|
|
 السلطات السودانية تفتح 954 بلاغا ضد مستثمرين «متعثرين» في سداد ديونهم للبنوك
|
السلطات السودانية تفتح 954 بلاغا ضد مستثمرين «متعثرين» في سداد ديونهم للبنوك
اتحاد أصحاب العمل يتدخل باقتراح لتسوية القضية.. مقابل وقف إجراءات كشف الأسماء
كشفت السلطات السودانية انها فتحت 954 بلاغا ضد المستثمرين المتأثرين في سداد ما عليهم من ديون لدى البنوك السودانية، فيما قالت مصادر مطلعة لبعض الصحفيين ان هناك أجتماع بين أبناء شندي ومؤسسة الرئاسسة سوف يعقد خلال ساعات لان المديونية التي عليهم تمثل 30% من أجمالي أموال البنوك , ان اتحاد العمل السوداني بدأ تحركات مع المسؤولين في الحكومة لإيجاد تسوية «معقولة» مع المتعثرين حتى لا تتأثر سمعتهم في الاسواق المحلية والخارجية.
وقالت المصادر المنسوبة لاتحاد اصحاب العمل، ان اتحاد أصحاب العمل طرح مقترحا للمسؤولين في بنك السودان (البنك المركزي) بان يمنحه كشفا باسماء كل المتعثرين لتدارس حالاتهم والتوصل الى جدولة لتسوية الديون، يتعهد بها الاتحاد، مقابل ان تتريث الحكومة في الاجراءات القانونية التي بداتها مع المتعثرين. وتوقعت المصادر ان تتواصل الاجتماعات بين البنك المركزي الاتحادي الى ان يتم التوصل الى اتفاق نهائي ينهي الازمة بسلام، على حد تعبيرها. وقال عز الدين فضل الله علي وكيل اول نيابة مخالفات الجهاز المصرفي ان النيابة فتحت 954 بلاغاً من البنوك المختلفة ضد المتعثرين «الجوكية»، في الفترة من يوليو (تموز) حتى نهاية سبتمبر (أيلول) الماضي. وكشف انه جرى تحويل 93 بلاغاً الى المحكمة وشطب 253 بلاغاً للسداد وحفظ 98 بلاغاً استجابة لطلب الشاكي وهو البنك. وقال ان بقية البلاغات قيد التحري.
وكشف عن ان جملة المبالغ المستردة بلغت 2.4 مليار جنيه ما يعادل مليار دولار خلال الفترة من يوليو وحتى نهاية سبتمبر الماضي، وان جملة قيمة البلاغات المحولة للمحكمة بلغت اكثر من 337 مليون جنيه. ونوه الى ان اغلب البلاغات المحفوظة بطلب من البنك بعد التسوية مع العميل الذي اشار الى انه في الغالب يدفع 50% من المبلغ. وقال «اذا تعثر العميل مرة أخرى في سداد التسوية يقوم البنك بتحريك البلاغ مرة أخرى».
في غضون ذلك، قال المدير العام لسوق الأوراق المالية في الخرطوم الدكتور عصام الزين ان السوق تأثر بشكل محدود بالازمة المالية في الاسواق الاسيوية الناتجة عن الانهيارات التي حدثت في سوق المال في الولايات المتحدة، غير انه قال ان السودان لم يتأثر بالازمة العالمية. ودون ان يقدم تفاصيل قال: ان السوق السوداني مرتبط باتفاقيات عالمية مع سوق الاوراق المالية، خاصة بورصة دبي والبحرين، ونوه بان السوق السوداني ناشئ محلي الطابع بشكل كبير.
وكذلك تم تسريب قائمة الجوكية للصحافة ولكن أغلب الصحف رفضت نشرها خوفا من الامن الاقتصادي والمقاضاة أمام المحاكملكن هناك أسماء يعرف المواطنيين ومجتمع السوق في الخرطوم وأغلب هؤلاء في اسجن كوبر الان ولقد قدم وسيط محايد طرح وهو تسديد 30% من أجمالي المديونيات والباقي يتم جدولتهولكن مصدرنا أن الموضوع الوحيد الذي تم البت فيه موضوع المرحوم صلاح قاضي ورفض المصدر بل قال الموضوع مع أكبر راس في البلد
|
|
 
|
|
|
|
|
|
|
 Re: السلطات السودانية تفتح 954 بلاغا ضد مستثمرين «متعثرين» في سداد ديونهم للبنوك (Re: زهير عثمان حمد)
|
تزرع عيش في جهات الدالي والمزموم. تتعب تعب الجن لمن قال ليهم سيدنا سليمان أمشو أزرعو. ومعاها شوية ملاريات ويمكن كمان لدغة ثعبان. تحمل المحصول قاصد السوق في جهات البندر. عشرات محطات القبانة تدفع تدفع تدفع. المحطات مزودة بعربات للمطاردة ووحدات شرطة ومرات جيش. والله قال بقولك لو ما دفعت. الحكومة تجمع الجبايات من هؤلاء التعساء (والذين يؤدون عملا مجيدا بكل المقاييس) وتقوم تديها صرة في خيط لأولاد العز في شكل سلفيات (إسمع الدلع تسهيلات). وتقوم الفيللات شبه موناكو في أنحاء المنشية والرياض. والرحلات المكوكية لدبي لندن باريس موناكو.
ومرة مرة بتجي الحكومة شوية رجالة كدا وتحمر عينا لأولاد العز هؤلاء. بعد شوية تضحك "ياخ أنا كنت بهظر معاك... إنت صدقت"
الراكب حصان أسمه الحكومة ما بتعسر، لكن بتعثر الحصان.
| |
|
|
|
|
|
|
|
|
|
Re: السلطات السودانية تفتح 954 بلاغا ضد مستثمرين «متعثرين» في سداد ديونهم للبنوك (Re: Nasr)
|
جايين يا دوب يفتحوا بلاغات!!
وين صقر قريش!!
دا أصبح صقر السودان!!
وين ناس جمعة الجمعة؟؟
وين اللي اختلسوا المليارات من أموال الدولة،
خليك هسع من الشعب،
وين؟؟
رغم أنف المراجع العام
قاعدين يتنططوا وسط الناس!!
هل تصدق واحدمختلس قالوا إنو "معسر"
بيستلم شهرياً "إعانة" من ديوان الزكاة،
دا غير السكران الصايع
اللي قبل استلم ، وهو سكران،
5مليون من ديوان الزكاة
بدل ال50 مليون الموصين ليهو بيها،
وليهو أكتر من سنتين بيساسق
بيساسق عشان الخمسة وأربعين مليون الباقية
وفي كل مرة يدوهوا خمسة، عشرة ،إتناشر
لانعدام السيولة!!
ويقبل بيها ويرجع تاني يوم!!
بالمناسبة قبل يومين شايف الجماعة
في البورد قالواأخونا، أقصد أخوكم،
الوصى لي صاحبكم بالخمسين مليون
عشان الخدمات اللي قدمها للشريعة
قالوا اتلحس!!
تحياتي
| |
|
|
|
|
|
|
|
|
|
Re: السلطات السودانية تفتح 954 بلاغا ضد مستثمرين «متعثرين» في سداد ديونهم للبنوك (Re: Nasr)
|
جايين يا دوب يفتحوا بلاغات!!
وين صقر قريش!!
دا أصبح صقر السودان!!
وين ناس جمعة الجمعة؟؟
وين اللي اختلسوا المليارات من أموال الدولة،
خليك هسع من الشعب،
وين؟؟
رغم أنف المراجع العام
قاعدين يتنططوا وسط الناس!!
هل تصدق واحدمختلس قالوا إنو "معسر"
بيستلم شهرياً "إعانة" من ديوان الزكاة،
دا غير السكران الصايع
اللي قبل استلم ، وهو سكران،
5مليون من ديوان الزكاة
بدل ال50 مليون الموصين ليهو بيها،
وليهو أكتر من سنتين بيساسق
بيساسق عشان الخمسة وأربعين مليون الباقية
وفي كل مرة يدوهوا خمسة، عشرة ،إتناشر
لانعدام السيولة!!
ويقبل بيها ويرجع تاني يوم!!
بالمناسبة قبل يومين شايف الجماعة
في البورد قالواأخونا، أقصد أخوكم،
الوصى لي صاحبكم بالخمسين مليون
عشان الخدمات اللي قدمها للشريعة
قالوا اتلحس!!
تحياتي
| |
|
|
|
|
|
|
| |
زهير عثمان حمد
Nasr
فيس بوك
تويتر
انستقرام
يوتيوب
بنتيريست