|
|
 كيف تمت معالجة نتيجة طلاب دارفور في امتحانات الشهادة السودانية؟
|
اعُلنت في الاسبوع الماضي نتائج امتحانات الشهادة السودانية لهذا العام دون اي توضيح يشرح الكيفية التي تمت بها معالجة حالات طلاب دارفور والذين خُصصت لهم اسئلة في امتحانات الشهادة السودانية تختلف عن بقية اسئلة الامتحانات في الولايات الاخرى كأول سابقة في تاريخ هذه الشهادة العريقة، وقد برر السيد وزير التربية عقب اكتشاف هذه الفضيحة تبريرا (اقبح من الذنب) اذ عزا اختلاف اسئلة امتحانات طلاب دارفور هذا العام لدواع أمنية واقتصادية.
فامتحانات الشهادة السودانية كانت محل تقدير واحترام محليا وعالميا لما تتمتع به من مصداقية وسمعة طيبة الا ان امتدت اليها ايادي هذا النظام المتسخة فدنستها شأنها في ذلك شأن الكثير من مرافقنا ومؤسساتنا التي طالها التخريب المنظم من هذه العصبة الحاكمة.
لم نسمع من وزير التربية او ادارة امتحانات السودان ما يشرح كيفية المعالجة.
هل اكتفى الوزير ببيانه الركيك الذي صرح به بعد كشف هذه الفضيحة الكبرى؟
أم اعتمد الوزير على ذاكرتنا الخربة واعتبر ان الامر قد انتهى؟
|
|
 
|
|
|
|
|
|
|
 Re: كيف تمت معالجة نتيجة طلاب دارفور في امتحانات الشهادة السودانية؟ (Re: abduelgadir mohammed)
|
سلامات
الشهادة السودانية انتهت منذ ان تحولت الى 11 سنة
وصارت لا يعتد بها عالميا كا كي 12
دي حاجة
وافتكر دي اكعب الخرمجات الجاهلة والغير مدروسة
ناس دارفور عملو ليهم اسئلة مختلفة عشان ما تحصل قصة مركز الطينة عندما هاجم الثوار المركز
وشالو الامتحانات واضطروا يعيدو امتحانات كل السودان...
الى الان انا مندهشة من سلوك الثوار ديل...البكشفوا الامتحان
وما دخل كشف الامتحان باعادة الحقوق وكدا ولا حكومة الانقاذ
وقد تسبب اعادة الامتحان في كوارث لكثير من الاسر ومعاناة للتلاميد
واحباط كبير ليهم وتدنت الدرجات ذلك العام..
نتمنى يحل الامن والسلام عشان الحاجات ترجع بنظام
ونطالب الوزارة بارجاع السنة المتروكة
في التعليم العام...
ولك التحية
| |
|
|
|
|
|
|
|
|
|
Re: كيف تمت معالجة نتيجة طلاب دارفور في امتحانات الشهادة السودانية؟ (Re: د.نجاة محمود)
|
الخالة دكتورة نجاة محمود
بدل من تطالبي الحكومة من اعادة النظر في الموضوع حتي لا يختل ميزان العدل ذهبتي بعيدا
وبدأتي تفكرين في طلاب شمال السودان الذين احبطوا بما حدث في مركز الطينة واعادة الامتحانات
ونسيتي ان الحكومة كونت وزارة ولجان لتأمين الامتحانات حتي الوزير عبد الرحمن سعيد قال بالحرف الواحد قمنا بحماية كل مراكز الامتحانات وتامينها
Quote:
ناس دارفور عملو ليهم اسئلة مختلفة عشان ما تحصل قصة مركز الطينة عندما هاجم الثوار المركز
وشالو الامتحانات واضطروا يعيدو امتحانات كل السودان...
الى الان انا مندهشة من سلوك الثوار ديل...البكشفوا الامتحان
وما دخل كشف الامتحان باعادة الحقوق وكدا ولا حكومة الانقاذ
وقد تسبب اعادة الامتحان في كوارث لكثير من الاسر ومعاناة للتلاميد
واحباط كبير ليهم وتدنت الدرجات ذلك العام.. |
لماذا لا تندهشين من حكومة غير مأمونة علي العدل بين مواطنيها وغير قادرة علي امن مواطنيها
وقد راينا بام عيننا جنود العدل والمساواة يتجول وسط العاصمة منتصف النهار
Quote:
الى الان انا مندهشة من سلوك الثوار ديل...البكشفوا الامتحان |
هذا ليس يعني تايدي لكشف الامتحانات
| |
|
|
|
|
|
|
|
|
|
Re: كيف تمت معالجة نتيجة طلاب دارفور في امتحانات الشهادة السودانية؟ (Re: saif massad ali)
|
الأخ سيف
شكــرا يا ود عوج الدرب على صـورة الشيخ عبد الباقى المكاشفى، فقـد فقدتهـا من مدة فى أضابيـر السيديهـات.
الأخت د. بيان،
لو الوزير كان مقتنع بالعمل العملوا، فلماذا لم يعلن أن امتحاتات دارفور ستكون مختلفـة لأسباب أمنية، وتركها
حتى كشفت بواسطـة سلطات دارفور؟
السـؤال الثانى، كيف يقرر إمتحانات من مقررات قديمـة لم يدرسهـا الطلاب.. هل كان ذلك أيضـا لأسباب أمنيـة؟
لماذا كانت الإسئلـة البديلة لأسباب أمنية هى العلوم والفيزياء فقط، دون المواد الأدبيـة؟ هل المتمردون يكشفون
المواد العلميـة فقـط؟
الأن نريـد أن نعرف نسبـة الناجحين من أبناء دارفور فى المواد العلمية بالذات، ومقارنتهـا بمتوسط الأعوام الماضيـة.
| |
|
|
|
|
|
|
|
|
|
Re: كيف تمت معالجة نتيجة طلاب دارفور في امتحانات الشهادة السودانية؟ (Re: Abureesh)
|
سلامات يا ابو الريش
في القياس والتقويم للامتحانات هناك
ما يسمي بالمجموعة..او البولنق..
يقوم المرجي منهم عمل االامتحان بوضع عدد قل 100 سؤال في الفزياء
تقم لجنة الامتحانات باختيار 10 اسئلة للامتحان بانتخابها
من ضمن 100 سؤال يعني بتكون بتغطي المقرر ومتدرجة من اصعب الى اسهل..
ودي البتعمل بيها الدول الما عندها امتحان مركزي بيكون مرشحة ليهم
كمية من الاسئلة وهم بختاروا من ضمنها بكدا يقبلوا عدالة الامتحان
ناس دارفور مشكلتهم انه لا يوجد معلمين ولقد اخبرني طالب ان الطبيب يدرسهم الاحياء
ومهندس الموية يدرسهم الرياضيات تطوعا لعدم وجود الاساتذة الكافين
ودي مشكلة عامة في السودان الطرفي ما عدى الخرطوم..
عشان كدا ناس دارفور لو جادين يرجعو اقليمهم عشان يعملوا معلمين عشان اي ينهضة بتقوم
على الموارد البشرية البعدها المعلم الممتاز,,
وعايزة احي شاب من دارفور عضو هنا اسمه دكتور الدين عثمان
درس في تركيا الدرجة الاولى وفي الدينمارك الدرجة الثانية وفي ماليزيا الدرجة الثالثة
في هندسة الكمبويتر في الذكاء الصناعي وعاد الى نيالا رغم الفرص المهولة
التي سنحت له..ويحمل جواز سوداني لم يغيره..
بعدين قصة عقلية المؤامرة دي المفروض تقيف فيما يخص دارفور..
لانها كترت ومسخت..
| |
|
|
|
|
|
|
|
|
|
Re: كيف تمت معالجة نتيجة طلاب دارفور في امتحانات الشهادة السودانية؟ (Re: Imad Khalifa)
|
د.نجاة
Quote: ناس دارفور عملو ليهم اسئلة مختلفة عشان ما تحصل قصة مركز الطينة عندما هاجم الثوار المركز
وشالو الامتحانات واضطروا يعيدو امتحانات كل السودان...
. |
طيب دي مشكلة حلها سياسي (باعتبار ان التمرد في اي مكان يعمل علي تعطيل عمل الحكومات و اعاقتها)
Quote:
الى الان انا مندهشة من سلوك الثوار ديل...البكشفوا الامتحان
وما دخل كشف الامتحان باعادة الحقوق وكدا |
طيب وين كشف الامتحانات يا دكتورة................ بعدين داير اعرف الحقوق دي بعيدوها كيف ؟!.
| |
|
|
|
|
|
|
|
|
|
Re: كيف تمت معالجة نتيجة طلاب دارفور في امتحانات الشهادة السودانية؟ (Re: أنور أدم)
|
انور ىدم
| Quote: طيب وين كشف الامتحانات يا دكتورة........... |
كشف الامتحان في مركز الطينة بعد هجوم الثوار على النقطة التي بها الامتحانات
ودا غلط وتخريب ولا يمت للنضال بصلة
| Quote: ..... بعدين داير اعرف الحقوق دي بعيدوها كيف ؟!. |
الحقوق بتتعاد بالنضال الشريف في فرق بين التخريب والنضال
اي حاجة تمس الحكومة ما عندنا مانع لكن ما يمس الشعب ويذيد معاناته
على المعاناة الاصلها موجودة دا غلط كبير..
هناك اسر عانت كثيرا وفقدت الكثير والطلاب الذين يكونو مضغوطين نفسيا طيلة فترة الامتحانات
مروا بذلك بغير ذنب وهم ضحايا من ضحايا الحكومة الكتار في جميع انحاء السودان
بكشف الامتحان واعداته اصبحو بين سندانة الحكومة ومطرقة ثوار دارفور..
اهم نقطة فيما كتبت ان يرجع ابناء دارفور للعمل في المدارس المهجورة هناك
شايفاك جليتو..وهو اهم من مماحكة الامتحان اتكشف وطريق الثوار,,
بطريقتكم دي نهائي مناطقكم ما بتصلح..
| |
|
|
|
|
|
|
|
|
|
Re: كيف تمت معالجة نتيجة طلاب دارفور في امتحانات الشهادة السودانية؟ (Re: د.نجاة محمود)
|
د.نجاة
قلتي:
Quote: كشف الامتحان في مركز الطينة بعد هجوم الثوار على النقطة التي بها الامتحانات
ودا غلط وتخريب ولا يمت للنضال بصلة |
كشف الامتحان ده موضوع و الذي تم في مركز الطينة ده موضوع تاني، لانو من حق أي مهمش بجمهورية السودان ان يواجه الدولة في عملها( التي منها امتحانات الشهادة) و يعطل عملها ولو بتدميرها( الذي حدث لاقسام الشرطة بدارفور ).
أما التخريب فهي وسيلة من وسائل النضال فلا غبار عليه البتة.
ثم:
Quote: اي حاجة تمس الحكومة ما عندنا مانع لكن ما يمس الشعب ويذيد معاناته
على المعاناة الاصلها موجودة دا غلط كبير.. |
المدارس هي مؤسسات دولة و الدولة هي ملك للشعب، و لكن في السودان الدولة هي ملك المؤتمر الوطني لذلك إستهداف إي مؤسسة تابعة للحكومة تؤدي لضعفها ( بالمناسبة ليس موضوع 11 سنة هي التي خلخلت قيمة الشهادة السودانية بل الذي سيحدث انطلاقا من تعدد الامتحان في الشهادة في السودان) .
قلتي لي:
Quote: هم نقطة فيما كتبت ان يرجع ابناء دارفور للعمل في المدارس المهجورة هناك
شايفاك جليتو..وهو اهم من مماحكة الامتحان اتكشف وطريق الثوار,,
بطريقتكم دي نهائي مناطقكم ما بتصلح. |
هي بس المدارس المهجورة دي بقت خلا. الناس هم في تشاد تعيش علي كنف المنظمات و يدرس ابناؤها في مدارس المعسكرات المقامة
أما حكاية مناطقنا و مناطقكم دي ما بتجيب حل............ الجنوب 20 سنة حرب و بعدها جاء التعليم و التنمية.
| |
|
|
|
|
|
|
| |
Imad Khalifa
تاج الدين عبدالله آدم
abduelgadir mohammed
saif massad ali
Abureesh
أنور أدم
فيس بوك
تويتر
انستقرام
يوتيوب
بنتيريست