مافي طريقه يا استاذ الموصلي إلا ان تقبل عذره ياخي نحنا قربنا ننساك خليك من الشباب ديل لانك بصراحه بعدت كثيرا شاهدت اللقاء امس وضحكت كثيرا من الموقف بالاخص موقف مدير اعمال الفنان الشاب احمد وضاح وهذا الموقف مره ذكرني واحد بواب باستاد التحرير منع الكابتن عبده الشيخ من دخول استاد التحرير فواحد واقف بالقرب من عبده الشيخ فقال له ياخي مفروض انت يطرودك من بيتكم موش كمان من بوابة استاد التحرير انت مابتعرف ناس الكوره البوقفك ليهم شنو يعني يا استاذ الموصلي لو يوم وقفوك امام بوابة التلفزيون ما تزعل وتضايق عادي عادي
08-27-2012, 07:45 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
وهمات الفنانين الشباب ..!! هذا هو الرابط الذي حكي فيه استاذ الموصلي وناذر خليفه قصتهم مع الفنان الشاب احمد وضاح . . طبعا الود كيفني باعتذاره الراقي الجميل للاستاذ الموصلي وكيفني اكتر عشان حاول يعمل شي منظم لنفسه التنظيم حلو كويس ولا شنو . . الفوضي شاهدتها قبل يومين في التفلزيون مع احمد المك الملحن عامل قائد اوركسترا في حفل احياء اغاني الفنان سيد خليفه وعشان ما افتح بوست تاني هل من حق قائد الاوركسترا التحريك من مكانه والانشغال بضيوف الحفل والانسجام معهم غير الانسجام مع فرقته ومواصلة الاداء في نظري دي فوضه عايزين نشوف راي الناس هنا شنو كمان يعني الموسيقى دي موش مفروض الناس تشتغل بالنوته عشان مايحصل خلل غايتو نحنا تعودنا على ذلك بدليل الغناء المنظم الذي يؤسس ويعمل بنوته موسيقيه لم يعجبنا والديل شريط الفنان محمود عبد العزيز في روسيا رغم انه يعتبر من افضل الاشرطه له من ناحية التنظيم الموسيقي الجيد
08-27-2012, 11:51 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
وحا اجيك مرة تانية لي جزئية قائد الأوركسترا صديقي الأستاذ احمد المك لأنو العملو دا حقو نضيفو لي الوهمات ديك هههههه
ودي جزئية وهمة مدير الأعمال :
Quote: وهمة مدير الأعمال
هذه الوهمة تحديدا تدخل المرء في العديد من الإحراجات ولعل اكبر شاهد على هذه الوهمة الموسيقار يوسف الموصلي ..!!
عندما حضر الموسيقار الموصلي للسودان في المرة قبل الأخيرة .. اخبرته ان لدي احد الفنانين الشباب الذين اثق في حسن موهبته وصوته وأخبرت الموصلي أن يستمع لهذا الصوت .. وافق الموصلي على موعد محدد .. فإتصلت بهذا الشاب ولم يصدق أنه سيقدم تجربة اداء أمام الموصلي !! وطلبت منه أن يكون مستعدا وشاورته فيما سيغنيه وأتفقنا على اغاني محددة يغنيها وأنا سأصاحبه على ألة العود ..!
الذي حدث أن ذلك الشاب كان يسكن بعيدا وحضر متاخرا بعد أن تاه عن مكان اللقاء وكان الوقت ضيقا نسبة لأنه من المفروض أن اذهب مع الموصلي لمناسبة زواج تخص أحد اقربائه وعند وصول ذلك الفنان فضلنا الخروج جميعا ، ولما كان المشوار بعيدا فقد طلبت من ذلك الشاب ان يسمع الموصلي صوته .. وبالفعل غنى لنا في السيارة وقد اعجب الموصلي بغنائه لدرجة انه حينما وصلنا للمناسبة قدم الموصلي ذلك الشاب في وصلة غنائية فغنى وابدع واطرب وانصرفنا بعد ذلك وهو غير مصدق أن الموصلي قدمه في حفل وانه اعجب بأدائه ، بل وكانت هذه الحادثة مصدر (قشرة) له أمام اصدقائه الفنانين إياهم ..!!
وعندما حضر الموصلي للسودان في المرة الأخيرة تناقشنا كعادتنا في حال الساحة الفنية فجاءت سيرة ذلك الفنان الشاب سألني الموصلي عنه وكنت لم اقابله منذ فترة طويلة فأتصلت به في حضور الموصلي وكان الحوار كالتالي :
* الو !! السلام عليكم !! * وعليكم السلام ؟! منو معاي ؟!! * معليش الظاهر النمرة غلط .. دا ما تلفون ...... ؟؟!! * قصدك الأستاذ ...... ؟! *أيوة .. ممكن أكلمو ؟! * ممكن اعرف الموضوع شنو ؟! أنا مدير أعمالو ..!! * مدير أعمالو ؟!! * ايوة .. لو عندك حفلة أو ارتباط أنا المسئول ..! * لا لا ما عندي .. ممكن تديني رقم تلفونو ..!! * والله يا خي إلا اتصل بيهو أول .. أقول ليهو منو ؟!! * قول ليهو يا خي يوسف الموصلي بيسأل منك ..! * يعني يوسف الموصلي دا دايرو في حفلة ولا دايرو لي شنو ؟! * إنت ما عرفت يوسف الموصلي دا منو ؟!! * لا لا ما بعرفو والله لكن ما مشكلة لو دايرو في مناسبة ..! * لا لا شكرا .. ما داير منك ولا منو أي حاجة سلام عليكم .!!
وطبعا قفلت الخط والدخان طالع من اضاني من شدة الغيظ ..!!
08-27-2012, 11:52 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: * والله يا خي إلا اتصل بيهو أول .. أقول ليهو منو ؟!! * قول ليهو يا خي يوسف الموصلي بيسأل منك ..! * يعني يوسف الموصلي دا دايرو في حفلة ولا دايرو لي شنو ؟! * إنت ما عرفت يوسف الموصلي دا منو ؟!! * لا لا ما بعرفو والله لكن ما مشكلة لو دايرو في مناسبة ..! * لا لا شكرا .. ما داير منك ولا منو أي حاجة سلام عليكم .!!
يا ناذر هل قُلت له الفنان/الموسيقار يوسف الموصلي
أم قُلت له يوسف الموصلي حاف كدة ؟
لأنو بتفرق ياخ
08-27-2012, 12:12 PM
Elmosley Elmosley
تاريخ التسجيل: 03-14-2002
مجموع المشاركات: 34683
وليد ازيك الحقيقه لم اسمع الاعتذار ولكنني اكتفي بشهادتك بل واعتقد آن آجمل اعتذار يقدمه وضاح على الخطا الذي لم يرتكبه هو شخصيا آنه قدم اغنية جديده خاصة به واشيد به من هذا الموضع غالبا مديره آو سكرتيره ذاك لم يخبره بتلك الحادثة باعتبار آن الموصلي ده زول ساكت هههههه
برضو ليهو العذر هسع انا بنزل آعمالي في اليوتيوب ورغم تواضع اخراجها الا آنها جذبت الكثير من الجيل الجديد الذين يتبادلون المراسلة معي حولها كل الود ياعزيزي
العفو ياصبري طه ياخ فعلا لايوجد في هذا المقطع كلام الاعتذار وانا بحثت عنه ولم اجده رغم اني سجلت الحديث بالكميرا وسجلت له بدايه اغنيه ايضا بس اخوك للاسف برضو عندو وهمه ولا يعرف ينقل التسجيل الى يو تيوب لكي يسمعه الفنان الاستاذ الموصلي ولكن كنت سعيد جدا بهذا الشاب وهو يعتذر هذا يدل على نضوج فكره كما اتمنى من الاستاذ ان يقف خلفه ويمد يده له حتى يشتد عوده هذا الشاب ظاهر عليه مجتهد لدرجة تم استبعاده ثلاثة مرات من نجوم الغد وتم قبوله اخيرا . . استاذ الموصلي ياصبري طه علم وعلى راسه نار وهذه هي سلبيات الغربه وابتعاد فنانيها من البلد ودا الكلام الذي تحدثت سابقا عنه مع مداخله في يوم من الايام مع الاستاذ الموصلي وقلت لهم انتم سبب تدهور الغناء في السودان او لبعدهم من الساحه وتركها ثانيا عدم تبني الشباب وتسليمهم الرياه كما ينبغي . . من هنا نطالب الاستاذ الموصلي بالعوده حتى يحصل ماتبقى او يعالج مايمكن معالجته في مسيرة الغناء السوداني لانه ارث كبير .. . من الطرائف مره قاعد في حفلة وفنان بغني الليل مابنومو انا حارس نجومو جاني تلفون رديت الطرف الاخر سمع الاغنية عبر الموبايل قال لي الاغنيه دي موش اغنية ابو طالب زي دا اقول ليهو شنو بالله ومثله كثيرون اكيد يا استاذ بعدك سوف يشكل فراغ كبير وبجي يوم لم تعرفك الاجيال القادمه لبعدك عنها وبعد اعمالك عن الساحه
Quote: انا طبعا الزعلني في الاساس ضعف الثقافة الفنية لي زول هو مدير اعمال فنان أو كما قيل ..!!
ياخي المشكله ما في مدير الاعمال المشكله حتى الفنانين على الاقل مفروض الواحد يقول صاحب الاغنيه والملحن الحاجات دي مافيشه الناس دي بس تمسك مكبرات الصوت دي وتجوعر مره العطبراوي قال سمع اضاني دي قال نحنا ماعندنا مانع الناس تغني غنانا بس تغنيهو بالطريقة الصحيحه دي برضو مفقوده ايضا وضيفها لللوهمات ياناذر لان مرات بضيفو اشياء من عندهم الشباب
Quote: انا كان بعرف اعمل الحاجات دي كنت ريحتكم هنا انا ذاتي كنت بقيت ليكم فنان نفسي اتعلم كيف الناس بتعمل يوتيوب عشان اسمعكم اشياء نادره لم توجد هنا
تعرف لازم ياوليد تلاقي واحد يساعدك بالسعوديه وهم كثر لان هذه الوثيقة تاريخية من حيث أنها مثال لشجاعة الإعتذار عن الخطا من فنان شاب وباذن الله لن نقصر معه في ثقافة الإعتذار وشجاعته في بث عمل جديد دون محاولة استدرار العطف بالأغنيات القديمة كما يفعل اصحاب ساقية جحا!!!!!
Quote: اسم الموصلي مميز وما منتشر وحتى لو ما قلت ليهو أستاذ مفروض هو يعرف أنو دا الموسيقار الموصلي ..
معليش يا ناذر الكلام ده ما صااح .. الجيل الجديد من الشباب ما بيعرف الموصلي وما شاف الموصلي وما سمع بي الموصلي .. يسمعوا وين والموصلي منقطع عن الإنتاج؟؟ يعرفوا كيف والموصلي بعيد عن الساحة الفنية إلا في اخر إجازتين ؟؟ مشكلتكم بتفتكرو إنو كل السودان عضو في سودانيز أون لاين !!! جيل كامل من حقه أن لا يعرف الموصلي وما من حقكم تزعلوا ولااا من حقكم تطالبوهو بي الإعتذار .. الموصلي قرب يتم ربع قرن من الزمان منقطع عن جيل عمره الان 25 سنة !!! غايتو للضمان كده وضاح ده كان ولد الصحفية أم وضاح فأظني سمعت الحوار حقو ..الولد وناااس غايتو .. :)
تخريمة : صراحة يا ناذر مرات كده عندك تلج في شارع العدني ما بلقاهو!!
08-28-2012, 08:08 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: جيل كامل من حقه أن لا يعرف الموصلي وما من حقكم تزعلوا ولااا من حقكم تطالبوهو بي الإعتذار ..
Quote: غايتو للضمان كده وضاح ده كان ولد الصحفية أم وضاح فأظني سمعت الحوار حقو ..الولد وناااس غايتو .. :)
للضمان كدا ياعمر الفاروق ماعرفت ارد واقول ليك شنو بس اتمنى تتوفر النيه السليمه طال ما فيها تعجبت من ناس غايتو كنت اتمنى تطربنا وتشجينا الناس دي منو وعملت شنو والتعجب في شنو
08-28-2012, 08:57 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا وليد ياخ ما بيناتنا .. صدقني ما اي كلام انا بكتبو بكون منتظر الزول (صاحب البوست تحديدا) إنو يرد .. بكتب وما شرط حتى إنو لازم يتعلق على كلامي.. بكتب عشان بكون عايز اقول كلامي ..واحترم ردود الأفعال ولو لقيت شي بيستحق التعقيب بعقب.. كلامي ما فيهو تعجب وصيغة الجمع لي إنتو ما بخاطب بيها ناس محددين..
08-28-2012, 09:07 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
لكن بتكون أكيد حافظ ليهو غنيتين تلاتة وتكون سمعت كل أغانيهو ومرت عليك قبال كدة ..!
القصة ثقافة ما أكتر ولا اقل . لو الشباب إجتهدوا شويىة وإحتكوا بالأجيال السبقتم بتعرف حاجة عن تاريخ الناس السبقوهم ..
أصعب معاينة في حياتي دخلتها يا عمر الفاروق لمن قدمت عضوية في دار الخرطوم جنوب .. كانت اللجنة فيها كمية من الأساتذة .. أول ما جيت داخل مسكت العود وداير اخش على أغنية .. الجماعة سبتوني وقالوا لي خت العود دا بي جنبة .. وقعدوا يسألوني أسئلة أنا ما كنت متجهز ليها .. أذكر من الاسئلة قالوا لي اغنية مرت الأيام بيغنيها منو ؟ وواحد تاني سألني في المعلومات العامة قال لي عاصمة السلفادور شنو ؟ والغرفة الكان فيها المعاينة فيها صورة كبيرة لي منى الخير ... سالوني قالوا لي لي صاحبة الصورة دي منو وبتعرف شنو من غناها ..! بتعرف فنان إسمو ذكي عبد الكريم ؟
وواحد قال لي إنت جاي تنضم للدار هنا هدفك شنو ؟ هل بتقدر تقدم ليهو إضافة ؟ هل عندك اعمال خاصة ؟ بديت اغني اغنية قاطعوني في نصها .. السلم الشغال بيهو دا شنو ؟ الأغنية دي ملحنا منو ؟ شاعرا منو ؟ إتغنت أول مرة متين ..!!
فعدم رؤية الموصلي أو سماع اعمالو يا عمر ما بتعفي الشباب ديل .. القصة كلها ثقافة زي ما قلت ليك .!!
08-28-2012, 09:13 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
كلامك حلو يا ناذر ..لكن تفتكر لو ما جاوبت على أسئلة الجماعة ديل فهل إنت مذنب؟؟ وهل تستحق التوبيخ ؟؟؟ وهل أصلاً إنت ملزم بي جابات صحيحة لكل الأسئلة؟؟ يا ناذر انا مستعد أسسسة أسسسة دي أسألك أسئلة عن أسماء فنانين وأغنيات واتحداك تجاوب عليها صاح ..مستعد؟ صدقني عدم إجابتك عليها ما ح يكون مؤشر لي إنو ناذر ما بيعرف ولا ناذر ما مثقف لكن عدم إجابته بكل بساطة لأنو اصحاب الأغنيات دي إما مقلين أو غير منتجين أو مختفين .. تفتكر يا ناذر أي لاعب في الهلال ملزم يحفظ كللل اسماء لاعبي الهلال اللي مروا عبر التاريخ؟؟؟ ولا بيكون في اسماء محددة خلدت إسمها وحفرت في ذاكرة المجتمع ؟؟ الهلال كل سنة بيمر على كشفه 26-28 لاعب فهل يعقل تحفظ كل الاسماء دي؟؟؟ يا ناذر الموصلي يلام على عدم معرفة الشباب ليهو وليس العكس من وجهة نظري..
08-28-2012, 09:56 AM
ابوحراز ابوحراز
تاريخ التسجيل: 06-27-2002
مجموع المشاركات: 5515
أخي ناذر 00 تحية لك وللرائع الموصلي ولضيوفك الكرام وتحية خاصة لصاحب البوست بالتأكيد أن الأستاذ الموصلي قد راى أشياء وتناقضات كثيرة بعد حضوره منها ما هو جيد ومنها ما هو سيء وبالتأكيد لاحظ التدني والهبوط في الأغنية السودانية من حيث الكلمات واللحن والآداء وبالتأكيد قد يكون مندهشا لأنه رغم كل هذا الحضيض إلا أنها تجد شعبية كبيرة وسط شريحة من الجيل الذي تتحدثون عنه قبل فترة مذيع التلفزيون كان في حلقة على الهواء بحدائق { حبيبي مفلس } سأل عن الأزهري فكانت الاجابة { معهد بمصر } !!! واردفه بسؤال آخر عن عبد الله خليل 00 ليطلع الأحير فنان مشهور !!!! حتى أسماء الفنانين تغيرت على طريقتهم وبالطبع هم احرار زبيدة الانقاذ فتحية عضلات !!! وحيدر بورتسودان القضارف !!! لا اعتقد أن استاذنا الموصلي يستغرب 00 فهذا شيء طبيعي رغم أنني أدرك تماماً أن كل الأمريكان لن ينسو آر مسترنغ حتى تقوم الساعة يجب علينا ان نخلد رموزنا في الفن والموسيقى والسياسة والأعمال الإنسانية تخلو الخرطوم من منحوتات لهؤلاء العمالقة حتى تكون رابطاً وجسراً قوياً تربط الماضي التليد بحاضر الأجيال الآنية والآتية هناك فهم جديد وأذواق جديدة علينا أن نتقبلها والا لأرتفع لدينا الضغط والسكري وأصبنا بتشنج في المفاصل وشد في العضلات !!! وقد شاءت الظروف ان أقدم إحتفالاً بإحدى كليات التربية العريقة لأحد الروابط وكم سعدت حينما غنى الفنان الشاب أغنية الطير المهاجر أداها بطريقة رائعة جدا وحملنا معه الى سماوات بعيدة تمنينا أن لاتنتهي الأغنية وكنت لحظتها أرى وردي وصلاح أحمد ابراهيم والحبيبة والنيل والمنديل والبيوت البريئة !!! والمحير ان كثير من الطلبة لم يتجاوب معه ولكن حينما غنى { القنبلة } انفجرت الكلية وقتها واختلط الحابل بالنابل والمذكر بالمؤنث وارتفع الغبار عالياً وكأننا في معركة بين صلاح الدين الأيوبي وهرقل وليس في كلية تربية لم تترك الأغنية اي بقايا للطير المهاجر من تلك التي كانت عالقة بنا بل كانت اشبه بكاسحات الألغام 00 قضت في لحظة على اليابس والأخضر صدقني أمارس كل الديكتاتورية في { الأم بي ثري } الخاص بي بالسيارة فأنا اشرف على تسجيل وانتقاء الأغاني بنفسي ولكن حينما يصطحبني أبنائي يتضايقون من بعض الأغنيات واقول لهم بامكانكم شراء جهاز يخصكم والاستماع اليه ولكن اتفاجأ بأضربني بمسدسك بجوار الوسيم والقنبلة 00 بجوار المصير ولا مناص من أن تسمع معهم ولكن بعد أن ترتدي بدلة واقية من الرصاص !!!
Quote: لا اعتقد أن استاذنا الموصلي يستغرب 00 فهذا شيء طبيعي رغم أنني أدرك تماماً أن كل الأمريكان لن ينسو آر مسترنغ حتى تقوم الساعة يجب علينا ان نخلد رموزنا في الفن والموسيقى والسياسة والأعمال الإنسانية تخلو الخرطوم من منحوتات لهؤلاء العمالقة حتى تكون رابطاً وجسراً قوياً تربط الماضي التليد بحاضر الأجيال الآنية والآتية هناك فهم جديد وأذواق جديدة علينا أن نتقبلها
ابوحراز نسين في غمرة البوست ان نحييك علي المشاركة الرائعه تسلم
08-28-2012, 09:48 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: القصة ثقافة ما أكتر ولا اقل . لو الشباب إجتهدوا شويىة وإحتكوا بالأجيال السبقتم بتعرف حاجة عن تاريخ الناس السبقوهم ..
الاخ ناذر هنا اكيد اللوم يقع على الاجيال السابقه التي لم تعمل على ايجاد المناخ المناسب للاجيال الجديده لمعرفة الكثير وبطع كلامي دا كله بصب على ان ظروف البلد هي سبب الكثير في الفراغات التي حدثت بين الاجيال السابقه والحاليه واضف الى ذلك الفنانين القدامه لم يمدوا يد العون الى الاجيال الحاليه ورعايتهم وتقديمهم للمجتمع كله كان اجتهاد شخصي من الشاب
Quote: صعب معاينة في حياتي دخلتها يا عمر الفاروق لمن قدمت عضوية في دار الخرطوم جنوب .. كانت اللجنة فيها كمية من الأساتذة .. أول ما جيت داخل مسكت العود وداير اخش على أغنية .. الجماعة سبتوني وقالوا لي خت العود دا بي جنبة .. وقعدوا يسألوني أسئلة أنا ما كنت متجهز ليها .. أذكر من الاسئلة قالوا لي اغنية مرت الأيام بيغنيها منو ؟ وواحد تاني سألني في المعلومات العامة قال لي عاصمة السلفادور شنو ؟ والغرفة الكان فيها المعاينة فيها صورة كبيرة لي منى الخير ... سالوني قالوا لي لي صاحبة الصورة دي منو وبتعرف شنو من غناها ..! بتعرف فنان إسمو ذكي عبد الكريم ؟
وواحد قال لي إنت جاي تنضم للدار هنا هدفك شنو ؟ هل بتقدر تقدم ليهو إضافة ؟ هل عندك اعمال خاصة ؟ بديت اغني اغنية قاطعوني في نصها السلم الشغال بيهو دا شنو ..؟ الأغنية دي ملحنا منو ؟ شاعرا منو ؟ إتغنت أول مرة متين ..!!
ماسبق كله ياناذر مجرد دردشه وانت ليس ملزم بالاجابه عليه ولكن هذا الشكل من المعاينه يعتبر فيه نوع من الدهاء حتي يعملوا ليك تهيئه لكي يوصلوك الي سؤال محدد وهو نقطة الهدف لكي يحددوا مستواك وهو ( السلم الشغال بيهو دا شنو ) الباقي كله حشو كويس ماقالوا ليك عِد لينا المليون شهيد في الجزائر ههههههههه
Quote: فعدم رؤية الموصلي أو سماع اعمالو يا عمر ما بتعفي الشباب ديل .. القصة كلها ثقافة زي ما قلت ليك .!!
ناذر لانلوم الشباب ابدا بل نلوم الاعلام وظروف البلد الشباب دا يتقطع ياخي ياكل ولا يقرا ولا يقعد يفتش في الثقافه ناذر ياخي زمان الناس دي لاشايله هم اكل ولا شايله هم اي شي من ظروف الحياه مره واحد من ناس بربر قديم بحكي لينا قال العطبراوي وعبد العزيز محمد داؤود لو مفلسين طوالي يمشو للزعيم الازهري ونسه ودردشه ونكته نكتتين لانه كان يحبهم جدا يطلعوا بالفيها النصيب عارف الحياه زمان كان بسيطه شديد تختلف عن الان وهذا ايضا ماقاله الشاعر ابو امنه حامد في لقاء صحفي سابق عندما قالوا له هل المعاناه تولد الابداع اجباته كانت لا .. قال كيف ابدع وانا اعاني وابحث عن لقمة العيش لي اولادي
08-28-2012, 11:25 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: [الاخ ناذر هنا اكيد اللوم يقع على الاجيال السابقه التي لم تعمل على ايجاد المناخ المناسب للاجيال الجديده لمعرفة الكثير وبطع كلامي دا كله بصب على ان ظروف البلد هي سبب الكثير في الفراغات التي حدثت بين الاجيال السابقه والحاليه واضف الى ذلك الفنانين القدامه لم يمدوا يد العون الى الاجيال الحاليه ورعايتهم وتقديمهم للمجتمع كله كان اجتهاد شخصي من الشاب
عزيزي وليدكيف يعني الاجيال السابقة لم تعمل على ايجاد المناخ المناسب للجدد الثقافه الفنيه هي جزء شخصي جدا لو هسع زرت بيت عمر الشاعر حتجد الاغنيات الغربيه والهنديه والعربيه في مكتبته بيسمع وبيعرف اللحون ومغنييها ومؤلفيها مما آهله لعطاذه الثر بمناسبة مد العون مديناهو لامن مدفق عندك عافيه حسن عندك عمر بانقا 9+9 اشركت العديدين في حفلاتي التي آقيمت بنادي الضباط مع الاهتمام بالتوزيع الموسيقي لهم وووووو الخ -------------------- الى الصديق عمر الفاروق اللي دايما متعود يرمي اللوم علي الموصلي حتى مامهم يكون الحوار عن محمد الامين ولا عن وضاح ولا عن شروق الخ الخ بدون غرور 1- الاستقبال الذي وجده الموصلي بمطار الخرطوم كان غير مسبوق ولم يحظ به فنان سوداني من قبل 2-آول حفل لي في قاعة الصداقه كان فيه شباب وشابات في آعمار صغيرة جدا يرددون معي الاغنيات وانتظرني الكثيرين منهم خارج القاعه مطالبين عودتي 3- حفلتي في اماسي الخرطوم آمها جمع امتلات بها ساحة المتحف القومي عن بكرة ابيها الغالب الاعم منه من الشباب والاغنيات الخاصة بالحفل موجوده باليوتيوب 3- اعترفت الصحف بان كل زياره من زياراتي للسودان كانت تحدث حراكا فنيا كبيرا في السودان آسآل (ناذر الذي داعبته ) بانه بيكسر تلج فهو رجل آمين 4- آما الاستقبال الاحتفالي فهو آيضا لم يكن مسبوقا وعلى راس تلك الاحتفالات نقابة المهن الموسيقية بامدرمان ونادي الخرطوم جنوب شارك فيه كبار وصغار الفنانين بشتي الاعمار فهل اتى كل ذلك من فراغ؟؟؟؟ كونك لاتعرف كل هذا وانت دوما ترد باعتبار آنك عارف بكل مايدور في السودان يضعك في دائرة سكرتير وضاح و آسال نفسك بينك وبينها عن اخلاصنا للفن!!!!!! --- انا كتبت ماهو آعلاه ليس لكي ابيين لك ماذا حدث بعد عودتي للسودان ولكن لكي لا تجعل دفاعك عن سكرتير وضاح هجوم على يوسف الموصلي فعليك الله ياعمر ماترميها في الموصلي لانك لم تكن حاضرا زياراتي (الثلاث) في اغترابك ايضا الزيارات التي لم آحظي فيها بالونسه مع آهلي لشدة انشغالي بالفن
(عدل بواسطة Elmosley on 08-28-2012, 11:30 AM) (عدل بواسطة Elmosley on 08-28-2012, 11:34 AM) (عدل بواسطة Elmosley on 08-28-2012, 11:41 AM) (عدل بواسطة Elmosley on 08-28-2012, 12:02 PM)
08-28-2012, 11:58 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: عزيزي وليدكيف يعني الاجيال السابقة لم تعمل على ايجاد المناخ المناسب للجدد الثقافه الفنيه هي جزء شخصي جدا لو هسع زرت بيت عمر الشاعر حتجد الاغنيات الغربيه والهنديه والعربيه في مكتبته بيسمع وبيعرف اللحون ومغنييها ومؤلفيها بمناسبة مد العون مديناهو لامن مدفق عندك عافيه حسن عندك عمر بانقا 9+9 اشركت العديدين في حفلاتي التي آقيمت بنادي الضباط مع الاهتمام بالتوزيع الموسيقي لهم
امكن يا استاذ تكون واحد في الميه يعني عليك الله هسه الحاصل في السودان دا يدل على ان تواصل الاجيال مفقود وزي ماقال احد الاخوان هنا حتى البلد لاتعرف توثق للرموز لكي المعرفه والثقافه تكون ثلثه وفي متناول اليد يعني في مليون طريقة لنشر المعرفه ليس عن طريق جمع الكتب في المكتبات فقط يوجد ايضا الاسهل عبر المرئيات والقنوات الفضائيه وامكن كلامي هنا يا استاذ الموصلي ما مقصود به شخص واحد من قبيلة اهل الفن لذلك يارتي تحدثنا عن المعوقات والسلبيات بهذا الخصوص وليس عن حالة الاستاذ الموصلي لان امكن كثيرون من الناس تعرفك جيدا والمعرف لايعرف نريد الحديث عن اسباب السلبيات التي تحدثت عنها انا...
تخريمه استاذ الموصلي انا واحد من الناس المتابعه لرحلتك حتى ان وصلت الخرطوم وحتى قدمنا لك دعوه بالمرور الى جدة قبل الوصول للخرطوم انا وصديقي الموثق الكبير وعضو سودانيز اون لاين عماد احمد لو تذكر وكل هذه الاستقبالات وشكلها انت تستحقها ... عن نفسي انا كنت سعيد بظهورك في التلفزيون بعد فتره طويله وسجلت لك بعض الاعمال حتى كتوثيق نرجع له في يوم من الايام ...
08-28-2012, 12:05 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
استاذنا الموصلي .. شكلك ما فهمتني في وزنتا صعبة .. ما قصدت ليك إني ما صدقتها أو عملتها واسعة شوية بس قصدت ليك إنو ميزان بي كل الفنانين صعب تحددا خصوصاً وإنو ممكن كمية الناس الجاتك ما جاتك بحكم الموصلي الفنان .. وبرضو وزنتا صعبة لأنو الراحل مصطفى سيد أحمد أستقبل وهو في تابوت إستقبال ما حظي به الأحياء .. وبرضو وزنتا صعبة لأنو ما كل عودة الفنانين موثقة من داخل المطار .. عشان كده قلت ليك صعب إنو تجزم إنت أكتر فنان أستقبل ..
تخريمة : يا موصلي والله في ناس بيكونو غايبين من البلد عشرين سنة بيستقبلوهم ناس الحلال الورا والحلال القدام وعيييييك شي بي الدفارات وشي بي اللواري وشي بي البكاسي وهو بيكون زول الله ساااي ..سروال ومركوب وجبة وسديري وسيف وسكين ..فعادي ممكن إستقبالك يكون كده..
08-28-2012, 02:27 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: تخريمة : يا موصلي والله في ناس بيكونو غايبين من البلد عشرين سنة بيستقبلوهم ناس الحلال الورا والحلال القدام وعيييييك شي بي الدفارات وشي بي اللواري وشي بي البكاسي وهو بيكون زول الله ساااي ..سروال ومركوب وجبة وسديري وسيف وسكين ..فعادي ممكن إستقبالك يكون كده..
لكن لم يكونوا لواري تحمل الاهل والاصدقاء والاحباب فقط بل كانوا جمعا غفيرا من المبدعين والمبدعات والادباء والشعراء والاكاديميين مبدعين جدد لم أرهم ولم يروني ياسيدي عمر وان شاء الله بعد أموت كمان يكون استقبال كبير لانني لم أنل من هذا الفن الا حب الناس بما فيهم عمر الفاروق عليك الله بيني بينك كده (مابتحبني؟؟؟؟) التعديلات للتصحيح اللغوي والطباعي تحياتي ياعمر
(عدل بواسطة Elmosley on 08-28-2012, 02:27 PM) (عدل بواسطة Elmosley on 08-28-2012, 02:30 PM) (عدل بواسطة Elmosley on 08-28-2012, 02:32 PM) (عدل بواسطة Elmosley on 08-28-2012, 02:32 PM)
08-28-2012, 02:32 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: أها ديل في السودان لي غفيرين لا حاجة .. غايتو إلا كان حسبت ناذر مبدع
نادر مبدع ولكن ان لم يكن ابو عركي ومحمديه والفاتح حسين والقدال وسعد الءيب واسامه بيكلو واحمد المك وعبد القادر الكتيابي وهذا على سبيل المثال لا الحصر مبدعون فمن المبدع
08-28-2012, 05:45 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: أها ديل في السودان لي غفيرين لا حاجة .. غايتو إلا كان حسبت ناذر مبدع
دي عينة وصور بسيطة من أستقبال يوسف الموصلي في المطار ..
لكن أنا شايف نسيب دا كلو ونركز على ثقافة الإعتذار في الوسط الفني ودعم الموسيقار الموصلي للفنانين الشباب ..!!!
ويا عمر الفاروق أنا يوسف الموصلي اقسم بالله لم اسمعه إلا عبر تسجيلات شركة حصاد وقبلها شريط شوق الهوى .. وفي داك الوكت الموصلي كان خارج البلاد بيمارس عملو كمدير فني لشركة حصاد ومسئول عن توزيع وتلحين وإخراج شرائط الكاسيت التي تنتجها حصاد ..
أعتقد أن إنتاج شركة حصاد من ألبومات الكاسيت للفنانين الأخرين التي قام بتلحينها أو توزيعها يوسف الموصلي فاقت الأربعون شريطا موزعة لفنانين وفنانات من مختلف الأعمار وأطلق عليها في الصحافة هنا (الموصليات) ..!! ومنها هاجر الموصلي لأمريكا ..
تلك الألبومات والتي أستنذفته لحنا وتوزيعا وكان من الممكن ان يحتكر ألحانها وتوزيعها ليغنيها لنفسه لو لم يقدم غيرها للشعب السوداني لكفاه !! ولكنه أثر أن يمنح علمه وخبرته لبقية الفنانين ..
من منا ينسى البومات ستظل عالقة في الوجدان كالبوم الحزن النبيل وطفل العالم الثالث وكل النجوم ومن جديد و الساقية وقلت ارحل والبنت الحديقة وقمر الزمان وغيرها وغيرها ..!!
سأعود ...
08-28-2012, 06:49 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: صدقني يا موصلي ديل مستحيل يكونوا غابوا في إستقبال وردي أو في إستقبال ابو اللمين أو في إستقبال سيف الجامعة .. ..
شفت ياعمر انك حاذق جدا في المراوغة انت هسع كنت بتتكلم عن انو ما جاء الا من هم زي (ناس ناذر) كدعابه طبعا مع انو ناذر ده زولا مو هين الا أنني ذكرت ليك مثال فقط قعدت تقول لي وردي وابو اللمين وسيف الجامعه --------------- انا سالتك سؤال البنات والوليدات الصغار العزفو الحب يا ام سماح ديل في احتفال جنوب الذي اقيم بعد اسبوع فقط من وصولي اي واحد منهم اصغر منك بجيل كامل على الاقل فهم اذن لايعرفون الموصلي شخصيا لان تلك المرة الاولى التي يرونني فيها ولكنهم يعرفون فنه نطيت من الموضوع وعملت (زغبير) بلغة أهل الفن ولم تجب هههههه
08-28-2012, 08:12 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
أها شوفت يا موصلي المرة دي أصصصلو ما بخليك لحدددي ما نصل لي نتيجة لأنك كللل مرة مضلل الرأي العام هنا بي قصة إني بتلولو وبغيير الكلام وبتحاذق.. خلينا نرتب الكلام القلناهو سوا ونثبتو بعد داك نواصل على أساس بعد داك برجع لي نقظة ناذر.. انا وقفت من بين كل النقاط اللي كتبتها على نقطة إنك حظيت بأضخم إستقبال على مستوى جميع الفنانين مش ده كلامك؟؟ انا جيت قلت ليك دي نقطة صعب إنك تثبتها لأنو ما عندك ليها دليل واضح والقياس فيها صعب ..مش ده كلامي؟؟ إنت جيت قلت لي جوني ناس كتاااااار..مش ده كلامك ..؟؟ انا جيت قلت ليك في معتربين عاديين سااااي بيكونوا بيجوهم بي اللواري والبكاسي فده ما مؤشر ..مش ده كلامي؟؟ انت جيت قلت لي انا جوني مبدعين وشعراء وفنانين و و ..مش ده كلامك ؟؟ انا جيت قلت اصلاً قبيلة المبدعين في السودان شوية في إشارة لي إنو لو بتتكلم على المبدعين فمعناها اللي جوك حببة ..اللهم إلا إذا قاصد ناس ناذر مبدعين ..مش ده كلامي؟؟ إنت جيت وعديت لي المبدعين اللي جوك في إشارة لي إنو ديل اللي إنت بتقصدهم وديل اللي عملوا الفارق ومن خلال كلامنا فكأنما بتقول لي ديل اللي جوني وما بكونو جو لي الناس التانيين وإلا لما حصرتهم ..مش ده كلامك؟؟ انا جيت قلت ليك ديل ما كفاية يأكدوا لينا إنو إنت حظيت بأكبر إستقبال على مستوى الفنانين لأنو ديل زااتهم بيكونوا جو لي وردي ولي البلابل ول يغيرهم مثلاً.. مش ده كلامي؟؟؟
يلا يا موصلي في كووول الكلام ده انا ساكي ومركز معاك في نقطة واااحدة ما لفيت منها ..اللي هي كيف إنت قررت إنك أكتر فنان حظي بأستقبال فني وجماهيري وانا اللي بأكد إنو حضور حفلة البلابل في أول ظهور فردي (وردي ده خليهو بعيييد شعراً ما عندنا ليهو رقبة ) كانت أكبر من حضور حفلتك في أول ظهور فردي.. ده كلامي وده الخيط الانا جاريهو معاك وساكيهو معاك عشان نصل فيهو لي نهاية لأنو ممكن عادي يا موصلي تكون إنت مغييب أو بتتكلم عن حاجات مفتكر إنها حصلت ليك إنت وما حصلت لي غيرك وانا بقول إنو هي حصلت مع غيرك بي زيادة .. أها كده كلامي عدددل ولا لسة مصر إني بتحذلق..؟
تخريمة : والله عشان اكون حقاني بريييد موصلي زمان فنياً لكن موصلي الفنان الأسة ما دخل قلبي وما مقتنع بيهو ..وبرييد موصلي سودانيز عضو المنبر الحالي المعانا بي صدره الرحب ونقاشاتو ..
08-28-2012, 11:27 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: يلا يا موصلي في كووول الكلام ده انا ساكي ومركز معاك في نقطة واااحدة ما لفيت منها ..اللي هي كيف إنت قررت إنك أكتر فنان حظي بأستقبال فني وجماهيري وانا اللي بأكد إنو حضور حفلة البلابل في أول ظهور فردي (وردي ده خليهو بعيييد شعراً ما عندنا ليهو رقبة ) كانت أكبر من حضور حفلتك في أول ظهور فردي.. ده كلامي وده الخيط الانا جاريهو معاك وساكيهو معاك عشان نصل فيهو لي نهاية لأنو ممكن عادي يا موصلي تكون إنت مغييب أو بتتكلم عن حاجات مفتكر إنها حصلت ليك إنت وما حصلت لي غيرك وانا بقول إنو هي حصلت مع غيرك بي زيادة .. أها كده كلامي عدددل ولا لسة مصر إني بتحذلق..؟
تخريمة : والله عشان اكون حقاني بريييد موصلي زمان فنياً لكن موصلي الفنان الأسة ما دخل قلبي وما مقتنع بيهو ..وبرييد موصلي سودانيز عضو المنبر الحالي المعانا بي صدره الرحب ونقاشاتو ..
هسع انت عامل بوست للراحل العزيز نادر خدر عارفو مرق للفن على يد منو؟؟؟؟؟ نادر ده مش غنى الاماني السندسيه ومش غنى رساله الى آمي ومش تغني في آغاني واغاني بعلي قدر الشوق ديل اغاني حقت منو من الفنانين ياربي؟؟؟؟ ---------- يخيل لي الحوار بقي حوار طرشان يعني ماحنصل فيهو لنتيجه لان الفي راسك في راسك حب ياخوي مني مابدآ لك فحب الناس مذاهب واكره مابدا لك فذلك لا يهز فيني شعره ---------------- ه
طبعا مستغربين في السلام الفي نص الكلام ده .. انا ما ناذر .. انا وضاح اولا كل عام وانتو بخير وتتحقق امانيكم انشاءالله ثانيا اتوجه بالشكر للاخوان الاعزاء بسودانيز اون لاين لاهتمامهم الزائد بالقضايا الفنيه بالسودان رغم ان اغلبهم خارجه .. والشكر خاص للاخ وليدعبداللطيف لاهتمامو لموضوعي وتسليط الضوء عليه لكي يصل لاستاذنا وابونا الروحي يوسف الموصلي .. وهذا هو المطلوب
الحقيقه انا احب انقل تحاياالعشرات من الشباب لاستاذنا الموصلي وديل البعرفم معرفه شخصيه من فنانين وغير فنانين لما عرفو انو عندي علاقه بالموصلي كانو مندهشين وقالو انا قاشر بيو ساي !!! وانا افتكر انو ليهم الحق لانو الموصلي هو قامه ضخمه جدا ومنعطف هام في تاريخ الفن السوداني وانا سعيد جدا وفخور بمعرفتك يا ابونا الروحي الموصلي .. وبكرر اعتذاري رغم انك قبلتو بصدر فنان وانا استغل الفرصة عشان اقول ليك انا طالبك اعمال جديده .. شوف الطمع.. اعمال ولا عمل ههههههه
وانا اشكر كل من تداخل بابداء الراي وقد سعيت جاهداً للبحث عن الفيديو الرايح ولم اجده حتى الان وارجو ان يتمكن الاخ وليد بمساعدة الشباب على انزاله في المنبر رغم ان الرساله وصلت .. ختاما اتوجه بالشكر الخالص للاخ والصديق العزيز ناذر رغم انو قاعد جمبي وبحاول يمنعني اشكرو لكن هو يستاهل اكتر من كده ما كفايه انو عرفني بالموصلي؟؟؟؟
(تخريمه)طبعا عجبتني تخريمه يا اخ عمر بعد اذنك صراحه انا عندي رغبه شديده في الانضمام للمنتدى واتمنى ان اجد من يزكيني عند الباش مهندس بكري ابوبكر واكون شاكر جدا
08-28-2012, 08:42 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
سؤال: شنو مواصفات الزول البيغني، وممكن نطلق عليهو فنان؟؟ لأنو بصراحة كده إنتو قعد تجاملوا، والفن ما فيهو مجاملة حتى أخواننا البيغنو هنا في سودانيزأونلاين قعد تجاملوهم والحمد لله لغاية الآن ما في زول منهم عتّر لي عشان أقول ليهو رأيي الوااااضح فيهو .. أنا حضرت جزء من الحلقة وسمعت الاعتذار، الشاب وضاح صوتو عااااادي، واي زول ممكن يعمل زي البيعمل فيهو ده وما تزعل يا وضاح ، لكن ده رأيي فيك كمستمع.. هو أي زول واقف قدام أورغ ، واللا بيعزف عود واللا غيرو معناها (بالضرورة) بيعرف يغني يعني، واللا المنظر شنو هنا!! أي زول يصنّف نفسو فنان بنقول رأينا فيهو وبدون تردد.. أمبارح سألت واحدهنا قلت ليهو إنت جادي واللا نهظر معاك ، وطبعاً ما اشتغل بي الشغلة.. والله ما مضيعنا غير مجاملاتنا دي، وده طبع في الشعب السوداني كل وما ح يتغيّر..
يا عمر ، يا عمر يا فاروق، النصيحة الموصلي علامة فارقة والله ، وفارقة جداً (ما صوت طبعاً) مجهودو وانتاجو وشغلو الشخصي، والشغل العملو للناس يخليه يفارق جمل الطريفي زاتو.. ياخ أنا لمن أخرم لتوزيع مريح، بجري على البوم الحزن النبيل واللا لأندريه رايدر.. إنت زاتك يا عمر مفروض تفارق الكفيل ده، واعمل ليك (وهمة فنان شاب) هناك.. ما تضيع زمنك، الجماعة لصّقوها ألقاب ملكية، وهمرات، وعمارات، والموصلي ده زول فردتك ما ح يقصّر، والقصة كان سلكت معاك، ما تنسى أخوك مدير أعمال جاهز..
08-29-2012, 00:00 AM
Elmosley Elmosley
تاريخ التسجيل: 03-14-2002
مجموع المشاركات: 34683
سؤال: شنو مواصفات الزول البيغني، وممكن نطلق عليهو فنان؟؟ لأنو بصراحة كده إنتو قعد تجاملوا، والفن ما فيهو مجاملة حتى أخواننا البيغنو هنا في سودانيزأونلاين قعد تجاملوهم والحمد لله لغاية الآن ما في زول منهم عتّر لي عشان أقول ليهو رأيي الوااااضح فيهو .. أنا حضرت جزء من الحلقة وسمعت الاعتذار، الشاب وضاح صوتو عااااادي، واي زول ممكن يعمل زي البيعمل فيهو ده وما تزعل يا وضاح ، لكن ده رأيي فيك كمستمع..
ياصلاح كيفك ياصديقي انت عارف انا بحترم رآيك قدر كيف نعم وضاح لم يكسر الدنيا بصوته ولكن يستطيع ان يغني ويستطيع ان يتطور واهم حاجه عمل حاجه انت بتحبها غنى اغنيه خاصه ودي بداية مشجعة جدا الصوت يمكن تربيته بالعلم والخبره اليس كذلك ----------- تعرف ياصلاح انا عندي بوست يؤمن عملية التطور دي جايب فيها آغنيات البداية لكثير من الفنانين العظام كانت بدايتهم فطيرة جدا ولكن باصرارهم وقدرتهم على التعلم واكتساب خبرات الاداء آصبحوا الاعظم غناءا في السودان وعايزك تلعب معاي راس في البوست تسلم ياصديق ونحترم رآييك والله
Quote: الحقيقه انا احب انقل تحاياالعشرات من الشباب لاستاذنا الموصلي
الابن العزيز وضاح انا معجب بشجاعتك في ثلاث مواقف 1. آعتذارك برغم آنك لست من قام بالعمل المعتذر عنه وهذا في حد ذاته يعبر عن اصلك الكريم ونحييك . 2. اصرارك آن تغني آغنية خاصة بك غير عابئ بالتصفيق الزائف الذي يقوم به محبي المقلدين في الشارع والمواقع. 3. ردك المهذب على المحاولات اليائسة الفطيرة من التقليل من مبدع . اتنبا لك لك بمستقبل كبير وباذن الله عند حضوري للسودان ستكون قد حفظت آغنيتك الجديدة لتؤديها في حفلتي التي اقدم فيها آغنياتي الجديده بصوتي وبصوت العديد من الفنانين الشباب وصية لا تلتفت لاصوات التهكم الفارغة وستصل الى مبتغاك آما آولئك المكوجية من الذين يرتزقون باغنيات المراحيم والمبدعين فسينساهم الشعب السوداني ولو بعد حين ويبقى عمل الذين يحفرون على الصخر ياصايعهم كن بخير يابني ارسل معلوماتك وخلي موضوع بكري علي ناذر سيعطيك ايميلي
(عدل بواسطة Elmosley on 08-28-2012, 11:42 PM) (عدل بواسطة Elmosley on 08-28-2012, 11:46 PM) (عدل بواسطة Elmosley on 08-28-2012, 11:47 PM)
08-29-2012, 08:03 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: الشاب وضاح صوتو عااااادي، واي زول ممكن يعمل زي البيعمل فيهو ده وما تزعل يا وضاح ، لكن ده رأيي فيك كمستمع..
للان هنا مافي زول تطرق الى امكانيات الشاب وضاح واكيد سوف يتطور لان له اصرار الرغبه في التعلم والتطور واكيد اذا وقع تحت يد الفنان القامه الموصلي سوف يجد حظ كبير في التعلم والتطور كثيرا من الفنانين بالتعلم تغير حالهم
الاخ والفنان الشاب ... وضاح مانقلته هنا لان فعلا عجبتني شجاعتك في الاعتذار للقامه يوسف الموصلي وحتى نطيب خاطر استاذنا الموصلي لان كما تعلم الفنان ليس ككل البشر كائن حساس ومرهف . .
Quote: ارسل معلوماتك وخلي موضوع بكري علي
استاذ الموصلي تشكر على هذا العمل الكبير ولا ننسى انك اضفت لنا هنا في يوم من الايام موثق المنبر ( عماد احمد )
08-29-2012, 11:33 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
استاذنا الموصلي.. لمن اقول ليك جننك تعدل بقيت تزعل وتديني محاضرة وتشرح لي ... امبارح كتبت ليك رد طويييل عريييض لكن للأسف لمن رسلتو كان خلاص بكري ابوبكر قرر رسالتو السخيفة ديك وقال لي اكملت عدد مشاركاتك لهذا اليوم ..
الليلة جيت عشان ارد لقيت الكلام ماف ..وعليه ح الغي الرد لأنو كل كلامي كان مبني على كلمة انت كتبتها وأسة لقيتا ماف..
صلاح يا عبد الله .. عن نفسي تمت إستشارتي كمستمع عادي من بعض الزملاء هنا واديتهم رأيي بصراحة في اصواتهم وامكانياتهم اللي شوفتها عادية كصوت ولكن وضحت ليهم إنو ده رأي مستمع ما راي متخصص .. انا فوق كتبت ليهو وضاح زول وناااس غايتو في إشارة لي إنو غناهو عادي .. بالنسبة للموصلي فأهو إنت إتفقت معاي وجبت الخلاصة الانا بهاااتي بيها لي سنين هنا..الموصلي موزع متميز ..مثقف ..دارس موسيقي من الطراز العالي..لكن الموصلي الحالي مغني غير جيد ..واللي هي انت عبرت عنها في جملتك البين اقواس.. الموصلي مصر على الجري والطيران ..وانا مصر على غنو الموصلي جراااي لكن ما بيقدر يطير.. بس..
08-31-2012, 07:55 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: استاذنا الموصلي.. لمن اقول ليك جننك تعدل بقيت تزعل وتديني محاضرة وتشرح لي ...
عمر انا لاني سربع في كتابة العربية فبرتكب اخطاء منها الطباعي ومنها اللغوي عموما انا اكتشفت مقارنة بالبعض انك ولي من أولياء الله الصالحين هههه ----- طبعا انت الكوتات بتجننك نجيب ليك كوت الغزل بتاع الاماني السندسية بتسجيلي الاخير حتقوم تخرخر والله برضو بحترم رأييك بس ابيت تجاوب عن أنه كيف البنيات والوليدات الضغار ديل عزفو الحب يا أم سماح بعد عودتي ب 7 ايام ولم يروني حتى لحظة الاستقبال بنادي جنوب في ذلك الفيديو؟ لو أجبت على هذا السؤال يكون ماعندك عوجه تب
08-29-2012, 11:37 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: ستاذ الموصلي تشكر على هذا العمل الكبير ولا ننسى انك اضفت لنا هنا في يوم من الايام موثق المنبر ( عماد احمد )
العزيز وليد شكرا لهذا البوست الرائع الذي ياتي لنا بمثال للتهذيب من فنان في بدايته وبرغم تقديري لراي صديقي صلاح الا آنني اري اذا استمر وصاح على هذا المنوال فانه سيصل الى نتيجه ممتازه والتحيه للحبيب ناذر الخليفه الذي بادر بايجاده معنا /// ناذر ده زول حبوب تب وآكن له احتراما ومحبة كبيرين
(عدل بواسطة Elmosley on 08-29-2012, 11:39 AM) (عدل بواسطة Elmosley on 08-29-2012, 11:45 AM)
08-31-2012, 08:29 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
يحي قباني يرد على يحي قباني في قوله بان نصيب الموصلي كملحن نضب
وذلك عندما سمع عافية المطر من شعر بروف معز
Quote: ستاذى المحترف يوسف الموصلى...والعزيز نادر الفضلى...
أولا كما طلبت استاذ موصلى إستمعت للأغنية مرات عديدة...حتى لا أدلى بحكم فيه ظلم...ولا أخفيك سراً إننى لم أسمع الأغنية من قبل...ولم أسمع شروق إلا فى بداياتها و هى مدفوعة لترديد بعض اغانينا الراسخة فى وجداننا... والتى نعشقها ونرددها يوميا...ولا نسمح لأحد من الخروج من حدود كيفية ادائها...وكان حكمى عليها أنها لن تفلح إن استمرت فى هذا الطريق...
ثانيا...لم أكن فى حوجة للأستماع لعافية المطر لمرات عديدة...فاللحن يسحرك بدروبه و دهاليزه المميزة و اسلوبه الممهور بذهب موسيقى الموصلى...ولكنى وجدتنى أقول. إن كنت تريد أن تقول رايا...فلتصبر و تتأكد... وأستمعت مرة ثانية...وكلمات بهاء سليمان فى خاطرى حينما قال " الموسيقار يوسف الموصلى يمكنه على سبيل المثال أن يجعل منى فنانا تسلط عليه الأضواء بمجرد أن يشع الخبر بأن الموصلى تبنى (فلان) أو (فلانة )..."وأعرف ان ما قاله صحيحا جداً..." وايضا لم اجد ما أقوله لنفسي سوى أننى أستمع لعمل متكامل لحن و اداء...
واستمعت مرة ثالثة و رابعة... واصدرت حكمى...الذى لا يحكتم به سوى نفسي..أننى أمام فنانة...ضاع منها مالم تكن فى حوجة له...وفنانة أجمل أيامها لم تأت بعد...وأقول لها سيرى...فالطريق ممهد أمامك...وتخيرى و تنوعى فى إختيار كلماتك... وتمسكى بلونية الغناء التى تميزك وتظهر مفاتن صوتك و تمكنه...
عزيزى يوسف... أنا من عشاق بل من دراويش سيدة الغناء العربى ام كلثوم... ولا أضع فى مكانها كائن من كان... ولكنى رغم ذلك لا أعتبرها فنانة شاملة كفيروز مثلا..ولكن ما لا يختلف فيه أحد أن ام كلثوم سلطانة الطرب وملكة غناء القصيدة ولون غنائها الطربى لم يصله أحد...وأما فيروز غنت االطرب و القدود...والملاحم....والتراث الشعبى.والأوبرالى..والحديث...والراقص ...وكل اللونيات... وهى فنانة شاملة كاملة...
ما اردت الوصول إليه هنا...إن كان للفنان تميز فى لونية غنائية و لو واحدة فقط...وتميز فيها فليكن....فجواز المرور للنجاح فى الغناء يمكن أن يجوز دون المرور بسرور و كرومة.
انا قلت قباني ده بكون نسى الاغنيه دي قلت اذكرو عشان يختها في القائمة تلك المصدر سودانيس سونغس دوت نت
هنا يحي قباني يرد علي يحي قباني في آغنيتي الميعاد التي كان قد سمعها لاول مره يعني الموصلي هنا مغني وملحن وموزع هنا يرد على شخصي بعد آن نزلت الاغنية في بوست
Quote: شكــــراً يا بديــــــع... ومنتظرين التحليل الذاتى.. ...مدرسة جامعة يا موسيقار كل يوم بنتعلم منك....
ترى هل اصبحت تلك المدرسة الجامعه (خلوة فجآة)!!!! هنا يرد علي الفنان الصديق بهاء الدين
Quote: ياسلام عليك يا بهاءالدين ... وأنت تعلن ضربة البداية فى مشوار المكتبة للتوثيق للموسيقار البديع يوسف الموصلى ... حقيقة هاجس كبير بالنسبى لى انا شخصياً وكل الأخوان هنا حصر كل أعمال الموسيقار ... حقيقة كل يوم نندهش لكل اكتشاف فيما قدمه الموصلى لهذا الوطن... بتجرد وشفافية ... تسلم مرة تانية ...
وفنان ماعندو غير الاغنيات التي ذكرتها تلك يراد التوثيق له بتلك الطويقة المهوله!!!!!!! بالله لا تنسي آن تضيف الاغنية لقائمتك الناقصة
08-31-2012, 11:11 AM
Elmosley Elmosley
تاريخ التسجيل: 03-14-2002
مجموع المشاركات: 34683
وهنا يحي يؤكد بان كل ماقاله عن الموصلي ليس اعتباطا في رده في بوست (زول طويل"حصة مزيكا) عني فقال يحي
Quote: يا موصلى...سألتك بالذى سواك... مش حرام تكون هنا... والفوضى الموسيقية خربت المستمع السودانى...وعودت أذنه على الإستئناس بقبيح الكلمات... و بهزيل النغمات..!!!
على جمبة كده....التويست الفى النص ده ما مباااااااااالغة لكن....
والكلام آعلاه عن آغنيتي شوق الهوى فما ذا حدث وغير رآيه سآترككم تفكرون والآمثلة التي يمكن سوقها هنا كثيره من مقولات يحي قباني في مدح الموصلي المغني الملحن الموزع المحلل لا تحصي ولاتعد ومحفوظ جزء كبير منها في كومبيوتري تحسبا لمثل هذه الايام ولكن المحير آن ينسي مدير موقع جميل وجذاب توثيقي بان كلامه موثق والسؤال هل هذا كان نوعا من (كسير الثلج) للحفاظ على الموصلي كاتبا محللا ساعد كثيرا في نمو الموقع آم آنه كان شعورا حقيقيا نابعا من القلب فان كان (تكسيرا للثلج فانني اعتبر تهجمك هذا محاولة لتكسير المقاديف فاشلة وان كان كلاما صادقا فعليك بالاعتذار للقراء هنا ولشخصي وآوعدك بانه سيكون مقبولا منهم ومني
(عدل بواسطة Elmosley on 08-31-2012, 11:15 AM) (عدل بواسطة Elmosley on 08-31-2012, 11:17 AM) (عدل بواسطة Elmosley on 08-31-2012, 11:19 AM)
08-31-2012, 12:31 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
بالله اخدم وضاح واشركه معانا هنا وما يخاف من انواع النقد في هذا السايبر مثل 1- النفد الصداقي 2- النقد التكسيري بشقيه الثلجي والتحطيمي 3- النقد الانطباعي المعتمد على النفس الامارة بالسوء 4- النقد الانطباعي فقط 5- النقد التحليلي
تحياتي لكما
08-31-2012, 01:42 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: الله الله الله على الجيتارات القاعدة تتكلم ...والكمنجات قاعده تغازل فوقها.... ياسلام سلم يا موصلى...
وهنا يبدي قباني الوله والاعجاب غير المسبوق باغنيتي يامستطاب من شعر الفؤ عبد القادر الكتيابي وكان هذا يشجعني ويدفعني دفعا للمزيد مما ظهر ولم يظهر بعد ترى ما الذي دفعه الى جر عجلة فرامل التشجيع هذه؟؟؟؟؟ وبرغم ذلك نقترح عليه اضافتها لقائمته الناقصة تلك وجل من لاينسى (ياجماعه)
كعادتك مع كل من حاول ان يوجه نصح او انتقاد لم تقرا ما كتبته جيدا ....!!!
اولا لم افهم انتقام من ماذا؟ من انك أدرت وجهك لأهل المكتبة لانها كانت تغوص في حالة حزن لفقد ركن أساسي من أركانها
والذي حينما كان حيا كنت تعتبره صديقا هو وزجته و حينما توفي لم تكلف نفسك بالسؤال عنها ....
لماذا؟ لانه يعتبر تعطيل لمسيرتك الفنية " الجديدة " فقلت أحسن امشي أشوف محله ناسها ما حزاني لغاية ما ديل افوقو؟؟؟
ثانيا ... وبرضك مستعجل ترد ... تقرا سطر و تفط سطرين... كل الاغاني الانت اجتهدت و جبت منها اقتباس لا يعني انها راسخة ... ومعظم تعليقاتي تنصب حول الموسيقي ...
شوف يا حبيب" او يا دكتور " كما تحب ان ينادوك تاني و تالت " انت موزع موسيقي " ولا غبار عليك أبد ...
اما موضوع الغنا اسمح لي حقو تنساهو في المرحلة دي من عمرك و تاريخك " الموسيقي " ...
وانا لاداير انتقام و لا مهاترات ... ولو انت شايف ده حيسخن ليك البوست ... " لانك بتحب شغل الاسافير ده و حريف جدا فيهو ....
ممكن اقتبس كلام وردى رحمه الله في غناك او مهاتراتك مع كمال ترباس و الصحفي امين اعتقد ....
لكن انا ما عندى وقت قدر ده ... وانت زاتك ياخي المساله ما تاخدها شخصية ... والله العظيم نصيحة من اخ ... لكن انت حر اكيد ....
وبعدين ما عجبتني حكاية استقبالاتك و حاجاتك ... ياخى لو ده المقياس الصحيح و زى ما وعدت الجماهير انو جايب معاك " كرتونة "
اعمال جديدة ... كان مفروض المودعين ... ثم المستقبلين المرات البعدها يسدو عين الشمس ....ما بعرف الحصل شنو .... غالبا المشكلة كانت في الكرتونة
... ولا شنو ؟ ....؟؟؟؟
08-31-2012, 03:48 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: كعادتك مع كل من حاول ان يوجه نصح او انتقاد لم تقرا ما كتبته جيدا ....!!!
اولا لم افهم انتقام من ماذا؟ من انك أدرت وجهك لأهل المكتبة لانها كانت تغوص في حالة حزن لفقد ركن أساسي من أركانها
والذي حينما كان حيا كنت تعتبره صديقا هو وزجته و حينما توفي لم تكلف نفسك بالسؤال عنها ....
لماذا؟ لانه يعتبر تعطيل لمسيرتك الفنية " الجديدة " فقلت أحسن امشي أشوف محله ناسها ما حزاني لغاية ما ديل افوقو؟؟؟
ثانيا ... وبرضك مستعجل ترد ... تقرا سطر و تفط سطرين... كل الاغاني الانت اجتهدت و جبت منها اقتباس لا يعني انها راسخة ... ومعظم تعليقاتي تنصب حول الموسيقي ...
شوف يا حبيب" او يا دكتور " كما تحب ان ينادوك تاني و تالت " انت موزع موسيقي " ولا غبار عليك أبد ...
اما موضوع الغنا اسمح لي حقو تنساهو في المرحلة دي من عمرك و تاريخك " الموسيقي " ...
وانا لاداير انتقام و لا مهاترات ... ولو انت شايف ده حيسخن ليك البوست ... " لانك بتحب شغل الاسافير ده و حريف جدا فيهو ....
ممكن اقتبس كلام وردى رحمه الله في غناك او مهاتراتك مع كمال ترباس و الصحفي امين اعتقد ....
لكن انا ما عندى وقت قدر ده ... وانت زاتك ياخي المساله ما تاخدها شخصية ... والله العظيم نصيحة من اخ ... لكن انت حر اكيد ....
وبعدين ما عجبتني حكاية استقبالاتك و حاجاتك ... ياخى لو ده المقياس الصحيح و زى ما وعدت الجماهير انو جايب معاك " كرتونة "
اعمال جديدة ... كان مفروض المودعين ... ثم المستقبلين المرات البعدها يسدو عين الشمس ....ما بعرف الحصل شنو .... غالبا المشكلة كانت في الكرتونة
... ولا شنو ؟ ....؟؟؟؟ ]
اقدر غضبتك وأفهمهانسبة لعوامل تعريتك التي حدثت هنا حتى يعلم الناس الى أي مدى وصل بعض المثقفين في بلادنا
كده بنقيف من الدخول معك في حوار طرشان ونخلي القارئ يقرا مداخلاتي ومداخلاتك ليعرف مكمن التناقض وندعه يتأمل في هترك عندما يقاتل غزلك ومن فضلك ماتحشر موضوع فقد عزيز لدينا جميعا في هذا الموضوع عليه تقع شابيب الرحمة وجميلة من أكثر النساء اللواتي أكن لهن احتراما كبيرا ----- نكتفي بهذا الغدر وجنت على نفسها براقش
(عدل بواسطة Elmosley on 08-31-2012, 03:57 PM) (عدل بواسطة Elmosley on 08-31-2012, 04:00 PM) (عدل بواسطة Elmosley on 08-31-2012, 05:27 PM)
09-01-2012, 00:05 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: ما دام الكلام زعلك ... وانت كايس الكلام البيضحكك بس يا عزيزي ... فأنا انتهيت من البوست ده ....
و تاني بقول ليك ... ما عندي معاك اي شئ شخصي يا " موسيقار " - و بَصِرْ علي موسيقار دي - ...
انما رأي من زول سوداني " ساي " بيسمع فقط لا غير ...
اما موضوع المرحوم عادل ... فلا تعليق ...
............ تمـَّــــــــتْ ............
في زول مابدور الناس البضحكوه ياخي بالغت والله وليه آنا داير الناس يزعلوني مالي آغوى النكد نخش في الجد عزيزي قباني هذا ماكان يجب ان يحدث لسبب واحد فقط وهو انت ليست زول ساي آنت قائد لموقع نجح في التوثيق السوداني خصوصا الموسيقى والغناء انت موقعك كموقع لوزير ثقافة وهنا يتجرد ذلك الوزير من ميله لهذا آو لذاك آو (عدم استلطافه لهذا آوذاك) آعني فنيا انا كموسيقي سوداني لعلك تعترف بانه لايوجد موسيقي ساهم معك في موقعك ولو بنسبة ضئيلة من مساهماتي وهذا ليس بمن ولكنني فعلته عن حب حقيقي لكم ولما آقوم به راجع المواقع بما فيها موقعكم الموقر وهنا ستجد الاحترام الكبير الذي يكنه شباب الموسيقيين لشخصي كموسيقي وانت آعلم الناس بذلك بحكم علاقتنا فان ضربت كبيرهم ياقائد ذلك الموقع الناجح فقد ضربتهم جميعا الا اننا وجميعا نعترف بذلك النجاح ربنا يجيب العواقب سليمه ويهدي النفوس آما بشان عادل راحلنا العزيز المقيم فوالله عدت لا آحتمل رؤية صورته لانها آحيانا تدفعني للتفكير لماذا يرحل الطيبون واصاب بحزن غريب وشديد آما جميله فهي آختي غير الشقيقة وكفى ---------- ......................كملت ................تمت..................
(عدل بواسطة Elmosley on 09-01-2012, 00:30 AM) (عدل بواسطة Elmosley on 09-01-2012, 00:33 AM) (عدل بواسطة Elmosley on 09-01-2012, 00:34 AM)
09-01-2012, 11:12 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: عمر انا لاني سربع في كتابة العربية فبرتكب اخطاء منها الطباعي ومنها اللغوي عموما انا اكتشفت مقارنة بالبعض انك ولي من أولياء الله الصالحين هههه
عموماً ما أظن ده كان خطأ مطبعي ..انا وقفتني كلمة أكره من تكره يا موصلي ..والغريبة جيت ما لقيتا اليوم التاني ..إمكن العتب على النظر ؟؟؟ المهم ردي خليهو والفاتك فوتو بس يا موصلي صدقني تعديلك ما تعديل خطأ مطبعي انا قريت كلامك قببل وبعععد وكنت متواجد لحظة ردك ..بس ده ما موضوعنا وانا بالمناسبة قادر افهم تعديلاتك وبحترما .. لأنها مؤشر لي إنك بتراجع نفسك وبتلاقي روحك قاعد ترد لي بي زعل ساااي :) :) :)
بالمناسبة لسة ما قريت كلامكم المسخن ده وبرجع ليهو إن شاء الله .. بس وقفتني النقطة دي :
لالالا ما بخرخر وانا كلامي فييي محلو وبقولوا ليك تاني والأماني السندسية دي تحدييداً يا موصلي انا حكيت ليك عن قصة حبي ليها مننن ايام بسمعا قبل نشرة ستة ونص صباحا في الراديو وصوت الكلارنيت تقريبا وأميجو والساكس و و و . وحتتتى في توزيع الجديد ومعاك شاب تاني نسيت إسمو وكيف دخلتو العود و و و وكيف احيت صوتك واللي بعتبرو إنو إجتهاد إستديو أكتر .. يا موصلي انا ممكن أتغزل في اغنية وممكن إنت تأدي فيها ممتاز تحت ظروف الإستديوهات والتكنلوجيا ..لكن يا موصلي انا مصر إنو صوتك شاخ وما عاد الموصلي يستطيع الغناءوإن أحب الغناء.. إنت لو تفرغت للتوزيع فوووكا حاااجة ؟؟؟ يا موصلي ياخ انت جيت السودان وعملت معظم تسجيلاتك بي البلاي باك وولمن خلااااص غنيت لايف في التلفزيون غنيت على قدر الشوق الخفييفة ومرييحة وعملتها كلللها لااا للا لالالال مع عقد الجلاد..
Quote: والله برضو بحترم رأييك بس ابيت تجاوب عن أنه كيف البنيات والوليدات الضغار ديل عزفو الحب يا أم سماح بعد عودتي ب 7 ايام ولم يروني حتى لحظة الاستقبال بنادي جنوب في ذلك الفيديو؟
يا موصلي البنيات والوليدات قاعدين يعزفو مرت الأيام ونصهم ما بيعرف عبد الدافع عثمان ..البنيات والوليدات بيعزفو العزيزة الما بتسأل عن ظروفنا وما عارفين سيدا ..مش؟ انا ما أنكرت ليك إنو عندك أغنيات عايشة وسط الناس لكن صدقني ممكن عااادي ناس كتار ما يعرفوا إنها حقتك وحتى لو إتعرفت إنها حقتك فهم عملين تلاتة فقط ودي غير كافية لي إنو تكون السبب الرئيسي في هذا الإستقبال وهذه الحفاوة .. يا موصلي مش انا وانت بنتغالط؟؟؟وغلاطي كتتتر؟؟ الموية بتكضب الغطاس تعال نسمعك في حفلة او تسجيل تلفزيوني لايف وتغني لينا الأغاني العضم دييك خلاص؟ وانا والله ح أكون أووول زول يقدم إعتذار عن كلللل البلبلة والغلاط والمساككة في قصة وقفة غناك دي وح أكون أوول الداعمين بل والمحيين لثقافة إعادة الموصلي لدائة الأضواء والتعريف للجيل الجديد بمن هو الموصلي الفنان ..وده كلام جادي ما تريقة ..
09-01-2012, 11:30 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: عموماً ما أظن ده كان خطأ مطبعي ..انا وقفتني كلمة أكره من تكره يا موصلي ..والغريبة جيت ما لقيتا اليوم التاني ..إمكن العتب على النظر ؟؟؟ المهم ردي خليهو والفاتك فوتو بس يا موصلي صدقني تعديلك ما تعديل خطأ مطبعي انا قريت كلامك قببل وبعععد وكنت متواجد لحظة ردك ..بس ده ما موضوعنا وانا بالمناسبة قادر افهم تعديلاتك وبحترما .. لأنها مؤشر لي إنك بتراجع نفسك وبتلاقي روحك قاعد ترد لي بي زعل ساااي :) :) :)
بالمناسبة لسة ما قريت كلامكم المسخن ده وبرجع ليهو إن شاء الله ..
عمر ياخوي مالك تآكد تماما بانيي ليس من الذين يكتبون ثم بعد ذلك يفكرون العكس عندي هو الصحيح لذا فاقول لك سلامة نظرك ان كنت انا بكتب حاجات سخنه وبمسحها الحاجات السخنه التي آكتبها اجعلها ثابتة لتوصيل رساله ما -----------------
Quote: لالالا ما بخرخر وانا كلامي فييي محلو وبقولوا ليك تاني والأماني السندسية دي تحدييداً يا موصلي انا حكيت ليك عن قصة حبي ليها مننن ايام بسمعا قبل نشرة ستة ونص صباحا في الراديو وصوت الكلارنيت تقريبا وأميجو والساكس و و و . وحتتتى في توزيع الجديد ومعاك شاب تاني نسيت إسمو وكيف دخلتو العود و و و وكيف احيت صوتك واللي بعتبرو إنو إجتهاد إستديو أكتر .. يا موصلي انا ممكن أتغزل في اغنية وممكن إنت تأدي فيها ممتاز تحت ظروف الإستديوهات والتكنلوجيا ..لكن يا موصلي انا مصر إنو صوتك شاخ وما عاد الموصلي يستطيع الغناءوإن أحب الغناء.. إنت لو تفرغت للتوزيع فوووكا حاااجة ؟؟؟
ومالها الاستوديوهات ياخي ويتني هيوستك فنانتي المفضلة ابدا واتضح انك بتحبها كمان بتغني في الاستدوديو احسن من المسرح لان الاستوديوهات عملت للمساعدة ليس لتحسين صوت المغني فقط بل صوت الات الاوركسترا آيضا اذن فما العيب؟؟؟؟ مش حقو تشكرني وسجلت ليك آغنيه بتحبها وبتوزيع جديد ودفعت كل تكاليغها لتسمعها انت مجانا بالغتو ياخ. --------وبجيك تاني
Quote: يا موصلي ياخ انت جيت السودان وعملت معظم تسجيلاتك بي البلاي باك وولمن خلااااص غنيت لايف في التلفزيون غنيت على قدر الشوق الخفييفة ومرييحة وعملتها كلللها لااا للا لالالال مع عقد الجلاد.
والله ياعمر انت بتفتح مواضيع مهمه برغم ان بتتشاقي معاي وكويس انك قلت معظم ولم تقل كل التسجيلات 1. سهرتي في التلفزيون فشلت في تسجيلها بعد عمل كل البروفات اللازمه ودفعي قروش صالة البروفات ومشقة الذهاب من مدينة الازهري الي امدرمان يوميا ذهابا وايابا (الفشل كان بسبب خلاف مالي بين فرقة انغام وادارة التلفزيون ماليا بسبب الدفع الدفع المقدم لان الفرقة قالت طلب المقدم كان لان التلفزيون له سوابق عدم دفع معهم من قبل ادارة التلفزيون وكان الموصلي صحية حلافهما والاتهامات في السايبر. 2؛ لذا فقد كان البلي باك ولو آنه اسلوب متبع في العالم كثيرا!!!!!!!. في على قدر الشوق لا لا لا هي زيادة خير ولم ينقص حرف واحد منها اذن فما المشكله كدي وريني لو في اي كلمه ولا حرف غنائي نقص منها؟؟؟؟؟؟
Quote: يا موصلي البنيات والوليدات قاعدين يعزفو مرت الأيام ونصهم ما بيعرف عبد الدافع عثمان ..البنيات والوليدات بيعزفو العزيزة الما بتسأل عن ظروفنا وما عارفين سيدا ..مش؟ انا ما أنكرت ليك إنو عندك أغنيات عايشة وسط الناس لكن صدقني ممكن عااادي ناس كتار ما يعرفوا إنها حقتك وحتى لو إتعرفت إنها حقتك فهم عملين تلاتة فقط ودي غير كافية لي إنو تكون السبب الرئيسي في هذا الإستقبال وهذه الحفاوة
ياصديقي الناس ديل كانوا عارفنها بتاعتي وعارفيني ومنتظرني وعزفوها في المدخل بتاع النادي زي سيرة العريس انت ماشايف الفيديو ياخي دي ماتغالط فيها ههههههه
Quote: يا موصلي مش انا وانت بنتغالط؟؟؟وغلاطي كتتتر؟؟
لا ابدا والله انا متكييف من غلاطك ده لاني بجعل سيرتي حيه على السايبر بالمناسبة مغالطاتك معاي وردودي عليها الكثيرة حتكون مضمنه في كتابي تحت الاعداد وانت ستكون النموذج الاكبر للمغالطة الايجابيه التي قد تحتوي بعض الشطط آحيانا الا آنها مفيدة جدا في الغالب الاعم
Quote: الموية بتكضب الغطاس تعال نسمعك في حفلة او تسجيل تلفزيوني لايف وتغني لينا الأغاني العضم دييك خلاص؟ وانا والله ح أكون أووول زول يقدم إعتذار عن كلللل البلبلة والغلاط والمساككة في قصة وقفة غناك دي وح أكون أوول الداعمين بل والمحيين لثقافة إعادة الموصلي لدائة الأضواء والتعريف للجيل الجديد بمن هو الموصلي الفنان ..وده كلام جادي ما تريقة .
كدي نشوف الموية بتعمل شنو عمليا آنا آجيكم في ديسمبر كان الله آمد في العمر وتعملوا لي حفله واحده بجده آو الرياض لاني مستعجل علي السودان لان قروشي مآكوله آكل المنشار هناك تحضروا لي اوركسترا تكون حافظه من هسع ونكلف عادل الصديق ولؤي بذلك يعني ما عايز آجي اشتغل بروفات لغاية قبل ساعه من الذهاب للمسرح ربما آحتاج الى اسامه آو مؤمن آو ماهر من السودان للانضمام لها لستة الاغنيات تصلكم فورا عايزين غنا جديد موجود بالكوم بس والنوت الموسيقية لها جاهزة لو سمحت ظروف العازفين بالتجويد ماخصاني جا زول واحد ولا خمسين الف يكون هناك اتفاق لاعلاقة له بمنتوج الحفل ماديا تذكرة الطاذره والكنجالات وآظن ان هذا آمر متعارف عليه -------------------- آها الكوره في ملعبكم لاني عايز بعد الحفله آعضيك في اضانك
(عدل بواسطة Elmosley on 09-01-2012, 12:36 PM) (عدل بواسطة Elmosley on 09-01-2012, 12:37 PM)
09-01-2012, 12:38 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
توضيح بسيط يا موصلي: انا فعلاً ما شايف الفيديو ..أكتب من المكتب والفيديو ما بتظهر.
بالنسبة لي على قدر الشوق ومآخذي عليك فبقول ليك كونك قدرت غنيت على قدر لاشوق لايف فممكن تغني أغاني تانية برضو لايف ..انا كنت بشوف إنها حرفنة منك إنك إخترتها هي عن دونها كنموذج.. بالنسبة لي الخلافات فإنت ظهرت في كل القنوات الفضائية السودانية فهل كانت كلها مواجهة بمشكلة مع فرقة النغم؟؟ ده سؤال إستفساري ما سؤال تعسفي !! اعتقد مرة قلت ليك وإنت المجيد لي عزف أكتر من الة حسب ما قلت فكان ممكن تسجل بعد الحلقات بالعزف المنفرد ..وانا كنت مصر وملح جداً لو إنك قدمدت تجربة بي آلة العود سواء تعزفو إنت أو ياخ إن شاء الله ناذر صحبك ده :) انا مقتنع يا موصلي إنك إتعاملت مع ظهوك الإعلامي بذكاء وإنت بتكون سيد العارفين الظهور في الحفلات الغنائية الناس ممكن تكون ما مركزا في السمع الدقيق في وجود الموسيقى والإنطرابة والأجواء العامة لكن تسجيلات التلفزيونات بيكون فيها تركيز عااالي وأي غلطة بتظهر ...
بالنسبة لي التعديلات فيا موصلي انافتشت لي الجملة بتاعتك حقت حب من تحب وأكره من تكره وما لقيتا ..ودي ما كانت خطأ إملائي مش؟ تخريمة: غايتو كتابك ده شكلو مجلللد ما كتاب .فيهو كتر ة حاجات ...:)
09-01-2012, 01:03 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: توضيح بسيط يا موصلي: انا فعلاً ما شايف الفيديو ..أكتب من المكتب والفيديو ما بتظهر.
بالنسبة لي على قدر الشوق ومآخذي عليك فبقول ليك كونك قدرت غنيت على قدر لاشوق لايف فممكن تغني أغاني تانية برضو لايف ..انا كنت بشوف إنها حرفنة منك إنك إخترتها هي عن دونها كنموذج.. بالنسبة لي الخلافات فإنت ظهرت في كل القنوات الفضائية السودانية فهل كانت كلها مواجهة بمشكلة مع فرقة النغم؟؟ ده سؤال إستفساري ما سؤال تعسفي !! اعتقد مرة قلت ليك وإنت المجيد لي عزف أكتر من الة حسب ما قلت فكان ممكن تسجل بعد الحلقات بالعزف المنفرد ..وانا كنت مصر وملح جداً لو إنك قدمدت تجربة بي آلة العود سواء تعزفو إنت أو ياخ إن شاء الله ناذر صحبك ده :) انا مقتنع يا موصلي إنك إتعاملت مع ظهوك الإعلامي بذكاء وإنت بتكون سيد العارفين الظهور في الحفلات الغنائية الناس ممكن تكون ما مركزا في السمع الدقيق في وجود الموسيقى والإنطرابة والأجواء العامة لكن تسجيلات التلفزيونات بيكون فيها تركيز عااالي وأي غلطة بتظهر ...
بالنسبة لي التعديلات فيا موصلي انافتشت لي الجملة بتاعتك حقت حب من تحب وأكره من تكره وما لقيتا ..ودي ما كانت خطأ إملائي مش؟ تخريمة: غايتو كتابك ده شكلو مجلللد ما كتاب .فيهو كتر ة حاجات ...:)
عمر انا عايز اريحك انا بعزف عود وبيانو واياعات ولكنني عزفي للعود لا يرضيني ولا يرحني في الغناء ولا آحب الغناء في التلفزيون باورغون والفنان يجب آن يظهر في التلفزيون بالطريقة الامثل التي يرضي بها نفسه والسامعين
بالنسبه للتعديلات مافي تعديلات تخصك وسلامة نظرك آهي موجوده اسفله وحتلقاها فوق في ردي عليك لما قلت لي آصصلو مابخليك بزيادة صاد معنيه هههه يليه بوست ناذر في رد وضاح آّا سهلناها عليك عليك يسهل وعلينا يمهل
Quote: ---------- يخيل لي الحوار بقي حوار طرشان يعني ماحنصل فيهو لنتيجه لان الفي راسك في راسك حب ياخوي مني مابدآ لك فحب الناس مذاهب واكره مابدا لك فذلك لا يهز فيني شعره ----------------
09-01-2012, 01:50 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
اوووكي يا موصلي ..كده سلامة النظر وعليه وإن ضاع ردي الطويييل عن جملتك اللي ضايقتني جداً أكره ما تكره فهذا لا يهز شعرة فيني حسيت بيها ما بتشبهك وبرضو انا ما بستاهلا.. يا موصلي الكراهية دي حاجة عجيييبة وكلمة كبيييرة مااا ساهلة أبداً..والله لا جاب بيناتنا كراهية والله لا دخل في قلبي ذرة كراهية لي زول ..
09-01-2012, 05:44 PM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
أستاذنا الفنان يوسف الموصلى الأستاذ باشمهندس يحيى قبانى
تحايا طيبة
كلاكما فنان، فن الموصلى لا يحتاج منى لإيضاح أو إسترسال فهو معلوم وحاضر وتاريخ فى عالم فن الغناء والموسيقى، ومرجعيته العلمية. وعلمية الموصلى وتميزه الأكاديمى لم يأت من فراغ بل دعمته مواهبه الفنية وغير الفنية، والأخيرة أسهمت إيجاباً فى تفوقه الأكاديمى الفنى والمهنى. وأعنى بها ملكات رجاحة العقل، وسعة الأفق وقوة المنطق وحسن الرؤى والبصيرة وإيجادة التعبير والبيان. هذه كلها تنعكس إيجاباً فى تطبيق أكاديمياته وعلمه الموسيقى فى أعماله الفنية التى نالت رواجاً وخلقت له إسماً ومكانة متميزة. وهى التى جعلته دون غيره أن تكون إقامته بالقاهرة فى فترة من الزمان يستفيد منها فن الغناء السودانى. بالإستفادة من الموارد الفنية التقنية المتاحة بمصر، فكان إنتاج شركة حصاد والطفرة الكبيره فى جودة التسجيل والتوزيع الموسيقى، فكان فتحاً جديداً فى صناعة ونشرالأغنية السودانية . فالأستاذ الموصلى بلا شك محطة هامة من المحطات الرئيسية لتطور الأغنية السودانية. وتميز الموصلى بصفة كريمة هى حبه لمساعدة المواهب الشابه وبقية الفنانين لا يضن عليهم بعلمه وموسيقاه وألحانه وتوزيعاته البديعة. نظرته الثاقبة هى التى جعلته يختار الإنضمام والتعاون مع الموقع المتفرد مكتبة الموسيقى السودانية http://www.sudanesesongs.net/portal/ مشرفاً على منتدى (صالة العرض) وهو جهد علمى فنى قيم فى تقديم بعض أعمال الفنانين الشباب وتحليلها علمياً. يتابعه ويستفيد منه المطربون والموسيقيون والمستمعون، ولكم تمنيت إنتشار صالة العرض كبرنامح يطلع عليه المهتمون بالفن السودانى فى كل مكان.
أما فن الباشمهندس قبانى، فهو مهندس معمارى وهى مهنة التفوق فيها من مقوماته الموهبة الفنية لإنشاء لوحات معمارية جميلة تسر الناظرين والساكنين. وقد تفوق فى مهنته بعلمه وفنه، ولمسته الفنية إمتدت لتذوقه العالى للشعر والغناء والموسيقى. ولعل كل ذلك ساعده ومجموعته المتفردة ماجد وجميلة والمرحوم عادل خليفة وعبد المنعم وآخرين فى قيادتهم الناجحة للعمل بالصرح الفنى العظيم موقع الأغنية السودانية http://www.sudanesesongs.net/portal/ عمل مدهش ومجهود خرافى يستقطع منهم الجهد والوقت والمال. يأدونه بسعادة غامرة و بدون كلل أو ملل. ولذلك الموقع جذب إليه الكثير من المبدعين فى عالم فن الغناء والموسيقى والأدب والشعر. بل أكاد أجزم إن كان هنالك مبدع أو مهتم بالفن والإبداع ليست لديه عضوية هذا الموقع فهنالك ما ينقصه، وربما تصير أحد أسئلة الإنترفيو للفنانين الشباب هل لديه عضوية هذا الموقع الفريد. الإذاعة السودانية منذ الأربعينيات وحتى الثمانيات من القرن الماضى كان لها دور رئيسى فى إنطلاقة الفنانين وتسجيل أعمالهم ونشرها. هذا الدور أصبح الآن دور مكتبة الأغنية السودانية التى مديرها الباشمهندس يحيى قبانى. فهو حقاً بمثابة مدير الإذاعة إن لم يكن وزير الثقافة والإعلام، ومعه مدراء الإذاعة والتلفزيون والفيديو والهندسة والتقنيات الفنية ماجد وجميلة وعبد المنعم وبقية العقد الفريد .. يحلو الحديث ويقطر عسل عندما تتحدث عن http://www.sudanesesongs.net/portal/ .
أعزائى الموصلى وقبانى آمل أن تواصلا رسالتكما السامية فى توثيق وتطوير الفن السودانى. وآمل أن ألتقيكما بصالة العرض فى تحليل علمى وفنى لأعمال فنية سودانية. ودعنى أقترح عليكما إفادة جيل الشباب بتناول أعمال أحد عباقره الفن السودانى الفنان الذرى إبراهيم عوض كمدرسة غنائية وموسيقية. والمقارنة بين أغنية لحنها بنفسه وأغنيات لحنها له آخرين .. المصير .. عزيز دنياى .. يا خاين .. هنالك أغنية أستحضرها وفى بحثى عنها بالموقع لم تصادفنى ربما ينكتها لنا قبانى، وأظنها من تلحين الأستاذ عبد اللطيف خضر متعه الله بالصحة والعافية .. تقول كلماتها .. دنيا غريبة غريبة دنيا .. شالت عيونى وأحلى منية .. أدينى حبى .. أدينى طبى .. خلينى أسعد فيك يا دنيا .... إلى أن تقول .. ونرجع بالمحنة نجيهو .. كيف يتخاصمو الحبان .. ولما يشوفنا ..... يعقد حاجبه زى زعلان ..
ربنا يديم المحنة والكلم الطيب بينكم وبين كل الأصدقاء والأحباب !
Quote: كلاكما فنان، فن الموصلى لا يحتاج منى لإيضاح أو إسترسال فهو معلوم وحاضر وتاريخ فى عالم فن الغناء والموسيقى، ومرجعيته العلمية. وعلمية الموصلى وتميزه الأكاديمى لم يأت من فراغ بل دعمته مواهبه الفنية وغير الفنية، والأخيرة أسهمت إيجاباً فى تفوقه الأكاديمى الفنى والمهنى. وأعنى بها ملكات رجاحة العقل، وسعة الأفق وقوة المنطق وحسن الرؤى والبصيرة وإيجادة التعبير والبيان. هذه كلها تنعكس إيجاباً فى تطبيق أكاديمياته وعلمه الموسيقى فى أعماله الفنية التى نالت رواجاً وخلقت له إسماً ومكانة متميزة. وهى التى جعلته دون غيره أن تكون إقامته بالقاهرة فى فترة من الزمان يستفيد منها فن الغناء السودانى. بالإستفادة من الموارد الفنية التقنية المتاحة بمصر، فكان إنتاج شركة حصاد والطفرة الكبيره فى جودة التسجيل والتوزيع الموسيقى، فكان فتحاً جديداً فى صناعة ونشرالأغنية السودانية . فالأستاذ الموصلى بلا شك محطة هامة من المحطات الرئيسية لتطور الأغنية السودانية. وتميز الموصلى بصفة كريمة هى حبه لمساعدة المواهب الشابه وبقية الفنانين لا يضن عليهم بعلمه وموسيقاه وألحانه وتوزيعاته البديعة. نظرته الثاقبة هى التى جعلته يختار الإنضمام والتعاون مع الموقع المتفرد مكتبة الموسيقى السودانية http://www.sudanesesongs.net/portal/ مشرفاً على منتدى (صالة العرض) وهو جهد علمى فنى قيم فى تقديم بعض أعمال الفنانين الشباب وتحليلها علمياً. يتابعه ويستفيد منه المطربون والموسيقيون والمستمعون، ولكم تمنيت إنتشار صالة العرض كبرنامح يطلع عليه المهتمون بالفن السودانى فى كل مكان
الحبيب نادر الفضلي لك حالص الشكر والتقدير على ما هو اعلاه
Quote: أما فن الباشمهندس قبانى، فهو مهندس معمارى وهى مهنة التفوق فيها من مقوماته الموهبة الفنية لإنشاء لوحات معمارية جميلة تسر الناظرين والساكنين. وقد تفوق فى مهنته بعلمه وفنه، ولمسته الفنية إمتدت لتذوقه العالى للشعر والغناء والموسيقى. ولعل كل ذلك ساعده ومجموعته المتفردة ماجد وجميلة والمرحوم عادل خليفة وعبد المنعم وآخرين فى قيادتهم الناجحة للعمل بالصرح الفنى العظيم موقع الأغنية السودانية http://www.sudanesesongs.net/portal/ عمل مدهش ومجهود خرافى يستقطع منهم الجهد والوقت والمال. يأدونه بسعادة غامرة و بدون كلل أو ملل. ولذلك الموقع جذب إليه الكثير من المبدعين فى عالم فن الغناء والموسيقى والأدب والشعر. بل أكاد أجزم إن كان هنالك مبدع أو مهتم بالفن والإبداع ليست لديه عضوية هذا الموقع فهنالك ما ينقصه، وربما تصير أحد أسئلة الإنترفيو للفنانين الشباب هل لديه عضوية هذا الموقع الفريد. الإذاعة السودانية منذ الأربعينيات وحتى الثمانيات من القرن الماضى كان لها دور رئيسى فى إنطلاقة الفنانين وتسجيل أعمالهم ونشرها. هذا الدور أصبح الآن دور مكتبة الأغنية السودانية التى مديرها الباشمهندس يحيى قبانى. فهو حقاً بمثابة مدير الإذاعة إن لم يكن وزير الثقافة والإعلام، ومعه مدراء الإذاعة والتلفزيون والفيديو والهندسة والتقنيات الفنية ماجد وجميلة وعبد المنعم وبقية العقد الفريد .. يحلو الحديث ويقطر عسل عندما تتحدث عن http://www.sudanesesongs.net/portal/ .
صدقت حول هذه المجموعة المتميزة وربنا يوفقهم في كل مراميهم دوما يارب ولك ياجميل كل الود
Quote: اوووكي يا موصلي ..كده سلامة النظر وعليه وإن ضاع ردي الطويييل عن جملتك اللي ضايقتني جداً أكره ما تكره فهذا لا يهز شعرة فيني حسيت بيها ما بتشبهك وبرضو انا ما بستاهلا.. يا موصلي الكراهية دي حاجة عجيييبة وكلمة كبيييرة مااا ساهلة أبداً..والله لا جاب بيناتنا كراهية والله لا دخل في قلبي ذرة كراهية لي زول ....
عمر اصلا ما عندي شك في تقديرك لشخصي انا قولي الذي قلته هو رد على انك قلت بتحب يوسف بتاع زمان ويوسف البكتب في سودانيس اونلاين اما الموصلي البغني هسع مابحبو انا من ناحيه فسرت المابحب الحاجه فهو لا يستحبها اي يكره سماعها وطبعا لم اقصد كراهية شخصيه وان فهمتها هكذا فلك العتبى حتى ترضى ------ يعني انت قاعد تفتش للحته دي وزانقني زنقة العدو عشان اوريك راحت وين اها لما اجيبها ليك تقوم تاخد في خاطرك يا سيدي عمر صدقني لو لا تقديري لشخصك واجتهاداتك اختلفنا ام اتفقنا معها لما كان اصلا بيننا هذا الحوار ----- تحياتي وبعدين نجيك للموضوع التاني
ياكابتن ياريس حواتي هسه جبت لي الكلام الاستاذ الموصلي يقول وليد خامي الناس الناس وسيدها زول واحد وهو قريبه عز الدين الدحيش وابنه اخونا نادر عز الدين ياخي كدى تعال لينا يوم الاتنين وماتحرمنا منك ومن متعتك طبعا الونسه قبل الكوره ...
09-02-2012, 06:39 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: ياكابتن ياريس حواتي هسه جبت لي الكلام الاستاذ الموصلي يقول وليد خامي الناس الناس وسيدها زول واحد وهو قريبه عز الدين الدحيش وابنه اخونا نادر عز الدين ياخي كدى تعال لينا يوم الاتنين وماتحرمنا منك ومن متعتك طبعا الونسه قبل الكوره ...
وليد والله صاحبك صابر ده زول حبوب الله يحفظو --- بعدين داير اجيك لي زوغة صديقنا المشترك عمر الفاروق من حفلة التحدي بالسعودية
09-03-2012, 11:31 AM
saber alhawatti saber alhawatti
تاريخ التسجيل: 04-21-2008
مجموع المشاركات: 697
استاذنا الموصلي.. يا راجل قول بسم الله حفلة شنو الزوغت منها !!! مع إنو بالمناسبة ما بنصحك تجي تعمل حفلتك في السعودية لأنو جوها مكهرب وغير صحي للحفلات لي أسباب كتيييرة .. خليها في الخرطوم وخلينا نتفق ننسق إجازتي وبعد داك نشوف ..
09-03-2012, 03:52 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: استاذنا الموصلي.. يا راجل قول بسم الله حفلة شنو الزوغت منها !!! مع إنو بالمناسبة ما بنصحك تجي تعمل حفلتك في السعودية لأنو جوها مكهرب وغير صحي للحفلات لي أسباب كتيييرة .. خليها في الخرطوم وخلينا نتفق ننسق إجازتي وبعد داك نشوف ..
الحاصل شنو هناك ياخي الريال مالو السوداني ملحوق هههه
09-03-2012, 02:47 PM
Elmosley Elmosley
تاريخ التسجيل: 03-14-2002
مجموع المشاركات: 34683
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
وليد عبد اللطيف
ناذر محمد الخليفة
Elmosley
saber alhawatti
عمر الفاروق
ابوحراز
عمر عبد الخالق سعيد
يحي قباني
نادر الفضلى
فيس بوك
تويتر
انستقرام
يوتيوب
بنتيريست