|
|
|
 Re: بيني مابين ربشه وعزيز خطاب واوبرلين أوهايو // مسافات الغياب (Re: omdurmani)
|
والله ياعزيز وانا في طريقي للجامعه اليوم سمعت بدري من عمرك فبكيت بكاء مرا
ثم سمعت وتسالين فبكيت اكثر تري هل نحن ظلمنا ربشه ام ربشه هو الذي ظلمنا برحيله
اشكرك ولنا عوده ان شاء الله
لقد ظلمنا انفسنا استاذى الجميل بأننا لم نعاصر هذا المبدع بالمعهد وكانت معرفتنا به من القليل الذى تركه لنا مسجلا ولكنه كان كافيا بأن يسكنه فى كل خلجاتنا وعمق وجداننا وحبنا لفنه حببنا فى شخصه الذى لم نلتقيه الا فى وجداننا واحاسيسنا التى تشربت بأبداعه ولم يترك لنا خيار سوى محبته والسعى لامتلاك خوالده
لقد حاول الفنان الهادى حامد (الجبل) السير على منوال الفنان ربشه وتبعه محمود عبدالعزيز وعامر الجوهرى وعمار السنوسى ثم اصبح هذا هو الشكل الغنائى السائد الان فى السودان مع أختلاف الاصل والتشبيه ولكن ربشه باقى فى السودان مابقى الفن والغناء
فالنعزى انفسنا فى فقده وفقد جديده ولكن ماتركه سوف يظل فينا نغما شجيا وحبا ابديا
أكتب لنا استاذى عن ربشه وعن زكياتكم بالمعهد وتعامله مع الكلمه والحن وكيف كان يقضى وقته فى المعهد ومابين المحاضرات والامسيات
أجعلنا استاذى الجميل أن نعيش معه ومضاته وبريقه عندما كان يتوهج وهو يشكل طريقته فى الغناء
أكتب لنا عن قصة أغنية شاقى روحك ليه هو الزعل بدى والتاج مكى
وقسم بى محيك البدرى والفنان وردى
ويااله فنى وخضر بشير
وكيف تميز على نفسه وترك بصمة خالده على كل ما تغنى به من أغنيات سودانية
ننتظرك أستاذى الجميل فأنت خير من يعرف الفنان المبدع ربشه لهذا الجيل الذى لم يسمع به أو يستمع لاغنياته
فاليرحمه ويرحمنا الله
| |
 
|
|
|
|
|
|
|
|
Re: بيني مابين ربشه وعزيز خطاب واوبرلين أوهايو // مسافات الغياب (Re: Elmosley)
|
على الرغم من خفوت نبرات الصوت واختلاطها بالعود
فانا اكاد اتلمس روح احمد ربشة العزيز
وهو يمتع اهل الفن والموسيقى والمسرح بموسيقاه الداخلية الغامرة
فى كافتيريا المعهد وصالاته
احمد ربشة العابق بحضارة اليمن وبداوة الصومال
والمطل على السودان من سامق الحب والاحتراق
يتلون صوته بزهو ، ويتقاطر كحب الندى فى الزمان المهيض
يا نجمة فى سماء الذكرى
اهديتنا السماحة والالفة
فهل نحن قادرين على الوفاء لحضرتك الباهية
واشتعالك الطرى
يا عشبا اخضرا نما بين حدود الاوطان المتشققة الجدران
يا متعدد المنابت والمنافى
هل انحسر عنك بحر الشدو
وتماهى عنك حلم التسفار الى نقطة البدء؟؟
ياحنو المسامع وانتعاش الرؤى
لقد صدأت الاصداء حين صمت عندليبك
ونام الطرب حقلا
مصفر الاوراق
فليرحمك الله
والشكر ياعبد العزيز خطاب وانت تحتفظ لنا ببعض حب فرطنا في الاحتفاظ به
وشكرا موصلى على وفائك
| |
|
|
|
|
|
|
|
|
|
Re: بيني مابين ربشه وعزيز خطاب واوبرلين أوهايو // مسافات الغياب (Re: Tumadir)
|
الاخت الفنانه الكامله الشامله تماضر
لك التحية والود
ماذا اقول بعد حروفك الرائعه
ربشه يسكن قصر الحب فى دواخلى بفنه الرقيق
والتحيه للحبيب حمزه سليمان بارساله لى مجموعة من أغنيات ربشه والتى سيتحفنا بها استاذنا الجميل أبوهديل تباعا بشئ من التحليل لنتعمق اكثر فى ماخلفه وخلده لنا المبدع ربشه
ولك التحية على هذه المرسية الرقيقة كرقتك ايتها المنمقة المعتقة بطيب حب الاخرين
وبينى مابينك عذابات الطريق وتخسيمة نساوين الفريق
وعليك الرسول تتقبلى محبتنا وتقديرنا أم سارية
| |
|
|
|
|
|
|
|
|
|
Re: بيني مابين ربشه وعزيز خطاب واوبرلين أوهايو // مسافات الغياب (Re: Elmosley)
|
نكمل القصه
اها هذه الاعمال قدمت في حفلتين
الاولي كانت في لوس انجلس والثانيه كانت طبع في فرجينييا سافرت قبل اسبوع من حفل لوس انجلس الي واشنطن اولا وعملت برفات حضرها كل من العازفين ماهر تاج السر ومجدي العاقب وميرغني الزين الذي لم تسمح ظروفه بالمشاركه في الحفلات
وبعد اربعة ايام سافرت الي لوس انجلس لعمل البروفات مع مجموعة لوس انجلس المكونه من ميكائيل الضو وعثمان مبارك وعبد الحفيظ عبد القادر واحمد باص الذي استضافني كعادته في بيته مشكورا حيث اجرينا البروفات
ولي قدام
| |
|
|
|
|
|
|
|
|
|
Re: بيني مابين ربشه وعزيز خطاب واوبرلين أوهايو // مسافات الغياب (Re: wadazza)
|
تسلم حبيبنا ود عزه
ان عقل وعينا الباطن يقول لنا
ان حفظتم حق غيركم فلا مناص من ان تحفظ حقوقكم
وكلنا ياصديقي الي زوال الا من ابداعنا وخير الاعمال فهي الباقيه
حضر مشاعرك المرهفه للبوست القدم الاسبوع القادم حيث قرار القرار
في الصوت وجواب قراره يملىن لحن الالحان وقصيدة القصائد
وتسالين ياحبيبتي
بعدا لا نهائي في الابداع
تسلم ود عزه
| |
|
|
|
|
|
|
|
|
 Re: بيني مابين ربشه وعزيز خطاب واوبرلين أوهايو // مسافات الغياب (Re: Elmosley)
|
الاستاز الموصلى
سلام , سلام,سلام
يبدو ان الواجب عليك كبير فى التعريف بهزا الفنان عاشق السودان
انها لماساة حقا الا يكون احمد ربشة معروفا حتى لبعض هولاء الصفوة
انه نموزج للانسان الافريقى العربى المعجون بمحبة الغناء السودانى .انها
مفارقة محزنة ان نجرى وراء اخواننا العرب ونستجديهم ليفسحوا لنا ولو هامشا صغيرا فى خارطة الغناء العربى ولا احد يعبرنا فى الوقت الزى فيه هناك من يجرى وراءنا حتى الجنون املا فى سماع نغمة واحة من غنائنا ونحن عنه غافلون .واعنى ناس شرق وغرب افريقيا من امثال احمد ربشة. ولكن فازا كان فنان افريقيا
الاول لا يحمل لقبه حتى فى وطنه فما بالك باحمد ربشة
لا زلت ازكر الطريقة المرحة التى كان يغنى بها فى السبعينات فى احد المهرجانات اغنيته التى تقول : انت سودانى ولا صومالى انت واحد بس ما له تانى
طبعا فى الوقت داك يا الموصلى نحن يا دوب فى المدرسة المتوسطة
ومن اغانيه الجميلة التى وجدت اعجابا : بدرى من عمرك ما انت لسه شباب
لو غلطان صلحنى يا استاز. على العموم لابد من تخليد زكرى هزا الفنان عاشق السودان ولو فى حدود جمع اغانيه والحانه والتعريف به
والبقية فى حياتك يا موصلى وحياة كل عشاق الوطن الجميل
| |
|
|
|
|
|
|
|
|
|
Re: بيني مابين ربشه وعزيز خطاب واوبرلين أوهايو // مسافات الغياب (Re: Elmosley)
|
أدام الله ايامكم لنا
لجيل نشأفي زمن غريب
سعدت بسماع صوت الراحل لأول مرة
و على الرغم من عدم وضوح الصوت
إلا أن رنات العود سبرت أغوار قلبي
و نقلتني إلى دوحة من الإبداع ما ظننت نفسي يوما بزائرها
و من حديثكم عن الرائع الراحل إستمعت له بخيالي أكثر من الواقع و كم إستمتعت
و انا في اشد الشوق لسماع الرائعة القادمة و المزيد من إبداعات المرحوم
و يا الأسبوع الجايي ما تسرع و ما تخلف الميعاد
و الشكر لأستاذنا الموصلي
| |
|
|
|
|
|
|
|
|
|
Re: بيني مابين ربشه وعزيز خطاب واوبرلين أوهايو // مسافات الغياب (Re: Elmosley)
|
إلى كل من يريد أن يكون لديه ريل بلاير 1
كل ما عليه أن يذهب إلى الموقع التالي
www.realplayer.com
و هناك بتلقى الدعاية و النسخة التجارية من الريل بلاير
لكن ما تخاف أول ما الباك قراوند الأبيض يخلص و تبدا خطوط بالرمادي
في أول خط بتلقى مكتوب
More Info on Player Features
بس في نفس السطر بتلقى
Free RealOne Player
أعمل عليها كليك و بعد داك الخطوات العادية
معليش على الشرح البلدي ، لكن أنا قلتا كدا أحسن عشان كل الناس تستمتع
بإبداعات المرحوم و باقي الروائع الفي البورد
و لكم التحايا
| |
|
|
|
|
|
|
|
|
|
Re: بيني مابين ربشه وعزيز خطاب واوبرلين أوهايو // مسافات الغياب (Re: Elmosley)
|
بيني مابينك
دموع القمره بتحن للرجوع
بتريدنا وبتخاف في غيابا الطويل
نحتار ومانلقي الشموع
أستاذى الجميل
طاب يومك بالنغم والورود
مازالت دواخلنا تحمل مساحات شاسعة لاحتواء المزيد من أغنيات ربشة الخالدة
لقد طلب منى الاخ ود عزه شاقى روحك ليه وأسمح لى استاذى بأن أحيل الطلب لشخصك الكريم بعد أن تأخذ وتسألين نصيبها من الاستماع
كما لى رغبة استاذى فى أن نسمع الاخوة بالبورد بعض من أغانى الحقيبة التى تغنى بها ربشة لكى يستشعروا بصمتة فى الغناء
ولك الحب
| |
|
|
|
|
|
|
|
|
|
Re: بيني مابين ربشه وعزيز خطاب واوبرلين أوهايو // مسافات الغياب (Re: Elmosley)
|
قبل عشره يوم كنت مع الاخوان انور و عبدالعزيز و عبدالمنعم ابراهيم وترويس و.....اخرين
كان اللقاء بمناسبة زيارة الاخ ابوبكر السمندلاوي لامستردام
( وين الزول ده بالمناسبه دي؟)
كنت اعزف على العود مقدمة الاغنيه دي ( بيني ما بينك) وفجاءة سال احد الحضور (دي غنية منو؟) واصبت بضيق شديد لهذا الجهل المريع و توقفت عن العزف فرد عليه منعم ابراهيم( دي غنية ربشة الله يرحمه) فرديت انا على منعم(شنو؟) لأني لم اكن اعرف بانه رحل الي الدار الأخرى، فقام منعم مجيبأ علي بشكل مسرحي لطيف
(خلاص داير تبكي لينا؛ تم لينا باقي الغنيه خلينا نسعها)
وقتها اصبت بمشاعر متداخله و غريبه و طبعأ اكملتها و لاحظت باني في حوجه للنص. الأن موجود...
ومازألت تراودني الفكر نفسها...
تعريف الجمهور بهذا الفنان الشاب...السوداني. الصومالي اليمني الاصل.. صاحب الطريقه الخاصه في الغناء التي تأثر بها اغلب الشباب الصاعد سلالم الغناء ولا ابالغ اذا قلت بانه و شرحبيل احمد المرجع الاساسي لاساليب الغناء المسيطرة (عفوآ على المسيطرة دي ) على جميع اشكال غنا المدن
( ما يسمى بالحديث، انا ما شايف ليه حداثه)
اخي موصلي اذا حبيت تم الناقصة من كلامي ده ، يالبيتم الناقصه....
واخيرا تعال نوزع الاغنيه دي سوى يا استاذي الجليل
لكم الود جميعأ.
صادق أبدآ
| |
|
|
|
|
|
|
|
|
|
Re: بيني مابين ربشه وعزيز خطاب واوبرلين أوهايو // مسافات الغياب (Re: OmDur)
|
أم در
البقعة
الحنينة
والله مشتاقين كتر بضم الكاف والتاء
والشوق ليك عظيم
وينك الزمان دونك حزين
وأكيد الفرحة معاك طلت
ونسأل الله أن تكونى كما نشتهى ونتمنى ونبتهل
طبيبة طيبة معافية موفقه فى حياتك
نحن بخير بنت النيل الان بتحلم بلقاك الطيب تعانقك وتستأنس بيك ومعاك ..وأكيد طيفك يداعب فكرتها فى نومها الهادى
رزين ويزن يحملون لك الحب الدفيق
لك التحية والود
| |
|
|
|
|
|
|
| |
Elmosley
عزيز
Tumadir
nazar hussien
منوت
الجندرية
Agab Alfaya
HAMZA SULIMAN
intehazy
altahir_2
Abu Mariam
OmDur
bushra suleiman
فيس بوك
تويتر
انستقرام
يوتيوب
بنتيريست