فى سؤال عن الطباخين يدور بالاذهان ولكن .. !! خليها على الله
________________
مبروكـ العيد والبنية تتربي فى عزك
12-14-2008, 02:53 PM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
Quote: هسه تحس بالحاجات كلها معلبة والناس مصطنعة أي شئ
ياخ البيبسي زااااتو بقا معلب زمان الواحد مننا ما كان بيدخل خيمة العرس من الباب الرئيسي كنا بنخش بي تحت الخيمة البتكون ورا الجكس والسبب الرئيسي باقي لي ما كان المشالغة بقدر ما كان سرقة قزازة البيبسي والله اسة مع التعليب ده احسن لينا نخش بي باب العرس توووووشك .. عليك الله يا انعام كم مرة خطفتي ليك كم صحن كده والراجل شايل الصينية يوديها جهة الرجال وانتي شايلة هم صاحبتك ام لسان طويل الجات عرس اخوك ؟؟؟ وكم مرة انفعلتي ليك في ود حلة مسكين ما عندو ايييييي ذنب قال يجي يساعدكم وشبكتيهو ختتتتتتت الصينية دي مكانا الصينية دي حقتي انا .. وكم مرة جدعتي العيشة عشان اتجلبطت ليك بي سلطة الاسود ؟ انتي مسعولة من الخير يا انعام الجكس ما بياكل البيض في الاعراس ليي؟
12-14-2008, 02:58 PM
خالد عبد الله محمود
خالد عبد الله محمود
تاريخ التسجيل: 11-28-2004
مجموع المشاركات: 5393
يا وغد حمد الله على السلامة و يعلم الله مشتاااقين و مبروك المولود و يتربي في عزكـ إنشاء الله ..
ياخ الطباخين ديل أظرف ناس في مناسبة العرس طبعاً نحن طلعنا زمن الطباخين لسه موجودين و من الزمن داك ما حضرت لي عرس في السودان لكن بتخيل إن حيكون مسيخ بدونهم ..
قالو لي بعد الحكاية بقت منظمة الطباخين كلهم بقو حراس مرمي ..
12-14-2008, 03:52 PM
ياسر عبدالكريم محمد
ياسر عبدالكريم محمد
تاريخ التسجيل: 10-26-2008
مجموع المشاركات: 566
ود الصايم : ولدي ينوم كيف وهو راجي الكيس الأحمر لليوم الأبيض ياخ حنكك ده طلع ضارب كيف !!السعودية كلها طلعت بتجيب كيس احمر جواهو جلاكسي وجواهر اسة اخوك مفكر جاااااادي ابقا وكيل الماكنتوش في السودان .. للضمان كده ولدي عايز ليهو نوامات والنوامات دي اخت الضحاكات وكددددددددددددده..واقع لينا الزرقاء عبد العزيز وكده
12-14-2008, 03:53 PM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
Quote: ومبروووك الوليد ويتربى في عزك وعقبال ما يبقوا ( 4 ) أربعة
قالوا واحد كان ساكي الولادة ما خلا ليهو دكتور لي مرتو اها واحد من الدكاترة ادا المرا علاج حبوب لي مدة اسبوعين كل يوم تبلع حبة ..المرا شفقانة توووشك بلعت ال14 حبة في يوم واحد ..بعد 9 شهور ودوها الدايات وجع الولادة وكده قامت جابتهم ليك 14 شاااافع .. راجلا قاعد ممحن برة العنبر والضيوف قاعدين يباركو ليهو فجأة كده قال ليهم يا جماعة عن إذنكم نازل تحت وجاي .. قالوا ليهو ماشي ويييين ؟؟؟ قال ليهم لالالالا بس اجيب لي هايس واجي عشان المدام دي حاتطلع اسة
قال اربعة قال .. تحياتي
12-14-2008, 04:05 PM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
شمايل النور: سيبي الهجمي لا اشتقتي لي ولا يحزنون الناس البتشتاق دي كلللللها بتجي تبكك اين الرائع عمر واين الوريف الفاروق وافتقدنا قلمك يا ابو عمير وابحث عن الفاروق عمر الجميل .. يطرشني ويعمي جيراني كان عملتي واحد من ديل..
Quote: ماتنسي قعدة القهوة بعد مايرفعوا الحلل فى النار وتسبق قعدة القهوة دش كارب وعطر مبالغ فيه وحبة بخور كدا للمزاج وتعاليق ولسان طويل فى المعازيم وحساسية شديدة مع النسوان
في بكا جدنا والناس ملمومة عصرية كده بعد التالتة فجأة يا الطباخ شيل ليك جردل بلاستيك والدق دق دق دق والرسول فوقكم النقدة وفجأة ي يقوم يخت ليك كوع يدو اليمين في راحة يدو الشمال واصبعينو الابهام والسبابة في حنكو ويقول : الليلة ووووووووووب علي سجمي هو ده ما بكا ...
تخريمة : اها بعد تبريكات الناس ديل ان شاء الله تكوني اقتنعتي اني متزوج والشافع ده ما قطعتو في كرتلة
12-14-2008, 08:47 PM
Yassir Tayfour
Yassir Tayfour
تاريخ التسجيل: 08-18-2005
مجموع المشاركات: 10899
___ مرة حضرت لي عرس ياعمر، التباخين أولاد شفوت، وأخلاقهم دلاقين، التقول تعلمجيّة، تسمع كلامهم تقول في المنطقة الصناعية، لكن أكيد ماعندهم رخصة، ياخ ديل كان مفروض يكونوا رباطّة، لكن حمكة ربك، جضموا العضّة وجيّهوها..
12-14-2008, 04:03 PM
Maawya Hussein
Maawya Hussein
تاريخ التسجيل: 12-27-2007
مجموع المشاركات: 10136
في عرس ودجيرانا (التباخ) كان في بيتنا اول ماجاء التباخ قريب المغرب كدا اها انا والشباب قلنا نعمل الخيمة للطباخ بعد ان دقينا الخيمة جاء التباخ هو رجل فوق الخمسين يرتدي جلابية نظيييييييييييييييفة وطاقية بيضااااااااااء وحالق الدقن والشنب وجسمه يلمع اكتر من العروس ومن خلفه مساعديه من الشباب بنفس الشاكلة يحملون (عدة الشغل) اها انا طوالي خشيت فيهو شمال قلت ليهو ياحاج الخيمة دي كيف تمام معاكم؟ عمنا فجاءة انكسر لي وبصوت مااااايع قال لي : ياولدي بتشيلنا اسي لكن الكلام الرصً......
12-14-2008, 05:15 PM
Elsamani A.Malik
Elsamani A.Malik
تاريخ التسجيل: 05-11-2005
مجموع المشاركات: 342
ولم تمر دقائق وتدخل علي حوش التباخين امرأة في العقد الخامس وتدخل في حاج (.......) بالأحضان وهاك ياسلام وسؤال وعمنا لمن دموعو رقرقوا : هيييييييي يافلانة والله زمن ياحاااحليلك لي!!! وسأل من حوالي عشرين واحدة وصاح لأحد معاونيه بنفس الصوت المكسور : ياولد طلع عدة الجبنة وولع البخور والله جبنة فلانة دي لي منها سنين... صاحبتنا التفتت حيث أقف وقالت لي : والله نحن حاج فلان دا زمان مناسباتنا كلها بنجيبو هو ونسوان العائلة كللللللهن بعرفن كدي اناديهم ليهو وأجي........
12-14-2008, 05:28 PM
طارق جبريل
طارق جبريل
تاريخ التسجيل: 10-11-2005
مجموع المشاركات: 22556
ولما تجى ست البيت للتفاهم معاهم يهرشوها اسمعى شرطنا الوحيد مافى مرة تدخل يدها ولاتحشر نخرتها فى شغلناده بالله.. وعندنا الهنود هنا بيقولوا برضو لست البيت لمايكون عايز يشتغل براه مايجيبوا معاه خبير تانى
(نفرات شيف زيادة....... بعدين لحم يجي خراب)
_____________________
بوست دمه خفيف ...شكرا عمر ...
12-14-2008, 07:36 PM
دينا خالد
دينا خالد
تاريخ التسجيل: 06-26-2006
مجموع المشاركات: 8736
عمر الفاروق كل سنة وإنت طيب ، وين مختفي ياراجل؟ من يوم مانزلت صورتك في المدرسة وعليكم أطنان من التراب والغباشة تاني ماشفناكم
بعدين فعلاً التباخين حقين الأعراس ديل ظاهرة غريبة زيهم وزي مصممي الازياء في أوربا وأمريكا وكمان مصففي شعر النساء في تلك الدول ؟ ليه كلهمأو غالبيتهم المادة (148) أو صفحة 48 زي ماقلت ؟
12-14-2008, 08:34 PM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
تبلدينا البنية دي مني يا اخوي ؟ والله عايز لي تباخ يجي يقول ليك هيييييييييي يا ولدي عمر جابو ليهو ولد ..اجي عاد يا اخواني تبلدينا شربوتكم ما كان شربوت نصاح غايتو
12-14-2008, 08:51 PM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
Quote: ياخ الطباخين ديل أظرف ناس في مناسبة العرس طبعاً نحن طلعنا زمن الطباخين لسه موجودين و من الزمن داك ما حضرت لي عرس في السودان لكن بتخيل إن حيكون مسيخ بدونهم ..
محمد سليمان في برنامجو المسيخ داك بدون عنوان سال سؤال عن اغنية من زمن الحقيبة اتكتبت سنة 1937 قال عايز يعرف شاعرا منو اها الناس كلهم ما عرفوهو منو في النهاية في عمك كبير كده من القاعدين ورا رفع يدو يجاوب محمد سليمان قال ليهو تعال تعال والله انا خايف تكون كتبتها انت زاااااتك اها دحين يا اخوي محمد سليمان ده كان لما فيك يقوم يقول ليك والله انا خايفك انت زاااتك تكون كنت تباخ ياخ والله يا ابو الخلد شوق الشوق ..
12-14-2008, 08:52 PM
Muna Khugali
Muna Khugali
تاريخ التسجيل: 11-27-2004
مجموع المشاركات: 22503
سلامات يا عمر الفاروق كل عام وانت والجميع بخير يا حبيب .. بصراحة قريت موضوع البوست دا مرة ومرتين وما قدرت أصل لما يستفاد منه إلا بعد ردك دا :
Quote: يوم البلنتيات داك في حارس كده طلع طباخ خااااالص خااالص .. طباخ من النوع الراجل شدييييييد يعني من طباخين الاعراس ما من طباخين المطاعم .. واخد بااالك يا حج ابراهيم ؟
طيب ياخ لافي اللفة دي كلها وطباخ ومحشي وام رقيقة وهب نار لشنو ..؟ ما كان من الأول تقول قاصد القلتو فوق دا .. عموماحارس مرمي المريخ أكرم الهادي سليم وباعتباره احد الحارسين أبطال يوم البلنتيات قرأ الموضوع واتصل علي وقال ليك لو قاصدني أنا بكلامك دا فشكرا علي الثقة العريضة والدعاية الكبيرة لطبخنا المميز ولو عايز قول عوك بنجيء نطبخ ليك طبخ خاص جدا..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة