|
|
 صغير القوم خـادمهم
|
بسم الله ابدأ .
التحيه أجلها لاعضاء المنبر الكرام وقراءه الدائمين . اعلم انه سيطيب لي المقام بينكم ولكني أرجو ان تطيب نفوسكم لاقامتي وتسع لضمي للاسره التى طالما احببت ان اكون فردا منها .
معليش يا اخوانا انا متحمسه شديد والخوفه حاصله ... ياريت تقبلوني ابنه واخت ليكم واكون شاكره حسن استقبالكم وعهدي بيكم اهل ضيافه وجود .
|
|
 
|
|
|
|
|
|
|
 Re: صغير القوم خـادمهم (Re: ممدوح أبارو)
|
تشكر يا ممدوح على الترحيب ..
صغير القوم خادمهم عنيت بيها اني لو ما كنت الاصغر سناً بيناتكم فانا الاصغر وقتا في المنبر ودي الحاجه البتخليني اخت نفسي في مقام الخادمه بس يبقي لي شرف رفقتكم .
لك التحيه
| |
|
|
|
|
|
|
|
|
|
Re: صغير القوم خـادمهم (Re: Dalal Ezzaldin)
|
اهلا وسهلا بيك
العنوان خلاني أفتكر إنو الموضوع حا يكون من واقع المثل وأنو العالم هارياك مراسيل بإعتبار أنك صغيرة البيت أو الوسط الإنتي فيهو ، وطبعاً الناس الحشاشين بي دقينتهم أى الكسالي فلسفو المقولة وزادوها حبتين عشان تكون مبلوعه عندما قالوا صغير القوم خادمهم وسيدهم المهم دا في عواصم ومدن كبيرة فيها مواسير وأحواض غسيل ، فعلي سبيل المثل لو حضرتي عزاء في قريتنا الكائنة وما أكثر تراحنا في هذا الزمان تصحي من النوم تمسكي الإبريق وتغسلي الإيادي لحوالي سبعة آلاف نسمة يعني سبعة آلاف ضرب إثنين تساوي أربعتاشر ألف يد دا غير المضمضه ، وأسخف شئ لمن تكون مقهي أو مهود ويقوم الراجل البتغسل ليهو يرفع الإبريق بالله لمن تقرب ترميهو وتجري عديل كده دا غير الأسئلة السخيفة يقول ليك إنت ود منو
تقول ليهو مثلاً أنا ود ديناري
يقول ليك أنا ببقالك شنو
تلطش ليك أى حاجة وغالبا يا عم يا خال
ويقوم يحشرك في الزاوية لمن يسأل إنت هسع عرفتني
ومجاملة تقول ليهو أي عرفتك
يقول ليك أنا منو
في اللحظة ديك تكلها في حنانك وتحت تحت تسب ليهو في سرك وتقول ليهو يعني إنت مانديلا ولا بن بيلا وتقرب تخت ليهو الإبريق في يديهو وتشتت
مرحب بيك وأهلاً وسهلا
| |
|
|
|
|
|
|
|
|
|
Re: صغير القوم خـادمهم (Re: almulaomar)
|
العزيز Almulaomar كويس اني كتبت العنوان ده عشان تشرفني بمشاركتك الطيبه دي .
تعرف انا بكر البيت واحتمال العنوان ده جاني من شئ في نفسي ( البنات بحبوا الصغره ) بس بالرغم من كده انا ماكبيره شديد  والمرسال ده بقى ماداير ليهو صغير .. للاسف الزمن بقى عجيب , تلقى مرات الام في البيت بتناول الشُفع المويه بعد الغداء ( صوره معكوسه ) وربنا يعدل الحال .
عاجزه عن الشكر , يديك العافيه ويرضيك يارب
| |
|
|
|
|
|
|
|
|
|
Re: صغير القوم خـادمهم (Re: Dalal Ezzaldin)
|
ــــــــــ
يا سلاااااااااام عليك أختي دلال
ألف ألف ألف مرحب بيك بيننا
في الحقيقة حذبني عنوان البوست فهي لغة أهل الذوق وأنتِ كلك ذوق
وتواضع ,ومن تواضع لله رفعه, من هذا البوست قمتك كبرت عندي وأنتِ الصغيره
والاميرة ونحن نخدمك حفاء ,ما أجملك يا دلال؟!
بكل وضوح يازولة دخلتي من كل مسامه في جسدي , وأنا بكتب لك هذه المداخلة ودموعي
تتساقط كأني بعرفك منذ زمنناً بعيد أي روحِ فيك أنتِ تلك التي تنفذ بهذا الشكل؟!
وأين كنت هذا الزمن يالكِ من روح طاهرة ونقية ...
كوني كما أتمني لكِ
لك كل الحب والذوق
| |
|
|
|
|
|
|
|
|
|
Re: صغير القوم خـادمهم (Re: emad altaib)
|
والله اخجلتني بكرم اخلاقك ... عاجزه عن الشكر
الذوق انت اهلهُ واكيد اكيد انت اخو غالي وفضلك مابترد
ان شاء الله اكون في محل الثقه والبينا تعمر
شكراً عماد وتاني شكراً .. وشكراً مابتقيف الى ماشاء الله .
| |
|
|
|
|
|
|
|
|
|
Re: صغير القوم خـادمهم (Re: Dalal Ezzaldin)
|
| Quote: معليش يا اخوانا انا متحمسه شديد والخوفه حاصله ... ياريت تقبلوني ابنه واخت ليكم واكون شاكره حسن استقبالكم وعهدي بيكم اهل ضيافه وجود . |
نحن اهل الكرم والجود يا دلال
ونحن اهل الضيافة نساء ورجال
بكرى رحب بيك ووقفنا ليك اجلال
لانك ست الذوق والادب الجمال
والقمره فى سماها فتيها نور وكمال
اها خالتك مش شاعرة
مرحب بيك يا الاميرة اسرحى وامرحى الدار دارك
ام وضاح
| |
|
|
|
|
|
|
|
|
|
Re: صغير القوم خـادمهم (Re: essam&amal)
|
ام وضاح
انتِ مش شاعره .. انت ام الشعر ذاتو
الكلام عندك بسيط وده دليل على بساطه طبعك وتواضعك
سعيده جداً بكلماتك الجميله ومعناها كبير عندي
شكرااااااااً .
| |
|
|
|
|
|
|
|
|
|
Re: صغير القوم خـادمهم (Re: خالد عبد الله محمود)
|
الملوحه دي ياخي اكله صعبه .. نفسي اعرف الزول الفكر في القصص بتاعت الاكل والشراب والجيه دي .. مابخطر ببال زول انو يحفر في الواطه عشان طبخه .. او يزرع حبوب عشان عصير .
حاجات معقده ومكلفه .. بس والله عافيه منو , لانو خلق التميز في بلدي , وبالرغم من اني ماباكل الملوحه بس اكيد بعتز بيها وبعتز بكل عاده وكل حاجه وكل فرد في سوداني الحبيب .
شكرا ليك يا خالد ونحاول نحب الملوحه 
| |
|
|
|
|
|
|
| |
Dalal Ezzaldin
Muna Khugali
ممدوح أبارو
almulaomar
حذيفه ابراهيم الكباشي
gamal elsadig
Deng
محمد الكاب
عصام ابوعكر
NGABY AJOOZ
محمد عثمان محمد طه
emad altaib
بشير جبريل علي
essam&amal
خالد عبد الله محمود
فيس بوك
تويتر
انستقرام
يوتيوب
بنتيريست