|
|
|
 Re: اليوم أنعي لكم عقد الجلاد ... تغمدها الله بواسع رحمته (Re: جمال السنوسي)
|
ما عارف ليه يا جمال ,,
عقد الجلاد ما زالت بخير .. هي فريق موسيقي عملاق له بصمات واضحة في مسيرة الفن الغنائي السوداني المعاصر .. ورغم فقدهم لبعض المؤسسين ومنهم الموسيقار عثمان النو إلا أن الفرقة مازالت بخير ولا أدري لماذا الهجوم عليها وأنها ماتت ألخ .. إن الفن لا ينقد هكذا وبمثل تلك السطحية .. عليك بتقديم الأعمال ثم الإشارة إلى سلبيات هذه الأعمال وحتى لو وجد عمل ليس جيدآ فهذا لا يعني الحكم بموت المغني ونعيه بمثل ما فعلت .. وتقبل إحترامي وتقديري.
| |
 
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: طارق جبريل)
|
Quote: يا عادل كيفنك
ود النو كان ساكن في بيت قريب منكم في الفسحة الجنب الجمعية
وهناك طلع العبقرية دي كلها
كنت شاهدا على ذلك
رمضان كريم يا حبيب |
ود جبرين ..
كيفنكم ورمضانكم أكرم ..
بالحيل الأصدقاء عثمان النو وزوجته الأستاذة نجوى عموري .. كيف أنساهم ياخ
حقيقة سمعت بهذا الخلاف وأسفت له .. عثمان النو هو مؤسس الفرقة وعقلها ومفكرها منذ ( يا شبيه البدر حسنآ و ضياء) أولى أعمال الفرقة آنذاك .. ولم يكن الخلاف يتعلق بالفن بالطبع ولكن في رأيي بأن الفرقة بالرغم من الخروج الكبير لبعض أعضائها مازالت بخير .. تحياتي لك وللأسرة الكريمة.
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: جمال السنوسي)
|
Quote: عادل نجيلة
ليتك شاهدت سهرة النيل الازرق اليوم لتشهد دفن العقد
لم تعد عقد الجلاد تختلف عن البقية
الموت هنا للابداع
انا انعي الابداع متمثلا في فرقة كان لها بصمة
وضاعت البصمة |
الزميل الفاضل جمال ..
لا أدري بالضبط إي عمل يخلو من الإبداع ..! أما إذا كنت تطلق هذه الصفة بصورة عامة على أداء الفرقة وأعمالها تكون ظلمتهم والله .. لقد شاهدت لهم عرضآ في المسرج القومي بأمدرمان قبل أشهر قليلة و أستمتعت به جدآ .. عقد الجلاد مازالت من أحسن المجموعات الموسيقية على مستوى السودان ولا أبالغ إن قلت المنطقة . التحية لهذه الفرقة المتقدمة دومآ .. تحياتي ورمضان كريم
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: waleed dawash)
|
عقد الجلاد مشروع فنى كبير نجح
زحافظ على النجاخ لسنوات (.........)يلة
تماسكت الفرقة بالرغم من التغيرات
وتينع كل يوم ازاهير جديدة فى روضتها الغناء
فى حلقة الامس قدموا اغنيات لوردى وزيدان وعثمان حسين
الاغنيات المختارة تؤدى بشكل فردى
كانت المجموعة تغنى باداء يشبه الفردى لذلك لم نتبين طابع الاداء المتنوع الذى تميزت به عقد الجلاد
ظهر الاداء المتفرد والممسز للفرقة
عند اداء اعنية يابابا لمحجوب شريف
تخريمة
اثناء اداء الاغنية
ظهر الشريط
من كلمات محمود شريف
بعد فترة تم التصحيح
شعر محجوب شريف
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: جمال السنوسي)
|
ياجمال لماذا هذا الحكم القاسي وبدون حيثيات
انا من المتابعين منذ ميلاد الفرقة وحتى اليوم حيث اشتعل الرأس مني شيبا
لم ترتبط عقد الجلاد يوما بفرد وكسرت قاعدة الزعيم التاريخي ان صح التعبير!
أمس حضرت جزء كبير من السهرة وهي مخصصة لأغاني لم نسمعها منهم من قبل ويمكن تمت بروفاتها على عجل
ولكن استمتعت برائعة زيدان بنادي عليك!
نعم هؤلاء الشباب أوجه جديدة علينا للعقد(أغلبهم) ولكنهم في طريق التطوير والتحديث سائرون حسب اعتقادي الفني البسيط
Quote: عقد الجلاد مشروع فنى كبير نجح
زحافظ على النجاخ لسنوات (.........)يلة
تماسكت الفرقة بالرغم من التغيرات
وتينع كل يوم ازاهير جديدة فى روضتها الغناء
فى حلقة الامس قدموا اغنيات لوردى وزيدان وعثمان حسين
الاغنيات المختارة تؤدى بشكل فردى
كانت المجموعة تغنى باداء يشبه الفردى لذلك لم نتبين طابع الاداء المتنوع الذى تميزت به عقد الجلاد
ظهر الاداء المتفرد والممسز للفرقة
عند اداء اعنية يابابا لمحجوب شريف |
كلام زي السكر
تحياتي للجميع ولعقد الجلاد التي جعلتني أطرب لأدائها لمدة ربع قرن متواصل without fail
ود الشيخ
عازف دلوكة سابق
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: طارق ميرغني)
|
محمد الشيخ
طارق ميرغني
رمضان كريم عليكم احبائي
انا اتفق معكم لانكم تتكلمون عن تاريخ عقد الجلاد
ولكني اكتب عن مستقبل عقد الجلاد كقراءة مما وصل اليه الحال
فرق كبير في اداء الفرقة لاغنيتين والمقارنة بينهما
المصير التي غنوها زمان
وبنادي عليك التي غنيت بالامس
فرق السما للواطة
غاب الابداع وغابت شمس الجلاد
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: جمال السنوسي)
|
العزيز جمال
رمضان كريم
عقد الجلاد مدرسة للغناء الجماعى تخرج منها الكثير ومازالت
ومنذ تاسست هذه الفرقة الى يومنا هذا مرت بكثير من الازمات مثلها مثل غيرها من الفرق
ولكنها تجاوزت تلك الازمات والصعاب
منذ البداية وخروج د منال والجميع توقع موت الصوت النسايئ فى العقد
فاتت لنا بالمبدعة نهلة عبد المنعم
وخروج الاستاذ عوض الله رغم الخسارة الكبيرة بل مازالت فى العطاء
وبعد ذلك الاستاذ حمزة سليمان وعمر بنقا
والخير يعتبر من الحديثين فى العقد
وبمثل مااتت به وبغيره
قادرة على الابداع بكل جديد
والفرق بين الجلاد وماذكرت من المبدعين الذين رحلو عنا ومازال فنهم بيننا ورحلت الاجساد
ولكن الجلاد مستمرة بالجديد من المبدعين على خشبة المسارح الى مالا نهاية
ولك التقدير
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: Yasier Elsayed)
|
Quote: عقد الجلاد مدرسة للغناء الجماعى تخرج منها الكثير ومازالت
ومنذ تاسست هذه الفرقة الى يومنا هذا مرت بكثير من الازمات مثلها مثل غيرها من الفرق
ولكنها تجاوزت تلك الازمات والصعاب
منذ البداية وخروج د منال والجميع توقع موت الصوت النسايئ فى العقد
فاتت لنا بالمبدعة نهلة عبد المنعم
وخروج الاستاذ عوض الله رغم الخسارة الكبيرة بل مازالت فى العطاء
وبعد ذلك الاستاذ حمزة سليمان وعمر بنقا
والخير يعتبر من الحديثين فى العقد
وبمثل مااتت به وبغيره
قادرة على الابداع بكل جديد
والفرق بين الجلاد وماذكرت من المبدعين الذين رحلو عنا ومازال فنهم بيننا ورحلت الاجساد
ولكن الجلاد مستمرة بالجديد من المبدعين على خشبة المسارح الى مالا نهاية
ولك التقدير |
ياسر ...
مشتاقين والله .. تحياتي لك و للأسرة الكريمة ,, و رمضانكم كريم
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: عبدالله الشقليني)
|
Quote:
عبد الله الشلقيني :
هذه فرقة جاكسون 5 ، ومن ضمنها مايكل جاكسون
راقب الأصوات المتنوعة لأعضاء الفرقة ....
هذا أول السبعينات
والغناء بجميع الأصوات بتنوعها ، غايب تماماً لدينا ...!!!!
|
عبد الله
في اول لقاء تعريفي للفرقة عند تاسيسها في التلفزيون القومي
قال مؤسسها عثمان النو
انهم اتخذو طريقة الاداء الجماعي من طريقة المديح في السودان
كل صوت بيمثل آلة موسيقة
لم تكن هناك موسيقى في اغاني عقد الجلاد
بل كوردات وريزم وباص
وكان كل المولودي في الاصوات
ضاعت الابداع
وضاعت الاصوات
وتدخل الكيبورد ليتم الناقصة
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: Yasier Elsayed)
|
Quote: ياسر السيد :
العزيز جمال
رمضان كريم
عقد الجلاد مدرسة للغناء الجماعى تخرج منها الكثير ومازالت
ومنذ تاسست هذه الفرقة الى يومنا هذا مرت بكثير من الازمات مثلها مثل غيرها من الفرق
ولكنها تجاوزت تلك الازمات والصعاب
منذ البداية وخروج د منال والجميع توقع موت الصوت النسايئ فى العقد
فاتت لنا بالمبدعة نهلة عبد المنعم
وخروج الاستاذ عوض الله رغم الخسارة الكبيرة بل مازالت فى العطاء
وبعد ذلك الاستاذ حمزة سليمان وعمر بنقا
والخير يعتبر من الحديثين فى العقد
وبمثل مااتت به وبغيره
قادرة على الابداع بكل جديد
والفرق بين الجلاد وماذكرت من المبدعين الذين رحلو عنا ومازال فنهم بيننا ورحلت الاجساد
ولكن الجلاد مستمرة بالجديد من المبدعين على خشبة المسارح الى مالا نهاية
ولك التقدير |
عزيزي ياسر
نعم مرت الفرقة بأزمات ولكن لم تصل لأزمة في الأبداع
الإبداع مات فصارت كغيرها من جوغات المشروع الحضاري
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: MOHAMMED ELSHEIKH)
|
Quote: محمد الشيخ
لماذا هذا الحكم القاسي وبدون حيثيات
أمس حضرت جزء كبير من السهرة وهي مخصصة لأغاني لم نسمعها منهم من قبل ويمكن تمت بروفاتها على عجل
هؤلاء الشباب أوجه جديدة علينا للعقد(أغلبهم) ولكنهم في طريق التطوير والتحديث سائرون حسب اعتقادي الفني البسيط |
محمد الشيخ
ان تضيف وجها
يعني ان تستمر للاحسن
ولكن ان تضيف تراجعا
يعني نهايتك
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: جمال السنوسي)
|
يا أخوانا هسع الاداري الاول في عقد الجلاد
هو
عوض الله
كدي قولو بسم الله
الحلقه أنا ماشاهدتها
ولكن مادام هم تغنوا فيها بخصوصية
للمتوفين من فنانين فهذا قطعا لن يكون اسلوب عقد الجلاد
عقد الجلاد بخير
وراي عثمان النو بخير
دعوا الف زهرة تتفتح
ولا تتأثروا ببعض كبوات الأحصنة
فهي ستقوم وستركض بعنفوان
ورمضان كريم يا صديقي جمال
| |
|
|
|
|
|
|
|
|
 Re: اليوم أنعي لكم عقد الجلاد ... تغمدها الله بواسع رحمته (Re: Elmosley)
|
Quote: الحلقه أنا ماشاهدتها
ولكن مادام هم تغنوا فيها بخصوصية
للمتوفين من فنانين فهذا قطعا لن يكون اسلوب عقد الجلاد |
سلامات يا استاذ يوسف ..
سبق لعقد الجلاد ان تغنت لعدة فنانين .. وعدة اعمال من ضمنها المصير للراحل ابراهيم عوض .. وكانت اجمل ما يكون
ما فعلته عقد الجلاد بالامس يعتبر خصما من مسيرتها الفنية التي صاحبتها لسنوات عديدة ..
وبكل صراحة ليس على عقد الجلاد المجازفة حال انها ليست بجاهزية تامة لمقابلة الجمهور او ليست بقابلية تامة لأداء ما يصعب عليها ..
لا اعتقد ان عقد الجلاد كانت في حاجة لأن تظهر بهذا المستوى الهزيل جدا .. جدا
اصوات بعدت عن الهارموني المعروفة به عقد الجلاد ..
اغاني زيدان لا تقدم بهذه الطريقة الجنايزية ..
واغاني وردي سمفونيات قديمة جدا يمكن ان يتغنى بها اي كائن حي بصورة افضل مما قدمت به بالامس
اتفق واختلف .. في تاثر المجموعة بغياب بعض الاصوات ..
لكن
حضرت اعمال كثيرة لعقد الجلاد بعد كبوتها الأخيرة .. قطع شك ما كانت بنفس الشكل الباهت الذي ظهرت به حتى من ناحية الاوكسترا ..
من كان يتحسر على ذهاب الخير فهناك اصوات جديدة اجمل بكثير على سبيل المثال ( هاني ) .. البشوف حالة الخير وما قدمه في النيل الازرق قبل ايام .. يتسال ماذا استفاد هذا الشاب من تجربته مع عقد الجلاد .. هل هي وقفته الغريبة جدا في المسرح بشكل قوس وانحناء عجيب ام صراخه الغريب الاطوار .. في اماكن لا تستحق الصراخ ، ام تبحلقه في الجمهور؟
يا شباب عقد الجلاد .. لا للمجازفه .. لا للمجازفة..
تحياتي يا جمال ..
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: tmbis)
|
طارق جويلي في رمضان الفات ولا القبليهو ما عارف
في حلقة مع هيثم كابو قال حرفيا:
اذا جاء عثمان النو راجع للفرقة انا حا اكون ضد ان يدير الفرقة
حفاظا على تاريخ عثمان النو
الكلام دة في طياته في الكثير الكثير
اما «حفاظا دي» زي الزول العايز يقول ليك حا اعمل ليك خشاف من التركين
عشان الناس ديل يرجعوا زي ما كانوا
قعدوا طارق جويلي دة في الواطة
تليشة:
عرض الله لو رجع للفرقة دي بتكون بداية قوية لي عودة الفرقة
وبداية ممكنة لي عودة عثمان النو
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: tmbis)
|
| Quote: من كان يتحسر على ذهاب الخير فهناك اصوات جديدة اجمل بكثير على سبيل المثال ( هاني ) .. البشوف حالة الخير وما قدمه في النيل الازرق قبل ايام .. يتسال ماذا استفاد هذا الشاب من تجربته مع عقد الجلاد .. هل هي وقفته الغريبة جدا في المسرح بشكل قوس وانحناء عجيب ام صراخه الغريب الاطوار .. في اماكن لا تستحق الصراخ ، ام تبحلقه في الجمهور؟ |
ماقال الا الحق
تحياتى للجميع
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: tmbis)
|
Quote: سبق لعقد الجلاد ان تغنت لعدة فنانين .. وعدة اعمال من ضمنها المصير للراحل ابراهيم عوض .. وكانت اجمل ما يكون
ما فعلته عقد الجلاد بالامس يعتبر خصما من مسيرتها الفنية التي صاحبتها لسنوات عديدة ..
وبكل صراحة ليس على عقد الجلاد المجازفة حال انها ليست بجاهزية تامة لمقابلة الجمهور او ليست بقابلية تامة لأداء ما يصعب عليها |
هلا العزيز تمبس
اثق في رأيك الفني جدا
كل الود
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: جمال السنوسي)
|
في رأيي البسيط والمتواضع إنو ما حصل في السهرة اللي إتغنوا فيها عقد الجلاد بي أغاني الغير هي دليل إبداع وتجويد وتفرد لهذه الفرقة لأنو وبي بساااطة شديييييدة ده بيأكد إنو الفرقة فرقة اساسها رووحا واعمالا وليس اعمال الغير..ياخ فيكم زول سمع كابلي لمن تغنى للراحل وردي في ليلة تكريمه ووردي كان حضولا؟؟؟ شوفتو كابلي ده عولق اغنية وردي بتاعت 19 سنة دي كيف؟؟؟ تفتكروا كابلي صوتو ما سمح ولا ما بيعرف يأدي؟؟؟ بكل بساطة كابلي ما بيكون فكر انو يوم يغني لي وردي وإن كان معجب ومستمع ممتاز وصديق لي وردي..
لو في عيب يؤخذ على الفرقة هو عدم التجهيز والإعداد مع إنو تم الإعلان للحلقة دي منننن أول يوم في رمضان وقالوا يا جماعة عقد الجلاد يوم كده ح تقدم اغني للراحلين ..وعليه مفروض يكونوا قرروا يغنوا شنو وكيف..
عقد الجلاد برضو فووتت فرصة ذهبية تأكد بيها للجمهور السوداني إنو هي عندها الطاقة والقدرة للتغني بي اغاني عامة عاطفية كانت ام موضوعية زيهم زي اي فنان منفرد ويأكدو إنهم فقط إختارو هذه اللونية من الغناء فقط لحبهم للعمل الجماعي لا لتغطية الصوات ..
انا لو كنت مدير لي فرقة عقد الجلاد في الحلقة الفاتت دي كنت ح أعمل حاجة ذكية جدددا جدددا ..أنقروا شنو ؟؟؟
أتغنى بي أغاني للمراحيم ديل غير مسموعة وغير متداولة !!! وبي كده عقد الجلاد كانت ح تضرب مليووون عصفور بي حجر واحد..
تمييز ..تفرد..إتقان ...إحياء..وتمجيد..وفعععلا تأبين وتخليد..
لكن للأسف وقعوا في خطأ وتغنوا بي المسموع فسهلت المقارنة وبقا اي زول من السهل جدا يحكم على الفرقة بي الفشل..
لأنو مثلا مهما تغنى زول لي وردي بي نور العين فما ح يغنيها احسن من ود اللمين ..ومهما تغنى زول بي أخونك لي زيدان فما ح يغنيها احسن من الراحل نادر خضر..وهكذا..
عقد الجلاد ابدا ما عقرت بعد النو ولا عقرت بعد انور مع إنو انا بالجد بعتبر الفقد الأكببببر في عقد الجلاد هو عمر بانقا ومن ثم عوض الله أنور ومن ثم الخير فشبكة ..(ملاسي ما تجي تحذف شبكة سمح؟ :)
عقد الجلاد كان فيها صاحب الصوت والإمكانات الصوتية الضعيفة حمزة سليمان وصاحب الصوت الأضعف مجاهد ومع إنهم ممكن يكونوا ملحنين ممتازين لكن اصواتهم لا ترقى للمستوى بتاع الباقين ..
عقد الجلاد شاخ فيها صوت أنور وبقا عاااادي بيجليها وصوتو يروووح ويتحشرج ..
عشان كده قصة إنو عقد الجلاد تهرم دي ما واردة عندي..
الدقسة الوحيييدة الفي عقد الجلاد إنهم بعد نهلة عبد المنعم لحددددي أسة ما قدرو يجيبو ليهم صوت نسائي مبدع وقوي ومميز ..ودي همسة لي الفرقة ..تيييك كييير للعنصر النسائي وقصة انو خريجات معهد موسيقى دي براها مااا كافية ...ارجعوا جيبو بت صوتا مميز وسيبو المجاملات ..
بالمناسبة لو الفرقة فقدت إبداعها بعد رحيل عثمان النو فالمعادلة وبكل بساطة مفروض تكون إنو الفرقة الإستلمها عثمان النو هي المفروض تسييطر على الساحة مش؟؟؟ لكن أييين عثمان النو اليوم ؟؟؟؟؟ تراهو حايم من قناة ساهور لي قانة كافور ..وبالعودة ..
تخريمة :
لقيتوني كيف وانا بقول ليكم رايي البسييط المتواضع ده ؟؟ :) :)
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: عمر الفاروق)
|
تحياتى يا استاذ
نجيلة
والله مشتاقين وينك
وهنا يظل السوال قائما ؟
عقد الجلاد فقدت الكثير من اعضاءها
عوض الله
حمزه سليمان
عمر بانقا
عثمان النو
مجاهد عمر
الخير
منال بدر الدين
نهلة عبد المنعم
وغيرهم الذى لم بستمر كثيرا
ولازالت الفرقة تعطى وتعطى من ابداع الى ابداع
اين هولاء الاعضاء الذين تركو الفرقة من خارطة الغناء السودانى
واين موقعهم الان بين الفنانيين
والاستاذ عمر الفاروق اتاكم بالمفيد
تحياتى
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: Yasier Elsayed)
|
والله يا ياسر لو عفيتني من أستاذ دي تكون ما قصرت ..انا زول بعااام ساي :) :) ..
بالمناسبة انا ما لصيق بي الفرقة وما متابع لي دهاليزها لكن عندي إحساس غريييب إنو الزول الإسمو عركي بتاع افيقاع ده هو خلف معظم كفاوي الفرقة لييي ما عارف :) :) :)..
الزول ده مكنكش في الرفقة دي بي صورة غرييييبة ..كل العازفين في الفرقة بيحصل ليهم إحلال وإبدال إلا الزول ده قااااعد وصااااني .. ووشو ابدددا ما مريييح :)..
هوووي ده مجرررد إحساس بتاع زول فاكيها في روحو ويدددعي إنو بيملك الحاسة السابعة ..
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: عادل نجيلة)
|
Quote: الزميل جمال السنوسي ..
أسمح لي بأن أنقل هذا اللنك لصفحة الفرقة على الفيسبوك لأنني أعتقد بأنه وردت بعض الآراء حول أداء الفرقة الأخير تستحق أن تصل إليها مباشرة وهذا النقل في محل إستزاده وليس إنتقاصآ من رصيد الفرقة. |
الزميل الجميل عادل نجيلة
مسموح لك وبنفس القدر مطلوب منك
نقل الردود التي في الفيس بوك عن هذا البوست من صفحة الفيس بوك الخاصة بالفرقة
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: Elmosley)
|
سلام للجميع
واخص الأستاذ الموصلي بتحية خاصة .. واقول ليك والله قمة الخذلان انك تكود كلام عمر الأخير ده
يا موصلي والله قصتك عداك مع عثمان النو خلتك تبصم علي كلام خارم بارم مثلا عمر قال انو عركي
عازف الايقاع هو ممكن يكون سبب بلاوي عقد الجلاد لانه فقط قاعد الزمن ده كلو ده كلام يا اخوانا عمر
بعضم كيبوردو قال هو بعام ساكت هل انت ايضا بعام ساكت يا استاذ والله يا جماعة القصة بقت صعبة البتخلي
استاذ زيك يوافق علي انو مجاهد الساب عقد الجلاد قبل الانقاذ يطلع اي كلام وعمر بانقا الغنى مع نمارق
اقبل علي دربنا لو كنت حيرانا .. هو فقد عقد الجلاد والله البلد بقت بلا تماسيح ولا ورلات حتى والله انا أسف
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: معتصم ود الجمام)
|
انا من اشد المعجبين بتجربة عثمان النو في عقد الجلاد
لكن اقول ايضا ان شمت محمد نور ملحن بارع وفنان
يحبهو جمهور عقد الجلاد بشكل خرافي ونجاحه في تلحين
نص القدال الاخير طواقي الخوف زاد من احترام ومحبة
جماهير عقد الجلاد له .. للاسف الناس بقت تتشفى في عقد الجلاد
انا لم اعلق علي حلقة المراحيم .. لكن عقد الجلاد قاعدة وفنانة وحلوة
اسمعوا طواقي الخوف
استاذي موصلي ارجوك اترفع ارجوك عشان يحترمك جمهورك
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: معتصم ود الجمام)
|
Quote:
انا من اشد المعجبين بتجربة عثمان النو في عقد الجلاد
لكن اقول ايضا ان شمت محمد نور ملحن بارع وفنان
يحبهو جمهور عقد الجلاد بشكل خرافي ونجاحه في تلحين
نص القدال الاخير طواقي الخوف زاد من احترام ومحبة
جماهير عقد الجلاد له .. للاسف الناس بقت تتشفى في عقد الجلاد
انا لم اعلق علي حلقة المراحيم .. لكن عقد الجلاد قاعدة وفنانة وحلوة
اسمعوا طواقي الخوف |
معتصم ود الجمام
نؤكد لك ان عقد الجلاد حياتنا
لذا عندما يزورها موت الابداع
نموت جميعا
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: عادل نجيلة)
|
يا ود الجمام يا اخوي كلام عركي ده قلت فوق كلام إحساس حاسيهو ما مبني على أي قصة أو خلفية..قصة كنكشتو في الإيقاع دي فعلا حاجة غريبة بالمناسبة ..
وانا لمن اتكلمت عن مجاهد اتكلمت عنو من ناحية صوتو ضعييف وما خالص خصوووصا لما كشف روحو بي تجارب الاداء الفردي واتضح إنو صوتو مشيول من الفرقة ..
انا ما بيهمني عمر بانقا يكون كوز يكون جوز يكون موز انا بيهمني صوت عمر بانقا وغنا عمر بانقا..يعني اسة بي فهمك ده الكيزان مفروض يقولوا وردي صوتو كعب وما بيغني؟؟
بالمناسبة اديك كلام تاني اطلعك بيهو انت زااتك بعام ساي؟؟؟ شمت الحانو موووقلة في التكرار والتقليدية ..بيلحن ليهو عشرة قصايد بي نففس الوتيرة وفي نصهم كده بتقوم واحدة تلتق .. اسة اديني اييي قصيدة وقول لي يا عمر هااك لحححن الاغنية دي بي حس شمت وشوفني كان ما لحنتها ليك!!! بس ده ما بيمنع إنو شمت عندو بعض الألحان الجميلة لكن العموم بقا مكرر ومستهلك يعتمد في أساسه على ايقاع السيرة ثم كسرة بعد مقطعين تلاتة ..
تكرار ما بعدو تكرار..
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: عمر الفاروق)
|
(سلامات يا استاذ يوسف ..
سبق لعقد الجلاد ان تغنت لعدة فنانين .. وعدة اعمال من ضمنها المصير للراحل ابراهيم عوض .. وكانت اجمل ما يكون
ما فعلته عقد الجلاد بالامس يعتبر خصما من مسيرتها الفنية التي صاحبتها لسنوات عديدة ..
وبكل صراحة ليس على عقد الجلاد المجازفة حال انها ليست بجاهزية تامة لمقابلة الجمهور او ليست بقابلية تامة لأداء ما يصعب عليها ..
لا اعتقد ان عقد الجلاد كانت في حاجة لأن تظهر بهذا المستوى الهزيل جدا .. جدا
اصوات بعدت عن الهارموني المعروفة به عقد الجلاد ..
اغاني زيدان لا تقدم بهذه الطريقة الجنايزية ..
واغاني وردي سمفونيات قديمة جدا يمكن ان يتغنى بها اي كائن حي بصورة افضل مما قدمت به بالامس
اتفق واختلف .. في تاثر المجموعة بغياب بعض الاصوات ..
لكن
حضرت اعمال كثيرة لعقد الجلاد بعد كبوتها الأخيرة .. قطع شك ما كانت بنفس الشكل الباهت الذي ظهرت به حتى من ناحية الاوكسترا ..
من كان يتحسر على ذهاب الخير فهناك اصوات جديدة اجمل بكثير على سبيل المثال ( هاني ) .. البشوف حالة الخير وما قدمه في النيل الازرق قبل ايام .. يتسال ماذا استفاد هذا الشاب من تجربته مع عقد الجلاد .. هل هي وقفته الغريبة جدا في المسرح بشكل قوس وانحناء عجيب ام صراخه الغريب الاطوار .. في اماكن لا تستحق الصراخ ، ام تبحلقه في الجمهور؟
يا شباب عقد الجلاد .. لا للمجازفه .. لا للمجازفة..)
هذا ما كتبه الاخ تمبس
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: Elmosley)
|
| Quote: الحبيب المبدع الجميل وآحد آحب الاصوات الى نفسي حمزه |
والله يا موصلي ما تعدي على حقوقك السمعية لكن بالجد انا قصة صوت حمزة سمح دي ما واقعة لي..
حمزة ملحن بارع ومجيد..بس كمغني وصوت جميل عن نفسي عندي فيها مليون إستفهام..
غايتو للضمان كده لو الكوود الجابو حمزة فوق ده وقال نقلا عن تمبس هو موافق عليهو فلييهو علي انزل ليهو تسجيييلو هو زاااتو حمزة سليمان ده في حلقة مع النيل الأزرق احتفالا بي سودانير تقريبا..ياخ دي حمزة سليمان غنا فيها بي سووء يعلم الله حمزة زااتو لو سمعو ينكرو ..
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: عمر الفاروق)
|
Quote: فضلاً ليس أمراً يا موصلي تكتب لي العشرين ديل وبالمرة اشوف ترتيب حمزة ده وين ؟؟
ولو إنك كنت حريييف في استخدامك لي تعبير في الموسيقى وليس الغناء لكن برضو نقبلا منك ..
يلا يا حبوب اديني اللستة واكون لك من الشاكرين .. |
كل دقشه بي زولا
وكل زول بي لستتو
حلاة لقلك
ود الاشلاق محتفظ بالسر ده لي كتابو القادم في الطريق
لكن انت لو داير تطلع لستتك طلعها ويشرفنا الاطلاع عليها
يا صديقي
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: Elmosley)
|
نتفق أول إنت قاصد فنان وصوتو جميل ولا موسيقي ؟؟؟
عشان بعدين ما تخمني وتقول لي انت قاصد بتانية ولا بتارية :)
لو فنان بديك لستتي ..وبي طبيعة الحال ليس حمزة في القائمة لحدددي المية سبعة وتسعين ..
لو موسيقيين فده نضما تاني اعفيني منو فلا يفتى ومالك في المدينة ده جنكم البتعرفوهو وعندكم ليهو فهم
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: Elmosley)
|
تحية طيبة و سلام علي الجميع
تابعته البوست دا من لحظة قرأت العنوان لأنني بصراحة اهتم بفرقة عقد الجلاد
و مثلي و مثل عدد كبير من الشباب و الشابات نعتبر هذه الفرقة تاريخ شخصي
عاصرت معنا و عاصرنا معها الكثير و الكثير .
تابعت البوست لكن صراحة لم اجد فيه نقد مؤسس للفرقة بل كل ما وجدته نعي دون
توضح اسباب لذلك لم اهتم بالرد و ظللت اتابع و لكن بعد مداخلة اخونا (تمبس*)
و مداخلة اخونا (عمر الفاروق) وجدت محفز للحوار و النقاش حيث أني اتفق بنسبة
100% مع مداخلة تمبس فقط احب ان اؤكد علي نقطة جوهرية خصمت من رصيد الفرقة
(في وجهة نظري) الكثير و الكثير وهي:- لفترات طويلة كانت الفرقة تطلع المسرح
و تشتغل و هي ناقصة ... ايوة مرات تكون ناقصة صوت نسائي و مرات ناقصة صوت رجالي
و مرات تكون ناقصة آلة ، هذا الأمر تكرر كتير شديد و لم يكن يرضني ولا يرض اخرين
و يخصم من الفرقة و يجعل الجميع يتسأل:- هل هم في حوجة فقط للنقود؟
دي النقطة الجوهرية في نظري .
بخصوص عمر الفاروق :-
يا عمر الفاروق بطل انطباعية ياخ
و الله عركي دا اللطف خلق الله قاطبة
و انت تحديداً لو اتعرفته عليهو
حتعلق رسمممي معاهو .
بعدين شنو تقول مكنكش في الايقاع
و في الفرقة الله يا عمر أنت مستهون
بالايقاع و لا شنو؟ ما ياهو طارق جويلي
مكنكش في الكيبورد وفي الفرقة ليه
ما قلته كلامك دا؟! ولا داك كيبورد
كبييييير ودا حتت ايقاع سااااي؟!
غايتو مرات تصادف معاك زي غارزيتو
و مرات تجليها واااااقفه هاهاها
بس بالجد يا عمر الفاروق لو قدرته
اقنعته (الكُجنكه) الموصلي دا يطلع
لستت ال20 نفر تكون ما قصرته و بعد
الموصلي يطلع اللسته الا يشوف ليهو
بلد تاااني غير و طن من لا وطن له
دا لووووووووووووب
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: سفيان بشير نابرى)
|
Quote: ابعته البوست دا من لحظة قرأت العنوان لأنني بصراحة اهتم بفرقة عقد الجلاد
و مثلي و مثل عدد كبير من الشباب و الشابات نعتبر هذه الفرقة تاريخ شخصي
عاصرت معنا و عاصرنا معها الكثير و الكثير .
تابعت البوست لكن صراحة لم اجد فيه نقد مؤسس للفرقة بل كل ما وجدته نعي دون
توضح اسباب لذلك لم اهتم بالرد و ظللت اتابع و لكن بعد مداخلة اخونا (تمبس*)
و مداخلة اخونا (عمر الفاروق) وجدت محفز للحوار و النقاش حيث أني اتفق بنسبة
100% مع مداخلة تمبس فقط احب ان اؤكد علي نقطة جوهرية خصمت من رصيد الفرقة
(في وجهة نظري) الكثير و الكثير وهي:- لفترات طويلة كانت الفرقة تطلع المسرح
و تشتغل و هي ناقصة ... ايوة مرات تكون ناقصة صوت نسائي و مرات ناقصة صوت رجالي
و مرات تكون ناقصة آلة ، هذا الأمر تكرر كتير شديد و لم يكن يرضني ولا يرض اخرين
و يخصم من الفرقة و يجعل الجميع يتسأل:- هل هم في حوجة فقط للنقود؟
دي النقطة الجوهرية في نظري . |
سفبان نابري
لك التحية
ما كتبه تمبس هو المقصود من البوست
لان عقد الجلاد هي ملك الغبش من الشعب السوداني
ودخلت قلوبنا من اول يوم
كان لا بد ان ندق جرس
عندما تتأطر وتنزلق لمشروع حضاري
وتفارق سكة الابداع
تسعدني مشاركتك
وكتابتك مفيدة للجميع
تسلم
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: HAMZA SULIMAN)
|
الاخ عمر الفاروق رمضان كريم
الذات المتضاربة مع ذاتها لا تعرف من هى فكيف ستعرف غيرها ؟المشكلة فى النقد الفاروقى تصدرة المكتمل لى ارائه و لشخصيتة المنقلقة فى ثوابتها المعرفية الضئيلة لكنها اصبحت تتواجد و تنمو و تتواصل من خلال تمثيلها لحكاية وجودة الاسفيرى .... عليك فحص تجلياتك النقدية فى سرد نقدى تحاول ان تسال فيه نفسك من انت ؟ و فى حال تأكدت من هويتك النقدية لابد من ان تسمى نفسك و تعرفها بأنك ليس رقم نقدى نسبة لاصطدامك بحضارة ولا مكان للتخلف الفكرى الذى لم يواكب التجديد و الذى يبقى الناقد فى تصورة ما بين الحياة و الفكرة هو سمووه من خيالاته الشخصية لواقع حال الفكرة و مناقشتها لا ان تدخل تجلياتك النقدية الخيال العلمى الفاروقى و تقديمه فى تكنلوجيا معلوماتك و تحكى عن ذاتك لتحصل على ما وصلت اليه بعد تدمير دماغ اصابته الذاتية اسألك اخى الفاروق عمر من الذى امر حسن عطية اميرا للعود ؟ اما هم نفس النقاد امثالك .... أيعقل ان يناقش وردى كما نوقش سرور و كرومة ؟ الى متى ستظل هذه العقلية السطحية ؟ ايعقل بعد كل هذا ؟ التصور لعقد الجلاد بوجود شخص ما و نظرة فرد لا يرى ابعد من بصرة والله لو انزلنا مساهمتنا على سطح كوكب لقال الناقد من امثالك لا يمكن ان تحتفل الكواكب بالقمر
الفكر النقدى عندك يااخى عمر ليس ناضجا ومن خلال تعابيرك وإسلوبك وتراصى كلماتك وصياغتها تدلل على عدم مؤهلاتك الثقافية وأن النقد بكل تنوعه عندك ما يزال اقل نضجا و أكثر بدائية وهذا لا يعطيك الحق فى ان تجد حيزا لاسقاطك النقدى الذى لا يؤهلك على خوض مجازفة نقدية فنية
ـــــــــــــــــــــــ
الهمباتة
تشوف الغيمة
فى مقلة مراية السهلة
راخية رموشة
تنت فى ام شديدة القهوة
جاته الدوشة
فى طاقة منام هلواسة لاوذ ود قزح
طربان وشايلة الهوشة
ختفت توبة قال اخ
نست باب حوشة فاتح
و المطور الليلة كيف ملبوشة
ــــــــــــــــــ
اذا سمحت حاول لحن النص دة
و نعطيه برضو لشمت و نشوف لحنك انت و لا لحن شمت
واخيرا اتمنى ان تسمع هذه الاغنية منى و تستفيد من المحاضرة فى الصوت من خلال ادائها
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: HAMZA SULIMAN)
|
عارف يا سفيان يا نابري...؟ واقول ليك حاجة وتصدقا؟
أهم ىلة في عقد الجلاد ده هي البونقز ..وانا معجب أيييما إعجاب بطريقة عزف عركي لهذه الاة وانا بقول عزف لأنو عركي ما بيدق أو يضرب البونقز ..عركي بيعزف بونقز ..والحركة دي انا ما شوفتها في زول وما سمعتها إلا من فايز مليجي لما عزف زاد الشجون ..مليجي ده كان بيعزف زاد الشجون رسمممي والله اصصصلو ما كان ماسك زمن وايقاع..وده البيعملو عركي..
ما تفتكر كنكشة جويلي ما في بالي وكذلك كنكشة شمت ..فهذا الثلاثي هو القاسم المشترك في الكنكشات ..بس لما جبت سيرة عركي زي ما قلت ليك إمكن لتجهمو وصنة ولبدتو المريييبة دي :) :) :)..
يا سفيان اخوك ما سائل في غارزيتو والله ..ما تشوفني بعام كده :)
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: HAMZA SULIMAN)
|
لالالا غناك فاهمو أرجو أن لا يتشابه عليك البقر...
انا الما عاجبني صوتك وبشوف إنو دون مستوى الفنان المحترف خصوصا في الفترة الفاتت دي ..
ملحن ماف كلام والله وكثيرا ما اردد الحانك في خلوتي وانا ادندن لعقد الجلاد..لكن طيييلة تجربتك الفنية وظهورك منفرداً ما كنت مقنع واداءك فيهو كتيير من العادية وصوتك نفس الكذلك ..
دي كل القصة ..
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: عمر الفاروق)
|
Quote: بالمناسبة اديك كلام تاني اطلعك بيهو انت زااتك بعام ساي؟؟؟ شمت الحانو موووقلة في التكرار والتقليدية ..بيلحن ليهو عشرة قصايد بي نففس الوتيرة وفي نصهم كده بتقوم واحدة تلتق .. اسة اديني اييي قصيدة وقول لي يا عمر هااك لحححن الاغنية دي بي حس شمت وشوفني كان ما لحنتها ليك!!! بس ده ما بيمنع إنو شمت عندو بعض الألحان الجميلة لكن العموم بقا مكرر ومستهلك يعتمد في أساسه على ايقاع السيرة ثم كسرة بعد مقطعين تلاتة ..
تكرار ما بعدو تكرار.. |
عمر الفاروق
ما ياهو ده السبب الخلانا نفتح البوست
تكرار ما بعدو تكرار
يعني الابداع نضب
يعني العطش الفني
يعني الموت الاكلينيكي
وارجع اقرا البوست ده من جديد
انت ما مختلف معانا
انت ما فهمتنا بس
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: Elmosley)
|
Quote: ---
ياسيدي آنا والنو عسل على لبن واشتغلنا شهرا كاملا بالاستديوهات في اخر زياراتي ودعاني للاستماع لراي
وحضرت لهم بروفة كاملة وخاطبتهم
بمساعدة قائدهم المبدع الكبير
ويوم سفري تغدينا سويا
مالكم ياهؤلاء ولم الاستعجال
انا كنت في طريقي لتوضيح موضع خلافي مع عمر في بعض الجوانب التي ذكرتها
واهمها موضوع عثمان ومجاهد |
يا سلام يا موصلي
على الحلقة التي سجلتها مع عقد الجلاد في النيل الازرق
كل مرة ناس النيل الازرق بيعيدو منها اغنيات
روعة وسلاسة وتدفق لشلالات الابداع
ليتك تعود
تلقود سفينة الفن الابداعي من جديد
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: عمر الفاروق)
|
Quote:
لو في عيب يؤخذ على الفرقة هو عدم التجهيز والإعداد مع إنو تم الإعلان للحلقة دي منننن أول يوم في رمضان وقالوا يا جماعة عقد الجلاد يوم كده ح تقدم اغني للراحلين ..وعليه مفروض يكونوا قرروا يغنوا شنو وكيف..
عقد الجلاد برضو فووتت فرصة ذهبية تأكد بيها للجمهور السوداني إنو هي عندها الطاقة والقدرة للتغني بي اغاني عامة عاطفية كانت ام موضوعية زيهم زي اي فنان منفرد ويأكدو إنهم فقط إختارو هذه اللونية من الغناء فقط لحبهم للعمل الجماعي لا لتغطية الصوات ..
انا لو كنت مدير لي فرقة عقد الجلاد في الحلقة الفاتت دي كنت ح أعمل حاجة ذكية جدددا جدددا ..أنقروا شنو ؟؟؟
أتغنى بي أغاني للمراحيم ديل غير مسموعة وغير متداولة !!! وبي كده عقد الجلاد كانت ح تضرب مليووون عصفور بي حجر واحد..
تمييز ..تفرد..إتقان ...إحياء..وتمجيد..وفعععلا تأبين وتخليد..
عقد الجلاد |
عمر الفاروق
اقرا كلام تمبس ده كويس
وشوف من اول البوست
مذا عنيت بالموت
عنيت الابداع
عندما يموت الابداع
بنموت نحن
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: tmbis)
|
Quote:
سلامات يا استاذ يوسف ..
سبق لعقد الجلاد ان تغنت لعدة فنانين .. وعدة اعمال من ضمنها المصير للراحل ابراهيم عوض .. وكانت اجمل ما يكون
ما فعلته عقد الجلاد بالامس يعتبر خصما من مسيرتها الفنية التي صاحبتها لسنوات عديدة ..
وبكل صراحة ليس على عقد الجلاد المجازفة حال انها ليست بجاهزية تامة لمقابلة الجمهور او ليست بقابلية تامة لأداء ما يصعب عليها ..
لا اعتقد ان عقد الجلاد كانت في حاجة لأن تظهر بهذا المستوى الهزيل جدا .. جدا
اصوات بعدت عن الهارموني المعروفة به عقد الجلاد ..
اغاني زيدان لا تقدم بهذه الطريقة الجنايزية ..
واغاني وردي سمفونيات قديمة جدا يمكن ان يتغنى بها اي كائن حي بصورة افضل مما قدمت به بالامس
اتفق واختلف .. في تاثر المجموعة بغياب بعض الاصوات ..
لكن
حضرت اعمال كثيرة لعقد الجلاد بعد كبوتها الأخيرة .. قطع شك ما كانت بنفس الشكل الباهت الذي ظهرت به حتى من ناحية الاوكسترا ..
من كان يتحسر على ذهاب الخير فهناك اصوات جديدة اجمل بكثير على سبيل المثال ( هاني ) .. البشوف حالة الخير وما قدمه في النيل الازرق قبل ايام .. يتسال ماذا استفاد هذا الشاب من تجربته مع عقد الجلاد .. هل هي وقفته الغريبة جدا في المسرح بشكل قوس وانحناء عجيب ام صراخه الغريب الاطوار .. في اماكن لا تستحق الصراخ ، ام تبحلقه في الجمهور؟
يا شباب عقد الجلاد .. لا للمجازفه .. لا للمجازفة..
تحياتي يا جمال .. |
تمبس
والله ده الكلام الخلاني افتح البوست
انت قلت كل شي جواي
يمكن انا ما رتبته
لكن دي الحقيقة
نحن اتربينا على حاجة امنة
ونعمة
وقطر عطبرة
ولا نقبل ان نرحل ونسكن في القصور
تسلم يا صديقي
ورمضان كريم
وتحياتي لزميل البورض
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: Elmosley)
|
Quote: يا أخوانا هسع الاداري الاول في عقد الجلاد
هو
عوض الله
كدي قولو بسم الله
الحلقه أنا ماشاهدتها
ولكن مادام هم تغنوا فيها بخصوصية
للمتوفين من فنانين فهذا قطعا لن يكون اسلوب عقد الجلاد
عقد الجلاد بخير
وراي عثمان النو بخير
دعوا الف زهرة تتفتح
ولا تتأثروا ببعض كبوات الأحصنة
فهي ستقوم وستركض بعنفوان
ورمضان كريم يا صديقي جمال |
صديقي الجميل
واستاذنا الفاضل
الموصلي
لمن يصل الموت لآخر نخلة إبداع في وطني
من حق الجميع ان نعمل على علاج اسباب الموت
فالفشل اصبح هو السواد الاعظم
وعقد الجلاد نقطة ضوء في بحر الظلام
| |
|
|
|
|
|
|
|
|
 Re: اليوم أنعي لكم عقد الجلاد ... تغمدها الله بواسع رحمته (Re: جمال السنوسي)
|
إخوتي
صاحب المفترع جمال
المتداخلون
أستاذي الجميل موصلي
اخي وصديقي ودفعتي الحبيب حمزة
شاء القدر ان أشاهد نهاية الحلقة مسار النقاش ولم استمع الا لآخر عمل قدم فيها وكان من ألحان اخي وصديقي ودفعتي شمت.
شمت فنان مطبوع وصاحب بصمة لا تغفلها الحواس وهو الثابت المتحرك في العقد منذ ان انتظم شكلها الذي عرفت به في النصف الثاني من ثمانينات العقد المنصرم.
الأصوات الشابة الجديدة في المجموعة أصوات جميلة ولكن مازال أصحابها لم يكونوا شخصيات لهذه الأصوات وتحرر في الأداء فهم يؤدون اللحن كما لقن لهم ولهذا يغيب التنوع
العمل الاخير الذي قدم كان طويلاً جداً وهذا ما ادخل الرتابة والملل على المستمع حتى مع تغيير الإيقاع لم يمنح العمل الانفكاك من ذلك الشعور.
لم يعد للمستمع الصبر ولا الزمن للأعمال الطويلة وان كانت مشحونة بالإبداع.
لم استمع للأعمال التي قدمت للفنانين الذين ارتحلوا ولذلك لن استطيع تقييم الأداء.
الزمن لا يتوقف وليس هناك ثوابت وعقد الجلاد ثيرمومتر طبيعي في حياة تحكمها أمزجة بشر تختلف وتتألف.
حمزة دع أعمالك تتحدث عنك ولا تدخل تفنيدها ولا تجعل ردة الفعل تفقدك اتزانك المعهود. انت مبدع ودوماً ردك مزيد من الإبداع.
صديقي عمر الفاروق رمضان كريم. قد نختلف وقد نتفق بان التذوق حالة خاصة جداً ولائحة العشرين لو منحت لكل السودان ربما لن تجد فيها اثنين متطابقتين.
لكم محبتي جميعاً
عبدالعزيز خطاب
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: عزيز)
|
Quote: شاء القدر ان أشاهد نهاية الحلقة مسار النقاش ولم استمع الا لآخر عمل قدم فيها وكان من ألحان اخي وصديقي ودفعتي شمت.
شمت فنان مطبوع وصاحب بصمة لا تغفلها الحواس وهو الثابت المتحرك في العقد منذ ان انتظم شكلها الذي عرفت به في النصف الثاني من ثمانينات العقد المنصرم.
الأصوات الشابة الجديدة في المجموعة أصوات جميلة ولكن مازال أصحابها لم يكونوا شخصيات لهذه الأصوات وتحرر في الأداء فهم يؤدون اللحن كما لقن لهم ولهذا يغيب التنوع
العمل الاخير الذي قدم كان طويلاً جداً وهذا ما ادخل الرتابة والملل على المستمع حتى مع تغيير الإيقاع لم يمنح العمل الانفكاك من ذلك الشعور.
لم يعد للمستمع الصبر ولا الزمن للأعمال الطويلة وان كانت مشحونة بالإبداع.
لم استمع للأعمال التي قدمت للفنانين الذين ارتحلوا ولذلك لن استطيع تقييم الأداء.
|
عزيز
العزيز
رمضان كريم
إن ما جعلني أن أكتب هذا البوست هو ما ذكرته من رتابة وملل والحرص على تقديم اعمال الغير دون اي مجهود
فما قدمته عقد الجلاد في هذه الحلقة من اغاني الراحلين خصم الكثير من مشوارها الفني
وجعلها مثلها مثل اي فرقة جماعية من الفرق التي انتشرت مع المشروع الحضاري
عقد الجلاد إرث وهدف ومباديء
عقد الجلاد نفاج للابداع
لا نقبل ان تصبح جوطة وسط الجوطة
أرجو ان يستمر النقاش لمعرفة الاسباب ومعالجتها إن أمكن
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: جمال السنوسي)
|
كتب الأستاذ حمزة سليمان معلقاً على مداخلة صديقنا عمر الفاروق بخصوص صوته ( أى صوت حمزة سليمان )Quote: الاخ عمر الفاروق رمضان كريم
الذات المتضاربة مع ذاتها لا تعرف من هى فكيف ستعرف غيرها ؟المشكلة فى النقد الفاروقى تصدرة المكتمل لى ارائه و لشخصيتة المنقلقة فى ثوابتها المعرفية الضئيلة لكنها اصبحت تتواجد و تنمو و تتواصل من خلال تمثيلها لحكاية وجودة الاسفيرى .... عليك فحص تجلياتك النقدية فى سرد نقدى تحاول ان تسال فيه نفسك من انت ؟ و فى حال تأكدت من هويتك النقدية لابد من ان تسمى نفسك و تعرفها بأنك ليس رقم نقدى نسبة لاصطدامك بحضارة ولا مكان للتخلف الفكرى الذى لم يواكب التجديد و الذى يبقى الناقد فى تصورة ما بين الحياة و الفكرة هو سمووه من خيالاته الشخصية لواقع حال الفكرة و مناقشتها لا ان تدخل تجلياتك النقدية الخيال العلمى الفاروقى و تقديمه فى تكنلوجيا معلوماتك و تحكى عن ذاتك لتحصل على ما وصلت اليه بعد تدمير دماغ اصابته الذاتية اسألك اخى الفاروق عمر من الذى امر حسن عطية اميرا للعود ؟ اما هم نفس النقاد امثالك .... أيعقل ان يناقش وردى كما نوقش سرور و كرومة ؟ الى متى ستظل هذه العقلية السطحية ؟ ايعقل بعد كل هذا ؟ التصور لعقد الجلاد بوجود شخص ما و نظرة فرد لا يرى ابعد من بصرة والله لو انزلنا مساهمتنا على سطح كوكب لقال الناقد من امثالك لا يمكن ان تحتفل الكواكب بالقمر
الفكر النقدى عندك يااخى عمر ليس ناضجا ومن خلال تعابيرك وإسلوبك وتراصى كلماتك وصياغتها تدلل على عدم مؤهلاتك الثقافية وأن النقد بكل تنوعه عندك ما يزال اقل نضجا و أكثر بدائية وهذا لا يعطيك الحق فى ان تجد حيزا لاسقاطك النقدى الذى لا يؤهلك على خوض مجازفة نقدية فنية
ـــــــــــــــــــــــ
الهمباتة
تشوف الغيمة
فى مقلة مراية السهلة
راخية رموشة
تنت فى ام شديدة القهوة
جاته الدوشة
فى طاقة منام هلواسة لاوذ ود قزح
طربان وشايلة الهوشة
ختفت توبة قال اخ
نست باب حوشة فاتح
و المطور الليلة كيف ملبوشة
ــــــــــــــــــ
اذا سمحت حاول لحن النص دة
و نعطيه برضو لشمت و نشوف لحنك انت و لا لحن شمت
واخيرا اتمنى ان تسمع هذه الاغنية منى و تستفيد من المحاضرة فى الصوت من خلال ادائها |
أصدقكم القول
كان ذهني مشغولاً بـ ( رد الفعل ) الفاروق عمر وهو يقرأ هذه المداخلة
ما خيب الفاروق ظني وأتانا برده الذي صيرني مجنوناً في نظر أبنائي بسبب نوبة الضحك الهستيرية التي أصابتني
Quote: حمزة سليمان :
رمضانك كريم وتصوم وتفطر على خير..
حقيقة والله قريت مداخلتك لي تلاتة مرات وما فهمتك عايز تقول شنو أو عايز توصل لي شنو ؟؟ بس عموما أوعدك بي إرجاع البصر كرتين فيها بعد الفطور إمكن كبسة الراس دي من دخول رمضان لي اللحم في الثلث التاني.. |
____________
أشخاص أتمنى مطالعتهم لهذا البوست
- دينا خالد .... لترى كيف سكت فاروقنا عن الكلام المباح
- البروف أمين محمد سليمان ...... ليرى كيف يكون البل على أصوله
- الفنان عاصم البنا ......... ساى كدا
- ( الفنانة ) شروق أبو الناس ..... ودواخلها تهتف " يعني فالح يا عمر الفاروق تتشطر على أنا الغلبانة دي "
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: عاطف عمر)
|
عاطف يا عمر ..
رمضان كبير..
بالمناسبة وانا جادي فعلا غلبني اقرا المداخلة بي صورة صحيحة وما اكضب عليك إمكن السبب الرئيسي انا شايفو الركاكة مع إنو في كنهها تحمل كلام مثقفاتية لكن في حاجة في النص ضايعة حمزة ما قدر يعبر عنها إمكن لأنو كتب منفعل ..
كدي يا عاطف وعشان تفهمني ده أوول سطر انا غلبني اقراهو عديل ناهيك عن افهمو ..كدي إنت شوفو وأديني رأيك
| Quote: ؟المشكلة فى النقد الفاروقى تصدرة المكتمل لى ارائه و لشخصيتة المنقلقة فى ثوابتها المعرفية الضئيلة لكنها اصبحت تتواجد و تنمو و تتواصل من خلال تمثيلها لحكاية وجودة الاسفيرى .... |
يعني مثلا المنقلقة دي قاصد بيها المنغلقة من الإنغلاق ولا من القلق (أكيد ما بقصد بدر الدين قلق)..
جودة دي قصد بيها من الإجادة الإسفيرية ولا بيقصد وجوده ..
كلامي ده يا عاطف اقراهو بعيد من تريقات عمر ..انا طبعا ما مصحح لغوي وقادر أفهم لغة النت تكتب ساي وانا واحد من الناس بكتب ساي القاف محل الغين الذال والزاي وإضافة للكلام الدارجي البكتبو واو بدل ضمة و و و ..فده ما تصحيح بقدر ما هو إلتباس عشان افهم المعاني..
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: عمر الفاروق)
|
| Quote: عليك فحص تجلياتك النقدية فى سرد نقدى تحاول ان تسال فيه نفسك من انت ؟ و فى حال تأكدت من هويتك النقدية لابد من ان تسمى نفسك و تعرفها بأنك ليس رقم نقدى نسبة لاصطدامك بحضارة ولا مكان للتخلف الفكرى الذى لم يواكب التجديد و الذى يبقى الناقد فى تصورة ما بين الحياة و الفكرة هو سمووه من خيالاته الشخصية لواقع حال الفكرة و مناقشتها |
ده الجزء التاني ..برضو كدي اقراهو يا عاطف و في مخيلتك عاطف الروائي القاص سمح؟؟ ويا قولهم في قصيدة محجوب شريف الجديدة باقي لي دي ياها المحتاجة أن تقرأ مشكولة !!!مفروض يوضح اقيف وين واكمل من وين وين الشولة ووين النقطة واااي سمح انت وعسل انت..
عارف يا عاطف مداخلة حمزة دي ذكرتني فنان أدروب إستضافوهو في التلفزيون في برنامج ..المقدم شبكو ليك ح اسألك سؤال:
التداخل ما بين السلم السباعي والسلم الخماسي في بؤرة تجتمع فيها ملاقحة الشعوب في ثوب ارجواني قرب البعيد وجعل العالم قرية صغيرة مما اتاح للديبلوماسية الشعبية ان تأطر أطر واضحة وجلية لا تخفى على العين المجردة ..أين أدروب من كل هذا ؟؟
أدروب رد ليهو :
والله بالغوا ..
وترررن ..ترررن ..ررررن أدى ليك العود ضربتين كده وتوووشك خش ليهو في أغنية ..
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: عمر الفاروق)
|
فاروقنا يا عمر
| Quote: برضو كدي اقراهو يا عاطف و في مخيلتك عاطف الروائي القاص سمح؟؟ |
ياخوى كدى أولن بالتبادي
عاطف الروائي القاص دا منو ؟؟
يطرشني ويعميني كان سمعتا بيهو أو شوفتو
أما إن ذهب خيالك ( الواسع ) لشخصنا الضعيف فأقول لك
صاحبك ( عاطف عمر ) علاقته بالرواية والقص كعلاقة البروف أمين سليمان بالشعر الحديس
أنا رجل بيعرف شوية معلومات عن الخرسانة المسلحة والحديد
وباقي الحاجات ( تلاقيط ) سااااااى كدا
_____________________
أقول قولي هذا
ولم تنقطع بعد نوبة الضحك الهيستيرية
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: عاطف عمر)
|
هكذا خاطبت عاطف نفس الكذلك يا حمزة علماً بي إنو تربطني علاقة أحسب إنها ودية ولطيفة بيني وبين عاطف ..ووالله ابدا ما جا في بالي تحليلك الغريب وعجييب الوصلت ليهو ده ..وارجع لي معظم مداخلاتي ناادراً ما أعنون بي مفردات من شاكلة الأخ دي..مرة مرة بشاغل بي يا حبوب ويا وديع ووو..وغالبا ما انادي الناس بي اساميها ساي كده ..
الأخ الأكبر حمزة سليمان ..
والله اخونا وتاج راسنا وأيييو شي وده أبداً ما عندو علاقة بي كلامي الفوق داك فعليك الله ما تعوس لي الابري بي الحلو مر..
قصة التشكيل دي ما تركز فيها شديد بس حقيقي الكلام ما مرتب وانا والله ما فهمتو وإيه رأيك حتتتى بعد الفطور غلبني افهمو ..في داخله في فكرة كويسة عايز توصلا عني بي إني زول متهجم على الشغلانة وخاوي وغير مثقف وجاهل ومتسلبط و و و ..وده كلللو كلام كويس واصلو ما بغالطك فيهو ..دي وجهة نظرك وده شوفك ..
انا ما بنتقد في مشوار حمزة الموسيقي اللحني ..انا لي الليلة ولييي بكرة ولي بعدو مرتكز على تجارب حمزة الغنائية الفردية اللي ظهر بيها عبر التلفزيونات وكان الاداء الصوتي بتاعو باهت جداً وخصوووصا في حلقة شاهدتها عبر هارموني او زول ما متذكر إضافة لي تجربة عبر قناة النيل الأزرق كانت يا قول السعوديين من العميل للنخيل ..مايك وساوند سيستم وسودانير فكانت إختبار حقيقي لي صوتك بدون استديوهات والباي باك وحركات العمليات التجميلية للأصوات ..
الظروف ما ساعدتني انزل ليك نماذج من الاعمال دي واخليك انت وباقي الاعضاء بمن فيهم الموصلي تقييموا فيها عشان نشوف قصة العشرين المبشرين بي كتاب الموصلي دي فهمو فيها شنو .؟
| |
|
|
|
|
|
|
|
|
|
Re: اليوم أنعي لكم عقد الجلاد ... تغمدها الله بواسع رحمته (Re: عمر الفاروق)
|
Well, this is totally unfair
إن الله قد وهب ما يعرف ببلاد السودان الكثير من النعم..
وهبها لحكمة يعلمها هو وحده..بدل النيل الواحد كذا نيل..
وهبها - لحكمة يعلمها هو وحده ... حاج الماحي وود أبشريعة..وحياتي..وود سعد..والبرعي...وغيرهم
وهبها...سرور وكرومة والأمين برهان وبادي محمد الطيب وخدر بشير والتاج مصطفى وعثمان حسين
ووردي ومحمد الأمين...وغيرهم من الأنهار العذبة....حلو؟؟
وهبنا الله ..له الحمد والمنة...عقد الجلاد..
نبعاً ومعيناً لا ينضب...
يتشكل...يتخلق..يتعملق..يثمر..يخضر..يجدب..يزبل أحياناً...عادي جداً...
إنت يا جمال يا صديقي..
ما تراكا بتموووووووووت كدي في الهلال...
الهلال دا طوااااااااالي فريق الأحلام؟؟؟
ما ترا يوم كويس ويومين كعب...صاح؟؟
وتييييييييب..
أقين...ذس إز توتالي أنفير....والله صحي...
=========
عمر الفاروق...حمزة سليمان... ممكن شوية موضوعية؟؟
=========
خلاص...النوم بعد كدا..سلام
..
| |
|
|
|
|
|
|
| |
جمال السنوسي
saif massad ali
مازن الجمّال
طارق جبريل
waleed dawash
mohmmed said ahmed
MOHAMMED ELSHEIKH
Yasier Elsayed
عبدالله الشقليني
Elmosley
tmbis
عمر الفاروق
معتصم ود الجمام
HAMZA SULIMAN
سفيان بشير نابرى
عزيز
عاطف عمر
Hussein Mallasi
Mahmoud Mustafa Mahmoud
فيس بوك
تويتر
انستقرام
يوتيوب
بنتيريست