|
Re: وبي شوفتك اشوف العيد فبل ما الناس يهل عيدا 2 /ياناس الله (Re: Elmosley)
|
أستاذنا العارف إنو بيعمل في شنو
أناهسه قاعد أنزل في العمل و بعد داك ما عارف ال ح يحصل شنو لما بديت أسمع و أعرف أميز كان يمتلك خالي أزهري بشير حمدين الذي كان لاعبا في الفريق القومي للكرة الطائرة و كانوا كثيري السفر للصومالو أثيوبيا أيام المهرجانات شريط به وينك انتي و أقول أنساك فلم أكن أبعد عنه لحظة تشغيله في ذلك الاستريو العجيب الذي أهداه لنا المرحوم عثمان عبدالرحمن المهم كنت و لا أزال أعتقد أن الأعمال الموسيقية السودانية يمكن أن تأخذ شكلا يغير الرتابة التي تتسم بها و أعتقد أن اليد الواحده ما بتصفق عشان كده بقترح عليك إنك تعمل مشروع و لو عمل واحد و أن تسعى و نحن معك لإيجاد التمويل له ليكون نموذجا جديدا يقبله شباب اليوم الذي أصبح لا يدري من هو الموصلي و يعرف في ذات الوقت أدق ما عند نانسي عجرم وما شابه لي عوده بعد الإنزال و السمع
| |
|
|
|
|
|
|
Re: وبي شوفتك اشوف العيد فبل ما الناس يهل عيدا 2 /ياناس الله (Re: elsharief)
|
العزيز ابو هديل الاغنية دى بالذات بتطلع ؟؟؟؟؟؟؟ فيا عزيزى انا عايش على ذكرياتى فى المعهد سنة 80 فى العهد الذهبى لمن كنا فى اى وقت نقعد نعمل بروفه ، وكان كل همنا نقدم عمل جميل آههههههههههههه من ذاك الزمن هل يعود؟ يا صديقى تزرف دموعى على ذاك الوقت ، كم كنا سعداء لاننا كنا نبدع كما نريد وعلى السجية( ويينك إنتى -يا ذاتى من عبر القرون) ، لم يكن لنا هم مادى بقدر ما نريد ان نستمتع ونمتع ،وشوف الليلة يا يوسف ،بعاين للتلفزيون وبلقى الآلة بتعزف العازف مش العازف بيعزف الآلة، والمغنى مش عايز اقول الفنان شكلو مش عارف كيف مضطرب حتى ما قادر يطلع الكلمات بصورة صحيحية ويقولو عليهو فنان ، وتابعتهم كلهم إتمنيت واحد فيهم يجى بى غناهو الخاص ، للأسف ما لقيت ! بالله عليك الله ده كلام يا يوسف زمان التلفزيون ده ما كان بيظهر فيهو إلا منافس ، وشوف الليلة ،كل من هب ودب عامل فنان ،يا حسرتى يا يوسف ،بالله عليك الله ده كلام ونحن قاعدين نتفرج اللهم لا إعتراض فى امرك قلت اتكلم الكلام ده معاك لعل وعسى اخفف على نفسى وكل عام وغنت بخير والعيال
| |
|
|
|
|
|
|
Re: وبي شوفتك اشوف العيد فبل ما الناس يهل عيدا 2 /ياناس الله (Re: Elmosley)
|
الحبيب يوسف كل سنه وانت اجمل واروع،ولازلت اتذكر قصة عزمى كلما نستمع للاغنيه فى الايام الندية ديك يقول لى؛بالله دى عمله يعملها يوسف فى الاغنية بتاعتى؟ونقعد نضحك والتجانى يقول ليهو اسكت ياجاهل انت العرفك شنو بالموسيقى امشى ودى غناك لى ابوعبيده زمن راقى وجميل ربنا يدى العافيه وتبدع كمان وكمان
| |
|
|
|
|
|
|
Re: وبي شوفتك اشوف العيد فبل ما الناس يهل عيدا 2 /ياناس الله (Re: Elmosley)
|
الاخ العزيز الاستاذ يوسف الموصلى كل عام وانت بالف خير والاسره الكريم وربنا يخليهم ليك
سفر العيون...هى فى الواقع سفر الاغنيه السودانيه الى عوالم ارحب واجمل سفر العيون واحد من الاغنيات التى ادمنتها وكم انا تعيس الان لضياعها منى الان لفيت جميع محلات الكاست فى السعوديه لعلى احظى بهذا الشريط الرائع ولكن للاسف لم اجده وشكرا ليك انك انزلتها فى هذا البوست سوف احاول جاهدا انزلها عندى فى الجهاز .
لا استغرب ان كان تعليق لجنة الالحان مثل ما ذكرت وكذلك عزمى لانها ببساطه اغنيه سابقه لزمانها حتى هذه اللحظه خصوصا ماتميزت به من مديوليشن وهو الشئ المفقود فى الاغنيه السودانيه الامن محاوله واحده قدموها ناس عقد الجلاد او اذا اعتبرنا القطعات التى كانت موجوده فى تسجيلات الحقيبه القديمه انتقالات لحنيه ولا اعتقد ذلك . الشئ الاخر والمدهش حقا فى هذه الاغنيه ان الجميع تفوق فى ادائه على نفسه واعتقد ان الاستاذ امال النور الرائعه جدا كانت حكايه لحالها فى هذه الاغنيه.
عزيزى موصلى كنت اود منذ فترة طويله ان اكتب لك عن هذه الاغنيه لمعرفة الظروف التى اخرجت فيها هذاالعمل الرائع ,واستغرب جدا عمل كهذا لم يجد حظه فى وسائل الاعلام السودانيه لماذا , والله انا لوكان عندى سلطه فى السودان لكنت ادخلتها فى المناهج التعلميه على الاقل لطلبة المعهد لما تميزت به من علميه وجماليات موسيقيه جديره ان تجعل منها مقرر لحاله.
عزيزى لم يكن رأينا بان الموصلى هو المجدد الثالث فى مسيرة الاغنيه السودانيه وهو الناقل لها الى العالميه خطا فأنت جدير بذلك لاشك فى ذلك لك منى كل المنى والتوفيق وانت مهموم بهذا الامر
وكل عام وانت بخير
ح.
| |
|
|
|
|
|
|
Re: وبي شوفتك اشوف العيد فبل ما الناس يهل عيدا 2 /ياناس الله (Re: mohamed elshiekh)
|
عزيزي محمد الشيخ شكرا لتحليك الرائع للناتج الموضوعي لاغنيةسفر العيون والغريبفي امر مقترحك لتدريسها كو سيله ميلوديه للانتقال الحني موديوليشن يتفق مع رأي استاذي بكونسرفتوار القاهره الراحل محمد جمال عبد الرحيم وهو مشهور في عالم الموسيقيه الكلاسيكيةالجادةاكثر من شهرته في مصر فقد كتبت اللحن حينها للبيانو مع بعض الكثافةالهارمونية والكاونتربوينتية وبعد سماعها علق قائلا سننقل هذه الاغنية لقسم البيانو لتدرس للاطفال بالكونسرفتوار لسهولتها مع وجود كثافه معرفيه داخلها اشكركم للثقه وسابذل الكثير من الجهد للتطوير والتغيير حتي اكون دوما عند حسن ظن الجميع كل سنه وانت طيب امال النور هي بحيره من النغم لم ينهل الناس من شهدها بعد
| |
|
|
|
|
|
|
|