|
|
 كيكي حذراك والتكاسة واشياء اخري
|
عندما اراد بشير ود عبدالرازق الذهاب للخرطوم لاول مرة
اوصاهو والده وقال ليهو ( بشير في الخرتوم حذراك والتكاسة )
عشان سواقين التاكسي ديل ممكن (اودروا زراق عينيك)
فدحين يا كيكي ياخوي في امريكا حذراك والتكاسة ( اوعي تركب مع صاحبي سيف جبريل او صاحبك
هشام هباني او اي بتاع تاكسي .
وحذاري تمشي في زقاق فيهو امريكان مهمشين طوالي (بقلعوا نمرك ) او الحقوك ناس ابوغريب
بعدين حذاري من المتدربات ناس مونيكا ( ديل طوالي بعملوا ليك ادريس)
بعدين اوعي من مريسة امريكا طوالي بترمي في الشوك
بعدين هناك لا في حسن ماكردة لا في ناس ود تمبك
|
|
 
|
|
|
|
|
|
|
|
Re: كيكي حذراك والتكاسة واشياء اخري (Re: khaleel)
|
Quote: وحذاري تمشي في زقاق فيهو امريكان مهمشين طوالي (بقلعوا نمرك ) او الحقوك ناس ابوغريب
بعدين حذاري من المتدربات ناس مونيكا ( ديل طوالي بعملوا ليك ادريس)
بعدين اوعي من مريسة امريكا طوالي بترمي في الشوك
بعدين هناك لا في حسن ماكردة لا في ناس ود تمبك |
هلا خلي
ومحاذير تقيلة يا خليل وده كلام بخوف ذااتو
قليع نمر
وادريس وابو غريب
وبلدا ما فيهو ود تمبك...
خشتني خوفة يا خليل تصدق بالذات مع (قليع النمر) ده
ده احنا كنا بنقلع النمر كمان علي اخر عمرنا يقلعو نمرنا..
| |
|
|
|
|
|
|
|
|
|
Re: كيكي حذراك والتكاسة واشياء اخري (Re: khaleel)
|
خليل وكيكي
Quote: خشتني خوفة يا خليل تصدق بالذات مع (قليع النمر) ده
ده احنا كنا بنقلع النمر كمان علي اخر عمرنا يقلعو نمرنا.. |
والله العظيم ضحكت لمن دموعي جرن ..
الله يجازي محنكم أيها المشوطنان
خليل ياخ ما تخوف الزول ده ياخ ، نحن هسي قافلين عليهو يخارجنا بي هناك
والله يا كيكي شلت ليك هم عديل ، وقلوبنا معاك ياخ
والله يستر عليك من (قليع النمر ده) كلو ولا ده
أقول ليك حاجة ؟؟ شفت مع الحجبات والرتينزات
عليك باللحام ... ألحمهم ياخ ، آي والله ، وكمان يكون لحام بتاع ستلين قوي ، ومبرشم
| |
|
|
|
|
|
|
|
|
|
Re: كيكي حذراك والتكاسة واشياء اخري (Re: Salah Abdulla)
|
| Quote: عليك باللحام ... ألحمهم ياخ ، آي والله ، وكمان يكون لحام بتاع ستلين قوي ، ومبرشم |
صلاح عبد الله
ازيك
في حاجة تانية لو كيكي ركب الطائرة وكان الكابتن بتاعها زي البطوطي بتاع الطيارة المصرية
( ممكن كيكي تحصل ليهو حالة ( وضوع ) داخل الطيارة
الرحلة اربعتاشر ساعة غايتو
احسن حاجة الراجل اشيل معاهو شربات (بتاع بصل ) من الصناعية
او ممكن اتصل بعلي ابندرق او راشد كرشة
| |
|
|
|
|
|
|
|
|
|
Re: كيكي حذراك والتكاسة واشياء اخري (Re: khaleel)
|
| Quote: عليك باللحام ... ألحمهم ياخ ، آي والله ، وكمان يكون لحام بتاع ستلين قوي ، ومبرشم |
برشمهم ياخ ..
برشمهم بلا يخمهم نمرك الواقعات ديل .
هن شن النمر الشينات ؟؟
يا خليل ..
إن شا الله يقلعوهم ..
و " يختو " ليهو نمر إستثمار أمريكية .
....
أمريكا ..
أها .. خمي و صُري .
| |
|
|
|
|
|
|
|
|
|
Re: كيكي حذراك والتكاسة واشياء اخري (Re: khaleel)
|
ابو الخل يا دفعة
عارف صاحبك كيكي ده أخر مره شفتوا وين قبل ما اقابلو في عيد رمضان في الدوحة ؟
أخر مره كان مشرور أمام فندق آراك في الخرطوم
عارف كان شاريهو منو ؟
شاريهو لاعب المريخ داك الكان بيبيع و يسمسر في الفيز "ما عاوزين نجيب إسمو عشان الفضايح"
الكلام ده كان تقريبا في عام 94 او 95
المهم زولك السمسار شاريهو و ماخد قروشو شهور قال إيه ، قال ح يعمل ليهو تأشيره لهولندا
عشان كده انا ما خايف عليهو ابدا من امريكا أكيد إستفاد من مثل هذه التجارب
و كمان ح اوصي عليهو قريبي هشام هباني يراعيهو في تسعيرة المشاوير
بس إعمل حسابو في التحويل، لانو الدولار في أمريكا بي دولار واحد بس
سؤال برئ جدا:
كيكي ماشي براهو و إلا قام بي جماعتوا ؟
تحياتي
عمار يس النور
عاشق بخت الرضا
| |
|
|
|
|
|
|
|
|
|
Re: كيكي حذراك والتكاسة واشياء اخري (Re: عمار يس النور)
|
| Quote: شاريهو لاعب المريخ داك الكان بيبيع و يسمسر في الفيز "ما عاوزين نجيب إسمو عشان الفضايح" |
هلا با لصديق الجميل عمار
وبالله خلي الاشاعات المدفوعة الاجر من صلاح ادريس دي
وقايم بدستوري يا عمار
وبالله وصي علينا هشام هباني ده
ما يقطعها معانا نشاف في التسعيرة
| |
|
|
|
|
|
|
|
|
|
Re: كيكي حذراك والتكاسة واشياء اخري (Re: Salah Abdulla)
|
Quote: خليل ياخ ما تخوف الزول ده ياخ ، نحن هسي قافلين عليهو يخارجنا بي هناك
والله يا كيكي شلت ليك هم عديل ، وقلوبنا معاك ياخ
والله يستر عليك من (قليع النمر ده) كلو ولا ده
أقول ليك حاجة ؟؟ شفت مع الحجبات والرتينزات
عليك باللحام ... ألحمهم ياخ ، آي والله ، وكمان يكون لحام بتاع ستلين قوي ، ومبرشم |
هلا ابو صلاح
ياخ صحبك ده خوفني عديل كدده يا ابوصلاح
وقعدت اتخيل بالذات في حتت قليع النمر دي (لا حولاااااا)
ومن بكرة يا صديق اخوك ماشي شارع 15 في الصناعية حتت الستلين بتاعة البنغال ديك
حجبات تقيلة ولحام ستليييييييين رهيب..والكاتل الله والحي الله يازول
| |
|
|
|
|
|
|
|
|
|
Re: كيكي حذراك والتكاسة واشياء اخري (Re: khaleel)
|
Quote: لازم يا كيكي تلبس حجبات
عشان خائف عليك من بنات هوليود ناس جوليا روبرت وبت لوبيز
انا عارفك (بكاي ) وبتحب تاكل (البسكوت) |
هلا يا خلي يا مسخوت
وما تشيل هم يافردة حجاب نلبس ومحاية نشرب وبنعمل ساتر...!!
وجكس هوليود ندوري الا بودي قارد نخافو (ديل البقلعو نمر الناس ذاااتهم ياخليل)
يازول هوووي البعد ولا البلاد ابسعد
| |
|
|
|
|
|
|
|
|
|
Re: كيكي حذراك والتكاسة واشياء اخري (Re: khaleel)
|
خليل
قليع النمر بتاعك ده صاحبنا متعود عليهو
المشكله في التاني (عيال ادريس ومريسة امريكهواولاد تمبك)
واولاد عبدالله ديل مابيدخلو ساي الا يكون في شئتا صعب اصلهم بتاعين خبرات وكده
عماد ده قبل كده اتقلعت نمرو في كلية الشرطه وصلاح ده اللحام بتاعو بيكون جابو من تجارب شديده
كيكي ركب نمر دبلماسيه وهيئات يمكن تمرق منها..
يجازي محنكم.
| |
|
|
|
|
|
|
|
|
|
Re: كيكي حذراك والتكاسة واشياء اخري (Re: فيصل عباس)
|
| Quote: عماد ده قبل كده اتقلعت نمرو في كلية الشرطه |
يا وغد ..
نحن نمرنا في الشاسيه .. أصلية .
الكلام على كيكي ده ما يمشي يعمل حريف كنابي و قاع مدينة و مكنات ..
هناك كلام زي ده بيدخل صاحبك في أمراً ضيق ..
يطقطقوه اليانكي .. و يعيدو سمكرتو .
....
غايتو بيكون حريف لو إتخارج من هناك بكرنك مكسور ..
و خليل عارف .
| |
|
|
|
|
|
|
|
|
|
Re: كيكي حذراك والتكاسة واشياء اخري (Re: Emad Abdulla)
|
النمر ساهلة ياعمك اسي اتحدى زول قاعد هنا ويقول لي نمرو لسا سارية المفعول
ياخي النمر دي بقلعوها ليك ناس الامقريشن في المطار وبتجي داخل ابطك والنجم....
يا كيكي يامن سيكون صديق المنافي...ام المحاذير هنا اسمها ( عباس) (واولاد الخالـة)
احذرهما تسلم.
ودي
| |
|
|
|
|
|
|
|
|
|
Re: كيكي حذراك والتكاسة واشياء اخري (Re: الخير محمد عوض)
|
خليل ..
ازيك....
قول لى ليكى الامان عليك الله ...
لانو دايما بوستاتك مفخخة والجكس بالضاير منها ..
اها انا قويت قلبى ودخلت ... وتحت تحت بقول الكاتل الله...
بوست زى الديوان كلو رجال وراندوك على قفا من يشيل ...
وصاياك دى بجيب الجلا لكيكى المشوطن دا ..
| |
|
|
|
|
|
|
|
|
|
Re: كيكي حذراك والتكاسة واشياء اخري (Re: Amira Elsheikh)
|
Quote: شاريهو لاعب المريخ داك ابراهومةالكان بيبيع و يسمسر في الفيز "ما عاوزين نجيب إسمو عشان الفضايح"
الكلام ده كان تقريبا في عام 94 او 95 |
يا ابوخليل.... خلينى النسلم على عمار يسن عاشق بخت الرضا... وبجيك صادى... طبعآ نحن ناسنا بتاعين سان فرانسيسكو... كلهم نمرون مقلعة .. نسوان على رجال............
| |
|
|
|
|
|
|
|
|
|
Re: كيكي حذراك والتكاسة واشياء اخري (Re: فيصل عباس)
|
ابو القوق يا لذيذ
يا حليلك يا ابو الخل
انت نحن عايزين نعرف كيكي
ماشي فترة وراجع
ولا ماشي نهائي هجرة يعني
طبعا لو بقت هجرة تبقي مصيبة
لان كيكي محتاجين ليه كتير
خلاص لو هو ماشي فترة وراجع
قول ليه اطلع معاي شارع النيل
بكلية الهندسة
يا ابو الخل وين البوست الجميل ؟؟؟؟
مع تحياتي وحبي
| |
|
|
|
|
|
|
|
|
|
Re: كيكي حذراك والتكاسة واشياء اخري (Re: khaleel)
|
يا خليل فردتك دا لو دا أتقل جاكيت عندو أنصحه يأخر جيتو لحد شهر خمسة
لكن لو مستعجل يسمع كلام بكري ويمشي أريزونا
بس يعمل حسابو قالوا مويتا كعبة
يعني بعد ستة شهور بدل ما متصور بالساكس حا يتصور بالطاقية
وإيميلاتو ليك كلها حا تكون "يا مان ألحقني بزيت جرجير"
| |
|
|
|
|
|
|
|
|
|
Re: كيكي حذراك والتكاسة واشياء اخري (Re: Kostawi)
|
| Quote: غايتو لو دينق لمة فيك...أمريكا دي علا تشوفها في التلفزيون |
هاها ها
كلامك ده تقولو لزول ما طشم في انداية 00(بت قنيرة)
واداها كسرة من مريسة (امونة بت مرفعين)
سكر امريكا ابو لقلقة ده يا كوستاوي عملنا ايام سكر الطلبة
وياكوستاوي بالجد
تيراب الجرجير ده لو لقيتو هنا بجيبوا ليك
بس تنورنا بعملوا بيهو شنو تاني غير البتاع داك
| |
|
|
|
|
|
|
|
|
|
Re: كيكي حذراك والتكاسة واشياء اخري (Re: Ashraf el-Halabi)
|
Quote: يعني بعد ستة شهور بدل ما متصور بالساكس حا يتصور بالطاقية
وإيميلاتو ليك كلها حا تكون "يا مان ألحقني بزيت جرجير |
هلا ابو الشوش
ومشرف والله
والساكس ده لزوم فرقة (كيكشن ساكس) بس بالله ساعدونا بالبوستات
وتيراب الجرجير (عشان كستاوي يعرف اني جاي امريكا كايس تيراب جرجير وراجع)
| |
|
|
|
|
|
|
|
|
|
Re: كيكي حذراك والتكاسة واشياء اخري (Re: khaleel)
|
Quote: الوصية:
تيراب جرجير
تيراب فجل
كيكي أنا بتكلم جد...ما بهظر معاك. |
جالك كلامي يا أبو ساكس إنت!!
حالتو كوستاوي دا مهندس الموية في دي سي
يعني مواسير بيتو مصنوعة من الشب!!
الجرجير عرفناهو لكن الفجل دا كمان دوا شنو!!؟
الله يكضب الشينة يا كيكي!!
| |
|
|
|
|
|
|
|
|
|
Re: كيكي حذراك والتكاسة واشياء اخري (Re: Ashraf el-Halabi)
|
Quote: جالك كلامي يا أبو ساكس إنت!!
حالتو كوستاوي دا مهندس الموية في دي سي
يعني مواسير بيتو مصنوعة من الشب!!
الجرجير عرفناهو لكن الفجل دا كمان دوا شنو!!؟
الله يكضب الشينة يا كيكي!! |
هلا يا اشرف
هو انا اقول موية واشنطون مالها مدبلجة كده
ومواسيرها كاسرة كلها
وكوستاوي حيرنا بقصة التبرابات دي
وكدي ادونا الامان عشان نجيبها ليهو ما يقوموا يعكشونا ساكت
ويزرعوا لينا جرجير في راسنا كمان
| |
|
|
|
|
|
|
| |
khaleel
عبدالكريم الامين احمد
Emad Abdulla
عمار يس النور
فيصل عباس
الخير محمد عوض
Saifeldin Gibreel
Ashraf el-Halabi
Muna Khugali
Kostawi
فيس بوك
تويتر
انستقرام
يوتيوب
بنتيريست