|
|
 غدا الخميس زواج ودشندي وفرصة لقاء بورداب الرياض والشرقية
|
تابعنا من الرياض باهتمام بالغ مسلسل عرس عماد ( ودشندي ) وهو من الذين يستحقون الاهتمام ،، وعماد يعيش في منطقة وسطى بين الشرقية والرياض بالرغم من إنتمائها إداريا للشرقية ،،
نحن إن شاء الله عازمون على مشاركة ودشندي فرحته غدا ،، فهل نلتقي وبورداب الشرقية هناك ،، آمل ذلك
يرجى من بورداب الرياض الراغبين بالمشاركة الاتصال على الهواتف للتنسيق :
0506405838 ودقاسم
0507909071 معتصم
|
|
 
|
|
|
|
|
|
|
|
Re: غدا الخميس زواج ودشندي وفرصة لقاء بورداب الرياض والشرقية (Re: ودقاسم)
|
آخر الترتيبات لسفر بورداب الرياض ، تم الاتفاق مع حافلة من النوع الفاخر وموديل حديث جدا لنقلنا إلى موقع الحفل بشكل جماعي ، وسيتم التحرك الساعة الرابعة والنصف عصر الخميس من أمام منزل التعيس ودقاسم ، وعلى الذين يرغبون في السفر تأكيد حجز مقاعدهم بالهاتف حسب ما هو موضح أعلاه ،، كل من يتأخر يتحمل نتيجة تاخيره ، ربما تفوته الرحلة ..
هشام
جيب سوطك وتعال ،،
| |
|
|
|
|
|
|
|
|
|
Re: غدا الخميس زواج ودشندي وفرصة لقاء بورداب الرياض والشرقية (Re: ودقاسم)
|
كله تمام يا خال ..
الجميع على أهبة الإستعداد وأنا كلمت تمبس وشتات جاهزين ..
أها محمد الشيخ لسه ماظهر بالله شوف لينا الزول دا عشان الرحلة دي ما بتكتمل بدونه ..
طبعاً نحن من هسي حاجزين المقعد الوراني عشان حا نعمل ليكم فوضى شديدة ..
ومعانا عمار السنوسي وصديقي العزيز مالك عازف الأورغن حا نغني ليكم لمن نصل ..
أرقدوا عافية ..
| |
|
|
|
|
|
|
|
|
|
Re: غدا الخميس زواج ودشندي وفرصة لقاء بورداب الرياض والشرقية (Re: ودقاسم)
|
الخال الغالي ...
جزيل الشكر على الاهتمام والكرم الذي غمرتني به انت والأعزاء بورداب الرياض .. وما كانت النية أكسفكم لكن ما باليد حيلة ...
أتنمى ليكم رحلة سعيدة ...
الربة لو ما فيها صديق الموج ما عارف حيكون شكلها كيف ؟؟؟ وشيلو معاكم مديدة الدخن سفري للعريس 
وأمنياتنا لعريسنا ود شندي بدوام السعادة .. وبيت مال وعيال
| |
|
|
|
|
|
|
|
|
|
Re: غدا الخميس زواج ودشندي وفرصة لقاء بورداب الرياض والشرقية (Re: ودقاسم)
|
الف مبروك يا ود شندي
نفسي كان اكون في الشرقية كنت عملت ليك حنة تمام وبقيت ام العروس لكن انا بقيت من بورداب الخرطوم
اين بورداب الشرقية ؟؟؟؟ لم اسمع عنهم ؟؟ حقيقة تمنيت ان اكون موجودة بالشرقية عشان نستقبل ضيوفنا لكن الجماعة هناك لو نسقتو معاهم ما بقصروا حيغطوا عين الشمس صلاتي على النبي
| |
|
|
|
|
|
|
|
|
 Re: غدا الخميس زواج ودشندي وفرصة لقاء بورداب الرياض والشرقية (Re: أم سهى)
|
الغالية ام سهي ..
اولا اعتذر عن عدم وداعي لك ..في حينها
انت فقد كبير لبورداب الشرقية .. واكبر مكسب لبورداب الخرطوم .. والحمد لله علي سلامة العودة وهنيئا لك بالوطن وللوطن بك ..
لاتنسي الشريحة المعنية .. وكل من ضاق بهم سبل العيش .. واعلم انك مشروع حنان كبير وقلب مفتوح لهم
كنت اتمني ان نلقاك .. حقيقه بعدما تواصلنا عن طريق الهاتف ...
لكن سنكون مع ابناءك بالشريقة وحتما سيكونون خلاصة ام سهي ..
اقامة طيبة ليك وكل التوفيق..
| |
|
|
|
|
|
|
|
|
|
Re: غدا الخميس زواج ودشندي وفرصة لقاء بورداب الرياض والشرقية (Re: ودقاسم)
|
الاخ تمبس
لك التحية
اولا الف شكر على الكلام الظريف وان كان كثير علي شخصي المتواضع
حتما لن انسي الشريحة المحتاجة وهي التي كانت من دوافع العودة للوطن للعمل بالقرب منها وبذل كل ما اوتيت من قوة لخدمتها فهي في حدقات عيوني
انا كلي ثقة بان بورداب الشرقية هم الذين منحوني ما قدمت من جهد متواضع من خلال دعمهم المتواصل لي هي فترة من اجمل ما قضيت في مجال العمل العام وانشاء الله اواصل ما علموني له مع بورداب الخرطوم
اكرر شكري واحترامي
| |
|
|
|
|
|
|
|
|
|
Re: غدا الخميس زواج ودشندي وفرصة لقاء بورداب الرياض والشرقية (Re: ودقاسم)
|
رقص الشيب والشباب
له
عرس ودشندي
العرضة والشبال والزغرودة لي ود شندي
أخوي العريس ود شندي كان بودي ان اكون في الحلبه
وأجري وابشر وأحضن اصحابي اللطاف
ولكن قد تأتي الرياح بما لا تشتهي السفن
فأعتذر عن الحضور وكلي أسف
صدقني حصل ظرف طارئ المنعني المشاركة
برضوا خير حنشارك في مناسبة سعيدة ويتطلب تواجدي كوكيل
يا خالي ودقاسم
صديق الموج (الباشكاتب)
راقبوا الاولاد تمبس ومعتصم وشتات دوول اولاد عفاريت
ابو محمد (اسماعيل وراق ) يمكن نتلاقى في الندوة باستراحة النخيل ان شاء الله
| |
|
|
|
|
|
|
|
|
|
Re: غدا الخميس زواج ودشندي وفرصة لقاء بورداب الرياض والشرقية (Re: سولارا)
|
عند تمام الساعة الرابعة إلا ربع توجهنا تمبس وشتات والعبد لله إلى منزل الخال ودقاسم إستقبلنا الإبن زياد عند الباب وأحضر لنا البارد والشاي ودخلنا معه في دردشة عن الطفولة والشقاوة وحكاوي الزمن الجميل قطعها علينا صوت الخال يا أولاد ما تغشوا الولد دا لسه صغير وبعدها تسالمنا ولم يمر وقت طويل حتى حضر أحمد حنين ومعه ودالموج ولم يكملا سلامهما دخل علينا محمد الشيخ وكم كانت سعادتنا لأننا فعلاً خفنا أن لا يحضر معنا هذه الرحلة ، إسماعيل وراق ومعه الصادق خليفه دخلا علينا و قطعا ونستنا إستعداداً للخروج وعرفنا بأن البقية إعتذروا وقبل توجهنا إتصل علينا حبيب بلدو وذكر لنا بأنه سوف ينتظرنا في محطة ماكس عند النسيم وعندها بدأت الرحلة إلى الدمام وبعد مرور نصف ساعة حصل ما لم نكن نتوقعه سخانة شديدة في ماكينة العربية أدت إلى تعطيلنا ساعة من الزمن ولكن بحمد الله تم تدارك العطل وكانت شهامة السودانيين حاضرة وقتها فقد توقف لنا صاحب شاحنة سوداني أصيل وود بلد أبدأ إستعداده للمساعدة ولم يخيب ظننا فيه وهذا ديل على مرؤتنا وشهامتنا في أي بقعة من العالم شكراً محمد لوقفتك الكريمة والأصيلة .
تواصلت الرحلة وتجلي ود الموج بأغاني الحقيقة ومعه إسماعيل وراق فقد إكتشفنا حس موسيقي عالي لود وراق وكانت الضواحي ونجوم الليل أشهدي وأنا أم درمان أغنيات طربنا لها كثيراً وبعدها دخلنا في دور شعر طويل وكذلك لم ينقطع الحوار كعادة البورداب في هذه السانحة فقد كان شتات وأحمد حنين وإسماعيل كعادتهم نقاشات حادة ومناكفات لم تنقطع طوال الرحلة وأخذ محمد الشيخ وتمبس في دور ونسة جانبية لم نسمع لهما حساً .
قبل دخولنا كانت الإتصالات ترد إلينا من بورداب الدمام للإطمئنان على سلامة وصلونا فقد كانوا في إنتظارنا على أول المدينة .
عمنا تنقو ..
نادر ..
زورو ..
خالد الطيب ..
شرقوف ..
شكراً عماد ود شندي فقد كانت سانحة طيبة لنا للتعرف على هؤلاء الرائعون عن قرب فكانت أكبر مكاسب رحلتنا هذه فقد غمرونا بكرمهم وأحاطونا بإهتام كبيرأكد لنا أصالة ومعدن هؤلاء الأحباب فكلمة الشكر لا تكفي هنا كانوا معنا حتى لحظة خروجنا من الدمام ، كما لا أنسى أن أشكر الخال محمد بابكر فقد شاركنا فرحتنا وتعرف على بورداب الرياض عن قرب وتمنى لنا التوفيق ولم تمضي عشرة دقائق من مغادرتنا حتى إتصل مطمئناً على الجميع وسير رحلة العودة إلى الرياض .
لسه ما تستعجلوا بحكي ليكم الحفلة بي رواقة ..
راجع
| |
|
|
|
|
|
|
|
|
|
Re: غدا الخميس زواج ودشندي وفرصة لقاء بورداب الرياض والشرقية (Re: معتصم دفع الله)
|
قبل دخولنا لمكان الحفل إنتظرنا الصديق والأستاذ عمار السنوسي وفرقته عند البوابة ودخلنا مجموعة واحدة صافحنا ود شندي ومعه عروسته وهنيناهما على الزواج الميمون وتمنينا لهما حياة زوجية سعيدة .
قدم إسماعيل وراق التهنيئة بإسم أسرة سودانيز أون لاين ونيابة عن بورداب الرياض للعريس عماد ود شندي وعروسته و للحضور الكريم وبعدها شدأ الأستاذ عمار بأغنياته الجميلة وتجاوب معها الجميع بالرقص والتصفيق وبورداب الرياض لم يتركوا ساحة الرقص وكانوا يحيطون ود شندي مبتهجين وفرحين ، أحمد حنين ومحمد الشيخ رقصا رقصات خاصة تجاوبنا معها جميعاً والخال ودج قاسم لم يترك أحداً جالساً في مكانه أصر أن نكون بجوار الصديق ودشندي نرقص ونطرب معه ، ودالموج وتمبس ورقصات جانبية شاركمهم كل من شتات والخال محمد بابكر والصادق خليفة وعمك تنقو ونادر وزورو وشرقوف وكنت أنا العبد لله في التصوير " كاميرا مان " ومعي تمبس وشرقوف نتبادل تصوير الحفل الجميل . حبيب بلدو لم نراه إلا في فترات متقطعة فقد كان مع مجموعة من أقربائه في مكان ما داخل الحفل .
توقف الحفل لأداء صلاة الصبح وبعدها تواصل لوقت طويل من الزمن ختمها عمار السنوسي بأغنية أودعكم أفارفكم أودع أودع كيف .
عندي أمل يا بورداب الدمام ألاقيكم في أقرب الأوقات ..
عمنا تنقو ..
شرقوف ..
خالد الطيب ..
زورو ..
نادر ..
نسعد بيكم ..
ونقضي معاكم أجمل اللحظات ..
دي من عندي أنا طبعاً ..
نشوفكم على خير ..
| |
|
|
|
|
|
|
| |
ودقاسم
يازولyazoalيازول
ود محجوب
معتصم دفع الله
Hani Abuelgasim
إسماعيل وراق
tmbis
أم سهى
OmDur
Khalid Eltayeb
Elmosley
SAdo7
فيس بوك
تويتر
انستقرام
يوتيوب
بنتيريست