|
كيكى وخليل، وكل من يأنس فى نفسـه المنطق.. مشكلـة منطقيـة.
|
عندك تلاتة نفرات (أنفار)
واقفين صف ورا بعض.. يعنى الأول ما بشـوف الأخير وممنوعين يتلفتوا.
عندك قفـة فيها 5 طواقى
3 حمـر
2 بيض
كويس لحد هسى؟
طيب
قمت خلطت الطواقى وسطتهـم فى بعض زى كور اللوترى
وبدون ما يشوفوا، قمت لبست كل واحد منهم طاقيـة فوق رأسـه، وبعدت بعيـد
قمت ناديت الأخير وسـألته عن لون طاقيته.. قال ليك ما عارف سـألت الوسط.. قال ليك ما عارف ســألت أول الصف، قال ليك أيوة عارف، وذكر اللون وكانت إجابته صاح.
كيف عرف الأول لون طاقيتـه؟
|
|
|
|
|
|
|
|
Re: كيكى وخليل، وكل من يأنس فى نفسـه المنطق.. مشكلـة منطقيـة. (Re: Abureesh)
|
الأخير قال ما عارف دا دليل على إنو الأول و التاني ما الاتنين طواقيهم بيضا و إلا كان حيعرف طوالي إنو طاقيتو حمرا. دا معناتو في واحد من تلاتة احتمالات: الأول فقط طاقيتو حمراء التاني فقط طاقيتو حمراء الأول و التاني طواقيهم حمراء التاني قال ما عارف دا دليل على إنو الأول طاقيتو ما بيضا لأنو لو كانت بيضاء كان طوالي ممكن يخمن بناء على الاحتمالات التلاتة الفوق إنو هو (التاني) طاقيتو حمرا. بما إنو الأول عرف من كلام التاني إنو طاقيتو ما بيضا فهي إذن حمراء. شكرا ليك يا أبو الريش على التمرين دا.
| |
|
|
|
|
|
|
Re: كيكى وخليل، وكل من يأنس فى نفسـه المنطق.. مشكلـة منطقيـة. (Re: Elawad)
|
Quote: الأخير قال ما عارف دا دليل على إنو الأول و التاني ما الاتنين طواقيهم بيضا و إلا كان حيعرف طوالي إنو طاقيتو حمرا. دا معناتو في واحد من تلاتة احتمالات: الأول فقط طاقيتو حمراء التاني فقط طاقيتو حمراء الأول و التاني طواقيهم حمراء التاني قال ما عارف دا دليل على إنو الأول طاقيتو ما بيضا لأنو لو كانت بيضاء كان طوالي ممكن يخمن بناء على الاحتمالات التلاتة الفوق إنو هو (التاني) طاقيتو حمرا. بما إنو الأول عرف من كلام التاني إنو طاقيتو ما بيضا فهي إذن حمراء. شكرا ليك يا أبو الريش على التمرين دا. |
صحيح يا العوض
ديل يا ابو الريش اولاد عز الدين كامل
| |
|
|
|
|
|
|
|