|
|
 افراج موقت....وبلة ريق
|
في ذلك الصباح عندما كان جموع المهاجرين من هنود ونيبال وباعة صحف علي الدورات وعمال المقاولات وموظفي الدوائر الحكومية المختلفة يجوبون شوارع الدوحة في صباحها الباكر
بحثا عن الريال بين جنبات دولة قطر ..في ذلك الصباح الدافي ...لم اكن منهم هذه المرة...بل...
كان لي شانا اخر.لم يكن مثل هذا الصباح الا صباح ترنو فيه الاشواق الي احداثيات ذلك الوطن المدهش....
اذا انه يوم العودة ....فيجب ان تكون الروح المعنوية في قمتها متحررة من مشاكل الغربة والامها ولو موقتا.....
وبدات رحلة الكيلومترات...وطوي المسافات تجاه بلدا مثيرا للجدل.والدهشة........
الخرائط والمشافهة مع الذين مروا بذلك الطريق الدولي كانت زادا..لابد منه ..
فالسودانيين شعب كثير التطوع وطيب القلب..يعطيك حتي عدد الحفر الي تعيق القيادة في تلكم الطرق الطويلة..وعدد الاستراحات, ومهالك الطريق..........
قيادة نشطة زادها نشاطا اغاني (ابوعركي) التي تدندن بين جنبات (الستي),,اعطي شارة الوصول الي محطة (سلوي)..وتشرفنا بابتسامة ضابطة الجوازات القطرية السمراء التي كانت كانها تبداء معي رحلة معانقة السحنة السمراء.......
ودقائق قليلة اوقفتني امام ضابط الجوازات (السعودي) الذي بداء اكثر صرامة وجدية ...ومارس
فن تفتيش (العسس) التاريخي......
لتبداء رحلة معانقة صحاري قاسية التضاريس..وتظهر علي رمالها الصفراء شاشة كبيرة عكست تاريخ تلك الفيافيمن احداث مرت يها علي عصور بعيدة من ايام العرب, وباسهم الشديد
ومغامرات العشاق واشعارهم الخالدة
|
|
 
|
|
|
|
|
|
|
|
Re: افراج موقت....وبلة ريق (Re: Tragie Mustafa)
|
dear abdelkarim
happy retun
little present for you
يا للي فتحت
البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟
وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل
غبي
مخبول
أمر بفتح البتاع
لأنه
كان مسطول !?
| |
|
|
|
|
|
|
|
|
|
Re: افراج موقت....وبلة ريق (Re: Mustafa Mahmoud)
|
الاخ مصطفي محمود..بتاع البتاع..
طبعا البتاعات كثيرة ولكن البتاع البعرفوا انا بقي( بتاع )عجيب وبدور الراس
من الشمومة ..وبقي من متواجد بكميات تجارية وممكن تشتريه من اقرب (بتاع) بقالة..
لك التحية وابقي عشرة علي (البتاع)..
| |
|
|
|
|
|
|
|
|
|
Re: افراج موقت....وبلة ريق (Re: Tragie Mustafa)
|
سلامات
وعوافي
كيكي ...
ياصديقي العتيق ...
امطرت لؤلؤا ياعزيزي ... وجئت محملا بالحكي اللطيف .. ونحن (متقريفون) لصدحك البلبلي الفريد..
تعالنا بكل الصور والتفاصيل .. وارسم لنا في هذا الاسفير خرطة اشواقنا .. للامكنة والازمنة والشوارع المغبرة ... ستات الشاي صديقاتي الحبيبات .. وجحافل الذاهبون الي الاسواق بحثا عن الرزق الكريم ... وانت هناك .. كنت كالفنان .. يحيل كل وجع في المشاهد الي نغمة حنينة تدوزن الفرح وترتب احساس المحبة .. تعالنا ياصديقي بالدر النفيس .. واهمس في اذن ساعتك الانيقة .. ان ابطيء الزمن ريثما ينجلي مخاضي .. لوحة يشفي علي الوانها الاصدقاء ...
محبتي بقدر حرفك الوسيم ..
| |
|
|
|
|
|
|
|
|
|
Re: افراج موقت....وبلة ريق (Re: ودرملية)
|
الان..انه ودرملية..
لك التحية ايها المسرحي الشاهق,,,واما وانت مغني فهذا امر جديد لا ادري كيف لنا
التعامل معه...
ولكن اتوق ان اسمع منك (لحن الحياة) فما اجمل الحياة حينما يكون في هذا الدنيا
مثل ودرملية..ذلك الرجل العالي الورافة..
| |
|
|
|
|
|
|
|
|
|
Re: افراج موقت....وبلة ريق (Re: Tragie Mustafa)
|
سلام صديقتي تراجي...
والمنبر منور بيكم..وبيك بالاخص ومواضيعك النارية..
تسلمي ..وح اديك من حكاوي السودان البقي عجيب حكاوي و هاكي دي لزوم تصبيرة..
واحد بلدياتنا مقرش جدا جدا..وشي عمارات وشركات وهو طبعا كوز وفي الخلاف او المفاصلة
انحاز لشيخه التاريخي (الترابي)..وبقي من كبار اعيان الموتمر الشعبي..
حاولوا معاهو عشان يبقي موتمر (وطني قوي راسو) وقال شعبي وبس..
لبدو ليهو ناس الضرائب بضرائب زي كم مليون كده(قريب المليار)...
اليوم التاني اصبح من اكبر اعضاء الموتمر الوطني...فسقطت الضرائب..
وهوالان عضو يهز ويرز في الموتمر الوطني...
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
ياصديق المسافات أركض لم يعد فى البورد متسع لصغير الحكايات
أخشى على ذلك الفتى اليتيم من ادعاءات يمكن ان توديه الى حبل المشنقة
وتطول المسألة أصحابه اللعنة على ود العباسية الذى خلد له الوهم وصوره
مع العود بس عودتك هى الاحمد وكن امين فى علاج الفتى ياكريم الخصال
ذبدة كلام : هل شيخ قوبى راضعنى
| |
|
|
|
|
|
|
|
|
|
Re: افراج موقت....وبلة ريق (Re: بدر الدين الأمير)
|
سلام بدر..
وشكرا علي المرور..
والليلة جينا وكية للمابينا
...وصحبك ود رملية خشتوا (خلعة) ووهمة (فنية)
لكن انا ببستفوا ليك..
سلامي لكل الحبش والاحباش..
وقوبي زعلان منك شديد..
بقول ليك(كيف الله قدرك تعزم ملاسي كمان)
| |
|
|
|
|
|
|
|
|
|
Re: افراج موقت....وبلة ريق (Re: خالد الأيوبي)
|
شكرا الاخ خالد
فاحمد الامين كثير الحكي عن تلك الايام التي جمعتكم سوياعلي ارض (سلطنة عمان)
فهو يغريك السلام والي كل الاسرة الكريمة..
واشكرك تمام الشكر علي هذا الاطراء الذي اتمني ان اكون مستحقا له..
لك مودتي وغصن من المودة والتواصل..
ودمت
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
كيكي
وكأنك شلت روح المدينة معاك ومشيت
معظم الأشياء بلالون ولا طعم
حتى قهوة الصباح فقدت نكهتها
حاولنا أن نتماسك - في غيابك- باللمة
جئت انت فإكتملت حبات عقدنا النضيد
يا صديقي
إرتاح على هذا الكرسي ريثما ننضو عنك { عفراء } الطريق
وسفاية الصحارى
ونسقيك شيء من رحيق الدهشة الأولى
وعنفوان الأغنيات
واحدة من فوائد جيتك
ان ودرملية سينشغل عني بك
| |
|
|
|
|
|
|
|
|
|
Re: افراج موقت....وبلة ريق (Re: أبو ساندرا)
|
كيكى
لا ادرى كيف ستتمكن من التلاعب بالمفردات كى تبرر تجاهلك
ملاقاتى بمدينة جدة ذهابا وايابا
وانا الذى كنت اتحرى قدومك (زى الحاجة السمحة)
اعذر سذاجتى فقد كنت اظن ان النفوس هى النفوس
احمد التجانى
| |
|
|
|
|
|
|
|
|
|
Re: افراج موقت....وبلة ريق (Re: حيدر حسن ميرغني)
|
كيكي
يا أيها الامير
(مالي أكتم حبا قد برى جسدي ... و تدعي حب سيف الدولة الأمم)
حمد الله على السلامة،
ماذا وجدت في الربع الخالي ؟
طبعا نظرتك له مختلفة من كثير ممن من سبقوك (نظرة مساح)
أتمني أن تكون قد وجدت وادي عبقر و أن يكون قد أصابك شئ من جنونه و إبداعه ( و أنت أصلا لا تخلو من هذا) و أن تترجم لنا بعض من فيضه بقلمك المبدع.
شايفك قد غيرت بيانات البروفايل بتاعك .... هل وجدت النوق الحمر ؟ ام أن معلوماتي هي القديمة !!
تحياتي و حبي،
عمار يس النور
عاشق بخت الرضا
| |
|
|
|
|
|
|
|
|
|
Re: افراج موقت....وبلة ريق (Re: عمار يس النور)
|
عماااااااااار يس
مشتاقين ياخ..
مبروك الباص ويرد..(وعقبال لصحبك الكاشف)..
وكيف لمثلي ان اجد (النوق الحمر)..
وشدني مابتلك الارض من تضاريس وارض متنوعة التفاصيل وقوما لاادري ماذا اقول
فيهم..
ولكن نشهد ان ارض الحجاز مثيرة لاشياء كثيرة اهمها الدهشة..
| |
|
|
|
|
|
|
|
|
|
Re: افراج موقت....وبلة ريق (Re: Hatim Al Jed)
|
احمد تجاني..
والله ..شوف دقيقة اسمعني..
اولا انا في المرة الاولي والله اتصلت لكن تلفونك كما يبدو كانت (خلاياهو نايمة)..
وحاولت زي كم مرة..لكن الظاهر اني ليس لي في الحلو نصيب..
..
وتاكد ياود التجاني ان النفوس لازلت عامرة بالمودة والاخوة ..
(والله التحايل علي اللغة بقي صعب الزمن ده)..
لكن شكلي كده مرقت (مش كده)
| |
|
|
|
|
|
|
|
|
|
Re: افراج موقت....وبلة ريق (Re: أبو ساندرا)
|
يا سلام..
يا ابوساندرا
صديقي وحليفي الاستراتيجي..
انت روح هذا المدينة ودمنا الذي تتجدد خلاياه وتضخ لنا فيه
نبضا من روحك المدهشة..وتبهرنا بظلال كرمك ونبلك..
ارسل تحياتي للكل البت (ساندرا)..والاميرة (ماهي)..
وشدوية..او( شادية عبدالرحيم)..
ومرحب شديد يا ابو ساندرا..
ولك حبي وتقديري...
اما ودرملية فانه لي..اكرهوا اليوم المسك فيهو العود زاتو..(ما تغلب حالك)
انت زول الكبيرة..
| |
|
|
|
|
|
|
|
|
|
Re: افراج موقت....وبلة ريق (Re: Emad Abdulla)
|
عمدة...يا عمدة..
مشاقين والله..
وكيف حالك وحال الاغصان والفرش (وهي جمع فرشة)
ولك التحية لامر (القطر الي ح يقوم)..
واما امر ود رملية ..وبنت موريس..وذلك الكهل الاربجي..
فانني متقبل (تحايهم) لانها اتت عبرك..
ولكن سيكون لي معهم شانا اخر..
وما احلي البن (الاديس اببي)
| |
|
|
|
|
|
|
|
|
|
Re: افراج موقت....وبلة ريق (Re: معاوية الطيب)
|
معاوية الطيب
يا لذيذ ياخ
سلامات وشوق الشوق..
والدامرقا بالكوم انت بس تعال..
وجايب دامرقا اسمها (اريبا) علي وزن احدي شركات الهاتف في السودان..
وبعدين..تعال هنا..
Quote:
عذرا حبيبى
اعلن كامل دعمى لود رملية الموسيقار
لشى فى نفس يعقوب ،،،،،،، |
طبعا انت مجرب وعارف (_حسي الامني).
كمان عاوز تتمركز مع ودرملية يا معاوية (حرام عليك)..
شهر بس واجي القي القواعد قلبت..وبقت مع (الشعبي)..
كويس يا( يعقوبان)
| |
|
|
|
|
|
|
|
|
|
Re: افراج موقت....وبلة ريق (Re: Hatim Al Jed)
|
Quote: كضاب ياكيكى
احمد التجانى |
والله يا ودالتجاني...وما طالبني حليفة ده الحصل..
وحرم عشان ضكرنتك دي الا اجييك جية خاصة وليك انت بس..
انت ماهين ياودالتجاني..الا انني مصر ان الخلايا بتاعة التلفون نايمة..
| |
|
|
|
|
|
|
|
|
|
Re: افراج موقت....وبلة ريق (Re: Mutwali Malik)
|
الحبيب عبد الكريم الامين احمد
حمدالله على السلامه والدوحه نورت والبورد نور واشرقت الشمس وهلت البشائر ومرحى لنا بعودتك
فعلى المرجفين والذين يدعون الفن ان يدخلو فى جحورهم..
احكى وتدفق وفيض..
احكى عن تلك الرحله بكل تفاصيله الدقيقه والغير دقيقه..
احكى عن الشرق والجزيره وسنار والخرطوم ومدنى ووووووووو ..
المهم فى الامر عودتك ورجعتك سالم ياكيكى..
___________________________________________________________________
اسمع ياكيكى شايف معاوية الطيب بيسأل من الدامرقه
احذرك ثم احذرك انت لو داير الدم يسيل حتى الركب تدى الجلابه ديل من الدامرقه دى خاصه معاويه
الطيب والعراب بدر الدين وحلفاءهم..كلمتك ونبهتك ولا عذر لمن انذر بس.......
| |
|
|
|
|
|
|
|
|
|
Re: افراج موقت....وبلة ريق (Re: ضحيه ابراهيم)
|
ضحية...
سلام ياصديق..
علم يا زول وانا وانت (بنقوم بخس ونقع كراجنوا)
ومادام ده كلامك ووصيتك..انا زاتي ما جبت دامراقا وزولك الا كان يشمها (كشنة)..
معاوية الطيب..(راس كلدنق) اليصبر علي (بقرزها ليهو)
وبدر الدين (راس ام بلدو) بنظم ليك..
وودرملية(عيون ام ققم)..خلا ساكت..
دمت يا ضحية ودامت الصداقة والخوة..
| |
|
|
|
|
|
|
|
|
|
Re: افراج موقت....وبلة ريق (Re: Mutwali Malik)
|
الله...يا متولي ياصحبي
سلام والله..
ولك اكيد الدوم والنبق والكجيك..
والكانجي مورو..
وللاطفال غنوة وموال...
مشيت (امواج) وضربت (الفرايت جكن)..وكنت انت في البال علي طول..
تحياتي..
ووين البوست يا فردة بتاع القصة العجيبة ديك..(شوية وانتكوا ليك)..
بس اوع يكون مشي (اللقيط) علي قولة خليل
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
كثبات من الرمال الصفراء انطوت...واستراحات
موظفيها يفتقدون الي روح المرح التي تميز الاسيويين هنافي الدوحة,,,ويتعاملون بكل توجس مع المسافر(تدفع في الاول وبعدين تشيل)..لتطل منطقة الاحساء ومدينة الهفوف
التي يبدو انها موغلة في الترف...لنصل الي مدينة الرياض...وشوارعها التي تقطع النفس..وكباري معلقة تخلع....
سائق التاكسي اليمني الذي طلبت منه ان يدلني علي بعض الامكنة في الرياض,,طلب _(20),,,رياال
حتي يتاح لي ان اذهب خلفة وهو يسوق (تاكسي) ملي بالبتان,,وكنت مباريه(مان تومان)
في شوارع كثيرة السرعة ..وصعبة المنحنيات
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
عبدالكريم ..
حمد الله على السلامة يا خي ..
أتمنى أن تكون قضيت اجازة سعيدة ، وده أكيد طبعاً..
بالله دع المعارك الداخلية جانباً، فهي مقدور عليها والانتصار فيها محقق خاصة حينما يكون أحد طرفيها ( كهل أربجي ) كما قلت ..
وحدثنا عن معارك أرض المليون ميل .. بذاكرتك الكاميراتية الكومبيوترية..
نحن لحدي الآن وصلنا معاك عند الآسيويين (المتوحشين) الساكنين الخلاء ، أها وبعدين ..
بالله بالتفصيل الممل .. لحدي رجعتك الدوحة ..
حمد الله على السلامة مرة تانية ..
| |
|
|
|
|
|
|
|
|
|
Re: افراج موقت....وبلة ريق (Re: Salah Abdulla)
|
ابوصلاح منور والله..
ووصيتك علي العين والراس..
اها ناس الخلاء ديل اخوك وصل (استراحة ) كده وكان قارصة معاهو وقلت ليهو عندك شنو
يا زول طبعا جاوبني بجدية شديدة وكان صاري وعينو حمر..المهم قال لي في فول وشنو كده ماعارف
المهم قلت ليهو اديني فول قال طوالي (7) ريال دفعت ومشيت قعدت امني تفسي بوجبة فول
خلوية(مافي اي مشاكل)...
لم انتظر طويلا حتي اتي لي الرجل( بفول حاجات )
قلت ليهو وين الفول يا صديق ..قال لي (هذا فول)....
يبدو يا صلاح ان الفول هناك فول حاجات وبس...
تسلم ابوصلاح وجاييك لحكاوي السودان وبمزاج ..
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
الإبن المهندس/كريم
التهاني بعطلة - حسب معلوماتي - قابض فيها الجو بين الخرطوم ومدني وودهاشم..السيارة نفسها اتقطع وزيتها طلع!!!
ملحوظة:
معلوماتي مستقاة من مصادر أصلها ما كذبت: خالك البروف عبدالله والحاجة -متعها الله بالعافية- والأستاذ الأديب احمد الأمين والأمورة "امونة". عندك شك في متابعاتنا ورصدنا؟ وطبعا كلموك إني اتصلت لزوم أجدع ليك حزمة سلام..لكنك كنت في ودهاشم. اكتفيت بونسة كلها دعوات مباركات من الحاجة.
أسعدتني مداخلات أحبابك الخصوم وخصومك المريدين. انطبق عليك قول المتنبي:
إذا ترحلت عن قوم وقد قدروا ألا تفارقهم ، فالراحلون همو !!
مرة أخرى.. حمدا لله ياهندسة على سلامة العودة لوطنك الثاني..دوحة الجميع!
| |
|
|
|
|
|
|
|
|
|
Re: افراج موقت....وبلة ريق (Re: فضيلي جماع)
|
Quote: سلامات
وعوافي
ونزلت العتمة علي بوادينا الممراحة ...
وجاء الرجل الظلام ليحيل كل فجر نبيل الي مشقة وعتمة ..
انه كيكي رفيق الظلمة وعدوي الذي يحسدني علي (جمالي وفني) ...
ياهذا الرجل بكل هذه التضاريس المزعجة ...
اني احبك .. |
| |
|
|
|
|
|
|
|
|
|
Re: افراج موقت....وبلة ريق (Re: ودرملية)
|
مرحب مرة اخري ومرات عديدة
بالفنان الكبير ودرملية(وش ميت من الضحك)..
ولك التقدير وغصون من المحبة والجمال...وساحاول ان ادوزن عصب (طبلة اذني)
واسلم امري لله واسمع الحانك..(والله يستر)..
بس انت كرب شغلك واوزن العود القدامك ده لانو الوتر الثالث الظاهر عليهو (مرخي) شوية..
| |
|
|
|
|
|
|
|
|
|
Re: افراج موقت....وبلة ريق (Re: فضيلي جماع)
|
مرحب وتقدير عالي لاستاذنا الكبير والقامة الشاهقة
استاذي وخالي العزيز الاستاذ فضيلي جماع..
ولك كل الشكر علي ذلك الهاتف الذي روته لي الوالدة التي برقت من عينيها بريق
خاص وحنين .عكس الحب الكبير بينكم انتم اهل المجلد الذين اورثتونا معاني موغلة
في الانسانية والتماسك..
فكم تمنيت ان اكون حاضرا للزيارة المرتقبة للخالة اسيا والاخوان الي (مدني) فقد
تركت القوم بهم شوق كبير لاستقبالهم هناك...
لك الشكر مجددا...ودوام المودة...
وحتما سنلتقي استاذنا الكبير ...
تقبل اشواق وتحيات كل اهل الدوحة واولهم صديقي اللدود بدرالدين الامير...
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
عبرك ياكيكي اشد رحال الاشواق والحب لاستاذي الماجد البهلول فضيلي جماع
واتمني ان يكون بخير والف صحة له وللاسرة الكريمة ..
ويا استاذ فضيلي كيكي والله العظيم سافر ليترك الدوحة خلفها كفلاة وجحيم ..
وعندما عادت عادت البسمة العالية تحضب شفاه المدينة النبيلة..
تخريمة:-
مازلنا في انتظار سردك الشيق .. وانت تملك ريشة الحرف لترسم بها مشاهد المدن والشوارع الاليفة ..
فقط دعنا نحتسي قهوة شوفتك برفق ثم اشرع في السرود ..
| |
|
|
|
|
|
|
|
|
|
Re: افراج موقت....وبلة ريق (Re: معتصم الطاهر)
|
الريس الكبير..معتصم الطاهر
والله سلامات ولك تحية خاصة يا هندسة
لسع الدرب طويل ..فيهو سواكن ودرديب وكسلا (الناسها حلويين..)
وكلام كثير وشمارات لقطناها(سريع سريع) من الخرطوم
وبس خليك معانا في الدرب
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
غايتو يا عبد الكريم لو ما أخدت ليك وقفة في رواكيب الشــــواك و ضربت ليك شـــية ضان كاربة كدي في واحدة منهن ... و إشتريت ليك بطيخة كبيرة من بطيخ الشواك الرهيب داك و فقعتهــا تاخ ،،، خبطها في الواطاة تحت ظل الشــجرة الغليدة دييك و إتحكرت جنب ست الشاي الســـميحة البي غادي لأختها دي ، و غتســـت رأســك لي إضنيه جوه فقشــة البطيخ .. الحمرة الحلوة .. الما في زي حمارها ولا حلاتها في كل بطيخ الدنيا، و بقيت إنت تكوضم و موية العســل تســيل من خشـمك لي حنكك لي رقبتك لي ســدرك. وما هاميك .. تمرق رويســك شوية تأخد لك نفس و تاني تغتســو .. و البنية سـت الشــاي تهب في النار بي يمينها و بي شمالها تجر الطرحة تغطي بيها الضحيكة الحلوة و هي قاعدة (تكشــف) ليك بي طرف عويناتها
وإنت ما هاميك ... بي قليبك تقول ليها .. البطيخ أول بعدين جايي لي شـــاييك ......
و تدشي عـــااااع .. وما هاميك .... ماك عزيز و في بلدك
لو ما سويت كدا تكون إتلومت
واصل .. أنا راجيك في لفة الشــواك
| |
|
|
|
|
|
|
|
|
|
Re: افراج موقت....وبلة ريق (Re: خالد الأيوبي)
|
الزميل : عبدالكريم (هندسة)
تحياتي وسلامة العودة ، واصل سردك الجميل
مقدما ندعوك لوجبة سمك في مطعم (ميرغني) بس ابوساندرا مايزعل ! وتكتمل الفرحة بوصول (المتفلت) ودكرار لانو عاوز ليهو دفره في بوست (الاستاذ) المعلق منذ سفركما !
| |
|
|
|
|
|
|
|
|
|
Re: افراج موقت....وبلة ريق (Re: Faisal Al Zubeir)
|
فيصل الزبير ايها المدهش
تحياتي
وصحيك هاشم تقابلنا في السودان وهو يمشي مرحا وفرحا بصحبة (ثلة) من اصدقائه
اظرفهم (عصام الدين الدرديري)...
وح يجكيم جامخ السوق ومحملا بتصديقات الاراضي وشايفو طارح نفسو(مستثمر اجنبي)..
والله يستر علي (مالك عقار)
| |
|
|
|
|
|
|
|
|
|
Re: افراج موقت....وبلة ريق (Re: خالد الأيوبي)
|
مرحبتين يا خالد..
وفعلا الاكل بعد معبر سواكن صار له طعما خاص ومميز..والشاي نكهته تعيدك الي زمن بعيد
وست الشاي (سمحة سماحة) السنين وواعية وعندها (موبابيل)..وتعاين ليك بقعر عينها
(كيه فيك)...وكلوا جايين ليهو وبمزاج والقصة فيها بخور ام التيمان كمان..
ويلا نمد في سكة السفر
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
الرياض تلوح من اعماقها مدينة من طراز عجيب تبرز نهضة
البترول و(كثرة) القروش..وغابات من الاسمنت وطرق وكباري في الجو..
لنلتقي..بعد كر وفر (بمطوفنا) الكبير الاستاذ احمد الامين ...الذي يحفظ
التفاصيل الدقيقة لزيارة (بيت الله) وبعدة روايات ومدارس فقهية عديدة....
لنحل ضيوفا علي صديقا ودما عزيزا فرقتنا سبل الحياة
ذهب الي اليابان ثم الي السعودية....واقام في الرياض..وجدته هناك انه (الصادق محمد عثمان)..
ود الاقتصاد ) ..الكان وجيه....رحم الله (ايهاب) فقد كان صديقا تذكرته وانا في عمق مدينة الرياض...عندما عانقت الصادق .......وجالت ذكريات مشتركة وحميمة,,ومغامرات عديدة.......
لتبدا رحلة الذهاب الي مكة............وهذا شانااخر وحدث جلل...سناتي بامره,,,,,,
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
ودالأمين .. الرجل المسافر أصلاً من غير سفر ..
رحالك يحط فى سويداء القلب مباشرة .. وأنت معنا
دائماً فى الحل والترحال .. افتقد أيضاً الصديق
الرائع فيصل عباس .. وهل تُنسى قُبلته عل رأس أمى !!
آلاف التحيات ... مامون
| |
|
|
|
|
|
|
|
|
|
Re: افراج موقت....وبلة ريق (Re: Abu Eltayeb)
|
مرحب مامون وحبابك الف
تحياتي لك ولاسرة وسلام خاص للفنان (فالولة)
وشكرا علي الترحيب وسلامي للام الوالدة..
وفيصل عباس زول ملي بالحنين والمودة
نفتقده هذا الايام وهو يسرح ويمرح علي طرق كوستي..
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
بيت....مكة
اسم له وقع خاص وهيبة رهيبة..تولدت في دواخلنا وغذا هذا الاحساس المهيب..
تلكم الهالة والكرنفالات التي يودع بها الحجاج من الاهل الذين يذهبون ويعودون من بيت مكة
وعندها يصير لهم طعم خاص وقدرة علي الخشوع ويزدادون احترام.....
واذكر من اشهر الذين ولدوا ذلك الاحساس في داخلي هي الحجة الاولي للحبوبة الاسطورية (فاتتي)..
فقد سمعنا قبل سفرها بعدة شهور ان...(حبوبتتي) المنادي ناداها.....
فكنت اتتخيل هذا المنادي رجلا ضخما يشابه (جدي) (دبكة) يطلع في اعلي الاشجار وينادي الناس
من (لستة)......المهم نذكر ان هناك اشاعة قوية انطلقت ان حبوبتي (فاتتي) ناداها المنادي...
وكانت تقول لصديقاتها (انا السنة دي المنادي ناداني)...تقول ذلك بكل ثقة واصرار وحماس لهذا السفر...الذي كنا نفهم فقط انه لارض الحجاز..........
وزاد الامر تعميقا للاسطورة تلك الهالة التي تطل في كرنفال الوداع..والحان (الكيتا) وجموع المودعيين من فقراء المدينة واعيانها...و النساء الباكيات....والاحترام الكبير الذي كانت تحظي به (الحبوبة) الاسطورية
وتطول لحظات الانتظار حتي لحظة الوصول ...وعندها ننام علي محطة السكة حديد
لليلة كاملة حتي تعود (الحجة) شامخة واثقة,,اكثر حكمة وخشوع ...ويذداد احترامها........
ذلك بعض من تاملات ليلة التحرك الي مكة.....اضافة الي هيبة المكان والسيرة العطرة لرسول الله وصحبة الكرام...وايام العرب فيها وكثرة شعابها...ودار ابوسفيان...وابرهة وسيرة الماجنيق..وطير الابابيلوعمر بن الخطاب..وال ياسر قدامي المهمشين...والمعلقات السبعة...وامرؤ القيس...وابي جهل...وعنترة العبسي......وبلال ابن رباح الافريقي الورع.....
ولسع......تتواصل التاملات......حول مكة....ومادين في سيرة السفر.......
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
عشنا..وطفنا حول الكعبة..
ذلك البيت الفريد الاسود اللون الملهم لقيم انزلت من السماء لهذه الارض
التي عاث فيها الانسان فسادا وظلما..بداءت الهيبة من محطة (السيل الاكبر) منطقة الاحرام
للقادمين من ذلك الطريق..فتلحفت الاحرام الابيض الناصع وجدته في دكان في تلك المنطقة يديره احد السودانيين من ابناء الجزيرة...وعندها تالق (المطوع) احمد الامين في شرح سنن
ومتطلبات الاحرام..وقد فعلتها بخشوع تام.. فبدوت كشاب من (تمبكتو) القديمة اتي الي (دار مكة) حليق الراس....فالاحرام يكسوك وقارا وتوحدا وتحس احساس حقيقي بالخشوع.....
الا ان وصلنا الي ذلك المكان الرهيب..ورايت جموع المعتمرين من جميع انحاء العالم
اعلاهم صوتا في التهليل والتكبير قوما اتو من (اندونسيا) يبدو عليهم التاثر وقوة العقيدة وكانوا مفعليين انفعال حقيقي مع هذا الحدث...لاطوف البيت ذلك المكان المهيب وادعو الله دعوات كثيرة...والعام منها تخليص العالم من قوة الشر...والسودان من مشكلته الكبري التي جثمت عليه باسم الرب....لنتحتسي (ماء زمم ) المميز...واقتني (جركانة) لاهل السودان حتي تكتمل مراسم عودة الحاج العتمر (كريم)...
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
Quote: ياكيكى
قول لفكى قوبى ملاسى خلى يولى
ودوحة شنو البجيها ملاسى هو عطبر قادر يمشى ليها
همسة : ملاسى خليك عاقل المسألة جابت اسحلة دمار شامل |
بدر الدين..بعد اتصال هاتفي مع قوبي..قال ليك مافي طريقة
قال: خلاص فاس وقع في الراس (فيزا طلع..وملاسي تذكرة قطع)
مافي حل دمار بس ..جنجال بس...
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
خرجنا من مكة في الصباح الباكر الي مدينة جده التي لم افهم فيها غيرمكتب الوكالة التي كنت اهتم بامرها..ووجدت في ادارتها شاب سوداني من منطقة الدلنج مرح وسخي......لتبداء رحلة الذهاب الي ميناء جدة....وجموع المسافرين الي السودان تتقاطر...نساء باللباس الاسود والنقاب عرفت انه شان السودانيات المقيمات في السعودية عباءت سوداء سواد الليل سرعان ما اختفتي هذا اللون داخل الباخرة ليتخول الي (تياب) الما خمج..وافخر الانواع وكان هذه العباءت قد رمي بها داخل البحر....لياتي ايضا جموع من الازوال بعضهم فرحا ويبدو عليه شوقا الي السودان...والاخر له نظرة شاردة مركزة نحو البحر كانه ذاهبا من مجهول الي مجهول...فاحتشدت الصالة بجموع من المودعيين والمودعات..وانتشر الاطفال البرياء بين جنبات الصالة...وما اشلق اطفال المغتربين حينما يجدون (المساحة _والزمن).....
ونعود....
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
هلا كيكي
طبعا لم يستقبلك السودان استقبال الفاتحين
ولم تلتقي باحد من الزملاء
ولم تتلقي بقوبي او جفعر انترنت
لكن سمعنا انك مشيت لي واحد جديد اسمو
ابو كراع
احكي لينا عن ابو كراع شوية
0( كرائي كرائي)
حمدلله علي السلامة
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
العزييييييييييز كروووووووووووومة
حمدا لله على السلامة وليتك قضيت وقتا جميلا
فى احضان البلد وبين اهلك واصدقائك واحبابك
افتقدناك كثيرا نحن والليل والشوق والشجن
الذى ادخلناه فى عتمة الغياب عنوة وقسرا
ولكين بعد ده بنغنى الليل عاد والشوق زاد
كرومة مشيت الامتداد .. اخبار فتاح الكج !!
| |
|
|
|
|
|
|
|
|
|
Re: افراج موقت....وبلة ريق (Re: عامر تيتاوى)
|
تيتاوي يا جميل..
وينك ياخ ومشتقين شديد..
وشكرا علي الترحيب...
وفعلا قضينا وقتا زي الورد مع اهل السودان الا انه مر سريعا..
لنعود لنعانق سويا ليل الغربة الطويل..
اما امر صديقنا الكج..فقد اصبح سائق ركشة ومدور في الظلط ومركب شريط(انشاء الله
راجل مرة)..وكاجي الامجاد والتاكسي الاصلي..و سفتو اربعة وعشرين ساعة شغالة..
وقال ليك حليل البلد وحليل عشاء الكوارع والجكس النضيف والمزازيك الكان بمشيها مضهب..
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
والان..نعود اليكم يا احبتي وذاكرة الحزن لا زالت تراوح في المدي.....
حزنا علي فراق اخ لنا في المنبر......
ونحن الان في جوف البحر الاحمر بين امواجه العاتية ومياه الملحة...وصدي تيتانك والسفينة المصريةاصبحت تتلاشي ولكن يصاحب التلاشي ذكري القراصنةالقدامي..وغاراتهم
المفاجئة
سفينة في عرض البحر مليئة بخليط الزنج والعرب الذين قذفت بهم
الاقدار بعيدا من الوطن...وهاهم يشدون الاشواق والاوتار الي ارض وطنهم..حيث حبالهم السرية(مدفونة هناك)..ملعون ابو الريال البركبنا في بحر عجيب زي ده....قوما يمارسون فوضي السفر ينامون علي الطرقاتوالسلالم....والقوم الاخر احتلوا الكافتيريا واخرون يلعبون (لعبة الوست)..اتري هل هاجروا هجرة جماعية...ام عادوا عودة جماعية...لعبت معهم الورق فهزموني فقد كانوا كثيري الحرفنةوله خبرة واسعة ومتفاهمين...لقد نجوت من (اسنافيك ) في عرض البحر.....
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
ونحن ثلة من اهل السودان تضمنا سفينة علي سطح بحرا مثيرا للجدل وعبره
عبر الكثير من البشر وتلاقحت عبره ثقافات ونقل لنا الي ارض السودان خيرا وشرا...وسط
هذا البحر والليل كنا كتلة من الذين عصف بهم الزمان الي خارج دائرة الوطن عائدين اليوم وكلنا يحمل في داخله اشواقاواحزانا وغربة...فنام الجميع ولعل احلامهم كما احلامي...نحلم بوطنا نجد فيه لقمة العيش والحرية....
رن علي موجات البحر ودوت صافرة الباخرة دويا مذهلا..يحملك الي اصوات السفن المسافرة الي اراضي بعيدة حلمت بها ذات.. شواطي مليئة بعالم سحري ....
لتنبهنا الصافرة باننا الان علي ارض السودان (ميناء عثمان دقنة) البحري
بمدينة سواكن او قل( سبع جن) لم تكن سواكن هي (سبعة جن). بل كانت الف جن وجن من الفتية والبوليس والفوضيورجال المواني اتو هابيين الي تلك الباخرة ..وكانهم يهرولون صوب امل قادم علي قوما اضنتهم سنين الجوع والاسي والقهر......وايضا هناك جموع المستقبلين النافذين الذين دخلوا الي داخل السفينة..يبحثون عن ضيوفهم وسط اكوام القادميين الذين عادوا من بلاد الغربة......وعايدين اليكم...ونحن داخل الوطن...
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
ودخلنا الي ارض الوطن...وتشابكت وامتزجت فوضانا مع فوضي اهل الميناء الكرام...
وياتيك الفتية من كل صوبون ياتون يعرضون خدمات لا تدري ماهي ولكن الشاهد
انك لابد عليك من انجاوها حتي يسمح لك بالمرور....رسوم شيكان للتامين..مخارجة (طابعة) محظورةلا ادري الي متي ستظل حكومات العالم (السيئة الصيت) الخوف من ادوات النشر والطباعة...وايضاياتيك احد فتي الشرق (ادروب) عارضا خدماته لانزال اغراضك وتجهيزها الي ضباط الجماركحتي يمارسون غطرستهم وتفتيشهم التاريخي....كنت ارتدي (طاقية) اهداها لي احد اصدقائي الخواجاتارتديتها علي سطح الباخرة..جعلت الجميع يطلقون علي العبد للله لقب (كاو بوي)...استفزت هذا الطاقية ولبستها الغريبة الضابط الشاب الذي صب جام استفزاره علي اصراره في تفيش (اللاب توب)...الذي لم يجد فيه شيئا يمكنه فهمه.....لينتهي مهرجان الجمارك الذي ساعدني فيه كثيرا....فتا من اهل الجنوب كان صديقيواخي من زمن بعيد منذ ايام جوبا....انه(شوتي) ...وجدته بعد 25 سنة رئيسا لعمال الميناء وشامخا كشموخاهل الجنوب.......
ونعود مرة اخري لنحي شوتي ونتوغل صوب الوطن......
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
Quote: كيكى
لا ادرى كيف ستتمكن من التلاعب بالمفردات كى تبرر تجاهلك
ملاقاتى بمدينة جدة ذهابا وايابا
|
ومثلها اقول كيف ستتمكن من التلاعب بالمفردات كي تبرر تجاهلك بملاقاتي بمدينة الخرطوم ايابا
لك كل الود ودوام العافية
| |
|
|
|
|
|
|
|
|
|
Re: افراج موقت....وبلة ريق (Re: ريهان الريح الشاذلي)
|
سلام ريهان...
وكيف للغة ان تلاعب نفسها وتهرب مني الكلمات الان...
فحضورك الطاغي عبق المكان بالصداقة والاخوة الصادقة....
اجمل لحظاتي في دار الخرطوم هي تلك الجلسة الرائعة ونحن جمعيا في حضرة الصداقة
واللهفة وقد كان شيخنا هو (منتصر)...ذلك الشاب الذي دخل الي قلبي سريعا..وعندها
احسست انني اعرفه اعرفكم منذ الاف السنوات...
دومي طيبة ريهان...وايابا لم تكن الخرطوم هي طريقي..فلقد ذهبت صوب سواكن والحسرة
تتملكني...لعدم مقابلتكم مرة اخري...
ولكن حتما سنلتقي في الزمن الجميل..
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
متعك الله بالصحه والعافيه والاجازه وسط الوطن و الاهل والاحباب....... ... جد نفسك طويل يا باش مهندس ... (الكترونيات بس وبدون خرطه )
انا متابع معاك لكن وبعد اذنك عايز اطلع بمعلومه( بعد بلة الريق بتاعتك دي)
ريقي نشف... يعني بتنصحنا ندخل المغامره دي والا مافي داعي مع مراعاة الوقت يعني عايز كم من الوقت علشان التعب يروح وتنسي الشقاوه وتتمتع بعربيه فارهه في ربوع الوطن ..... والرجوع
تحياتي واحترامي
| |
|
|
|
|
|
|
|
|
|
Re: افراج موقت....وبلة ريق (Re: willeim andrea)
|
الاخ العزيز...وليم اندرية
لك منا السلام والشكر علي متابعة (بلة الريق)..واتمني ان تبل ريقك انت
ايضا بربوع الوطن السمح.....
الفترة الزمنية تعتمد علي نقطة انطلاقك..ولكن الشاهد ان المسافة مابين جده وسواكن 12 ساعة...
وسواكن الخرطوم...8-10 ساعات..(حسب الابنص بتاعك)....
واحذر السير في شارع سواكن ليلا...واحذر المسافة مابين (هيا...كسلا)..حفر وزلط مكسر...وشاحنات
ليس لها علم (باداب...الهاي وي)....
اقنع من اربعة يوم(ماشي وجاي) للراحة..ووجع الضهر...
مرة اخري مرحب وليم...ودمت...
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
ووجدنا (شوتي) ذلك الفتي الذي تسرب الي (سودانيز اون لاين) عبر سرديات جوبا نار مندكرور في الجيب..ساعد وجوده في الميناء ومرحه العالي وحب الناس له في تسهيل الاجراءت المعقدة للجمارك والافراج الموقتالتي فرضتتها( حكومة السودان)...من جبايات كثيرة..ورسوم زي المطر..تهلك ما تبقي من ريالات سعودية ....
لنذهب الي فندق في شكل (لكوندا) كثير البعوض وكهربته قاطعة...ولكن انه الوطن...ماذا نفعل!!!!لتبداء رحلة نشطة عبر شارع سواكن _الخرطوم..مرورا بالعقبة ....تلك العقبة كانت في الماضي تشكل بعبعا مخيفا وعمت سمعتها السيئة المدن والحضر واغتالت الكثير
من ابناء الوطن...لذا كانت بالنسبة لي من الاشياء والمخيفة..وكنت قد سمعت عنها منذ زمن بعيد..من اصدقائي القدامي سائقي الشاحنات في ليالي سمر بعيدة........
وكنت قد طرت فرحا من المخارجة من الباخرة المصرية ..وذكري تيتانك والقراصنة....ولم اتهني حتيطل شبح العقبة تلكم الهاوية...التي كم اكتشفت انها ليس الا (اشاعة) كبري واكذوبة...
ونعود.....
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
المرور عبر الفيافي والوديان والارض الجرداء بشرق السودان
يولد حسرة والم عميق في القلب..من تلك المناظر التي تدمي
وتنزل الدموع ...والعالم يناقش جدليات متقدمة من الرفاهية
واحترام الانسان...نجد ان انسان تلك المناطق اشبه بالانسان الاول
نتيجة للتهميش والاهمال التام من كل الحكومات التي مرت علي هذا السودان..
رجل كهل اعمي....يقوده طفلا فعل القمل براسه ما فعل....
واخر سليم معافي الا انه يمد يديه اليك طالبا خبزا..او قليلا من الدراهم..
واخرون يسومون (الدوم)..ويلحون عليك بقساوة ان تشتري....
اخر يملك (قهوة صغيرة)..يبيع الجنبة الادروبية الاصيلة..
واخر اكتر تمدنا....يملكون (مطعم ردي الطعام)..ولكن مكتوب عليه (كافتيريا تاجوج).....
كل تلك الدراما تتواصل بالكربون في كل المحطات التي كنا نمر بها ..في تلك المناطق....
اذن انها مناطق المهمشين في تلك الارض السودانية...وهذا هو التهميش الحقيقي...
لاماء...لا تعليم واسواق تعج بالعطالة...وضعاف النفوس منهم يمدون اياديهم بالتسول
علي القطط السمينة القادمة من ارض الخليج.........
بداءت مظاهر فساد الدولة ظاهرة مبكرا ففي تلك (النقطة) التي يقع عليها مسوؤلية مراجعة
اختام (مكافحة التهريب)...قال الشرطي المسؤول في تلك النقطة ..
اختامكم دي ناقصة!!!!!!!!
وطيب العمل شنو؟؟؟؟
عاين كدا.......حك راسه...وقال...خلاص بختمها ليكم..(لكن تشوفو لينا حاجة)!!!!!!!!!!!
ختم الاوراق لما يقارب الستة سيارة اتية من الخليج....
وعندما انتظر (للزبالة)...(وهي مصطلح الرشوة عند البوليس السوداني) ..او (المادة 8 ..
لم يجد غير غبار تلك السيارات ...فقد هربنا جمعيا...وتركناه وهو ينادي.......
تعال يا زول....تعال يا زول!!!!!!!!!!!!!!!!!!!!!!!!
ولسع...فوق البلد سايرين.,......
ومرحب يا كسلا..(توتيل في المغارب)..القضارف (وربك عارف)...
وابتداء الطريق في الاستواء..وظهرت الخضرة والماء والوجه الحسن....
وبدات السرعة في (الامبير),,,تعود الي معدلات الخليج...بعد معركة الشارع الردي مابين هيا و بورتسودان.....وكبري حنتوب ليلا....وعادت الي الاشياء طعمها الحقيقي...التمباك..الباعة..اغاني الكا فتيرات ليلا..اللغة..
ولكن..الناس...ليس هم الناس....!!!!!!
ولسع مادين في حبل الصبر!!!وقربنا خلاص,,,,,,,,!!!!!!!
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
ان اردت النبض الحقيقي للبلد فعليك بالاذكياء من العامة...
واهمهم بالنسبة لي هو صديقي الجميل (اللوري) ابن قريتي واحرف ترزي (ستاتي) في مدينة ودمدني للوري هذا رغم محدودية تعليمه الا انه حاد الذكاء وعالي المرح وصاحب لسان كثيرالبذاءة احيانا..وله قفشات تاريخية تدمي القلوب بالضحك...
اول افادته حول البلد...
قال اللوري..ان الحكومة اصبحت مثل اريبا...
واريبا هذه خدمة اتصالات يقال ان شبكتها دائما مشغولة ولا تغطي كل السودان....
اذن انها حكومة اريبا...
القادمون من دارفور يحكون عن امرا عجبا...
خواجات ومنظمات وجيوش من رواند وبورندي ولا وجود لحكومة مركزية...
طريق الخرطوم بورتسودان...لا يسمح لك بالسير ليلا..بين كل كبري والاخر يجلس جندي ردي
التسليح..يعاني الجوع والعطش وخرم التمباك والسجائر.....
الطرق سادتها شركة يلبس موظفيها اقمصة بيضاء ولكن يبدو عليهم خبث ودهاء الامن السوداني..
وقد تشتم رائحة صلاح غوش..........!!!!!!!!!
الاسواق تعج بالعطالة..وبائعي كل الاشياء...!!!
.....ولنا عودة...
| |
|
|
|
|
|
|
|
|
|
Re: افراج موقت....وبلة ريق (Re: عبدالكريم الامين احمد)
|
تحدثت عن جيش عرمرم من الشباب العاطل باحد اسواق كبريات مدن السودان ذاكرا انهم رصيد طيبا لمشروع تنموى ان كانت الدوله تعى...الحكومات التافهه منذ الاستقلال وحتى اتفاق نيفاشاالذى فرضه علينا اجنده انتخابات بوش وهزيمته امام المجاهدين والوطنيين بالعراق كانت تخدع الشعب ان سبب تعطل التنميه هو تكلفه حرب الجنوب التى تلتهم ملايين الدولارات يوميا...حسب علمى توقفت الحرب وتقاسمت الحركه الشعبيه وجماعه البشير السلطه والثروه فاين التنميه التى كانت معطله؟ هل تعتقد ان السبب الجديد هو حرب دارفور؟ توقفت الحرب فلماذا لا يبدا الاعمار فى وطن مساحته مليون ميل وبه اكثر من عشره انهار؟ ولماذا لاترد حكومه البشير والحركه للشعب " حب المكن والفاس" ولماذا " لاتعطى العامل قدر ما يدفع" ولماذا لا تردنا جميعا من ذل الغربه؟
| |
|
|
|
|
|
|
|
|
|
Re: افراج موقت....وبلة ريق (Re: احمد الامين احمد)
|
مرحب الاخ احمد الامين..
وفعلا السلطة والحكومات التي تعاقبت علي هذا البلد لم تنظر عميقا في امر البلاد
والعباد...واولها حكومة الانقاذ التي ركلت السودان الي مستنقع اثن من الجهالة
والجهل..
| |
|
|
|
|
|
|
| |
عبدالكريم الامين احمد
ودالعباسية
Tragie Mustafa
Mustafa Mahmoud
ودرملية
Muna Khugali
noon
بدر الدين الأمير
خالد الأيوبي
أبو ساندرا
حيدر حسن ميرغني
عمار يس النور
Emad Abdulla
-1.jpg)
معاوية الطيب
Mutwali Malik
ضحيه ابراهيم
عمران بابكر بدري
فضيلي جماع
معتصم الطاهر
Faisal Al Zubeir
khaleel
عامر تيتاوى
ريهان الريح الشاذلي
willeim andrea
احمد الامين احمد
فيس بوك
تويتر
انستقرام
يوتيوب
بنتيريست