|
|
|
 Re: أنا وشلة البركس والعم ساتي (Re: ودقاسم)
|
اخي ودفعتي ودقاسم
السلام عليكم
الحاج ساتي دا عمي اخو ابوي رحمة الله عليه والراجل عنده دين عليك ولي حسع شايلو في جسمك خصاك بما لذ وطاب ، وبما انني ابن اخيه يمكنك تسديد جزء من الدين العليك لحضرتنا، ولا يحصل ليك الحصل لصاحبنا الوقف عند الباب لغاية بعد صلاة الصبح .
| |
 
|
|
|
|
|
|
|
|
Re: أنا وشلة البركس والعم ساتي (Re: حمزاوي)
|
حمزاوي يا دفعة
بقيت تتصلبط ،، العم ساتي ينتمي للعنصر النوبي ، لكنه كان يحمل قلبا يتسع لكل السودان ،،
حقيقة الرجل رغم بساطته ، كان مثالا للسوداني ود البلد الأصيل الذي تشرّب بالروح القومية .
| |
|
|
|
|
|
|
|
|
|
Re: أنا وشلة البركس والعم ساتي (Re: ودقاسم)
|
أبو طلال
تحية عطرة
ياخي ولله إنت بتنبش في حاجات فعلاً بتداعب فينا زوايا دقيقة في حياتنا في حنتوب والبركس. حلة الفتة دي فعلاً كانت أحد الطقوس المحببة للنفس وروادها كانوا من الناس المحببين جداً للنفس إضافة إلى الرجل الإنسان عليه رحمة الله، العم ساتي. بس ياود قاسم البصل كنتوا بتبالغوا فيه شوية ودا الكان بجنني أنا عشان أخوك كان معرض للبوسة في أي لحطة كما كان يحلو لود يوسف أن يفرسني بلسانه الزفر زي بصل فتة البركس.
إنت عارف ياحمزاوي المشاركون في الفتة بتاعة ودقاسم ديك كان سبب عضويتهم شنو؟؟؟ ليست المحاضرات المتأخرة ولا التأخير في المتكتبة!! السبب الرئيسي هو الونسة مع البنات والجيكس. يعنى لحدي ما يوصلوا البنات لحدي الداخلية والمحطات في نص الطريق عند نادي الاساتذة لحدي ما السفرة تكفل وتشطب وما يفضل غير الطباخين والسفرجية وعمك ساتي رحمه الله بقلبه الكبير الذي كان يحب الطلبة البحبو الناس العاديين زاي حالته كما كان يقول!!! للحقيقة والتاريخ الشيوعيين كانوا بيحترموا كل الموجودين في الكامباس بما فيهم العاملين والآساتذة وانتهاء بالطلبة في كثير من الأحيان.
إنت عارف يا أبو طلال هسع البركس أصبحت داخليات للطالبات وبالمناسبة إحدى بنات شقيقتي الكبرى سكنت في هذه الداحلية في منتصف التسعينات وقد حكت لي أن بعض زميلاتها من الطالبات مستورات الحال كن يستعن بالحطب في إعداد العصيدة " بني كربو": وكان شوال الطحين بناعن متكون في الأوضة. يعنى البصل العفن داك وقتها لم يكن متاحاً لهؤلاء الشابات المسكينات!! ولله عشنا وشفتا!!! وباما حنشوف بعد التوقيع النهائي لبروتوكولات السلام والفترة الانتقالية والديمقراطية الموعودين بها!!!
بالمناسبة البوست الذي أطلقت عليه " ماذا نريد من الديمقراطية" اختفي بسرعة وكنت بصدد إعداد مداخلة بسيطة غير أنني فوجئت بأنه سحب!! لم أدري لماذا، مع أنو موضوع جدير بالنقاش والتفاكر إذ أن موضوع الديمقراطية الليبرالية أمر يختاف عليه الناس. فبالله لو لقيت طريقة لرفع البوست مرة ثانية يكون كويس!!!
خالد
| |
|
|
|
|
|
|
|
|
|
Re: أنا وشلة البركس والعم ساتي (Re: خالد فضل)
|
أبورامي
هي ذكريات نعيش عليها ، وكأنها كانت ختام أعمارنا ، لم نر بعدها شيئا جميلا،، وأكر تماما حرصك على تحاشي البصل مع عشقك للفتة وللشلة ،، وكان يحلو لوديوسف إطلاق مصطلح الهبوط الاضطراري تحاشيا لاستخدام كلمة بوسة التي تجاسرت عليها هنا ،،
وطبعا تتذكر ود المبارك ، والنعيم أحيانا ، وود المأمون ، وملوال ،، وأتذكر أن ود المبارك حين يشبع لا يترك صينية الفتة ، كان يجلس و( يلز ) عليك العضم قائلا :
اسمع ،، أكل ده ، عليك الله اكلو ،،
والله مساكين البنات الساكنين في البركس وبياكلوا بني كربو ،،
| |
|
|
|
|
|
|
|
|
 allam sati (Re: ودقاسم)
|
السلام عليكم ورحمة الله وبركاته
الاخ ود قاسم العم ساتي حقيقة عمي ود عم ابوي وحمزواي دئ السلبطة العليو دي من شنو عموما الله يرحمو ويغفر ليهو
| |
|
|
|
|
|
|
|
|
|
Re: allam sati (Re: abd alhameed)
|
الأخ عبد الحميد
لك التحية
ويسعدني أن أتعرف على ابن أخ العم ساتي ،،
لكني أقول لك وللأخ حمزاوي أن العم ساتي عمي أنا ،،
وليتك تكتب لنا شيئا عن العم ساتي ، خصاله ، وخلقه ، وأصالته ، وياريت نعرف عن حاجة عن أسرة العم ساتي ..
وعليه ألف رحمة ،،
| |
|
|
|
|
|
|
|
|
|
Re: بين بركس عم ساتي .. وبركس صندوق "دعك" الطلاب (Re: ياسر خيري)
|
الأخ ياسر خيري
سرد جميل لذكريات جميلة ،، ويلاحظ أن مجتمع البركس في كل االظروف له إبداعاته وأعتقد أن البركس ظلت عبر تاريخها هكذا ، حتى بعد أن تغير جنس ساكنيها ،،، الغريب أنني لم أكن أفكر أبدا بان البركس يمكن أن تتحول لداخلية طالبات ، فهي خلقت فعلا للعزاب ،، لكن أمورا كثيرة في السودان تتبدل ، وربنا يحفظنا .
| |
|
|
|
|
|
|
|
|
|
الشيخ ساتي (Re: ودقاسم)
|
م الله الرحمن الرحيم
السلام عليكم ورحمة الله وبركاته
الاخ ودقاسم تحياتي
حقيقة سعدت بكل ماكتبته عن عمي الشيخ ساتي الحسن من صفات طيبة ولله الحمد ادخل في نفسي الفخر اني منهم والشيخ ولقد قمت بنقل ماكتبت ايضا في بوست كرامات الاولياء عن الشيخ ساتي الي ابنائه الذين هم الان الحمد لله من الخرجين اخرطوم والسودان وكمبويتر مان اي انه اكمل رسالته علي اكمل وجه من ابنائه الاخ محمود ساتي بالرياض
ياحمزواي والله ياخوي انا رجعت للبروفايل حقك مالقيت اي معلومة تدلنا عليك غير انك مولود في الشمالية وضح ياودعمي
| |
|
|
|
|
|
|
|
|
|
Re: الشيخ ساتي (Re: abd alhameed)
|
غايتو نحن البركس ومجمع فلسطين والرهد ديا استمتعنا بيهم من أواخر السعينات لأوائل التمانينات متعة مما بعدها متعة.
أنا مرات كنت يوم الخميس ما بامشي بيتنا ، مع أنو اهلي كانوا بيسكنوا في بحري، عشان العضة النضيفة.
طبعا كانو بيدونا الكاستر بعد الغداء وكنا بنشربو شراب ولا نتعاطاه بالمعلقة. فمرة شلت كاستري ووجبتي ومشيت اكلت وشربت كاستري وبعد شوية جيت راجع للطباخين وعايز اشيل لي صحن كاستر تاني قام واحد فيهم منعني. فقلت ليهو يا اخي انا نسيت الكاستر حقي وما شلتو مع الوجبة فقال لي "بطل (بتشديد وكسر الطاء) الهبالة وأمسح شنبك دا وامشي أوضتك"
حيث كان شنبي كله كاستر
بالله انتهينا من الامتحانات أول شهر تسعة وبعدها النميري اعلن قوانين سبتمبر وتاني السودان ما قامت ليهو قايمة لمن جاء صندوق دعك الطلاب وطلاب دعم الصندوق.
| |
|
|
|
|
|
|
| |
ودقاسم
خالد فضل
فيس بوك
تويتر
انستقرام
يوتيوب
بنتيريست