|
|
|
 Re: جراحات الهشابة- الي المبدع موصلي (Re: عبد المنعم ابراهيم الحاج)
|
سكة ..سكة
ياصباحات الحقيقة
كنا نسأل
عن غنيواتك نعيدة..
وعن غمامات الأماني
تعزف الافراح نشيدة..
وعن سلالم غنوة ضاعت
ولسة ماقادرين نجيدة..
يا حكايات الصبايا
شد صمت الليل
سكونك ..
سرّح الشجن الخلاسي
في شراعات الصنادل
واستقامت
راية..راية
في سواري الكون فريدة..
جينا والدهشة القديمة
في نغم ثائر رخاهو
ضخّ الحانو الاليمة
في ملامحك
آية..آية
وشد في وتر الكتابة
زفة احساسنا الجديدة..
اشتهينا الابتسامة
في صفا اللون الاساسي
وشهقة منك
ياما..ياما
تاسر الانجم سبايا
في محاريب المعابد
اصلي ما بقدر اعاند
وببقي مرهون بي حروفك
في مساحات الجريدة ...
ياحلم روّع رؤانا
وفي دروبك كون ودر
وعانا ريدك للنهاية
انت ياوجع القصايد
ويا نضالاتك تحايد
وابتسام في ثغر
ضاحك،
ضوّا في ليلك قصيدة..
يا مصابيح نورا بلّج
تعبت ورد البنفسج
في عوينات الرواية
هالة جنّت
ونسمة ضلّت
في دهاليزك وحيدة..
| |
 
|
|
|
|
|
|
|
 Re: جراحات الهشابة- الي المبدع موصلي (Re: osama elkhawad)
|
الحميم المشاء
الازرق هذا الحبر العجيب
الذي طرز طفولتنا
حينما كانت الفرحة تغمرنا
بتنحي قلم الرصاص الذي
ارهق اناملنا الصغيرة وهي
تحاول ان تبريه بموس مستلفة
لتغرق مرة اخري كمستجدة
حين تنزف الاقلام السائلة ..
او في محاولة مرتجفة لاغلاق
المحبرة ...
لكنها المحبرة صبت حشاشتها
في دواية القلب وصار
هذا الازرق الذي يكتبنا
ويمارس علينا هذه السلطة..
لك التحية وسوف نتقابل مرة اخري
عند ناصية زينب لنجتر ذكرياتها
منعم ابراهيم
| |
|
|
|
|
|
|
|
|
 لون الحزن الجميل (Re: Elmosley)
|
صديقنا موصلي
من ديك وعيك,
لما تقابلنا في مهرجان المراة السودانية الامريكية
حمدا لله على سلامة وصولك من رحلتك الفنية الماكوكية
قلت:
Quote: قصيدتك يامنع تزخر بالهارموني والكاونتربيونت
وتحتاج الي اللحن المضاد الذي نتمني ان يكون في النص |
طيب دي انت بتقدر تعالجا بالموسيقى
اما كلامك الجميل عن الازرق,
فيعيدنا الى انه -كما اصطلح العامة من متذوقي التشكيل من امثالنا-
انه لون الحزن الجميل
و ارجو ان نراك قريبا
المشاء
| |
|
|
|
|
|
|
|
|
|
ناصية زينب (Re: osama elkhawad)
|
صديقنا منعم
قلت:
Quote: هذا الازرق الذي يكتبنا
ويمارس علينا هذه السلطة.. |
انا اكتر زول عانيت من قصة الحبر,
ذلك لانني اخرق,
ودائما ,دائما ,لم افط مرة واحدة,
ما اعود الى البيت وملابسي تزخر بحبر لا ليهواول و لا ليهو اخر
ارجو ان تجيني عند ناصية زينب,
كما وعدت في مداخلتك الجميلة:
Quote: لك التحية وسوف نتقابل مرة اخري
عند ناصية زينب لنجتر ذكرياتها |
ارقد عافية,
وكذلك ناس هرسبيرج الجميلين
المشاء
| |
|
|
|
|
|
|
|
|
|
تحذيرك في محلو (Re: atif anees)
|
يا عاطف:
كلامك في "التنك":
| Quote: ويا الموصلي اكان دقست يومين ما تلومني .!!! |
وقد اقترحت على الموصلي ان يقوم باللازم تجاه هذا النص الشعري الجميل
تحذيرك في محلو
وانا لو كنت "غنّاي",
كنت سبقتكم الاتنين
تحياتي لالفة ولغادة
المشاء
| |
|
|
|
|
|
|
|
|
|
Re: جراحات الهشابة- الي المبدع موصلي (Re: atif anees)
|
المرهف عاطف انيس
انت عارف ياصديق
"النص "الباقي المخجوج من قدور "الجاو"
انا قسمتو ليك مع عاصم كتة
في البوست بتاع بتنا "الفة"
والله.. من البكري النضيف..وحار مابرد
ولو اتخرت عليهو
حاتلقي زول لحسو..
وياعاصم وصل الامانه لي ناسا
لك التحية يافنّان بس اوعك تاولها
الي جدعة حجر من "فنّاها"
منعم ابراهيم
| |
|
|
|
|
|
|
|
|
|
Re: جراحات الهشابة- الي المبدع موصلي (Re: أبوذر بابكر)
|
Quote:
إنت زول بديع يا منعم
تحياتى والمحبة ليك يا صديقى الجميل
ومثلها
للعزيز الموصلى |
نفتقدك يارجل
ارجو ان تكون احزانك الكثيفة اكتملت
أو غسلتها موجة من نهر جزل
كنت افكر ان اعترض عليك
هذا الغياب ..ولكني خفت ان
ان اجهض هذا الصمت النبيل
الذي ربما يفضي الي شئ جميل
لك المحبة
وكل التحايا
لتجاوزك المحنه
منعم ابراهيم
| |
|
|
|
|
|
|
|
|
|
يا موصلي ما تجقلب (Re: Elmosley)
|
يا موصلي
ما تجقلب
حين قلت
Quote: عاطف ابو الفارس الجديد
(بطل حاجات وراء الكواليس دي
وكفايه العذاب بتاع مصطفي اها قمنا |
اولا هي فارسة واسمها الفة,
وهو اسم بديع يمجد قيمة الحب
وثانيا:
كان ما لحنتا النص دا,
يبقى زي ما بقولو :
ذنبك في جنبك
ارقد عافية
المشاء
| |
|
|
|
|
|
|
|
|
|
Re: جراحات الهشابة- الي المبدع موصلي (Re: Elmosley)
|
يااااااااااه والله نسيت اقول سلام
كل الناس الحلوة والمبدعة د ي هنا وانا ماجايب خبر؟
منعم
موصلي
عاطف(الزول دا خجلان منو) بس مبروك ومبروك العروسة
المشاء
عماد شمت
ابوذر
ماعارف اندهش بي منو بيكم ولا النص كلكم تجننو
بس بقول عيني باردة وعليك الله يا منعم ادينا من دا كتير عشان نشوف الناس دي دايما بي هنا
لكم كلكم تحياتي مبدعي بلدي ولكم مودتي وكل الحب
عبدالله وداعه
| |
|
|
|
|
|
|
| |
Elmosley
altahir_2
osama elkhawad
عماد شمت
atif anees
أبوذر بابكر
قاسم المهداوى
Abdelfatah Saeed Arman
rani
فيس بوك
تويتر
انستقرام
يوتيوب
بنتيريست