|
Re: ابو يوسف يعتذر لاهل البورد وبشده ارجو من الادارة التكرم باعادته (Re: Elmosley)
|
الاستاذ العلم ابو هديل ... ليك مني التحية وكذلك للاخ الغالي بكري
والله بصراحة اول مرة اعرف انو الاخ ابو يوسف موقوف .... لانني لم اهتم بالموضوع كثيرا وشكرا اخ بكري والاخوة في الادارة وهذا عشمنا فيكم باتخاذ القرار المناسب وفي الوقت المناسب ودون ضجة ... اما بخصوص رجوع الاخ ابو يوسف نقول ليهو مرحب بيك وحبابك الف يلا كشرة
وشكرا ابو هديل مرة اخري وللاخ بكري ولكل الذين شاركوا في هذا البوست
| |
|
|
|
|
|
|
Re: ابو يوسف يعتذر لاهل البورد وبشده ارجو من الادارة التكرم باعادته (Re: Elmosley)
|
الاستاذ القدير الموصلي دائما سباق ودائما مليْْ بالسماحة والطيبة وبصراحة انا من اسباب الحزن والاحباط لدي في تلك الفترة انه الناس كبرت الموضوع وطولته وفي الاخر كانت نهاية بايخة انتهت بابعاد ابويوسف وكده وهو اخ عزيز له كل احترام وبصراحة الكتير من اهل البورد بيخونهم التعبير وبيبالغو فيه جدا لحد التجريح وهكذا البني ادم ، فبتمنى الناس تتسامح عن هذه الاشياء خصوصا لما يكون شخص عنده القدرة على الاعتراف بالخطا والاعتذار ودي سمة ياريت كلنا نخطي بس نقدر نعرف ده ونعتذر فانا برجو معاك الاخ المتسامح والمتفهم بكري صاحب القلب والبيت الكبير انه فعلا عفا الله عما سلف وعاوزين نشوف ابويوسف يرجع معانا البورد تاني ياريت وده رجــــــاء كبير من بكري
سلمتم
| |
|
|
|
|
|
|
Re: ابو يوسف يعتذر لاهل البورد وبشده ارجو من الادارة التكرم باعادته (Re: HOPELESS)
|
انا بفتكر انو رسالة ابويوسف دى مؤشر هام جدا من مؤشرات تأثير البورد على الوعى بالمشاكل الهامة البتدور فى السودان
ولو ما كنت ناسية ، مشكلة ابو يوسف انو كان بتكلم عن مفاهيم زى عبد وحر ، بطريقة
جزافية، ما راعى فيها شعور الناس البعملوا حساب لحقوق الانسان ، وبيؤمنوا بمبدأ التساوى العرقى
لو المنبر قدر يعالج موقف زول واحد ، على الاقل فى العلن ، عن المفاهيم دى
و يجبروانو يعمل اعتبار لمشاعر الآخرين
فاهلا بالمنبر ، بادرة من بوادر التحرير الفكرى ، من سوءات الماضى
واهلا بالانصهار فى مفاهيم راقية من شأنها ان تودى السودان ولو سنتيمتر لى قدام
الجميل انو الناس بعد وعيها المسنون زى حد السيف دة، هى حنينة وقلبها عطوف
اعفوا عن ابو يوسف ، فهو خطاء ككل ابناء حواء
ومستغفر كأنبلهم
وما اجمل الاعتذار والمعتذر
| |
|
|
|
|
|
|
Re: ابو يوسف يعتذر لاهل البورد وبشده ارجو من الادارة التكرم باعادته (Re: Elmosley)
|
الفنان المبدغع الانسان الموصلي
موقفك رائع ويدل على وعي بضرورة حل الخلافات بطريقة تحفظ حق الجميع في التواجد بهذه المساحة الغالية للتواصل ، أنا قبل كل شيء بشيد بي انسانيتك وبي دورك الكبير في المحافظة على تماسك البورد
أعتقد إنو أبويوسف وعى الدرس جيدا ويكفي أنه اعتذر وهذه شجاعة تحسب له
التحية ليك يا موصلي والكبير دائماً كبير
دمت مع تحياتي نادر
| |
|
|
|
|
|
|
Re: ابو يوسف يعتذر لاهل البورد وبشده ارجو من الادارة التكرم باعادته (Re: Elmosley)
|
هذه من الاشياء المحيرة أيضاً!!!!!!!!! ماذا فعل ابو يوسف؟ إن كان ما قاله أساء لبعض الاعضاء .. فوالله هذه مشكلتهم هم . يجب ان يغسلوا دواخلهم من هذه الادران .. عقد لا أساس لها
في احدى الندوات الساخنة قال الدكتور عبد الله حمدنا الله (هو الان تشادي الاقامة) .. إن بالسودان ثلاثة القاب أو اشارات استفزازية: حلبي و عربي و عب .. و هذه حقيقة اتفق مع الدكتور فيها .. و أنا اقع ضمن هذا الثالوث و عانيت منه عملياً .. لكني لا اكترث و لا أعبأ بما قيل عني البتة. ذاتي حرة و انا حر .. و العب اذا كان عامل فيها عب فهو عب .. و الحلبي اذا اصر على انه حلبي فهو حلبي .. و العربي اذا تعقدت نفسياته منها فهو عربي. شنو العاملين لينا قومة و قعدة؟ ياخي انا ده تعرضت للازاحة الكاملة في دور الثقافة و الاعلام السودانية .. و الاستهتار من قبل بعض المتنفذين لانني انتمي الى واحد من الثالوث المذكور اعلاه .. لكني لم و لن أتأثر و لن أغضب .. و ليأتي ود يوسف و ليقل عني اني عب او حلبي او عربي .. الثقة في النفس عي الاساس
الحمد لله وهبني الثقة في نفسي
| |
|
|
|
|
|
|
|