|
|
|
 Re: ياسلاااااااااااااام ياهلال ياخي (Re: عامر تيتاوى)
|
Quote: ياسلاااااااااااااام ياهلال ياخي
يا سلااااااااااااام يا هلال ياكريم |
مبرررررروك يا تيتاوي
وقد فعلها الازرق الوهاج واعاد الينا سيرة الفرح
امس يا تيتاوي تمدد عميقا في عمقه التاريخي وجاء جكسا وسبت دودو بروعتهم وكورتهم العجيبة
ومعاهم صديق منزول وثم تمدد الشباب في حديقته الرهيبة لياتي الينا علي قاقرين والدحيش
وقلة وابو العز والريشة وزن الريشة وسيماوي والمرحوم شيخو وطارق والنقر وكاريكا والعوني
وابراهومة الديسكو..كل هولا النجوم العظام كان وهجهم يظلل الفتيةالذين هزموا الفريق النجيري
وكما نامت الخرطوم وكل السودان بفرح عارم
اثق تماما بان الدوحة ايضا نامت ووهي مرتاحة البال فبها عاشق كبير للهلال
هو عامر تيتاوي صديقي الجميل..
| |
 
|
|
|
|
|
|
|
|
Re: ياسلاااااااااااااام ياهلال ياخي (Re: محمد البشرى الخضر)
|
Quote: الف مبروك
بالأمس فاز الوطن بكوسو
و اليوم يفرح الوطن بسيدا |
سلام يا ود البشري
ومبروك للهلال ولكل الوطن
والهلال يا محمد فريق له وهج خاص وحب كبير في حياتنا منذ نعومة الاظافر
فقد علمونا معاني كثيرة اكثرها اثارة ودهشة هو حب الابداع والجمال
هلال كندورة وكمبا وكسلا ونبيل
ثم يور وريتشارد
اقجي وتنقا وانس النور وعبدالباقي (بقة)
ثم اولاد ام در النقر ورشيد المهدية
هلال بحري جعفر عبدالرازق والبرنس وكدوس والثعلب
هلال الخرطوم (منقستو) -طارق _ومبارك (او شنب)
وهلال ودمدني
حمد والديبة حاجة عجيبة وحداثة الفنان..
انه هلال كل الوطن وكل السودان..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: محمد المرتضى حامد)
|
Quote: عبدالكريم والله الفرحة لاتسعناللهلال العظيم وإيدكم معنا بُُكره.
مبروك ألف. |
الف تحية وشكر اخي الراقي ودالمرتضي
وشكرا علي روحك العالية واحساسك المرهف بنصر الهلال
وونتمني للنجمة الصعبة المراس اليوم نصر كبير وضرب من طرف للفريق الجزائري...
ولاهلال بلامريخ
وكلنا مريخاب اليوم ..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: shammashi)
|
Quote: Abu bakr Shareef
I love u |
سلام ياشماشي والف مبروك ليك ولكل الناس الشايل اسمهم انت يا راقي يا دغري
وبالامس اعاد الينا ابوالهل الثقة واعلمنا ان النصر له طعم خاص
وابوبكر شريف سليل حراس عظام منحوا الملاعب رحيق حرفنة ورشاقة الغزال
سبت دودو
زغبير
حسن الطيب
احمد ادم
ويور (ويا سلام علي يور ده)
احمد هوبا
والكثيرين مما مروا علي خشبات مرمي الهلال كانو جميعا ترفرف ارواحهم حول الحارس الاسطوري ود شريف
وهو يمسك بالكورة التي شاتتها ارجل نجيريا وما ادراك ما ارجل نيجريا
اموكاشي
اوكاشا
كانو
وقربا لوال
وصن دي اولسي
وامانويل امونيكي
..ولكن ابوبكر كان امس حارس لقلوب الملايين من الشعب الطيب رجال ونساء
اطفال وشيوخ
ويا سللللللللام يا ابوبكر الشريف يا قباض ويا رشيق...
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: ASAAD IBRAHIM)
|
Quote: ملايييييين التبريكات يا حبيب
شغل نضيف |
سلام يا اسعد
والف مبروك لينا جميعا وفعلا شغل نضيف فن وكورة وقوة قلب واصرار ومكابسة الخصم في كل فج من فجوج
المعلب ...
وده الهلال العظيم فريق دوما يرد الروح
ولمن يلعب يلعب ويشهق معه الناس الفي المدن والقري والفيافي والوديان البعيدة
وحتي في كراكير الجبال ويشهق اغلبية الشعب بحبه..
ياسلااام ياهلال بالامس سينام الالاف الفقراء والاثريا وهم يتوسدون ذلك النصر الصعب المراس
المقتلع من براثن فريق شرش لايرحم هزمنا في داره ثلاثة وهزمناه في دارنا ثلاثة
والبرنس الود البرنس الزول الانيق الرشيق الفنان اللعاب الحريف
جاب البلانتي ونشر الفرح..
مبروك وانه موسم الافراح ونتمني ان تتواصل رحلة الانتصارات حتي ينتصر كل الوطن
...
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عبدالكريم الامين احمد)
|
اخي عبدالكريم الامين كيكي
الاخوة/ت الاعزاء
تحياتي
فخورا جدا بهذا النصر الكبير
فرحا جدا لفرح هذا الشعب الابي الطيب الجميل
الكل الان بالخارج يهتف للسودان وللهلال
رغم عدم متابعتي للانشطة الرياضية بالسودان لكنني فرحا فرحة لا توصف
اليوم انتصر السودان
انتصر هذا الشعب
ليتك اخي كيكي معي الان لتري الجميع هنا نساء واطفال شيبا وشبابا يصطفون
علي الشوارع في حين توقفت حركة السير بامدرمان ..
الكل يغني لهذا الوطن المعطاء
النساء يزغردن وامراة في حوالي الستين من عمرها تقترب من سيارتي لتهديني
زغرودة ..
بكيت فرحا اخي كيكي لهذا الانتصار ..
بالامس كنت محتفلا لفوز التحالف بالميدان الشرقي لجامعة الخرطوم في انتصارا
للسودان حيث احتكم الجميع وارتضي للعملية الديمقراطية ..
واليوم فرحا جدا لانتصار الهلال العظيم ..
وغدا سافرح جدا لفوز المريخ العريق ..
سافرح لفرحة هذا الشعب
الفرحة للوطن ..
هذا هو الوطن عندما يقف الشعب كل الشعب للتصفيق للهلال في انتصاراته
لاغيا الجهوية والقبيلة واللون والدين كلهم من اجل السودان يفرحون لفرحة
ويحزنون لحزنة ..
غدا سنفرح جميعا ..
غدا يا كيكي سيفرح كل الوطن ..
وغدا قريبا جدا لاننا ننتظره ونعمل من اجلة
نعم نعمل من اجلة ..
المجد للهلال
المجد للمريخ
المجد لهذا السودان العظيم
فخورا جدا بك يا سودان
مبرررررررووووك للجميع
مبروووووووووك للسودان
منعم
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: شهاب الفاتح عثمان)
|
ياكيكى ...
تحياتى ومبروك لشعب الهلال ...
عملتوها فينى ..لابرنامجك بدا بدرى ولاقدرت احضر كورة الهلال كلها ..
شغال بالتلفون مع صاحبى وليد ..
ياوليد الكورة كم ؟
يادوب ياخى بدات ..
على راس كل خمسة دقائق تلفون ..
اها كم ؟
واحد للهلال ..
وتانى تلفون كم ..
لسه واحد والهلال ضيع اقوان كتيرة ..
وتانى تلفون ..ياوليد الكورة كم ؟
الهلال جاب التانى ..
كدا انا وصلت الحد ..وبرنامجكم لسه مابدا ...
ياوليد كم ؟
الهلال جاب التالت ..
انت قايل تانى قدرت اقعد ..جرى على السيارة وبسرعة كادت ان تؤدى بى ..
و(خلى يولى ) برنامج ..وصلت مع ضربات الجزاء ..وهاك ياحرب اعصاب ...
حتى عانقت كورة هيثم الشباك وخرجت بعدها راقصا فى الشارع العام ...
انه الانتصار حين يكون باللون الازرق ..
الف مبروك لجماهير الهلال الانتصار المستحق ..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: محمد عبدالرحمن)
|
Quote: انت قايل تانى قدرت اقعد ..جرى على السيارة وبسرعة كادت ان تؤدى بى ..
و(خلى يولى ) برنامج ..وصلت مع ضربات الجزاء ..وهاك ياحرب اعصاب ...
حتى عانقت كورة هيثم الشباك وخرجت بعدها راقصا فى الشارع العام ... |
ياسلااام يا محمد عبدالرحمن
وفعلا يوم امس كان عصيب وملي بالزنقة التي لاتتيح زمن لمشاهدة كورة الهلال من قولة تيت
بالنسبة لي كان يوم عالي الخصوصية
بحضور الوالدة من السودان وفي نفس الموعد كانت مجموعتنا السودانية تقيم ليلة الاغنية الوطنية
بالاضافة لكورة الهلال ..فكان الامر عصيب ما بين المطار والهلال والحفل..وفي الثلاثة انا الكنت ضايع
ومشلهت وحالتي بالبلة..
وسعيد انني شهدت لحظات ضربات الجزاء الي نثرت فينا فرح خاص ووجع اعاد الينا الزمن الجميل
وذكرنا هلال الملايين ذلك الفريق المدهش الرهيب الصعب..
وارسل رسالة خاصة لصديقي المريخابي التاريخي (الزبير محمد المهدي) فاكيد انه عاني معاناة تاريخية
من هذا النصر الرهيب,,
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: شهاب الفاتح عثمان)
|
سلام يا دكتور شهاب
وفعلا الهلال تمام
وبالامس اعاد الينا سيرة الوجع والفرح وعزف علي وتر عالي اللحن والتون
واعاد الينا سيرة الايام الخوالي ايام الهلال الهلال.
الهلال الذي ينثر الفرح في قامة مليون ميل مربع
وبشعب طيب صبور يعشق الفرح ويحلم بغد جميل
مبروك لينا جميعا ومبروك لكل الغبش في الفيافي والوديان
والقري البعيدة التي تعشق الرادي لانه ينقل اليها غناوي وردي
وصوت المذيع الذي يوصف لهم اخبار لاعبي الهلال ومباريتهم..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عبد المنعم سليمان)
|
Quote: ليتك اخي كيكي معي الان لتري الجميع هنا نساء واطفال شيبا وشبابا يصطفون
علي الشوارع في حين توقفت حركة السير بامدرمان ..
الكل يغني لهذا الوطن المعطاء
النساء يزغردن وامراة في حوالي الستين من عمرها تقترب من سيارتي لتهديني
زغرودة ..
بكيت فرحا اخي كيكي لهذا الانتصار .. |
ياسلام يا منعم علي اصوات الزغاريد لمن تطلع لفرح وجهد ودهشة زي الجضمها ابو الهل
الهلال يا منعم وتر عميق في وجدان هذا الشعب الطيب
المحب لاشيائه مثل النيل
ومبروك للهلال
ومبروك لكل الناس الطيبة الذين ناموا قريري العين
وحالمين انتصارات قادمة تعيد لهذا الوطن العظيم سيرته الاصلية
وحقوقه الاساسية من براثن الطغمة الحاكمة..
مبررررررروك يا هلال..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: محمد سنى دفع الله)
|
Quote: فوق فوق
الهلال الهلال الهلال |
ياسلام ياهلال ياخي ويا سلام يا محمد السني ياخي
وحتما ستكون المدرجات يوم امس قد اشتاقت اليك والي قفشاتك الشهيرة
وانت الهلالابي الجميل الذي يظلل يرتجف كما (صحن الكاسترد) ليلة لحظات المباراة..
انه الهلال يا السني ومن غيره يصنع لنا الافراح ويجعلنا سكاري وما نحن بسكاري
هلال نقي وليد
هلال العوني وكرار ابوعلي وهود
هلال العمق العميق في ذاكرتنا ووجداننا السوداني الجمالي
هلال (شيخو) وسيماوي وحافظ عبيد وفوزي الاسد الاسد الرهيب
هلال المر الذي اذاق بلية الويل
هلال الدحيش وقاقا والدهب
انه هلال البرنس وجستن
انه هلال السودان
انني سعيد يا السني بعودة الفرح في الزمن الصعب
انه فرح المنافي والمطارات البعيدة بنصر اتي من براثن الاسود النجيرية,,
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: الملك)
|
ياسلام يا الملك ياملك
وشكرا علي هذه الصورة التي جعلتنا في الحدث تماما
وامدرمان يوم امس ستكون ضجت بالفرح والسعادة في كل بيوتها
فالهلال سطع عاليا في سماء الوطن ورسم لوحة النصر
هل الهلال بكل جبروته وقوته التاريخية وحب الناس له
وياسلام علي ام در وحي العرب وكل احيائها المدهشة المليئة بقوم يحبون الهلال العظيم..
...
....
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: REEL)
|
| Quote: يا سلااااااااااااااااااااااااااااااااام شديد |
وفعلا يا سسسسلام يا ريل
ومن اسمك كان شايل تنقا الرشاقة والخفة
ومن الريل والظباء شال المرحوم شيخ ادريس كل لعباته الطائرة التي كانت يجيدها
ويمتع بها الجمهور السوداني ..
كل لعبية الهلال وعبر العصور والتاريخ تجمعهم رشاقة مميزة ومميزة نادرة هي الحرفنة
والحرفنة الفطرية النابعة من وجدان هذا الشعب الفنان...
والف شكر وتحية يا ريل وسعيدين بمرورك عبر فرح الهلال الذي اثار الشجون والكوامن
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: tmbis)
|
| Quote: ده يوم عظيم يا كيكي .. ودي مواسم أعياد .. مبرووك للهلال العظيم .. ومبروك للسودان العظيم |
ياسسسسسسلااام يا تمبس
ويا سلام علي ام درمان
وياسلام علي السودان
وتاني ياسلام عليك تاني يا تمبس يا فنان
وياسلام علي ابو الهل العجيب الرهيب العالي الترتيب والنشيد
الهلال امس يا تمبس كان في اوج وهجه وبريقه وفي اعلي درجات ابداعه
وتسربل ابنائه وتنادت ارواحهم من كل فج بعيد وقفوا(جن ازرق) عالي الصياح ...
وليتني يا تمبس منيت نفسي بمداعبات العامة ومرحهم العالي وفرحهم المستحق
في المنطقة الصناعية المكنيكية ناس عمر فرعون واسامة كلتش وادم عفريتة وابكر جربوكس
وعثمان طرمبة
الجزارين في كل فيافي البلد ناس (كباية) وبابكر لبشة وابراهيم قايمة
طلاب المدارس
وسائقي عربات المواصلا ت العامة
وامام كشك الجرايد عند الصباح
وعالم الرياضة عن الظهيرة وحديث الرشيد بدوي عبيد
وياسلام ياتمبس علي الروعة والنصر لمن يجي من الهلال ساعتها يكون ذلك فرح امة وبلد كامل..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: Ahmed Mohammed Osman)
|
Quote: وكل زول فرح بهذا النصر المستحق (رجالة عديل)
ونفول هاردلك لكل من كان مرجف ومشكك في تاهل الهلال |
مرحب اخي احمد محمد عثمان..
وفعلا نصر مستحق ورجالة وقوة عين وكبع واصرار شديد وكورة (وطة)
وفنيات (ون تو) وخد وهات وكل تكتيات (التيوة) كما ابدع فيها جورج بست
وماردونا وبيلة..
ففتتية الهلال يوم امس ابدعوا ولعبوا كورة القدم في اعلي درجاتها خلفها
جمهور صعب المراس وقاسي لا يتلاعب ابدا في هلاله
مبروك للهلال..ووجع وجع الهلال رجع..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عبدالكريم الامين احمد)
|
فعلها هلال السودان و أخرس المتغطرس أموكاشي الذي أراد أن يبني مجده على أكتاف شعب بأكمله .... و لكن هيهات
هيهات يا أموكاشي فأنت لم تعرف السودانيين بعد.... هيهات
التحية لنيلنا الذي شرب منه هؤلاء الأبطال .... التحية لأرضنا التي أنجبتهم .... التحية لسوداننا الذي استظل بسماء تحوى هلالاً هو هلال السودان .... التحية لهلال السودان
ويا أموكاشي الله يدينا و يديك
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عبد المنعم ابراهيم الحاج)
|
| Quote: التحية لجماهير الهلال واحد واحد |
سلام وتحية وقندران كامل محبة للجميل منعم ابراهيم
وسلام وتحية اجلال ومحبة لابو الهل وكل الناس البتحب ابو الهل
الهلال الصعب الكاستو دهب..
الهلال البسل الروح ويخلي شهقة الارض البكر تدوزن زمن الغربة الاشتر
فرحان يامنعم لفرحكم جميعا وفي زمن ادمنا فيه المواجع والفجيعة اتي
الهلال ليفتح لنا (كوهة) من الدهشة والتامل في العيش بقامة وراس مرفوع
ودمت ايها الصديق العالي الجمال..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: غباشي)
|
Quote: فعلها هلال السودان و أخرس المتغطرس أموكاشي الذي أراد أن يبني مجده على أكتاف شعب بأكمله .... و لكن هيهات
هيهات يا أموكاشي فأنت لم تعرف السودانيين بعد.... هيهات
ال تحية لنيلنا الذي شرب منه هؤلاء الأبطال .... التحية لأرضنا التي أنجبتهم .... التحية لسوداننا الذي استظل بسماء تحوى هلالاً هو هلال السودان .... التحية لهلال السودان
ويا أموكاشي الله يدينا و يديك |
سلام يا غباشي يا رائع
ياسلااااام عليك انت في الاول
وبحضورك يا صديقي ترن في الذاكرة سيرة اعظم الذين انجبتهم الملاعب السودانية
المساح الجميل (محمد متوكل) لاعب الهلال الشهير الذي ادمن الحرفنة والمحاورة في (قزازة)
كان هذا اللاعب يا غباشي فلتة عصره ورقم صعب المراس في كل مبارياته التي خاضها من اجل
الهلال والكلية .وكان نموذج تاريخي للاعب الهلال المهذب الراقي الحريف الدارس الكتاب
والماس والكفر...
ويا اموكاشي الله فعلا يدينا ويديك وفرتق يا اموكاشي (كاشششششنكا)
كا كشششششنكا دي كلمة عالية المرح برطانة الهوسا يا غباشي بشرحها ليك بالماسنجر
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: Gaafar Ismail)
|
كيكي الجميل
اردد ما قاله والدي عليه رحمة الله قبل اكثر من ثلاثين عام،
هلالي يا اعظم هلال
يا درة يا الأهلك رجال
قاقا الحريف هز الحبال
دحيشنا يا سيد المجال
قال للدفاع امش و تعال
خلاه كالريح وسط الجبال
الريح العاتي الفعال
ما بيخلي كورة على الشمال
لو نط تقول أسد القتال
مبروك لهلال السودن هلال الملايين
تحياتي
عمار يس النور
عاشق بخت الرضا
و عاشق الهلال
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عمار يس النور)
|
تعرف يا كيكي
قريت مداخلاتك في بوست المريخابي الحاقد كيغا، يوم 8/4..
وبالجد الواحد كان ماسكو طمام من تلاتة الذهاب، ومن اليوم داك، عندي صاحبي مريخابي هاريني هري..
أها الليلة أخوك مبسوط مشيت قريت لكل الحاقدين الحُمر، ولقيت مداخلاتك بهناك.. تقول ليهم  سو صبر)
ولو قريت كلامك بهناك حينها، كنت قلت كيكي بطمن في نفسه ساكت..
أها يا كيكي يا صديقي، عشان تفاؤلك الجميل ده، أنا تاني معاك قلباً وقالباً، ضد ملاسي ذاتو
_____
بما أنو ملاسي ده زول عزيز علي، وإن شاء الله هو ذاتو يطلع هلالابي(نصلحكم) عشان نعمل فريق (الأزرق القطيم)
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: Yassir Tayfour)
|
Quote: أها الليلة أخوك مبسوط مشيت قريت لكل الحاقدين الحُمر، ولقيت مداخلاتك بهناك.. تقول ليهم سو صبر)
ولو قريت كلامك بهناك حينها، كنت قلت كيكي بطمن في نفسه ساكت.. |
سلام يا ياسر والف مبروك وياسسلام عليك يا هلالي يا صاقعة..
وليتني كنت في قريتي الوديعة ودهاشم لقدت مظاهرة صاخبة صوب منزل المريخابي التاريخي (احمد كده)
وصديقي المرجف العالي النكد ضد هلالنا العجيب (الزبير) والمجرم التاني صديقي (الصادق)..فانهم مريخاب عااالي الجمال ولكن لا يضيعون فرصة (غلغلة) او تكدير الاجواء الهلالية عندما نهزم واظن اثنين منهم يتابعون هذا البوست فلهم مني الضرب التقيل والغلغلة التي لا ترحمهم ابدا...
..مداخلتي يا ياسر في بوست المريخابي الحاقد(كيغا) كانت مدعومة بخلفية روية الهلال علي المعلب امام
الزمالك بعد غيبة طويلة وبتركيز عالي تسريت وايقنت ان هذا هو الفريق الذي قادر علي صنع المعجزات
فطريقة اداء لاعبيه كانت مليئة بالحرفنة والتركيز والعملية وقد تلاحظ الاصرار والانضباط التكتيكي بخطة
المدرب فساعتها لم يساورني ادني شك في حتمية الفوز علي هذا الفريق النجيري...
فحن يا ياسر نعشق الهلال ونبضه ونحس تماما مثل جسدنا فهو روحنا ودمنا.....
...
ملاسي ان كان هلاليا فهذا عهدا مني بان الحرب ستضع اوزاها لمدة ثلاثة ايام هلالية ..
وبعد داك كل (قرد مننا انا وهو يطلع شجرتو) (كما كنت)
واما ان كان مريخيا احمر اللون لايسر الناظرين فانه الويل والعذاب والضغط علي بنزين
المساككة...
لك كل الحب ياسر ولملاسي وردة لكن بلا رائحة(وردة رمادية اللون)
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عمار يس النور)
|
Quote: هلالي يا اعظم هلال
يا درة يا الأهلك رجال
قاقا الحريف هز الحبال
دحيشنا يا سيد المجال
قال للدفاع امش و تعال
خلاه كالريح وسط الجبال
الريح العاتي الفعال
ما بيخلي كورة على الشمال
لو نط تقول أسد القتال |
صديقي الجميل صديق المسافات والزمن الجميل وعاشق بخت الرضا والبخت فيها (عمار يس)
نبتهل بالدعوات الصادقة علي روح الوالد العظيم (يس النور) ونسال الله له الرحمة وجنات الفردوس...
وحضورك يا عمار يذكرنا هلال الزمن الجميل وبريق هلال 87
يور
تنقا_طارق_ مجدي_ الثعلب
منقستو_ حمد_العوني -كندرا
وليد_ واسامة البلدوز
...ولك ان تضيف الديبة الحاجة العجيبة والعديد من المدهشين الذين عطروا ايامنا تلك بالفرح
وعمقوا حبنا الازلي للهلال..واشعلوا يا عمار ليالي البركس بالفرح النبيل..
الهلال يا عمار (ومضة) عالية الضياء والسيرة في الوجدان السوداني
ويحبه الجميع بهارموني فطري وتتسامي في حبه كل الوان طيف ذلك البلد الجميل
دمت يا عمار هلاليا لا تاخذه المسافات ولا المطارات البعيدة عن عشقه الازلي
وياسلام عليييك يا عمار ويا سلام علي الهلال العظيم..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: Gaafar Ismail)
|
Quote: ألـــف ألــــف مــبروك للهلال
ألـــف مبروك للكرة السودانية |
الف مبروك اخي جعفر اسماعيل
ونبارك معك ايضا لكل الكورة السودانية التي نتمني ان يلهمها نصر الهلال العزيمة
والاصرار وحرارة القلب التي نثرها ابناء ابوالهل في الملعب نتمني ان يلهمها كل
ذلك العزيمة للخروج من عزلتها التاريخية ومنذ كاس افريقيا 1970
والكاسات التي حملها مريخ ما نديلا جوا والمباريات التاريخية التي اداها الهلال في نهايات كاس افريقيا فارقنا طعم النصر والدهشة تجاه فريق سوداني لكرة القدم..
ولكن نصر الهلال فتق الوجدان ونثر عزيمة وامل عالي الصوت...
ودوما يبقي الامل يا جعفر
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: امجد محمد الأمين)
|
Quote: غنو للهلال الوطن ...
للهلال الأمل...
للهلال العظيم ...
الزعيم ...
مجندل الابطال |
سلام ياامجد والف تحية ليك وللهلال الصعب
فعلا سيغني الجميع للهلال وبكل اللغات واللهجات
وسيعزف نشيد عالي الصوت وبموسيقي تخلد لسيرة (عودة الفرح)
فالهلال علينا دينا غالي الثمن لما وهبنا له من جمال ودهشة
...الف تحية وياسلام علي الهلال ياخيييي
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: ملكة سبأ)
|
الف تحية يا ملكة سبا
واتيتي وتحملين من سبا خبر هذا الفتي الضليع الرشيق العالي التهذيب والحرفنة
اتيتي وقبل قدومك اخبرنا ذلك الهدهد المدهش بان هذا البرنس الذي اتي بمعيتك
سليل تاريخ لهلال ضرب عميقا في الارض السودانية فاورثها حركة وطنية ولاعبي تيوة منذ ايام بعيدة
صديق منزول
جكسا
عروة
الدحيش
وتواصل انهمار الجمال لياتي الينا جيل
قلة الفرتق الشلة
ورشيد المهدية
وعادل العوني
وحضرة
ثم القاطرة البشرية (منقستو) الصعب الذي كان يقدم محاضرات عالية النبرة في فنون لاعب الوسط
ومهامه الاساسية من مباغتة ومهاجمة وتوزيع الباصات التي تخلع.....
البرنس يا بلقيس
لعاب .وذكي وعنوان كبير للاعب الكامل وصرعة لجمهور الهلال الذي عشق كندورة
وجلال كادوقلي وكاريكا ومتوكل عبدالسلام..
ووليد طاشين..
البرنس معشوقنا وقائد فريق يحبه الجميع بلا حدود
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: الفاتح خليل الفكي)
|
| Quote: من غير الهلال يصنع النصر والفرح |
مرحب اخي الفاتح..
ومن غير هذا الهلال يعطي هذا الشعب معني ان يعيش ان ينتصر
الهلال
شهقة وتيم عالي النبرة
جمهوره عالي الجنون ويعشق الهلال في لحظاته
في هزيمته نعشق الهلال وتنام الفيافي حزينة ولا عشاء ولا نيران تولع في مضاربها
في انتصاراته نبكي فرحا وتنام المدن والفيافي وهي سعيدة
نحن نحب الهلال اخي الفاتح لاننا نحب الجمال والدهشة..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: بهاء بكري)
|
والله فعلا يا سلام
إبداع ما بعده إبداع
غايتو الله يغفر لينا من العملناه أمس في الجيران
صياح وكواريك ودموع فرح.
الله أنصر الهلال دوما
وعقبال المريخ اليوم.
وأنا متفائل بفوز المريخ اليوم طالما طمبل موجود(حقد دفين ههههههههههههههه)
اللهم أنصر المريخ اليوم يا رب عشان أبوي وأخواني ينومو متعشيين ومبسوطين.
لأنه انا الوحيد الهلالابي فيهم.
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: حسن إبراهيم خليفة)
|
Quote: والله فعلا يا سلام
إبداع ما بعده إبداع
غايتو الله يغفر لينا من العملناه أمس في الجيران
صياح وكواريك ودموع فرح.
الله أنصر الهلال دوما
وعقبال المريخ اليوم.
وأنا متفائل بفوز المريخ اليوم طالما طمبل موجود(حقد دفين ههههههههههههههه)
اللهم أنصر المريخ اليوم يا رب عشان أبوي وأخواني ينومو متعشيين ومبسوطين.
لأنه انا الوحيد الهلالابي فيهم. |
مرحب بالاخ حسن ابو علي
وحبابك وحباب الهلالاب سياد الساس والراس ولنا جميعا الحق تماما في الفرح والتغني والكواريك
وضرب الصفائح وكما لاخواتنا وامهاتنا الحق في اطلاق الزغاريد عاليا لتعانق عنان السماء...
انه هلال السد العالي سليمان فارس
هلال عبدالخير صالح وابنه
هلال اولاد ابو الجاز احمد وامير ووالدهم
هلال حمد والديبة حاجة عجيبة
هلال ابراهيم وصالح اولاد سنار..
هلال زاهر مركز وصبحي صاحب القون الذي قيل ان الملك فهد كان يطالب به يوميا قبل النوم
(والله ابقي قوون هاي السوداني)
هلال معتمد خوجلي
هلال عاكف عطا وكومي
انه هلال (كمبا) والطاهر حسيب وكرشنقا احرف من مشي علي قدمين
هلال انس النور وبقة وتنقا اولاد (ابو قبة فحل الديوم)...
...
ودعاوينا جميعا للنجمة بالفوز حتي يتعشي الكثيرين من الجيران والاحباب
والاصدقاء الذين حتما افرحهم (فوز الهلال) ولو كره البعض منهم ولكن يظل الهلال منتصرا للوطن
الجريح...
وسلام يا هلال سلام..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: زول ساكت)
|
Quote: ياسلاااااااااااااام ياهلال ياخي
ياسلاااااااااااااااام
ياسلااااااااااااااااااام
ياسلااااااااااااااااااااااام |
الف التحايا اخي الزول
فالهلال دوزن فرح الزول ومنحه بعدا عالي التوهج والبريق
الهلال نثر السعادة والدهشة في وجدان الزول الذي رحل الفرح عنه منذ زمن
الهلال هلال الزول
وحلم الزول وشهقة الزول لمن يهوي مبدعيه
الف مبروك يا زول والف يا سسسسسسسلا م يا هلال..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: زول ساكت)
|
Quote: ياسلاااااااااااااام ياهلال ياخي
ياسلاااااااااااااااام
ياسلااااااااااااااااااام
ياسلااااااااااااااااااااااام |
الف التحايا اخي الزول
فالهلال دوزن فرح الزول ومنحه بعدا عالي التوهج والبريق
الهلال نثر السعادة والدهشة في وجدان الزول الذي رحل الفرح عنه منذ زمن
الهلال هلال الزول
وحلم الزول وشهقة الزول لمن يهوي مبدعيه
الف مبروك يا زول والف يا سسسسسسسلا م يا هلال..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عبدالكريم الامين احمد)
|
يا كيكى
سلام
رغم انى لى اكتر من خمسة سنة حالف طلاق (زى بتاع الفاتح جبرا) ما اشوف كورة سودانية لكن والله فرحت عشانك و عشان تمبس والغياظ عمر الفاروق ...
يا كيكي انحنا شفنا في الاستاد قدامنا عديييييل كده ناس الدحيش وقاقارين و قلة والريشة و فوزى لحدى ناس النقر و المهدية ... نجى "نوسخا" بي كرور الزمن ده, اها انا مصر اشوف بس كورة بي مستوى زمان, يعنى رونالدينو ... لامبارد, قيقز وانتا ماشي
غايتو خوتـكم ما بناباها لكن الكورة الفيكم اتعرفت
ع.ج.س.
هلالابي بالمعاش
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: Dr.Saeed Zakarya Saeed)
|
Quote: هيثم مصطفي
البرنس
هو النصف الاخر للهلال |
مرحب والف سلام يادكتور
والف مبروك للهلال وللسودان
وفعلا هيثم البرنس ..برنس ولورد وكارزيما عالية خارج الملعب وداخله وكابتن حقيقي لفريق بقامة الهلال...
لاعب عند تاتيه الكورة تحس بالامان وتمتع نفسك بالتصرف السليم وتشهق للباص (الصاح)
الغير مقري للخصم..
ذكاء فطري وحرفنة ورشاقة مكتسبة وتحس بقوة ودهشة جكسا
وفنيات صديق منزول وخبث ودهاء الدحيش واختراقات (قلة)
وقوة قلب العوني ورشاقة رشيد المهدية
البرنس لاعب معجون من عسل ورحيق كل الكارزميين الكبار الذين مروا علي ساحة الهلال
والله يخليك يا برنس ومتعه الله بالسعادة كما اسعدنا..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: esam gabralla)
|
| Quote: يا كيكي انحنا شفنا في الاستاد قدامنا عديييييل كده ناس الدحيش وقاقارين و قلة والريشة و فوزى لحدى ناس النقر و المهدية ... نجى "نوسخا" بي كرور الزمن ده, اها انا مصر اشوف بس كورة بي مستوى زمان, يعنى رونالدينو ... لامبارد, قيقز وانتا ماشي |
ياسسسلام يا عصام والف تحية
وياهلالابي يا قديم وانا متاكد وعارف انك قديم في الملاعب وسمعنا انك دفعة (سانتو الكبير) في اتحاد مدني.
والحق السوق يا عصام وحصل (هلاليتك) قبل ما نصدر فورمان بسحبها منك
فالهلال يا ياصديقي اتي اليه جيلا جديد عالي الشدة والباس واعاد الي الملاعب سيرة الزمن الجميل
والكورة البتطرب زي المزازيك والغناء..
اولاد ياعصام زي الصاعقة لعب وفن وهندسة
ومخ نضيف يطبف تكتيكات الكوتش بضبانتها من السبورة للميدان وبالمسطرة.
قوة قلب وحمرة عين وشغالين تلطيش في الجماعة لفت (رايت)..
وشعارهم دوما (تغلبنا 3) نغلبك ثلاثة ونحاورك لمن تقتنع..
ده الهلال يا عصام كسر عقدة الكورة المصرية التي كانت شوكة حوت
طقطق الزمالك (رايح) وجاي
وخلي حبايبنا المصريين لسان حالهم يقول (اييييه العفاريت دول)
حصل يا عصام ومتع نفسك بهلاليتك واحصل علي الفن والدهشة..
وكل الحب والتقدير يا صديقي...
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: مبيوع)
|
شكرا يا دكتور يا فنان يامدهش
نعم انه فوزي المرضي ..فوزي الاسد
اخطر الذين مروا علي تشكيلة الهلال العظيم في كل فتراته..
فوزي نموذج عالمي واستاندر للمدافع الحقيقي عن المرمي ضد الخصوم اينما وجدوا
وحيثما اتو..
قوة انقضاض
وتركيز عالي
وتصرف سليم في اصعب مناطق الملعب خطورة امام المرمي..
ولو كان الامر بيدي لدرست طريقة فوزي الاسد المميزة لكل الجيل الصاعد في دروب كرة القدم..
محب للهلال وارتدي علم السودان في مباريات عديدة.
وادي دوره في منظومة الهلال لاعبا ومدربا لا يتواني او يتاخر من اجل عشقه الابدي الهلال..
له التحية والحب الكبير والاعجاب
والتهنئة القلبية لرجل بقامة فوزي المرضي..الاسد..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: شادية الطيب)
|
Quote: انا غايتو ما بعرف للتحليل الكروي لكن فرحة زي دي لينا منها زمن وعرفت انه السودان كان بيت عرس كبيييييييير والناس طلعت الشوارع وكانت فرحة فعلا للكل
ربنا يتم علينا الفرحة بالكاس |
الف مرحب وكل الشكر واختي العزيزة شادية
وحبابك في فرحة الهلال والهلالاب بذلك النصر الصعب علي فريق شرش
وعنيد..
وفعلا يا شادية ستطلع كل الناس الشوارع وستشق الزغاريد عنان سماء الوطن
الذي يتوق لمثل هذه اللحظات الفرحة..
ووتمني يا يظل بيت العرس السوداني عاليا بدلوكته وزغاريده ويلهمنا نصر الهلال هذا
انتصارات دوما تفرح هذا الشعب الطيب الذي لا يستحق الا الخير والبركات..
وكل تحية يا شادية..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عبدالكريم الامين احمد)
|
هذا هو الوطن عندما يقف الشعب كل الشعب للتصفيق للهلال في انتصاراته
لاغيا الجهوية والقبيلة واللون والدين كلهم من اجل السودان يفرحون لفرحة
ويحزنون لحزنة ..
غدا سنفرح جميعا ..
وفعلا تحقق الحلم وفاز المريخ فالف مبروك للهلال العظيم والف مبروك للمريخ العظيم.
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عبدالكريم الامين احمد)
|
عشرون نجما هلاليا و ووهج _جكسا_ من الذاكرة
1-استايل لعب
2- مباريات خالدة
3-وهج اللاعب وصداه داخل الوجدان الهلالي
وسنحلق عبرهم نجما نجما ونعيد سيرة الهلال فينا
1-احمد ادم
2-يور
3- فوزي الاسد
4- شيخ ادريس كباشي
5-طارق
6- تنقا
7-صديق الرميلة..
8_قاقرين
9_الدحيش
10_منقستو
11-كندورة
12-اسامة الثغر
14-مصطفي النقر
15- ابراهومة الديسكو
16-الريح كاريكا
17- محمد متوكل
18-العوني
19-كمبا
20_هيثم البرنس..
.................................وسنعود..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عبدالكريم الامين احمد)
|
جكسا...
لن يتاح لنا في ذلك الزمان رويته وهو في الملاعب فقد كان اعتزاله لكرة القدم التي ابدع فيها
هي بدايات وعينا بما يسمي بالهلال وكرة القدم عموما..
ولكن الشاهد بان هنالك صورة مميزة لهذا اللاعب وهو (يقلب باكورد) امام المرمي علي ارتفاع شاهق
بطريقة مميزة لم نراها الا عند الاسطوري (بيلة)..وقد اسمينا هذه اللقطة (عشرة الف متفرج يشهدون
تمرين الهلال اليوم)..
ولكن المتواتر الينا بانه كان صرعة لاتقاوم ويمتلك فنيات وحماس عالي للنصر في كل المباريات التي
بدات شهرتها في مباراة المولد الشهيرة التي اوقفت تمنيات المريخ ..لتضخ لنا حلوي طعمها مميز
تسمي حتي الان (حلاوة جكسا)...
في تمارين فريق الصن دي في الميدان الغربي بجامعة الخرطوم شهدنا كهلا ابيض الشعر وعالي التحكم
في المستديرة وقادر علي ارسال باصات ندر رويتها في ملاعب ذلك الزمان .وايضا تلاحظ سهولة ركلة
للكورة من خارج (خط 18) لتعانق الشباك بكل سهولة ويسر ودون معاناة تذكر...
ذلك هو نصرالدين عباس جكسا..الق عالي وكارزيما فائقة الوصف ومعشوق حقيقي لجماهير الهلال ومنذ زمن بعيد....
قيل لي ان احد اقربائي اتي من غرب السودان وكان مولعا ولعا لايوصف بجكسا ليلقاه بالصدفة
في احدي شوارع الخرطوم لتنهمر الدموع من ذلك المشجع الهلالي الذي اتاح له الزمن روية جكسا
بعد ان كان خياله مضي وعبر الراديو بابداعات جكسا واهدافه القاتلة...
كل الحب والتقدير لهذا الرمز الهلالي الضارب الجذور في الوجدان الهلالي اينما كان..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عبدالكريم الامين احمد)
|
ياسلام ياخى ياعبد الكريم
قرات ما خطه ( كيبوردك ) العجيب واعدت الينا الزمن الجميل
مع حبيب الكل الهلال سيد الاسم والذى تكاثرت من بعده الاهلة
تاسيا بفارس ارض النيلين ..
وليد طاشين
عصام عبد الخير
سيماوى
كوة
كتم
قاسم احمد عثمان
عثمان الجلال
عروة
الساحر الكبير سيد الاسم
عصام سليم ابو الجاز
عبده مصطفى
عصام مصطفى عمو
على عبد القادر
نادر كمبيوتر
الرشيد سترلينى
مبارك باكنباور
صلاح قطبى
جميل
الاسيد
مناوا
زروق بتاع درون الزمالك فى القاهرة سنة 81
الضو سنار
صديق الرميلة
اسامة النور
جلال كادوقلى
شمس الدين
هشام الطيب
يوهانس
كل هؤلاء وغيرهم اخذوا جمالهم من عنفوان الهلال والقه الذى لا يخبو
ياسلام ياصاحبى ياكريم
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: غباشي)
|
| Quote: طبعا جكسا و عبقريته الفذه قد لا تتكرر مرة أخرى في ملاعبنا ... فكلما سمعت عما روي عنه أشعر بشئ من الحزن لأنني لم أحظ بحضور ذلك العهد الذهبي .... زمان أيام ما كنا في المدرسة الثانوية كان في حركة جميلة في كتب نايل كورس بتاعت الإنجليزي .... لأنو كان فيها دمج ما بين الحياة العامة في إنجلترا و في السودان ... يعيني كان في نمازج من الجانبين و بتذكر بالتحديد في نايل كورس 4 كان جايبين (Article) عن جكسا كشخصية شهيرة جديرة بالوقوف عندها و تعرضت عن زيارته لإنجلترا للعلاج و حضوره لنهائي كأس العالم 1964 ..... و الله كانت من أجمل ما قرأت بالإنجليزية عن شخصية سودانية حقيقية نفتخر بها على مر الأزمان ...... |
مرحب بالجميل غباشي مرحب
واجمل العبر والدروس هي الية ربط الاجيال معا عبر ورود سيرة العظماء وتواتر اخبارهم عبر منهج
مدرسي صارم حتي يرسخ في الوجدان مبدعيين مثل (جكسا) واخريين اعطوا الوطن شحنات وجدانية تساهم
كثير في تنامي احلام الجميع...
وجكسا يا اخي غباشي مهارته وتجويدة للتيوة كانت حديث لا يمل وصورته التاريخية (الدبل كيك) كافية
وعنوان كبير يحكي لنا عظمة هذا اللاعب الضخم..
وبقراية سريعة لتلكم اللعبة المميزة يا غباشي يمكن ان نرسم ف مخيلتنا حجم ابداع وموهبة (جكسا)
العجيبة
فتلك اللعبة تعج معطيات عديدة وتحتاج الي فنان بمواصفات معينة وذكاء خاص ولياقة عالية
تتيح تنفيذ هذه الجملة ..فهي حوار ما بين اللاعب الفنان وسرعة واتجاه وارتفاع الكرة
ثم حوار داخلي اخر كافي لتحويل وضع اللاعب من راسي الي افقي طائر ثم تنفيذ صحيح
ثم ايلاج الكورة في الشباك ويا حبذا لو ذهبت الي (التمنيات) وساعتها تمكن اكثر اللقطات
اثارة ودهشة وتحكي عن لاعب حقيقي وفنان..
كنا نسمي هذا اللعبة (اربعة لساتك فوق) وهنالك القليلين الذين يبرعون فيها عالميا ومحليا
وواذكر انني شاهدت الاسطورة (بيلة) في احد الاشرطة السينما ئية يوديها بكل مهارة..
وايضا يعجني اللاعب الغاني في الدوري الالماني في السابق (ايبوا) ثم لاعب يسمي (اكوا)
كان لا يتواني في اصعب اللحظات من تنفيذ هذه اللقطة التي لا سبيل معها غير شهقة اعجاب
وتصفيق حار..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عبدالكريم الامين احمد)
|
احدي عشر عاما هي سنوات وقوف الاسطوري احمد ادم (عافية) في خشبات مرمي الهلال وفيها لم يستطيع
الخصم التقليدي المريخ من هزيمة الهلال في حضور ذلك الحارس المدهش ..
الشجاعة والمرونة والتركير العالي بالاضافة الي ترقب الحدث والسيطرة علي منطقة خط 6 ذات الخطورة الفائقة في حضور مهاجمين كبار لا يتوانون في احراز اصعب الاهداف .كل الخصائص اعلاه كانت هي المميزات
التي تظلل (احمد ادم بجانب) بقوامه الفارع وتميزه في صد الكرات الطائرة وترقب الشوتات الارضية في
زوايا المرمي الضيقة بجانب قيادته الخلفية لكل اللاعبين من امام المرمي..
احمد ادم ارتبط بالهلال ولازال ينقل موهبته الفذة للاجيال اللاحقة بكل انضباط واخلاص وحب كبير للهلال
وايضا توسع افقه الاكاديمي وثقافته المعرفية اتاحت له ان يطور في ادوات موهبته لصالح الجيل الجديد
وهو من اللاعبين الذي استغلتهم الة الاعلام التجارية في تجربة نوعية اتاحت (لزيت) عافية المنتج السوداني في ذلك الزمان الانتشار اعتمادا علي جماهيرية هذا الحارس الكبير الذي صال وجال وقدم احلي
اللقطات وصد اصعب الاهداف وخدم الهلال باخلاص وتهذيب عالي ولذا صار من الخالدين في سيرة الهلال
بجانب الحراس الاسطوريين كسبت دودو وزغبير وحسن الطيب...
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عبدالكريم الامين احمد)
|
الرائع عبد الكريم
لك التحية في هذا التفرد الجميل في حب الهلال
Quote: الرائع غباشي
لك العتبي حتي ترضي
شكرا على كلماتك الجميله
خدلجة رعبوبة جوذرية اضاءت لنا من مفاتنها سحرا
اها كمل فنجانك واقراه لينا |
مرحب بيك يا دكتور....و يا سلام عليك
و لا يهمك ياخ ... ما بيناتنا  ... انا دايما مع اللعبة الحلوة
| Quote: كنت متوقع كلمة واحدة ؟ سؤال واحد ؟ |
اللي هي/هو ؟ (ما فهمتك و الله)
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: غباشي)
|
مرب الاخ غباشي وحباب دكتورنا االراقي زكريا
وحباب كل عشاق الازرق الجميل...
ولازلنا نتجول في هذه اللستة المختارة لنحكي عبرها بعضا من وهج الهلال وسيرته العطرة فينا
وسننوع اللعب ونتخطي التسلسل لنداخل الاجيال ونذهب اليوم الي فتي لا يوصف وعالي الحرفنة..
وسنعانق
هاشم تية كرتون الشهير بكندورة..
ارسلته الحصاحيصا المدينة الرائعة الجمال الي عمق وسط الهلال بفنياته العالية ومقدرته الفائقة علي
الاختراق بكورة تكاد تراها (مربوطة) بخيط سميك بين ارجله التي تتحول في لحظة الي ارجل عديدة تزغلل
عيني الخصم الذي يذهب به كندورة في لحظات كالبرق في مرواغة لاقانون فيها الا حرفنة هذا الفتي الجميل
ومقدرته العالية علي الخداع والتمويه..
سطع سريعا كالوهج في وسط فريق الهلال وصار لاعب محوري تبني عليه الكثير من خطط وتكتيكات المباريات
وفي احدي مباريات الهلال الافريقية مع فريق فيلا الاوغندي وكان وقتها الدكتور شداد هو من يتقلد تدريب الهلال..طلب منه شداد الاختراق وقال له بالحرف الواحد اخترقهم يا كندورة (اخترق) ويبدو انو كندورة لم بفهم او لم يسمع ذلك ليردد شداد بالعامية المحلية (حاورررهم يا كندورة اليوغنديين ديل)...
ليمسك كندورة في (حاورهم هذه جيدا) ويراوغ في تلكم المباراة كل من تقع عليه عينيه يمينا ويسارا
ولو اتيح له زمنا حتي وقتنا هذا لحاور حتي جيش الرب وجوزيف كوني...
..كندورة نموذج لاعب الوسط الايجابي صاحب المجهود الوافر وصناعة اللعب ونحلة من النشاط وتمكن خطورته
دوما في التحرك في الجهة اليمني من المرمي وامام المرمي,,وهو من اللاعبين المميزين الذي تبداء
مكنتهم برزم واحد ووتيرة واحدة منذ بداية المباراة حتي نهايتها (بنفس واحد لايكل ولايمل) وهونموذج للاعب السخي العطاء ومجود لمهاراته ومسخرها لمصلحة التيم ويرك..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عبدالكريم الامين احمد)
|
Quote: الشكر الكتير للاخ عبدالكريم
علي هذا التوثيق |
الصديق غباشي
كنت اقصد انك ممكن تورينا الي اين يسير بنا الهلال في التصفيات القادمة
والسؤال الوحيد المنتظره منك هو
هلال الملايين قد قضي علي عقدة الكرة المصرية والنيجيرية باموكاشوهم
فهل يستطيع الهلال ان يفض عقدة الكرة التونسية والتي تجلس في التصفيات القادمة وجها لوجه مع الهلال
غباشي هل تصدق ان قريق الهلال عمره ما انتصر علي فريق تونسي قط
وعشان كده كمل فنجانك واقراه لينا
تحليلك مهم جدا
اها كمل فنجانك واقراه لينا
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: Dr.Saeed Zakarya Saeed)
|
عبد العزيز زكريا او قل منقستو وان شئت لاحقا لاطلقت عليه (منقة) عقب مباراته الاولي الشهيرة وهو يرتدي الثوب الازرق الموشح ببياض ناصع عقب مجيئة التاريخي من اعرق الفرق الخرطومية وهو النيل
في تلكم المباراة التي كان الهلال يلاعب فيها فريقا اتي من العراق كان منقستو موعود بوهج خاص
وسفر طويل لقلوب جماهير الهلال ..فقد كان منصة لاطلاق صواريخ ارض_ارض ثم ارض _جو احتار في امرها
عدنان درجال وبقية كتيبة العراقيين الذين انبهروا تماما لخاصية تفرد فيها (منقة) كثير وتحكي عن
حرفنة عالية وتسخير لكل اعضاء الجسم لخدمة الكفر وهي التثبيت بالصدر..وهي لعبة تحتاج الي ذكاء
وتركيز وقياس لمعطيات كبيرة وتحكم فائق...
كتب عنه في احدي الدول الخليجية التي زارها برفقة الهلال ان هذا الرجل يقدم محاضرات قيمة عن مهام
لاعب الوسط الارتكازي من انقضاض وتحكم ورقابة وكسر روتين اللعب وتغيير مجريات الهجمات وتحويلها الي
هجمات مضادة..
الهلال والاهلي في نهائي افريقيا في مباراة لاراش التاريخية كان لمنقستو حديث اخر ومحاضرة قيمة
مشفوعة بلياقته العالية وقوامه الفارع وتحكمه المميز في المستديرة..
وشاهدته في مباريات الدوري القطري وقد بلغ من العمر ما بلغ الا انه لازال يتمتع بجودة المهارات الاساسية في الملعب من تركيز واستخراج الباص الصحيح القاتل في الزمن القاتل...
كل التحية لمنقستو ذلك العملاق الحريف..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عبدالكريم الامين احمد)
|
منصور بشير تنقا
طرب ومزيكا وكورة يتم التعامل معها برشاقة وفن نادر كل ذلك واكثر كان هو فتي الابيض (ابوقبة فحل الديوم) تنقا اتي الي ساحة الهلال موشحا بجمال تلكم البقاع وابداع اهلها المجود وسريعا اوجد لنفسه
خانة في دفاع الهلال في جهتة اليسري وبعدها مارس الابداع والاسكار والتطريب العالي...
تنقا بتهذيبه العالي الذي كان يسربله دوما في تواجده الطويل بالهلال كان لاعبا لاتمل ابدا التفرج عليه والتمتع بذكائه الكروي الفريد وتميزه في ضبط ايقاع دفاع الهلال والفريق القومي..
جسارة امام الخصوم واستخلاص للكرة بل قوة وعنف وحرفنة بجانب التحرك السلس في الجهة الشمال
علي طريق (سمير ماشي) التاريخية فكان دوما تنقا ماشيا علي ذلك الجانب العالي الاهمية من الملعب
سنتا سنتا ويجوله ذهابا الي مرمي الخصم ثم الكر مدافعا عن مرمي الهلال..
له يسارية مميزة يجانب اجادة الضربات الثابتة ..
ودوما تطل علي المخيلة تلكم المباراة التاريخية بين الهلال والزمالك وقبل هدف (صبحي) الشهير بدقائق
قليلة ارسل هذا الفتي النحيف الرشيق كرة ولا الاحلام كانت في طريقها للمرمي ولكن زاوية ركلها كانت
ذات درجات اكثر قليلا مما اتاح لها الارطام بالعارضة في لقطة لن تتكرر ابدا وتمني وان اعيدت مئات المرات ان تذهب هذه الكرة كما ذهبت اولا...
جال في الاحراش الافريقية بصحبة هلال 87 وابدع في مباريات عديدة واحرز اروع الاهداف واجملها...
ويبقي قولنا دوما ان هذا الفتي عطر الجهة الشمالية من الكثير من الاستادات التي ادي عليها الهلال
مبارياته عطرها بالجهد والحرفنة والدهشة...ويكفي صيحة جمهور الهلال الشهيرة (تنقا تنقا تنقااااا
اوووووه تنقا...هلال كلو زي ده اوووو تنقا)
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عبدالكريم الامين احمد)
|
عادل العونى
عشقته جماهير الهلال وهتفت باسمه وهى تلقبه ( البركاوى ) كناية عن القوة وفتوة الشباب
فهو ملك خط الوسط وقاطع التموين عن كل خطوط الخصم ( يقلع ويدافر ) لكنه حريف ولعاب
ويمتلك مهارات رهيبة فى التمرير القاتل وصناعة اللعب وقد اتى الى الهلال من فريق الزومة
الخرطومى بالدرجة الثانية كما كان احد ابرز لاعبى الوسط بفريق مدرسة الخرطوم الجديدة
الثانوية الى جانب زميله ورفيق دربه نادر حامد الذى زامله منذ الصغر فى الزومة والدورة
المدرسية وحينما ذهب العونى الى الهلال شق نادر طريقه الى المريخ
لقد كان العونى واحدا من ابرز نجوم هلال 87 وخاض مع الهلال كل جولاته الافريقية وكان احد
ابطال تلك المعارك الشرسة
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عامر تيتاوى)
|
ياسسسلام يا تيتاوي
وفعلا السنجك كان لعاب وقلاع ومكابس ورجل مهام صعبة ويرسل الامن لقلوب الجماهير بوجوده في وسط المعلب
الهلالي
وكما قلت انت تماما كان العوني قوي البنيان ويمتلك طاقة وحماس وحرفنة ممزوجة بقوة قلب وحرارة اصرار عجيب وخير من يقتلع الكورة من براثن الخصم بكل قوة واقتدار...
ويلا يا تيتاوي سوي سوي (باص خانة) وون تو وشيل من طرف بالله وفلنخلد للهلال العظيم عبر السفر
من خلال نجومه الكبار..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عبدالكريم الامين احمد)
|
ده الكلام..
الكورة والتهذيب العالي والكارزيما الممزوجة بعلو كعب ومقدرة عالية علي اجادة متطلبات خانة الاستوبر التي تكاد تجزم ان (الخواجة جون) قد فصلها علي هذه الفتي القادم من عمق الديم وما ادراك
ما الديم صرعة ومقدرة علي الابداع في كل شي يقع علي اناملهم ارجلهم ريشتهم......
طارق لاعب احبته بل منازع كل الجماهير التي تعشق الكورة في السودان وصار عنوان للاعب الكامل في كل اشيائه....
وجوده في منطقة منتصف الدفاع وفي المنطقة ذات الخطورة العالية علي المرمي كانت متعة لاتوصف وفرصة
للتفرج علي محاضرات (قفل الخصم) واستخلاص الكرة بطرق تجعل الخصم اقل ما يوصف به ان يتموخل ..فلطارق
ميزة تحتار كثيرا في معرفة اليتها وطريقة تنفيذها ولن وندر تكرارها عند غيره.وخير من يجيد العضل بكل ذكاء لاستخلاص الكورة بجانب كارزيمته القيادية في الملعب وقيادته للدفاع بثقة بلاحدود..
كان قائد لهارموني ذلك الدفاع الخطير الذي مر كالطيف في عام 87 تنقا _طارق_مجدي_الثعلب
دفاع (كونكريت) وذبابة لم تكن قادرة علي المرور دون متاعب ومكابسة وحرفنة من هذا التيم ويرك العالي التفاهم..
وكل التحية لكابتن طارق الكارزيمي الخطير والمدافع الاستاندر..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عبدالكريم الامين احمد)
|
وليد طايشين
من كلمات علي الحسن مالك ( تنقا سارق اللعب اديهو يا طارق وبديهو وتنقا يعكس علي راس وليد طايشين وقوووووون)
وقالها دكتور شداد ( كنت منتظر متين الكرة تصل راس وليد)
نعم ابن ابي كدوك خليفة العملاق عز الدين الدحيش قاهر شوبير رغم انف لاراش
هازم الموردة والمريخ والفريق العراقي وغيرهم
له ضربة راس اشبه بالرصاصة وله قدم كالمجوهراتي
وهلالنا حديد نقي ووليد ونعود
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: khaleel)
|
| Quote: تنقا سارق اللعب اديهو يا طارق وبديهو وتنقا يعكس علي راس وليد طايشين وقوووووون |
يا سلام ياخلي ويا سلام علي تنقا لمن يسرق اللعب
ويا سلام علي (الهد) بتاع وليد هد فعلا زي الصاعقة وقوته تعادل زي دشليون حصان
ويا سلام عليك يا ابو خليل يا هلالابي يا قديم..
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عبدالكريم الامين احمد)
|
اهازيج هلالية
تنقا ومنقة افكو الزنقة
الليلة يا كندورة وانت سيد الشوري
الليلة يا منقستو وانت سيد الديسكو والكاميرون دستو
هلالنا صعب كاساتو دهب
ساعود لاحكي عن جمال خميس ( الثلعب) وكما قالت الفنانة مشيت الملعب لجمال الثلعب
انه اميرامراء وازرة الدفاع
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: khaleel)
|
لانور ام دوم مقولة شهيرة
قال يان اكثر الجماهير جنونا علي مستوي العالم
1-الجمهور الانجليزي
2-جمهور الهلال
3-جمهور هندسة..(ديل ناس خليل والمسخوت ابو سمرة وطه النور فهم جيل المهندس دريسة وظافر عبده)
| |
|
|
|
|
|
|
|
|
|
Re: ياسلاااااااااااااام ياهلال ياخي (Re: عبدالكريم الامين احمد)
|
ايه ياجماعة الكركبة والجوطة والثكلبة والشماتة المدورة في المنبر
قرعة وماادرك ويصفون مثل الهلال فريقنا العظيم بالبغل المزامل الجمال ولا الحصين ماعارف..
قمة الدونية وعي (ليق) بكرة القدم و معطياتها وفلسفتها ..
وشنو هي الكورة..والفريق الناجح الموهل لتحقيق انتصارات في اي بطولة مهما كانت فرقها..
اولا لو قيلت هذه اللغة في الماضي القريب لقلنا علي العين والراس..
ولكن بكل جراءة مثل هذا الهلال الذي رايناه في الفترة السابقة
نقول انه فريق يتملك كل مقومات الفريق القادر علي تحقيق انتصارات في مداره الاقليمي
لو اتبع منهجة وجديته ووظف امكانيات لعيبته ومقدرات مدربه وادي كل حاجة حقها من استعداد
ومعسكرات اعدادية وتطبيقات مختلفة لخطط لعب تناسب الفرق التي يصفونها وكانها (فيل) لايمكن
ترويضه..
ولكن نقولها هنا وللتاريخ راقبوا هذا الهلال وسنري كيف يكون اكتمال بدره بعيدا عن التفاول
الاحلام الغير موضوعية..
| |
|
|
|
|
|
|
| |
عبدالكريم الامين احمد
ASAAD IBRAHIM
محمد المرتضى حامد
عامر تيتاوى
محمد البشرى الخضر
عبد المنعم سليمان
شهاب الفاتح عثمان
محمد عبدالرحمن
الملك
محمد سنى دفع الله
Ahmed Mohammed Osman
tmbis
غباشي
Gaafar Ismail
عمار يس النور
Yassir Tayfour
ملكة سبأ
الفاتح خليل الفكي
بهاء بكري
زول ساكت
ابوعسل السيد احمد
Faisal Al Zubeir
Dr.Saeed Zakarya Saeed
مبيوع
khaleel
فيس بوك
تويتر
انستقرام
يوتيوب
بنتيريست