لا جفّ قلب الزول قَبُل لا كان عليكم يوم جفا مطمور غرامو يهاتى بيك وأشواقو ليك مردفه كل الصعاب البينو بينك كان حصاها ونتفه وعبّدْ طريق الريد عليك جاييك زاحف فوق قفا شايل شتول الريد محنه وبرضو زارع فى الطريق للشاف جناين للوفا لامن تحن وتقول خلاس الجانى منك داك كفا من قلبو ليك كل الغلط والجفوه والصد والعناد بى كل مشاعر ليك عفا ما نحن ناس نغلط دوام ونعيد غلطنا مع السنين كدب البقول قط ما هفا وغرف الفؤاد بى صبر نمل وجهد نحل أحسن عدادا ونظفا وراجيك يا ست البنات أحسن مزاج وآخر صفا وراجيك يا ست البنات أحسن مزاج وآخر صفا
خالد محجوب المنسى يا الماك محجوب وماك منسى سلام من الله عليك والبركات وألف رمضانكم كريم وشكر الله لكم إستجابتكم لما نكتب وتقريظكم له ممنونين يا خالد ونسأل الله لكم اللطف والقبول والثواب
07-15-2014, 10:48 AM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
العزيز معاويه المدير لا يحلم باللبن إلا من يمتلك بقرته ولا يحلم بالنقود إلا من إمتلأت محفظته وما غير ذلك فأضغاث أحلام ومن يدريها غير يوسف فينا!! شكرا ياخ فقط خروج عن النمط وتسخير الدربة فى ما هو مفارق ولك السلام
07-15-2014, 09:22 PM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
Quote: خالد محجوب المنسى يا الماك محجوب وماك منسى سلام من الله عليك والبركات وألف رمضانكم كريم وشكر الله لكم إستجابتكم لما نكتب وتقريظكم له ممنونين يا خالد ونسأل الله لكم اللطف والقبول والثواب
تعرف يا منصور أول مرة ألاحظ معنى أخر في أسمي محجوب ومنسي طبعاً منسي دي لصقها فيني بكري ابو بكر الله يدي العافية ويذكرني بها الحبيب ود المرتضى محمد دوماً ويناديني خالد الما منسي لكن محجوب حقتي عشان كدا بمسك قوي في خالد وعلي دندن ونم يا جميل الحرف والروح ومتابعين معاك ونسأل الله اللطف القبول والثواب مودتي وتحياتي
07-16-2014, 01:00 AM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
العزيز خالد سلام من الله عليك والأهلين والأسماء دلالات للتمييز والتحديد فبقرنا نسميها وكلابنا نسميها ونسمى بعضنا بغير أسمائهم وتسود وكل إسم يرتبط بمعان لاصقه تتداعى للحضور كل ما ذكر ذلك الإسم فخالد محجوب تريك السماحه والعفويه والأصاله والمروءه والإيثار وتريك ما هو أجمل من ذلك فأبقى على خالد وحتى على المنسى فقد نفض الطيب صالح عنه الحجب والود لك
07-16-2014, 08:50 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
وإنتى بتقولى بتخوف هى بتخاف من شوفتك إنتى ومن محاسن فيك بترجف زى شتا وزرزور وزيف أمو جنحاتا بتردِّفْ
هيييييه يسلم فاك قول ... ونِم وجيب من مرهم القلوب علاج قال عتيق البداوي جروحك شفتَّ يا سقمان من عصير الند البنضحو الرمان يا رب نلقى فيه رشفة عصير الند هذا يداوي ما بنا من جِراح
جيبو ورق وإنفرق يا منصور وينصر دينك ويربي عوينك وهيييييع زي مابقول ود شيقوق مسنوح المسانيح كُت بقول هذا القول لنفسي لكن الليلة بقولو ليك يا بديع ورائع إت الككو الفجخ الطين وقدل فيهو وأقدل فوق عديلك وسر
07-16-2014, 11:36 PM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
munswor almophtah
خالد علي محجوب المنسي
معاوية المدير
الطيب شيقوق
سليمان القرشي
nour tawir
فيس بوك
تويتر
انستقرام
يوتيوب
بنتيريست