|
|
 اليوم الحار ما بندار ....يستحق ميدالية ذهبية في الصين...!!
|
مع الميداليات الذهبية التي تحصد كما الامطار في الصين من قبل المبدعين في ضروب الرياضة
حصد البوست الشهير يوم الهندسة والمعمار ميدالية الكلكات ذات العيار التاريخي ودخل التاريخ
الاسفيري في اكبر المواقع السودانية وشيخها...
بظهور علي خانة المشاهدين كلكات فاقت 100000
كلك...
الف مبروك للاخ خليل الشهير بوليد القرود الذي افترع لنا ذلك البوست والف مبروك لكل المجموعة
المبدعة المثابرة بقيادة الفتي ابراهيم محمد الحسن والمهندسين والمهندسات الرائعين حقا الذي اعطوا هذا البوست عصارة اهتمامهم ومثابرتهم التي اشتهروا بها
التحية لكل من عبر بتلكم الساحة قارئا او مشاركا معلقا بدلوه..
التحية لجامعة الخرطوم تلكم القلعة التاريخية التي علمتنا معاني الاشياء العميقة
التحية لهندسة تلكم المدرسة العظيمة التي الهمتنا حكاوي السنين
والتقدير والتجلة لبكري الذي اتاح لنا مثل هذا المكان للتواصل وربط بين الاجيال العديدة التي تشتت في زمن الشتات والتيه..
وهندسة مدرسة
|
|
 
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: Elawad)
|
| Quote: والله إنجاز يا عبد الكريم و خليل و إن شاء ربنا يدينا كلنا أضعاف الكلكات دي دولارات و أضعاف أضعافها حسنات |
هلا يا العوض
واليوم الحار انجازه يطوق اعناق كل ابناء هندسة المتواجدين في هذا المنبر
وجميعكم كان لكم الدور العظيم في تواجد صفحاته علي ساحة القراء والتداخل..
وهو بوست كالسفينة كان ابو خليل هو الربان ولكن في بعض الاحيان يتولي احد الاخوة قيادة السفينة
وفي كل مرة كانت المهارة التجويد والحضور العالي هي سيدة الموقف.
وتحية خاصة وميدالية للاخ ابراهيم محمد حسن الذي ثابر بشدة واهتمام علي في هذا البوست
في فترات انشغالنا عنه هو هالة وهشام مجذوب وتهاني ومحمد الخاتم وطارق الكوتش
وايضا نحي هنا تحية خاصة الاسطوري عمر الحبر علي الدماء التي ضخاها في شريان هذا البوست..
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: عبدالكريم الامين احمد)
|
Quote:
اووووه طه
ياخي مشتاقين يعلم الله..
وبمناسبة الاحتفالات دي بالله ما تريح الجمهور الانجليزي الراسو مشطوب ده..
وادينا مسسسسسساكة انشاء الله عشرة هارد عشان نوصل ليك ياخي
وحبابك الف |
مساكة شنو يا باشمهندس البديك ليها ..عاوزني اتسنفك في قبولي ولا شنو  غايتو يا كيكي كان لميتني في القانوني الضليع كبير البكايين عثمان النعيم الجعلي ليك الف راس من الابل ومثل عددهم من القناني المعتقة(قصدي عطور) عشان ما تقعد تمطق لي
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: taha)
|
| Quote: مساكة شنو يا باشمهندس البديك ليها ..عاوزني اتسنفك في قبولي ولا شنو غايتو يا كيكي كان لميتني في القانوني الضليع كبير البكايين عثمان النعيم الجعلي ليك الف راس من الابل ومثل عددهم من القناني المعتقة(قصدي عطور) عشان ما تقعد تمطق لي |
ياخ ما تخلينا ننمطق سااااي وبعدين احبطنا بحكاية العطور البارسية دي..
وياطه يبدو انو الليلة يوم شطب الراس الدولي..
لاني شايفك برضو بهناك مدخل ابو خليل في زقاق اسفيري ضيق (والليلة حيحمينا النوم وابو النوم ذااتو)
وحيدور في راسنا بحث جنائي شديد...
لك عثمان النعيم ولك ايضا بابكر بيكو ولك ثلاثمائه من نوق الخليج
بس ريح الجمهور الانجليزي ده شوية..
..............
انت عارف كده حتزيد نشاط الرصد والمتابعة بالوحدة المكلفة بالملف بتاعك ده
واجدع المسسسسسسسسسساكة يا طه بالله احسن ليك
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: عبدالكريم الامين احمد)
|
تاريخيا..
هذه النسخة من اليوم الحار الما بندار التي وصلت الي المائة الف هي الفيرشن التاني من اليوم الحار
فلقد كانت النسخة الاولي قد ذهبت الي الارشيف ..
ولكن باصرار خليلي قرودي عنيد كتب مرة اخري هذا البوست الذي انطلق كالنهر الذي لايشيخ..
بداء وكان المهندس محمد الصايم هو يمارس فتح اللعب واستنطاق الذاكرة وتحريض ابو خليل علي الانطلاق..
ثم شهد اهتمام في بداياته من الاخت مني خوجلي وتماضر والقلب النابض والاخت انتصار الشيخ ..
ولايزال ابو خليل يمارس الاندياح في صفحاته منطلقا من سنوات البرليم واحداثها الرهيبة..
ونعود لتخليص الرحلة التي عبرت البرزخ الاسفيري
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: عبدالكريم الامين احمد)
|
Quote:
ياخ ما تخلينا ننمطق سااااي وبعدين احبطنا بحكاية العطور البارسية دي..
وياطه يبدو انو الليلة يوم شطب الراس الدولي..
لاني شايفك برضو بهناك مدخل ابو خليل في زقاق اسفيري ضيق (والليلة حيحمينا النوم وابو النوم ذااتو)
وحيدور في راسنا بحث جنائي شديد...
لك عثمان النعيم ولك ايضا بابكر بيكو ولك ثلاثمائه من نوق الخليج
بس ريح الجمهور الانجليزي ده شوية..
..............
انت عارف كده حتزيد نشاط الرصد والمتابعة بالوحدة المكلفة بالملف بتاعك ده
واجدع المسسسسسسسسسساكة يا طه بالله احسن ليك |
يا كيكي ابو خليل ده انا ناقش نومتو وكاشف ليك الاتو بتاعو وباقي ورقه كلو ..عشان كدة يا هندسة في بوهية كده اصلو ما بنبوش منها..دي المراقات زاته يا حبوب
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: taha)
|
| Quote: يازول ما تهدد كدي يا كيكي خت الكورة واطة ..واخوك ما عاوز يخرمج ليك البوست الاحتفالي ده ... مش العرب بقولوا لكل مقام مقال؟ |
هلا ياطه..
وصدقني الونسة معاك هي كل الاحتفال والسعادة وبس اخوك حابي يغلغل شوية
ويتونس معاك في حضرة هذا البوست الذي هو ليس بعيدا عند مدارتنا القديمة
والكورة واطة يا طه ولك كل الحب والتقدير...
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: khaleel)
|
الاحبة شباب/ات كلية الهندسة بجامعة الخرطوم
المهندس وليد القردود و عبد الكريم و الصديق عمر الحبر ..........و جميع الاصدقاء و الزملاء و الزميلات الذين شاركوا فى هذا البوست الذى اصبح دولة داخل دولة اى منبر داخل منبر ....اهنئكم جميعا بهذا الانجاز الذى تحقق فى فترة وجيزة بان اصبح هذا البوست يفوت المنبر العام فى عدد صفحاته و اصبح منبر داخل منبر واصبحت اخاف عليه من الضياع او prune فى ظل زحمة المنبر لهذا ارى ان نعمل على الحفاظ عليه من التعرض الى اى عمليه تلف لهذا اقترح عليكم الاتى :-
1- نقل البوست لوحده فى منبر مفتوح ضمن منابر الموقع اى منبر جديد مخصص لاولاد الهندسة .... لكم حرية اختيار الاسم للمنبر ....
2-نقل البوست الى مكتبة وليد القردود و انشاء الجزء الثانى منه فى الدورة القادمة..............
3-مرحب باى مقترحات اخرى..........
وشكرا
بكرى
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: عبدالكريم الامين احمد)
|
Quote:
الاحبة شباب/ات كلية الهندسة بجامعة الخرطوم
المهندس وليد القردود و عبد الكريم و الصديق عمر الحبر ..........و جميع الاصدقاء و الزملاء و الزميلات الذين شاركوا فى هذا البوست الذى اصبح دولة داخل دولة اى منبر داخل منبر ....اهنئكم جميعا بهذا الانجاز الذى تحقق فى فترة وجيزة بان اصبح هذا البوست يفوت المنبر العام فى عدد صفحاته و اصبح منبر داخل منبر واصبحت اخاف عليه من الضياع او prune فى ظل زحمة المنبر لهذا ارى ان نعمل على الحفاظ عليه من التعرض الى اى عمليه تلف لهذا اقترح عليكم الاتى :-
1- نقل البوست لوحده فى منبر مفتوح ضمن منابر الموقع اى منبر جديد مخصص لاولاد الهندسة .... لكم حرية اختيار الاسم للمنبر ....
2-نقل البوست الى مكتبة وليد القردود و انشاء الجزء الثانى منه فى الدورة القادمة..............
3-مرحب باى مقترحات اخرى..........
وشكرا
بكرى |
مرحب يا هندسة ..انت الناس القروا في المعهد وقراهم متوكل التوم وجانسين وهاشم الفش ونابري ..الخ وكمان في الحكومية بحري ودرسهم العقيد والشايقي وعبد الحليم ..وقاعدين في المنبر ده من 2002..مابتدوهم مكتبة ليه  ولا عشان بظهروا مرة مرة..اتصلح معانا يا سيد الحوش ولا نقوم نسوي شغب
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: عبدالكريم الامين احمد)
|
Quote: الحضور الان بالمنتدى العام لسودانيز أون لاين دوت كوم 1112 شخص » (54 )عضو و (1058) زائرا
»abdalla BABIKER
»Abdel Aati
»Adam Omer
»Al Sunda
»Asaad Alabbasi
»EXORCIST7
»humida
»Kostawi
»M A Muhagir
»Maawya Hussein
»Magdi Algorashi
»maha zakaria
»maman
»Medhat Osman
»Mohamed Ahmaed Olyesh
»Mohamed Doudi
»Mohamed Foto7li
»Mohd Ibrahim
»Muna Khugali
»nabielo
»Nasr
»osama dahab
»Rawia»
rosemen osman
»[B]Shiraz Abdelhai
shahto
»
»taha
»Tarig Abdu
»willeim andrea
»أبوبكر طه
»ابراهيم ابوسمرة
»ابراهيم بقال سراج
»ابن النخيل
»ابوعسل السيد احمد
»اسيا ربيع
»الكيك
»بابكر التوم
»بكرى ابوبكر
»بكري الصايغ
»حسين عوضاى
»دينا خالد»
عادل عبدالعزيز عبد الرحيم
»عاطف مكاوى
»عبدالأله زمراوي
»عبدالعزيز الفاضلابى
»عبدالكريم الامين احمد
»عثمان سيد أحمد
»عصام دهب
»عواطف ادريس اسماعيل
»محمد الشابك
»محمد المرتضى حامد
»معتز القريش
»ناذر محمد الخليفة
»ياسر الحسن |
والله الجكس قاعد لا مشى نام ولا حاجة
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: عبدالكريم الامين احمد)
|
Quote: الاحبة شباب/ات كلية الهندسة بجامعة الخرطوم
المهندس وليد القردود و عبد الكريم و الصديق عمر الحبر ..........و جميع الاصدقاء و الزملاء و الزميلات الذين شاركوا فى هذا البوست الذى اصبح دولة داخل دولة اى منبر داخل منبر ....اهنئكم جميعا بهذا الانجاز الذى تحقق فى فترة وجيزة بان اصبح هذا البوست يفوت المنبر العام فى عدد صفحاته و اصبح منبر داخل منبر واصبحت اخاف عليه من الضياع او prune فى ظل زحمة المنبر لهذا ارى ان نعمل على الحفاظ عليه من التعرض الى اى عمليه تلف لهذا اقترح عليكم الاتى :-
1- نقل البوست لوحده فى منبر مفتوح ضمن منابر الموقع اى منبر جديد مخصص لاولاد الهندسة .... لكم حرية اختيار الاسم للمنبر ....
2-نقل البوست الى مكتبة وليد القردود و انشاء الجزء الثانى منه فى الدورة القادمة..............
3-مرحب باى مقترحات اخرى..........
وشكرا
بكرى |
هلا ياريس وحبابك الف...
واقترحنا بهناك يا بكري موضوع المنبر النفصل والخاص بالهندسة والمعمار..
واتمني ان نسمع من بقية الاخوات والاخوات حتي يتم التنفيذ
وشكرا يا بكري علي هذا الجمال والتواصل الراقي
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: esam gabralla)
|
يستحق فعلا الذهبية يا كريم..
مبروك لخليل ولكم جميعا..
والله تستاهلوا التلاتة ميداليات معا.. في رقبة واحدة
دون شريك..
ما زرت اليوم الحار قريب..
لكن.. قد سبق وأشدنا (بصيغة الجمع، على قول خالد كودي  )
ببوست اليوم الحار التوثيقي..
وكيف انه -دون شك- واحة من الإبداع السهل الممتنع..
أثبتت إنكم كتّاب أسفيريين لا يشّق لكم غبار..
_____
معليش يا خليل على الحضور المتأخر..
من العنوان إفتكرت البوست ده عن صيف الدوحة.. نظام شكية من كيكي وكده!
(إن بعض الظن إثم )
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: نجوان)
|
Quote: وكيف انه -دون شك- واحة من الإبداع السهل الممتنع..
أثبتت إنكم كتّاب أسفيريين لا يشّق لكم غبار.. |
هلا يا نجوان هلا
ونشكر حضورك الراقي يا نجوان
ولا زلنا نذكر تفكيك العميق الذي زين صفحات ذلك البوست عندما كان في عز شبابه
ولقد اخترته لكي اتي به الي هنا في اطار لوحة ترسم الكلمات التي قيلت في حق بوست اليوم الحار
الما بندار..
ويانجوان احنا سخانة الخليج دي خلاص ادمناها
وحتي ان لم تاتي لطالبنا اللجنة الخليجية للطقس بتوفير سخانة ليها ضل
كحق متكسب دونه القتاد
وكل الود
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: نجوان)
|
Quote: وكيف انه -دون شك- واحة من الإبداع السهل الممتنع..
أثبتت إنكم كتّاب أسفيريين لا يشّق لكم غبار.. |
هلا يا نجوان هلا
ونشكر حضورك الراقي يا نجوان
ولا زلنا نذكر تفكيك العميق الذي زين صفحات ذلك البوست عندما كان في عز شبابه
ولقد اخترته لكي اتي به الي هنا في اطار لوحة ترسم الكلمات التي قيلت في حق بوست اليوم الحار
الما بندار..
ويانجوان احنا سخانة الخليج دي خلاص ادمناها
وحتي ان لم تاتي لطالبنا اللجنة الخليجية للطقس بتوفير سخانة ليها ضل
كحق متكسب دونه القتاد
وكل الود
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: esam gabralla)
|
Quote: انتو القصة دى مالسة اتعودتو عليها؟
قلنا ليكم ضكوووووور بس .... بيت عزابة
هنا لا في كافتريا اقتصاد تتضهبو فيها و لا مين رود تنحلو فيهو ....
بوستكم ريحتو رجال رجال
صناح ساكت....
طه ده طه النور؟ |
بمناسبة عزابة
اتذكرت التشجيع ناس بقولو اولاد وبنات سكرتيرات
ويرد ناس اقتصاد
وين وين تلقو زي عروسنا الشينة مهندسة
لكن قالو الهندسة هسع الجكس الفيها احلي من جكس مامون حميدة
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: عبدالكريم الامين احمد)
|
| Quote: يا كيكي و ابو خليل |
ياعلوج
مشاركين معاكم من زمن باسوورد حاتم الجد
ودخلنا DSL فى البيت وهملنا اولادنا ومشاغلنا
ولاسيرة لينا ساى ماجات ياكيكى يابتاع الصقور والعجلات
وصاحبك داك اصلوا ضل دليب من زمان الا بتشفع ليه ظرافته
زى ماقال خالد الحاج فى محمد بدوى
لذلك مطلوب سريع الاشادة بماقدمته للبوست والا لن تلومن
الا نفسك ياكيكى لانى ح اجيب الجديد والقديم
وح اقوم استهلها بواقعة .....؟
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: احمد التجانى احمد)
|
Quote: لذلك مطلوب سريع الاشادة بماقدمته للبوست والا لن تلومن
الا نفسك ياكيكى لانى ح اجيب الجديد والقديم
وح اقوم استهلها بواقعة ..... |
معليش يا الجماعة الفووق
كدي النثبت ود التجاني ابو صلعة ده قبل ما يجيب سيرة (واقعة الجمل) ويلحقنا غنم زهرة ساكت
يا وريف زي ما انت شايف
انا لخصت القصة في خليل وابراهيم كمفاتيح لعب في كل مراحل البوست..
وباقي الكورجة (انا وانت وباقي المجموعة الذهبية) اشرت لهم كمهندسين ومهندسات
وليس خضوعا لتهديدك يا ابو صلعة ولكن يعلم الله بان وجودك الكرباوي في زي حاتم الجيد في بدايات البوست كان دفعا وسندا وتغطية ذاكرة مدهشة..ثم عقب حضورك بلحمك وشحمك وصلعتك بصورة رسمية اعطت البوست نكهة لا توصف... ويكفي انك صرت (الالفة) او كما قالت هالة والالفة ده لقب
(موهين) لو تعلم يا ايها الرعديد..
ويا ابو سمرة انا مش قلت ليك ابو صلعة ده كلامو كلو بقي فاكي الدرب
اهو عاوز يجيب سيرة (الواقعة اياها)
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: Amira Elsheikh)
|
تستاهلوا يا شباب والله
جهد مقدر وصبر فات الحدود
وفوق كل هذا وذاك الإلفة والمحبة والتواصل اللامحدود
سلمتم وسلمت يداكم على هذا الجهد الأسفيري الكبير
وتستاهلوا الذهبية بل بعدد الذهبيات التى تم توزيعها فى بكين
كيكي اللذيذ
تسلم هذا هو الوفاء فى زمن يعزّ فيه الوفاء
خليل يستاهل كل هذا الألق وجميع الخريجين من الهندسه والمعمار
مع عظيم التقدير والإمتنان.
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: taha)
|
Quote: ما شائف تهاني من الجكس
الحكاية فيها ملعوب زي ما قال عمر الترزي |
مبروك يا عذابه
صراحه ناس هندسة كانو مكرهننا محل ما تمشى تلقاهم وفى ناس تخليهم فى المين تلقاهم قدامك فى بزنس تقول عاملين كوبى لكن الجامعه من غيركم ما بتبقى (الكلام ده طلع بعد عضة لسان)
Quote: وين وين تلقو زي عروسنا الشينة مهندسة
لكن قالو الهندسة هسع الجكس الفيها احلي من جكس مامون حميدة |
الاهندسه اوكسفورد تبكو بس قال جكس حلو قال كل دفعه عندها فرماله وااااااحده .......................
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: hyam taha)
|
Quote: مبروك يا عذابه
صراحه ناس هندسة كانو مكرهننا محل ما تمشى تلقاهم وفى ناس تخليهم فى المين تلقاهم قدامك فى بزنس تقول عاملين كوبى لكن الجامعه من غيركم ما بتبقى (الكلام ده طلع بعد عضة لسان) |
هلا يا هيام
وسبحان الله كنت مجهز نفس الرد القالو خليل (اصلو خشمو خفيف الزول ده)..
وفعلا كما قال ابو الخل
انحنا رغم سمستر الكل فينا مكسر
| |
|
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: Dalal Ezzaldin)
|
Quote: شوف انت بس كتبت نص العنوان يا عبد الكريم
ومشيت كيف في يومين |
هلا يا دلال
وحبابك الف في سيرة اليوم الحار
الذي صار كاريزمي وله الف حميمة مع اعين المشاهدين لهذه الساحة
لذا نجد ان الناس قد لقطت النصف الاول مع العنوان وياهاك يا كلك ودبل كلك....
وشرف كبير للود خليل ومجموعته الذهبية بهذه الذهبية
وكل الود والتقدير يا دلال
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: عبدالكريم الامين احمد)
|
اليوم الحار 102069 قراءة3908 ردود
الشعبية نجمة 81312 قراءة 2835 ردود
اولا يا ناس اليوم الحار ( وانا منهم بالمشاركة ) الف مبروك
قبل فترة عملت بوست وقلت المنافسة حارة بين اليوم الحار والشعبية نجمة
وكانت الشعبية في المقدمة
ولكن لظهور بوستات بحري طراوة وبحري الاميرية وبحري الثانوية توزع اللاعبون الرئيسيون ببوست الشعبية الي بوستات متعددة ومعهم كثير من المشاركين والمتداخلين.
فاذا جمعنا كل هذه البوستات باعتبارها وحدة متكاملة مرتبطة ببعضها البعض فالغلبة بالتاكيد ستكون للشعبية نجمة.
ومع هذا نهنئكم يا باشمهندس عبد الكريم وزملائك
ومبروك ذهبية الصين
اما ذهبية لندن عام 2012 فالشعبية لن تترك مجال لاي منافس.
الي الأمام دوما
وعاشت سودانيز اونلاين
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: حسن طه محمد)
|
Quote: ومع هذا نهنئكم يا باشمهندس عبد الكريم وزملائك
ومبروك ذهبية الصين
اما ذهبية لندن عام 2012 فالشعبية لن تترك مجال لاي منافس |
هلا ابوعلي وحبابك والله..
وفعلا شايف بوست الشعبية ماشي بخطي حثيثة صوب الذهبية
وكل تسجيلاتك الجديدة وراء اضاني (متابعني الموقف عن كثب)
ومرحب بالكلك هنا والكلك هناك ففي كلا مكسب لقاري هذا الموقع
ومكسب للتوثيق الجميل..
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: khaleel)
|
بجو بجو ياخلي
..
لكن ده كوم وتلفون عثمان النعيم الختيتو هنا ده
الليلة مارس علي غتاتة تاريخية ولمة خشمو علي خشم طه وبداء يمارس في لعبة القط والفار
وقفل مني كل اللعب..
كل القالوا
طه زول جميل من الزمن الجميل.....وكفي
شطب ليك راسي زيادة علي شطبتو القبيل...لكن الله في والدقيق مصيرو يجي الطاحونة ذات يوم
| |
|
|
|
|
|
|
|
|
|
Re: اليوم الحار ما بندار ....يستحق ميدالية ذهبية في الصين...!! (Re: ابراهيم محمد الحسن)
|
Quote: التحايا والحب للرايعين خليل وكيكي والله ليكم وحشة يا ديناصورات (دا انا محمد الخاتم ما الناس الدير كيكي يتاوق ليهم يا خليل). انتو مالكم بقيتو عينكم طايرة يا أولاد والا دي مراهقة متأخرة.
بالله يا كيكي سلم لي شديد على الوجيه عثمان النعيم وقول ليهو ليك وحشة. |
هلا يا ودالخاتم
وبيني وبينك العين شكلها كده طارت شوية
وخالك خليل شيتو طلعت بيش...لكن الله في
هلا يا ابراهيم وخليل تاني مع رمضان ده الايشتت (حلومر) غايتو
| |
|
|
|
|
|
|
|
| |
عبدالكريم الامين احمد
khaleel
محمد عبدالرحمن
حيدر حسن ميرغني
Elawad
بدر الدين الأمير
بكرى ابوبكر
نجوان
احمد التجانى احمد
محمد خليل ساني
Dalal Ezzaldin
حسن طه محمد
Khalid Osman Jaafar
smart_ana2001
Kostawi
ابراهيم محمد الحسن
فيس بوك
تويتر
انستقرام
يوتيوب
بنتيريست