|
|
 منتخبنا الوطني لكرة القدم والوطنية المشتراة
|
منتخبنا الوطني طوال مسيرته يمر بكل محطات التجاهل
سوى من الجمهور( هلال / مريخ وخلافهم) ، الدولة داسة راسه في الرملة
اللاعبين شاغلين مع المنتخب كفضل زاد ، المدربين بدون اجر
في هذه الأيام يمر منتخبنا الوطني بمنعرج خطير ومولم
مع تقدمه في مباريات التصفيات الأفريقية وسيكافا .
وأخر الأحزان أمس :
1. التلفزيون السوداني يؤجل الشوط الثاني لما بعد الأخبار(لاحول ولاقوة)
كانها مادة إخبارية أو كأن الأخبار بها ما عجزت عنها الأمة.
2. الجمهور متابع لمبارة إسبانيا إيطاليا، وبسأل بالجوال عن
أخبار مبارة السودان ومالي
3. اللاعبين عند السفر عدد منهم ( الجوال لا يمكن الوصول إليه
، أم مريضة،زوجة بتلد ، وكثير ( ظروف مقدرة بس ليه ما
بتحصل عند سفر الهلال والمريخ)
|
|
 
|
|
|
|
|
|
|
 Re: منتخبنا الوطني لكرة القدم والوطنية المشتراة (Re: سيف بخيت موسي)
|
هل تجاهل الجمهور لمتابعة المنتخب
ساعد الدولة في تجاهل المنتخب
وعدم تفير كل المعينات له
أم أن الدولة هي الجمهور الرسمي
يعني أحمد وحاج أحمد
هل نعاني أزمة وطنية ، ام أنها حالة
خاصة بالمنتخب فقط ، وخلاف ذلك وطنيين 100%
هل السياسة المتبعة من القائمين على إدارة
الكرة بالسودان وصلت لهذا المنحدر ، سوى برامج أو
تجهيزات
| |
|
|
|
|
|
|
|
|
|
Re: منتخبنا الوطني لكرة القدم والوطنية المشتراة (Re: سيف بخيت موسي)
|
Quote: نوه التلفزيون مشاهديه بأنه سيبث الشوط الثاني
من مباراة السودان ومالي بعد الأخبار الرئيسية علماً
بأن المباراة مهمة للمنتخب السوداني وتحدد مصيره في
التصفيات الأفريقية المزدوجة لنهائيات أمم أفريقيا
المقامة في أنجولا ونهائيات كاس العالم 2010 المقامة
في جنوب أفريقيا ، فهل هذاالتلفزيون يحترم مشاهديه ،
وهل علم المسئولين عن إدارة البرامج في التلفزيون بأن
موعد الأخبار في العاشرة مساء بعد بداية الشوط الأول
للمباراة ، وهل هنالك تلفزيون في كل هذا العالم
يتعامل مع مشاهديه بهذا الاستخفاف ، وهل أعلن قبل
وقت كافي من المباراة بأنه سيبث شوط واحد مباشر
والثاني مسجل ، وهل هنالك شئ هام في الأخبار
لا ينتظر حتي نهاية المباراة ،،،
بالمناسبة شفت جزء من الأخبار ورأيت وسمعت الرئيس عمر
البشير وهو يقسم ثلاث مرات بأن السودان لن يسلم أي من
المتهمين في جرائم حرب للمحكمة الدولية ، وأنهم إذا
أرادوا أن يوقعوا عقوبات علي السودان فهذا لن يخيفهم
ولن يرهبهم ، وكرر القسم ثلاث مرات (والله العظيم ، والله العظيم
، والله العظيم) يعني المرة دي ما حلف بالطلاق ،،
|
أعلاه ما جا ء في يوست (تلفزيون السودان يوقف بث المبارة)
للأخ زهير زناتي
| |
|
|
|
|
|
|
|
|
|
Re: منتخبنا الوطني لكرة القدم والوطنية المشتراة (Re: سيف بخيت موسي)
|
أستاذ سيف
مساء الخير
تعرف المنتخب الوطني ده بقي زي اليتيم عايش علي الأحسان
أولاً الدولة ما بدعم اي جهة ما بيكون عندها عائد مباشر لخزينة الدولة
كنت بتكلم مع واحد من اخصائي الأطفال قال لي الحكومة ما بتوفر كل حاجات الأطفال
لانه علاجهم مجاني ومافي عائد من وراهو ما زي الاقسام التانية النساء والتوليد وغيرها
خليك من المنتخب القومي ، البيصرف بس وما في إيرادات ، وممكن الحكومة تكون معتبرة
الكورة دي من باب اللهو ، ودي مشكلة الفريق القومي الأساسية دعم الدولة ، وعارفين
كلنا إنه الرياضة بقت صناعة يعني لازم تكون في أمكانيات ، والسودان في مواهب كويسة
لكن عايزة أهتمام ،، من الناشئيين وحتي الفريق الأول ، ولازم كل المعينات تكون علي مستوي
التدريب ، العلاج الرياضي ، الإدارة .... الخ
ودي بيفتقدها الفريق القومي ، والهلال والمريخ حققوا إنجازات لأنه في قروش قاعد تدفع
من صلاح إدريس أو جمال الوالي ، ولاحظ المسألة في الأجهزة الفنية للفريقين ديل
وبالمناسبة مازدا ده أحسن السيئيين ،، يعني الفريق القومي عايز خبير أجنبي
ويا ريت لو الناس سافت تجربة الأردن ، جابو عمك الجوهري عمل خطط وتغييرات هيكلية
في الرياضة الأردنية خلاها قفزت في فترة بسيطة جداً ،،،
والأزمة أكبر من كده بكتير وعايزه نقاش طويل ومستفيض
ويا ريت الناس تبدأ تتانقش بموضوعية بعيد من التهاتر وهلال مريخ
| |
|
|
|
|
|
|
|
|
|
Re: منتخبنا الوطني لكرة القدم والوطنية المشتراة (Re: سيف بخيت موسي)
|
تعرف يا سيف المسألة ما مسألة وطنية ،، المسألة مسألة أمكانيات
واللاعبين ديل محترفين ، يعني بياكلوا عيش من الكورة دي ،، ولازم
الناس تقيم مجهودهم ، يعني حتي الجندي البيحارب من أجل الوطن
عنده مرتب ، ما في زول بيشتغل متطوع إلا في أوقات فراغه ،،
فلازم المجهود البيقوموا بيهو ده يكون عنده تقييم ،
| |
|
|
|
|
|
|
|
|
|
Re: منتخبنا الوطني لكرة القدم والوطنية المشتراة (Re: سيف بخيت موسي)
|
العزيز زهير
سلام ومنور
كلامك صحيح 100%
لكن المشكلة الأنا بهدف ليه بشكل اساسي
هي تعامل الجمهور مع المنتخب غريب
يعني أحياناً بكون الفريق لاعب خارج السودان
وفي ناس مهتمين بالكورة بكونو ماعارفين المعلومة
ولو عرفوه بتكون ثقافة عامة، في الوقت الفيه لو
لعب هلال مريخ أو أحد الأندية ، تجمد كل الإهتمامات
الأخرى
انا الكنت عايز أخلي محور سؤال هل لو زادت جرعت
التعامل مع المنتخب من الجمهور بشكل أكثر إيجابية
هل ممكن يشكل مصدر دخل ثم مصدر ضغط للمسئولين وصناع القرار
زائد الرسمالية المسئولة
مع خالص ودي
| |
|
|
|
|
|
|
| |
سيف بخيت موسي
زهير الزناتي
فيس بوك
تويتر
انستقرام
يوتيوب
بنتيريست