|
** تعال ياعصام جعفر الخواض نتونس عن حلتنا سيبنا من كلام السياسة المابينفع ده**
|
والله من زمن متمنى التقى بفرد من حلتنا ومنطقتنا نتونس ونحكى ايام زمان الايام الجميلة. طبعا حلتنا هى المايقوما الواقعة فى النص بين الديم والسجانة (يعنى لا دايمة ولا سجانة!!!!!!!!!!!!!!!)
تعال نحكى عن الزمن الجميل الذى عشناه نحكى عن ميدان العلم , وعن شفوت الحلة الكبار والصغار الاحياء والاموات لهم الرحمة جميعا. طبعا الحلة كلها اشتت خارج البلاد . وهدفى من البوست ده لمهم اذا كان منهم اعضاء او كانوا قراء. اها رايك شنو يا عصام اخوى. ابومحمد
|
|
|
|
|
|
|
|
Re: ** تعال ياعصام جعفر الخواض نتونس عن حلتنا سيبنا من كلام السياسة المابينفع ده** (Re: elnawrani margan)
|
واالله يا نورانى نحن نفتخر بى حلتنا وبى المناسبه كل ما امشى مكان بلقيهم هم اصحاب اليد الفوق فاتحين بيوتم للناس واول ناس بيكونو فى الحاره واخوان بنات اتربينا فى حى مفتوح من غير ابواب كل البيوت بعض من الدروب وكل الدروب تودى الى البيوت كان الواحد بدخل بيت اى زول ياكل يشرب ينوم يشد هدوم كل اخو كلو يا حليل زمااااااااااااان وايام زمان طبعا نادر خليفه زميل دراسه غفى الابتدائه والثانوى العام سلم على اخوه هو طبعا صغير علينا كتير فى النمسا نزار ابو عنجه وهولند وليدى العمرى هسى فى لندن واستراليا انتى وامريكا ناصر صالح ودول الخليك حدث ولا حرج كلكم اعلام فى غربتكم وصيه ابقو عشره اخوك الكبير عصام
| |
|
|
|
|
|
|
Re: ** تعال ياعصام جعفر الخواض نتونس عن حلتنا سيبنا من كلام السياسة المابينفع ده** (Re: elnawrani margan)
|
البوستات الذي دي من اجمل البوستات البتخلي الزول بتبسط منها ومن التداعيات عن زمن جوز الحمام فيه تلاتة والف الطوب فيه الفين.. في "المايقومي" كما تقولها جدتي يسكن جدي عبدالله الامين كان فاتح بيته لكل الاهل والاصدقاء تعلم غالبية ناس مورا من منزله.. رحمه رحمة واسعة
افتكر عمي الزين هو من شفوت شفوت "المايقومي" اسع عقل صلاتي على موحمد.. مرة ماشي معاي في مهمة رسميةعائلية لاقاني واحد من ناس المعهد بعرفو سلم على وقالي نجاة محمود بقيتي تعرفي الزين تاني ما بتنفعي تب واهلك يستعوضو فيك الله.. دا كان احرج موقف لانه الزين دا كان برعبنا رعب شديد المابياكل بقولو ليه ننادي ليك الزين والبيرفض بلع الدوا بيقولو ليه بننادي ليك الزين.. يلا الزين ضحك ضحكة محرجة كدا وقال للزول انا عمها الزول قاليه ما علي يا الزين عم شنو كمان انت؟ استمر في اللايقة الشديدة الى ان ورينا الزول بطاقتو واتحرج الزول بعداك وقالي يا زولة انا بشاغل في عمك ساكت.. المهم بعدها عرفت انه عمي دا شفت بعد حكو لي قصصو كلها في اعراس الديم والشبالات العجيبة.. طبعا الزين دا لمع نجمه كشفت في السبيعنات والتمانيات اسع مافي زول بعرفو لانكم اكيد مواليد السبعينات
نتمنى يكون بوست لذيذ وظريف ما يكون شرك وكدا..
| |
|
|
|
|
|
|
Re: ** تعال ياعصام جعفر الخواض نتونس عن حلتنا سيبنا من كلام السياسة المابينفع ده** (Re: elnawrani margan)
|
اها نجى شارعنا ياعصام, شوف بيت الدناقلة ( علوب ) فى السعودية هو وخالد , ناصر اخوهم فى امريكا . وقالوا عرس قبل 4شهور والان رجع امريكا, نمشى لاولاد حاج ( صلاح الكبير فى امريكا . راشد (راشد ابو الجوك) المانيا , صديق ( عم الراجل) بريطانيا . نلف ونرجع لاولاد ابو عنجة كبيرهم محجوب (الصعلوك) ابوظبى على كان فى النمساء وحاليا استقر فى السودان وعمل ليه استثمار تجارى . نزار (التن) حاليا فى النمسا . بالمناسبة عجوز اخوهم عرس قبل شهر والحمد لله( البورة فكت منو). نجى لبيتنا (بيت الخال كما يحلو لاولاد الحلة) اولاد عمتى عباس (جن) وعز الدين فى العراق من 20 سنة مادايرين يطلعوا ابدا , مختار اخوهم فى دبى . وميسرة اخوى فى السعودية وانا وين عييييييييييييييييييييييييييييييييييييييييييييييك سقط لقط . ربنا يرد قربتنا كلنا .
نمشى بيت ناس ناس ابو زيد الله يرحمه خالد فى السعودية من زمن حفروا البحر وربيع (ود اب زيد كما يحلو لاولاد الحلة) فى السعودية وقالوا عرس قبله. اها نختم الشارع بناس اليمانى حسين لاعب الموردة فى اخر السبعينات واول التمانينات فى اليمن مع اعمامو هو ومعتصم اخوه وفتحى رحل مع ناس اموه الكلاكة. بالله عليك الله ده شارع واحد شوفوا شبابو كله فج وخلى البلد !!!!!!!!!!!!!!!!!!!! ياسبحان الله.
وبرجع ليك نكتب عن عصام الكتش وميدان العلم. مودتى النورانى
| |
|
|
|
|
|
|
Re: ** تعال ياعصام جعفر الخواض نتونس عن حلتنا سيبنا من كلام السياسة المابينفع ده** (Re: elnawrani margan)
|
سلام يا شباب ..
الخواض والنوراني ...
مع إني ما سكنت المايقوما ورحلنا منها بدري جدا زي ما قال أخونا النوراني ..
Quote: طبعا من اولاد حلتنا القدام لكن لما رحل من حلتنا كان صغير جدا هو الاخ ناذر الخلفية وبيتنا كان فاتح فى بيتهم. ومااظن يتذكر المايقوما كويس لكن ياناذر اسال اخوانك خليفة وناجى ونادر وناصر
|
لكن ريحة المايقوما طوالي فيني وفي سكانا القدام ..
إتصلت قبل شوية بي نادر اخوي وكلمتو عن البوست دا .. وبيسلم عليكم شديد يا الخواض والنوراني ، لحدي يوم اللية والحمد لله متواصلين مع جيرانا الزمان في المايقوما .. لاحظو أنا بفول جيراننا مع إني شخصيا رحلت منها وعمري سنة واحدة ..
Quote: زمان طبعا نادر خليفه زميل دراسه غفى الابتدائه والثانوى العام سلم على اخوه هو طبعا صغير علينا كتير فى النمسا نزار ابو عنجه وهولند وليدى العمرى هسى فى لندن واستراليا انتى وامريكا ناصر صالح ودول الخليك حدث ولا حرج كلكم اعلام فى غربتكم وصيه ابقو عشره اخوك الكبير عصام |
كلهم بيتذكروكم والله .. ولحدي قريبات دي مشينا انا وعاطف لي زواج جيران القدام ..أخو علي عنجة على ما أفتكر .. وحتى علي زاتو خلى النمسا وجا إستقر في السودان وطوالي بقابلو بحكم جيرة العمل ..
واصلو يا شباب يديكم العافية ..
| |
|
|
|
|
|
|
Re: ** تعال ياعصام جعفر الخواض نتونس عن حلتنا سيبنا من كلام السياسة المابينفع ده** (Re: elnawrani margan)
|
من ابرز ابنا المايقوما البارزين فى الساحة الكروية :- 1- الحكم الدولى السر محمد على 2- اللاعب الكبير لاعب الهلال مبارك سليمان 3- حسين اليمانى لاعب الموردة ( اخرالسبعينيات وبداية التمانيات) 4- شمس الدين الرشيد لاعب فريق النيل الرياضى (الثمانينات) 5- جمال التجو لاعب الموردة وحى العرب بورتسودان سابقا 6- محمد صلاح ( عب الفول) لاعب الهلال سابقا 7- مدرب فريق النيل الرياضى سابقا عبد الكريم سرور 8- عثمان قاسم فريق النيل سابقا 9- معتذ عبد الكريم سور النيل سابقا 10- منتصر عبد الكريم سرور النيل سابقا
هذا ما يحضرنى الان ولنا عودة ان شاءالله . ابومحمد
| |
|
|
|
|
|
|
Re: ** تعال ياعصام جعفر الخواض نتونس عن حلتنا سيبنا من كلام السياسة المابينفع ده** (Re: elnawrani margan)
|
السجانه وسوف القش وسوق العناقريب وشارع المراتب ومرطبات السلام والحله الجديده ومحطه مرتضى وجامع ميرغنى والقوز والرميله ناس كانت بتعرف قيمه الناس الما عاش فى المنطقه دى ما عاش يا نورانى طلال فى هولند كنت معاه قريب وحاارسل ليك رقم نزار فى الماسنجر يا حليل القشلاق ومدرسه الزهور وشارع البط من اشهر الناس ايضا انت نسيت اللواء عبد الحى محجوب والى الجزيره سابقا وعثمان باع قون المورده عادل ولى لاعب الاهلى بصرحه كل الناس نجوم ونسيت استاذ الاستاذه سيد احمد خليفه وابنه الكاتب البارع عادل سيد احمد خليفه وبصراحه كل الناس نجوم وذى ما قال الشاعر كل الناس اهل والماهم قراب قربوم العمل يا نورنى عرس ربيع جانابو اخوك كان اكتر منت حلو والاحلى كل الناس كانت هناك دى السجانه وروعه السجانه الحكيااااااات كتيره
| |
|
|
|
|
|
|
Re: ** تعال ياعصام جعفر الخواض نتونس عن حلتنا سيبنا من كلام السياسة المابينفع ده** (Re: Esam El-Khawad)
|
ياسلام يا عصام عشان كده قولت ليك خليك قريب عشان نذكر. قلت لى:-
Quote: السجانه وسوف القش وسوق العناقريب وشارع المراتب ومرطبات السلام |
انت عارف سوق القش والعناقريب قالوا بقى شى تانى اتمحت الصورة القديمة التى كانت تذكرنا الصباة والشقاوة (ونيش الطير داخل الزريبة طبعا اكتر زول كان نياش هو ربيع اب زيد. والله روعة اتمنى ان يكونوا بقرؤا هذه السطور. اما قولك
والله ياعصام لما قريت القشلاق ضحكت ضحك عارف ليه . اتذكر لما تكون هناك كورة بينا وبينهم وشوف التشجيع كان كيف . كرة كرة ياجرادل الخرة. طبعا ماكان عندهم حمامات كان بتجى عربية الصحة تسحب الجردل المليان وتخت جردل فاضى . وكلامك :-
Quote: شهر الناس ايضا انت نسيت اللواء عبد الحى محجوب والى الجزيره سابقا وعثمان باع قون المورده عادل ولى لاعب الاهلى بصرحه كل الناس نجوم ونسيت استاذ الاستاذه سيد احمد خليفه وابنه الكاتب البارع عادل سيد احمد خليفه |
والله نسيت بس لكن والله هم اعلام بحق وحقيقة طبعا عادل سيد احمد كام هنا معانا لكن ذهب واستقر فى السودان. وكلامك عن ربيع اخوى:-
Quote: يا نورنى عرس ربيع جانابو اخوك كان اكتر منت حلو والاحلى كل الناس كانت هناك دى السجان |
فعلا والله كنت متابع بالتلفون والله اتاثرت شديد انى لم اكن موجدوبالسودان لكن زى ماقلت ناس السجانة ماقصروا وقالوا لى كان مولد عديل كده فعلا دى روعة اولاد الحلة فى الفرح والكره بتلاقيهم
وبالمناسبة انا طبعا كل جمعة بتصل تلفون بناس البيت وبلقى الحلة كلها هناك لانهم مدورين فطور جماعى كل جمعة شباب الحلة كلهم هناك اتمنى لما ترجع السودان تمشى وتفطر معاهم هناك على العموم خليك قريب دايرين نتحدث عن نوادر الكتش والمرحوم محمد عوض(هوبس) مودتى ابومحمد
| |
|
|
|
|
|
|
Re: ** تعال ياعصام جعفر الخواض نتونس عن حلتنا سيبنا من كلام السياسة المابينفع ده** (Re: elnawrani margan)
|
اذكر بجيل فريق العلم العملاق الهز رابطة المايقوما وبتتذكروا الناس الى الان 1- بقيادة حارس المرمى العملاق ( عثمان باع) 2- ربيع ود الفور 3- ود الشريف 4 -عمر عنكى 5- الشيخ ويوا 6- احمد قاسم 7- عبد العظيم الصينى 8- خالد ود الفور 9- عوض جاد الله ( ود القطينة) 10- وليد محمد الحسن 11- عماد كنو 12- سيف القورجى( سيفو اعلم) 13- اسماعيل كمبال 14- عادل (كبسو) واييييييييييييييييييييييييييييييك القائمة تتطول والله يا عصام ونواصل التوثيق لحلتنا العريقة .[ النورانى
| |
|
|
|
|
|
|
Re: ** تعال ياعصام جعفر الخواض نتونس عن حلتنا سيبنا من كلام السياسة المابينفع ده** (Re: elnawrani margan)
|
طبعا يا نوران ايييييييك رجعتنى يمكن 20 سنه لى ورى خلينا ندخل السجانه من شارع النص وبعدين الحريه وبعدين ابو حمامه من شارع النص نخش بى باص السجانه بى النص الونو ظهرى بى ابيض بمشى بى سرعه 15 كيلو متر فى الساعه نخش من محطه الفرن وهناك لوسى واخوانه واشهر زول من هناك الكبتن حمد النيل الاحترف فى فريق الالمنيوم المصرى ولاعب النيل الخرطوم سابقا لم كان فى نيل وكان فى خرطوم وكان فى كوره ولازلت اذكر النيل يفيض ويهزم الهلال بى الثلاثه ونجى لى محطه جامع انصار السنه ودى حله محمد عب الفول لاعب الهلال واخوه يوسف وناس سعد كرجويل واخوانه ونادى السجانه والكوره الطايره والفاتح الجعان كوره اليد وايام السجانه ضد المجد مولعه نار ونجى لى محطه سيد وابو مدين حماد ومحمد تلول وعاصم وتومه شاذلى الله يرحمو مات شاب فى حادث حركه فى السعوديه واستاذ نصر الدين وحسن كاو اخوه وعمر حكومه واب تكه ناس مابتتعوض انا لم امووت بقول انا اتربيت وسط رجال وان بفخر بى السجانه وناس السجانه ونمشى بى اليص لى محطه المدارس حله عادل سيد احمد خليفه وامير سيد احمد اخوه والرائع يوسف سيد احمد وفى الحله دى اب تون وهو فى المانيا هسى ونمشى شويه التيمان حسن وحسين ونخش على ناس دبوره وهشام دبوره وهو فى امريكا كمان واخوانه طروشى الصغير والكبير وياحليل ياسر دينمو صديقى العزيز بعد الياص بخش الديم وما ادركما الديم الناس الرجال احلى ناس طارق احمد ادم و منقستو وجاز العقارب وجاز الديم والعبقرى كمال كيلا ومصطفى سيد احمد كتير من الناس ما عارفين مصطفى ديامى وجمال شمار والله يا نورانى الياص ماشى على ديم الحجر والكمسار شايفه جاى على واخوك مقشط انزل هنا والباقى بتمو كدر خلينا فى المره الجايه اخش من سينما النيلين واشق حله النيران وانت عارف يعنى شنو الواحد يشق الحله دى لك الود ويا نذر محمد خليفه اخو عاطف وجواهر وانا بى المناسبه اتربيت فى بيتكم قبل ما يتحول لى عماره تسر الناظرين وتكسر عين الحاقدين عندى ذكريات كتيره بحكيها ليك بعدين واول مره اعلم نادر اخوك دك المدرسه اياااااااام يا سجانه وايام ما بترجع تانى
| |
|
|
|
|
|
|
Re: ** تعال ياعصام جعفر الخواض نتونس عن حلتنا سيبنا من كلام السياسة المابينفع ده** (Re: elnawrani margan)
|
نرجع للسجانه وباص السجانه وذكرياااااات ما بتتنسى وقفنا فى حى سينما النيلين والبتذكر النيلين لازم يتذكر عمك عوض العسكرى حارس السينما وسوط العنج لزوم الصف لم اغتربت استغربت انو السينما مافيها صف وما فيها سوط عنج يبدو انو الارهاب منبعو فعلا سودانى حتى لو كان فى سينما اتخيل تكون ماشى السينما ترجع مشحوط بى سوط فى طهرك يعنى تلاته اربه يوم ما فى نوم وتكون برضو سعيد وتحكى لى اولاد الحله الفلم وما فى مانع تزيد لقطتين من خيالك يا حليل دارى مندرا.. وكومار ابو شلخه... وشاشى كابور.. اطياف وذكريات وسينما النيلين يا ود خليفه ما تنساها تدخل على شارعنا من سينما النيلين الناصيه على الشمال بيت ناس عمك قمر الانبياء الله يرحمو وتتذكر اسامه وعادل وسامى وبناتم حنان قمر نجمه السجانه وهى الان متزوجه ومقيمه فى امريكا رايكم شنو نعمل مركز شباب السجانه فى النت يا نورانى ويكون هنا عندى الغالى بكرى فى حوشو الكبير نرجع على اليمين فى بيت العزابه والفنان صلاح كوستى اشهر مقيم فى البيت وشعرانى الفنان برضو من كوستى تمشر قدام ناس دينمو وابو الديب المقيم هسى فى هولند هو واخوه وهو بلمناسبه رجع اتزوج وعزمنى وكنت حزين جدا انو دوامه العمل ما بترحم وما بتخليك تستمتع وتمشى قدام الطابونه وكعك العيد والحب ايما الخبيز واللمه طبعا انا كنت اكبر حبيب فى الشله وتمشى شويه دكان الكوتش وعنبر البوليس يا حليل ربيع ابو زيد وصديق عم الراجل ودكان سنارى فى ناصيه بيت ناس عثمان ولما نقول عثمان لازم نتزكر عثمان جالونه وعباس جنى وسيفو علم وعلوب وفتحى العتود سنارى دكانو بلم الناس وسنارى القلب الطيب فى السجانه تمشى لى جوه بيت ناس على ابو عنجه البيت المفتوح للناس وامه الله يرحمه صحبه القلب الكبير والدعاء الدايم يا حليلك يا ود جعفر ودموعه فى عينه وشاى اللبن فى يدها الله يرحمك يا ام الكل وجعفر ابو عنجه والتاكسى البيجو وعجوز اول مغترب من اولاد الحله لى ليبيا تمشى تخش شارعنا وفيصل طه وجمال طه واب كرنك وعمك سعدعنبر الله يرحموومحجوب الزبير الله يرحمو وعمك طه الله يرحمو رجال يجتمعو فى رمضان كلو زول بصينتو ما فى عنصريه مافى كراهيا سعد عنبر من اقصى غرب السودان عمك طه شايقى وجعفر الخواض جعلى وكورو من الجنوب وناس الجبور كانو بعملو فرشه رمضان براهم وبقعد معاهم ناس فتحى واخوه يحيى ابو كجمه مدرب التنس المعروف وهم بى المناسبه فى بيتم مدفون الفكى بلاع وحتى هذه اللحظه لا اعرف من اين جات كلمه بلاع المهم كان الناس بيجيبو اللقيمات والشاى لم زول ينجح والله مره تلد والله مريض يبقى كويس نحن ما كانا بنركز على الموضوع شنو بس المهم اللقيمات والرز بى اللبن وكان بيختو فى خزنه مدفونه فى الارض بيختو فيها البياض واحد بيخت شلن وواحد قرشوواحد ريال وكنا انا وهشام بره بنجيب عود ونلصق فيهو لبانه فوف وندخلو فى فتحت الخزنه وانتا وحظلك وكانت حاجه النعمه بتسكنا يا اولاد ......... بلااع ده كان ما سخطكم تسرقو قروش الزياره وكنا نجرى ونضحك ولازلنا نجرى ولكن لا نضحك كثيرا....
| |
|
|
|
|
|
|
Re: ** تعال ياعصام جعفر الخواض نتونس عن حلتنا سيبنا من كلام السياسة المابينفع ده** (Re: elnawrani margan)
|
نرجع للسجانه وباص السجانه وذكرياااااات ما بتتنسى وقفنا فى حى سينما النيلين والبتذكر النيلين لازم يتذكر عمك عوض العسكرى حارس السينما وسوط العنج لزوم الصف لم اغتربت استغربت انو السينما مافيها صف وما فيها سوط عنج يبدو انو الارهاب منبعو فعلا سودانى حتى لو كان فى سينما اتخيل تكون ماشى السينما ترجع مشحوط بى سوط فى طهرك يعنى تلاته اربه يوم ما فى نوم وتكون برضو سعيد وتحكى لى اولاد الحله الفلم وما فى مانع تزيد لقطتين من خيالك يا حليل دارى مندرا.. وكومار ابو شلخه... وشاشى كابور.. اطياف وذكريات وسينما النيلين يا ود خليفه ما تنساها تدخل على شارعنا من سينما النيلين الناصيه على الشمال بيت ناس عمك قمر الانبياء الله يرحمو وتتذكر اسامه وعادل وسامى وبناتم حنان قمر نجمه السجانه وهى الان متزوجه ومقيمه فى امريكا رايكم شنو نعمل مركز شباب السجانه فى النت يا نورانى ويكون هنا عندى الغالى بكرى فى حوشو الكبير نرجع على اليمين فى بيت العزابه والفنان صلاح كوستى اشهر مقيم فى البيت وشعرانى الفنان برضو من كوستى تمشر قدام ناس دينمو وابو الديب المقيم هسى فى هولند هو واخوه وهو بلمناسبه رجع اتزوج وعزمنى وكنت حزين جدا انو دوامه العمل ما بترحم وما بتخليك تستمتع وتمشى قدام الطابونه وكعك العيد والحب ايما الخبيز واللمه طبعا انا كنت اكبر حبيب فى الشله وتمشى شويه دكان الكوتش وعنبر البوليس يا حليل ربيع ابو زيد وصديق عم الراجل ودكان سنارى فى ناصيه بيت ناس عثمان ولما نقول عثمان لازم نتزكر عثمان جالونه وعباس جنى وسيفو علم وعلوب وفتحى العتود سنارى دكانو بلم الناس وسنارى القلب الطيب فى السجانه تمشى لى جوه بيت ناس على ابو عنجه البيت المفتوح للناس وامه الله يرحمه صحبه القلب الكبير والدعاء الدايم يا حليلك يا ود جعفر ودموعه فى عينه وشاى اللبن فى يدها الله يرحمك يا ام الكل وجعفر ابو عنجه والتاكسى البيجو وعجوز اول مغترب من اولاد الحله لى ليبيا تمشى تخش شارعنا وفيصل طه وجمال طه واب كرنك وعمك سعدعنبر الله يرحموومحجوب الزبير الله يرحمو وعمك طه الله يرحمو رجال يجتمعو فى رمضان كلو زول بصينتو ما فى عنصريه مافى كراهيا سعد عنبر من اقصى غرب السودان عمك طه شايقى وجعفر الخواض جعلى وكورو من الجنوب وناس الجبور كانو بعملو فرشه رمضان براهم وبقعد معاهم ناس فتحى واخوه يحيى ابو كجمه مدرب التنس المعروف وهم بى المناسبه فى بيتم مدفون الفكى بلاع وحتى هذه اللحظه لا اعرف من اين جات كلمه بلاع المهم كان الناس بيجيبو اللقيمات والشاى لم زول ينجح والله مره تلد والله مريض يبقى كويس نحن ما كانا بنركز على الموضوع شنو بس المهم اللقيمات والرز بى اللبن وكان بيختو فى خزنه مدفونه فى الارض بيختو فيها البياض واحد بيخت شلن وواحد قرشوواحد ريال وكنا انا وهشام بره بنجيب عود ونلصق فيهو لبانه فوف وندخلو فى فتحت الخزنه وانتا وحظلك وكانت حاجه النعمه بتسكنا يا اولاد ......... بلااع ده كان ما سخطكم تسرقو قروش الزياره وكنا نجرى ونضحك ولازلنا نجرى ولكن لا نضحك كثيرا....
| |
|
|
|
|
|
|
Re: ** تعال ياعصام جعفر الخواض نتونس عن حلتنا سيبنا من كلام السياسة المابينفع ده** (Re: elnawrani margan)
|
Quote: اذكر بجيل فريق العلم العملاق الهز رابطة المايقوما وبتتذكروا الناس الى الان 1- بقيادة حارس المرمى العملاق ( عثمان باع) 2- ربيع ود الفور 3- ود الشريف 4 -عمر عنكى 5- الشيخ ويوا 6- احمد قاسم 7- عبد العظيم الصينى 8- خالد ود الفور 9- عوض جاد الله ( ود القطينة) 10- وليد محمد الحسن 11- عماد كنو 12- سيف القورجى( سيفو اعلم) 13- اسماعيل كمبال 14- عادل (كبسو)
|
البوست ظريف دخلت لانتماء اولادى لهذه المناطق الديوم الشرقية تحديدا وليد محمد الحسن ده وليد السرير بيتهم فاتح فى مدرسة الراعى الصالح ؟؟ سوف اشارك ببعض الذكريات . ام وضاحتحياتى ليكم ام وضاح
| |
|
|
|
|
|
|
Re: ** تعال ياعصام جعفر الخواض نتونس عن حلتنا سيبنا من كلام السياسة المابينفع ده** (Re: essam&amal)
|
يا ام وضاح لكى السلام وانتى من منطقه الديم والمنطقه واحده نحن كلنا بنعرف بعض حتى لو اختلفت المنطقه الديم السجانه الحله الجديده المايقوما ديم الحجر نحن اولاد الخرطوم جنوب وليد السرير اخو منى السرير ليس المقصود المقصود هو وليد محمد الحسن الوحيد العندو لقبين فى الدنيا اسمو وليد العربى او وليد كراتيه واخوانه جعفر وعبدو وحسن وهم من منطقه جبل اولياء ومرحب بيك فى بيتك وعاشت السجانه والديم والحله الجديده مزيد من اولاد وبنات الخرطوم جنوب ويا ود الخليفه بعتبارك اقدمنا افتح بوست لى اولاد وبنات الخرطوم جنوب للتواصل ولك الود يا سليل الناس الطيبه بى المناسبه ما تنسى تصور سوق السجانه وزنك اللحمه والف صنف لك حبى ولنادر صديقى واخى السلام
| |
|
|
|
|
|
|
|