|
Re: طيارة الليلة حا تقع الساعة كم؟ (Re: Ashraf el-Halabi)
|
صباح الخير يا أشرف تم إنشاء قسم في المطار يسمى (قسم التغطية الجوية)، مهمته تغطية أخبار الطيارات الواقعة، لكن إذا اتصلت ربما تجد تلفونات المطار خارج الخدمة لأنها حاتكون مقطوعة مثل تلفونات سودانير لعدم تسديد الفواتير.. نتمنى السلامة لجميع المسافرين..
| |
|
|
|
|
|
|
Re: طيارة الليلة حا تقع الساعة كم؟ (Re: Sobajo)
|
بصفتى أحد سودانى الداخل و الذين قل انفعالنا بما يجرى حولنا لدرجة اننى عرفت بسقوط الطائرة صباح اليوم علما بانى اسكن فى المعمورة, وقوع الطيارات عندنا اصبح زى قطع الكهرباء اقصى ما تفعله تقعد تحت الشجرة فى الشارع. التحوط الوحيد الذى نمارسه ضد وقوع الطيارات بقينا نستخدم الشوارع البعيده من المطار و تاخد ساتر لما تقرب من صينية برى
| |
|
|
|
|
|
|
Re: طيارة الليلة حا تقع الساعة كم؟ (Re: Ashraf el-Halabi)
|
Quote: التحوط الوحيد الذى نمارسه ضد وقوع الطيارات بقينا نستخدم الشوارع البعيده من المطار و تاخد ساتر لما تقرب من صينية برى |
إذاً يا شهاب الكلام بتاع وقوع أسعار البيوت الفي الإيريا حول المطار في الواطة دا ما إشاعة !! قال ليك واحد في حي المطار عارض بيتو للبدل ببيت في السلمة أو ما خلفها!! الخلا ولا الرفيق الفسل
| |
|
|
|
|
|
|
Re: طيارة الليلة حا تقع الساعة كم؟ (Re: Shihab Hamadnala)
|
Quote: يا أشرف الخيارات كل مرة يتضيق
المهندسين .....................لاندكروزرات خليل الصحافات حى المطار و كوبر .....طيارات شارع مدنى .....................ناس المرور |
شهاب سلامات وزير الدفاع لما قال مقولته الخالدة "باطن الأرض خير من ظاهرها" البسطاء فسروها على المعنى القريب!!
يا مان قال ليك تحت القيادة العامة بقى زي بيت الأرانب!
| |
|
|
|
|
|
|
Re: طيارة الليلة حا تقع الساعة كم؟ (Re: Ashraf el-Halabi)
|
الشيئ االعجيب و غريب ((على قول عصام محمد نور ))
في كل الحوادث
ناس المطافي بيجوا بعد ما خلاص الطيارة تبقى رماد و يعجبوك طبعا في الحركات و الخراطيش و الجوطة
تذكرت نكتة لاخوانا المصرين
حادث حريق في احدى الحارات -اهل الحي بلفوا المطافي - بعض الاهالي قاموا بأطفاء الحريق -و جاء رجال الاطفاء متأخرين بعد ان انطفئ الحريق
-احد ظباط المطافي يسأل أين الحرق ؟؟؟
- أحد الاهالي يجيب - لقد انطفئ الحريق
- ظابط الاطفاء و هو في قمة الغضب - ولــع ولـــع يا عـــم بــلاش مــسخرة خلينا نشوف شغلنا
| |
|
|
|
|
|
|
Re: طيارة الليلة حا تقع الساعة كم؟ (Re: akram saeed)
|
Quote: الشيئ االعجيب و غريب |
والأعج وأغرب يا أكرم إنو البشير أقال مدير هيئة الطيران!! يا ربي عشان تقصيره ولا عشان البشير كان حا يركب طيارة لشرم الشيخ!؟ رغم إنو الزول المسكين دا ما هو السبب براهو، إلا قعادو ولا حلو
| |
|
|
|
|
|
|
Re: طيارة الليلة حا تقع الساعة كم؟ (Re: Ashraf el-Halabi)
|
أبو ساندرا سلامات معاهم حق ناس الرسالة دي الدخلت على ناقلنا الوطني بسبب الفساد وملحقاته (التراخي الإداري، عدم تقدير المسئولية، عدم الخوف من المساءلة و...) ما بتمرق قريب!! يعني حا يكون خبر مألوف لما تسمع "أقلعت طائرة الإير باص التابعة لسودانير في رحلتها رقم كذا وعلى متنها عشرة أشخاص، تمانية كرو وراكبين إتنين"!! أما المنظر الأكثر إلفة، بعد سنتين تلاتة من عزوف المسافرين عن المقامرة بأرواحهم في الجو، لما تلقى الايرباص مركبين ليها مكنة هايلوكس وقالبة في خط الديوم الغربية!!
| |
|
|
|
|
|
|
|