|
|
|
 Re: في سوسة العافية اكيد مدسوسة..!! (Re: عبدالكريم الامين احمد)
|
مضي نصف الزمن من رحلة الهلال الي (كعكة) النهائي واتي فيها من ارض سوسة تيما وصفه اهله بلغتهم ذات الخليط (الامازيقي والفرنسي والعربية) المو######## من بقايا الاندلس (انه فريق يجيد اللعب خارج الديار) ولكن عندما حطت برحاله علي ديار الازرق نال ايضا ما نال في مباراة كان لها هي الحاسمة والضربة القاضية الفنية ولكن شاءت الاقدار ان يسافر الهلال الي سوسة موشحا بسيرة الصعوبة والتحدي والمصير الذي عليه ان يمر عبر براثن الاسد
في عرين وصف بانه مظللا بصيحات جمهور عالي الجنون والموازارة الي فريقه....
نعم سيحط الهلال رحاله علي ارض (سوسة) وساعتها لن يكون الاحدي عشر واحتياطي الفريق ثم جهازه الفني والوفد الاداري المرافق بل سيكون خلفه وطن وبلاد تمتد عبر فراسخ وفدادين وفيافي قادرة علي تغطية قرص الشمس بها قوما جارت بهم السنين والاقدار والعسكر
| |
 
|
|
|
|
|
|
|
|
Re: في سوسة العافية اكيد مدسوسة..!! (Re: عبدالكريم الامين احمد)
|
ونناجيك يا هلال ونستدعي سيرة ابناءك الذين نثروا الابداع عبر السنين صديق منزول الامير عبد الخير صالح والسد العالي (سليمان فارس)...وجكسا وكفي
نناجيك عبر الاسطوري الصقر الافريقي سبت دودو وزغبير واحمد عافية والريح جادين ويور الذي وشح هلال 8
برشاقة ومقدرة عالية علي التقاط المستديرة في كل الزوايا..
نناديك ونناجيك عبر الرمح الملتهب (علي قاقرين) وتلك المبارة الشهيرة التي قدم فيها فنونا موغلة في الجمال الكروي ضد تونس ونناجيك عبر الفتي صاحب الاقدام الذهبية (الدحيش) وكسلا وقلة وعروة ووابو العز ونناجيك عبر فوزي الاسد ذلك الكاسر الذي ورث سيماوي والمرحوم شيخ الدين كباشي الحريف الرهيف..
بهاء النقر وسيرة الاسطوري متوكل عبدالسلام وقوة قلب مبارك سليمان(ابو شنب) والمر عبدالله موسي وشواطين
| |
|
|
|
|
|
|
|
|
|
Re: في سوسة العافية اكيد مدسوسة..!! (Re: عبد المنعم سليمان)
|
سيذهب معك ياهلال كندورة وصبحي وطارق وتنقا الحريف وكل نجوم وعقد هلال 87 الموشح باروع سيرة للهلال وسيذهب ايضا صلاح دوشكا عله يجد كوبالي مطرفا في شوراع سوسة وسيذهب ايضا الاخطبوطي برشم بارجله العديدة ليحمي عرينك مرة اخري
وسياتي من عمق مدني
وحمد والديبة وتلكم لعمري حاجة عجيبة
وفنان الجزيرة الاول الرائع حداثة
الاخوين قلة وابو زعبل
ملوك الفن والروعة والتطريب علي زوايا المستطيل وصرعة لكرة مليئة بالاصرار والفن
ومن عمق كردفان
سياتي لك تنقا ذلك الفتي الغزالي حاملا معه عبدالباقي (بقة) والاسطوري الطوربيد انس النور ومعهم اقجي
ومن سكورتا
سانتيك
بكبري
ابوشامة
ونبيل الطيب
والطاهر حسيب احرف من مشي علي قدمين في بلاد السودان
من كسلا ارض السواقي سياتيك
مجدي مرجان
ومحمد حسين كسلا ذلك الاسطوري الحريف..
من امدر
هنالك كاريكا
ود المتوكل
ورشيد المهدية
حرفنة ورقي وفنجرة كروية وعلو كعب كروي لايتكرر ابدا...
ومن بحري ارض الوابورات
لك
اابراهومة الديسكو.
والطوربيد الطائر جعفر عبدالرازق
وروح الاسطوري شيخ الدين كباشي
العديد من اولاد بحري العاليي الكعب في الجمال والحرفنة
وسنايتك من الخرطم بلفذات الاكباد واروع الرائعين
العوني ذلك السنجك الاسطوري
سنهديك منقستو (منقة)تلكم الدبابة البشرية
ومن الديم لك اروع الرائعين وملك التغطية والحرفنة وعلو الكعب طارق احمد ادم
ومن لحصاحصيا وارض الجزيرة
ولك كندورة وزاهر مركز وصبحي الطوربيد
| |
|
|
|
|
|
|
|
|
|
Re: في سوسة العافية اكيد مدسوسة..!! (Re: عبد المنعم سليمان)
|
هلا يامنعم
بالله زح كده ولا كده اوع كمان تتعوق مع السخانة المدورة فينا دي
والكورة والسياسة كلها حاجات دايرة (تاصيل)
واهو احنا بداية معركة (الميل) سوسة
يازول اعمل ساتر لو انت ما بتشجع الهلال احنا خلاص ركبنا سنون وبقينا بناكل
| |
|
|
|
|
|
|
|
|
|
Re: في سوسة العافية اكيد مدسوسة..!! (Re: عبدالكريم الامين احمد)
|
وفوق كل ذلك سترفرف اطهر الارواح واجملها حولك ياهلال
من ارض مصوع لنا في الراحل يوهانس الذي مر طيفه سريعا وهجا وومضا لن ينطفي مهما دارت عجلات الزمان
ومن الحوش سترسل روح الخالد فينا والي الدين محمد الخفيف الرهيف والشفيف والحريف وصاحب احلي الاهداف واخلدها
ستازرك يا هلال روح البابا الهلالي العظيم اللورد الطيب عبدالله ذلك الريس الذي عشقك حتي الممات وسايتي عبدالله السماني وفاروق دينق وشبشة
وستجول روح الاسطوري الخزين طرقات سوسة التي سترفرف فيها اشواق ماسحي الاحذية الفقراء والباعة المتجولين في الطرقات والاسواق التي سيشهق فيها
..........سادتها والحانات والمدارس والامهات في البيوتات ستجلس الزغاريد قابعة في النفوس في انتظار اطلاقها فرحا وبهجة بنصرك الذي سيرد الروح
| |
|
|
|
|
|
|
|
|
|
Re: في سوسة العافية اكيد مدسوسة..!! (Re: عبدالكريم الامين احمد)
|
| Quote: الترجي الجزائري ارض الاخضر بللومي والاسطوري صاحب الهدف المدهش (رباح مادجير) تم توضيبه بهدفين |
كيكى سلام
مامصدقين انكم غلبتوه سويته جزائرى والفريق تونسى؟ انت وكت مابتفرق بين الجزائر وتونس البوديك تشجع كوره شنو؟ خليك فى نضالك الكى بوردى ده زى ماقال ليك منعم احسن ليك..
| |
|
|
|
|
|
|
|
|
|
Re: في سوسة العافية اكيد مدسوسة..!! (Re: ضحيه ابراهيم)
|
| Quote: مامصدقين انكم غلبتوه سويته جزائرى والفريق تونسى؟ انت وكت مابتفرق بين الجزائر وتونس البوديك تشجع كوره شنو؟ خليك فى نضالك الكى بوردى ده زى ماقال ليك منعم احسن ليك |
كلامك صاح يا ضحية
وعفوا علي هذا الخطاء
الترجي التونسي
وهل يخفي مثل هذا الفريق ولكن انها الرغبة في مشاهدة قوون زي بتاع لجزائري رابح مادجير وباقدام
عمر بخيت
ولكم جميعا العتبي علي هذا الخطاء الرمضاني
الشد حاصل يا ضحية ومعركة الميل سوسة شغلت البال شوية
وبصلحها يا مرجف يا حاقد
| |
|
|
|
|
|
|
|
|
|
Re: في سوسة العافية اكيد مدسوسة..!! (Re: طلحة عبدالله)
|
Quote: كلام رومانسي ما بجيب قون .
شوف ليك طريقة تانية .. |
هلا يا طلحة
مالك يازول انت بتتراجف
وقوون شنو البجيبو انا القون بجيبو ناس كلاتشي وسيدا وقوديين
وعمر بخيت
احنا نقعد هنا ونحاكي شاعركم الكبير الدكتور عمر خالد ونتونس معاكم في سودانيز اونلاين
| |
|
|
|
|
|
|
|
|
|
Re: في سوسة العافية اكيد مدسوسة..!! (Re: طلحة عبدالله)
|
Quote: كلام رومانسي ما بجيب قون .
شوف ليك طريقة تانية .. |
هلا يا طلحة
مالك يازول انت بتتراجف
وقوون شنو البجيبو انا القون بجيبو ناس كلاتشي وسيدا وقوديين
وعمر بخيت
احنا نقعد هنا ونحاكي شاعركم الكبير الدكتور عمر خالد ونتونس معاكم في سودانيز اونلاين
| |
|
|
|
|
|
|
|
|
|
Re: في سوسة العافية اكيد مدسوسة..!! (Re: عبدالكريم الامين احمد)
|
عبدالكريم نهارات سعيدة
Quote:
احنا نقعد هنا ونحاكي شاعركم الكبير الدكتور عمر خالد
|
شاعرنا الكبير قال : ما اصلو النجم خلقوه للرجم وذلك
بعد ان اشاع المريخ الرعب في أركان فريقيا الأربعة ومضي إلى قلاعها فاتحا متسديا منتقلا من نصر إلى نصر حتي جلس على العرش ملكا متوجابتاج الفخامة والعز والفخر .
اها يا عبد الكريم تعال قول ليناهلالك دا عمل شنو قبل ما تقول فيهو كما قال شاعرنا الكبير في النجم الخلوقوهو للرجم ..
| |
|
|
|
|
|
|
|
|
|
Re: في سوسة العافية اكيد مدسوسة..!! (Re: طلحة عبدالله)
|
Quote: ومن لحصاحصيا وارض الجزيرة
ولك كندورة وزاهر مركز وصبحي الطوربيد |
ياكريم ..
كلت المدح مثنى وثلاث لمن سبق وعندما
اتيت عند كندورة (عملت سايرين) ..يازول
شفت احرف وافضل لاعب مر على الهلال فى مسيرتو
الطويييلة دى ياهو كندورة دا ..ياخى دا
بعد شطبو الهلال لعب ليهو قريب عشرة سنة ..
الله يجازى الكان السبب ...
| |
|
|
|
|
|
|
|
|
|
Re: في سوسة العافية اكيد مدسوسة..!! (Re: محمد عبدالرحمن)
|
Quote: كلت المدح مثنى وثلاث لمن سبق وعندما
اتيت عند كندورة (عملت سايرين) ..يازول
شفت احرف وافضل لاعب مر على الهلال فى مسيرتو
الطويييلة دى ياهو كندورة دا ..ياخى دا
بعد شطبو الهلال لعب ليهو قريب عشرة سنة ..
الله يجازى الكان السبب ... |
هلا يا محمد
وكندرة محال نعمل عندو سايرين فهو الحريف المخترق والمجهود الوافر
وحنجيهو وبالتفصيل فهو من الذين عطروا الملاعب الهلالية بسيرة الدهشة والجمال
| |
|
|
|
|
|
|
|
|
|
Re: في سوسة العافية اكيد مدسوسة..!! (Re: طلحة عبدالله)
|
Quote: حلق بعافيتك وربنا معاكم
لكن نصيحة اخوية
ما تسرف فى الاحلام لانو الإصطدام بالواقع حينها سيكون مدمرا بالجد |
شنو يا كابتن انت اتعقدت ولاشنو
ياااخي النبي كان تحلق معانا ياااخي
وبعدين يا طلحة ما تخاف احنا الهلالاب اصلو مكتوب علينا الحلم
واها حنقعد نحلم كده لحدي ما الله يفك ساجورتنا وبعدين نشوف البحصل شنو
والحلم يا طلحة هو نصف الطريق الي الواقع ولو كان مسنود بثقة ومقدرة
....
| |
|
|
|
|
|
|
|
|
|
Re: في سوسة العافية اكيد مدسوسة..!! (Re: عبدالكريم الامين احمد)
|
الله يا كرمة
في حضرة الزنقة يظهر الهلال وفي سبعة وتمانين تنقا ومنقة فكو الزنقة وبعد عشرون عاما
عاد الهلال في ابهي الصور حيث ابتلع الموج الازرق فرعون وهامان الاهلي والزمالك
وجعلهم اية للعالمين وابتلع اسيك الرهيب والامازيقي الترجي
وما اشبه الليلة بالبارحة انتصر الهلال سنة سبعة وتمانين علي ليفتنس النيجيري بهدفين
لواحد وظن الجميع بان الهلال قد ودع ولكنه عاد بالتعادل والتاهل من لاغوس
وسيعود بالتاهل من سوسة ونغني مثل التوانسة
( مش نورمال مش نورمال الهلال لي الفينال )
| |
|
|
|
|
|
|
|
|
|
Re: في سوسة العافية اكيد مدسوسة..!! (Re: khaleel)
|
Quote: وما اشبه الليلة بالبارحة انتصر الهلال سنة سبعة وتمانين علي ليفتنس النيجيري بهدفين
لواحد وظن الجميع بان الهلال قد ودع ولكنه عاد بالتعادل والتاهل من لاغوس |
كلمهم يا خليل
الناس دي مفتكرة انو القصة دي احلام هلالابي طائر
والقصة دي ممكن تحصل في ارقي الفرق والهلال لا ينقصه ابدا اي شي في هزيمة او التعادل
مع النجم الساحلي لو سخر كل امكانيات ومقدرات لعبيته تسخير صحيح وايجابي
وبالله خلي الليوجرغا قريب عشن نطمئن
| |
|
|
|
|
|
|
|
|
|
Re: في سوسة العافية اكيد مدسوسة..!! (Re: عبدالكريم الامين احمد)
|
Quote:
كلمهم يا خليل
الناس دي مفتكرة انو القصة دي احلام هلالابي طائر
والقصة دي ممكن تحصل في ارقي الفرق والهلال لا ينقصه ابدا اي شي في هزيمة او التعادل
مع النجم الساحلي لو سخر كل امكانيات ومقدرات لعبيته تسخير صحيح وايجابي
وبالله خلي الليوجرغا قريب عشن نطمئن |
كرمة النجم الساحلي يعرف كيف يسافر ولكنه لا يجيد اللعب داخل الديار
وقد تعادل في هذه البطولة مرتين في ارضه ووسط جمهور سوسة امام الاتحاد الليبي والجيش الملكي
لكن نحن مع ناس قودوين ديل ممكن نهزم ونحيد الجمهور التونسي
ونحن كما تعلم نحب ضرب النجمة اين ما كانت في تونس او امدرمان
| |
|
|
|
|
|
|
|
|
|
Re: في سوسة العافية اكيد مدسوسة..!! (Re: khaleel)
|
| Quote: ونحن كما تعلم نحب ضرب النجمة اين ما كانت في تونس او امدرمان |
انت عارف ياخلي
وجودية النجمة ايضا واحدة من الحاجات البتخلي النجم الساحلي ده مجرم حرب
ومطلوب القبض عليه فورا ..(طبعا تقول نجمة في واحد اسمو طلحة حسع يجي ناطي فينا جوز)
والناس ديل اليومين دي بوستاتهم فوووق
راكوبة خامج السوق
وكيغا2000 سلام الله بقي ما برميهو
وضربوا الدراويش
والعجب ضيع بلنتي مرتين
وغايتو يا صحبي ناسنا ديل يلحقو يجيبوا كاس (الا نكتب في منبر فلاديفيا)
| |
|
|
|
|
|
|
| |
عبدالكريم الامين احمد
عبد المنعم سليمان
ضحيه ابراهيم
طلحة عبدالله
محمد عبدالرحمن
عامر تيتاوى
khaleel
فيس بوك
تويتر
انستقرام
يوتيوب
بنتيريست