|
|
 بصراحة كدا...الحكاية بقت مُخيفة..و..شينة..و..مُخجِلة....!!!
|
لم تجف مآقينا بعد على شهداء سودانير الذين راحوا ضحية إهمالنا لأبسط قواعد السلامة...
لم يزول حرجنا و خجلنا من فشلنا في إحتواء النيران..
لم يغيب عن ذاكرتنا مشهد الطائرة و هي تنفجر و بين جنباتها آباء و أمهات...أخوان و أخوات...أبناء و بنات... أحباب و جيران...أهل و أصدقاء...
لم تبرد دماء من راحوا..
حتى طالعتنا صحف يوم الجمعة..بخبر خجول...يحتل ركن صغير من أركان الصفحة الأولى..
يحكي عن الحريق الذي شبٌ في المتحف القومي..نعم المتحف القومي...!
و محاولة العاملين في المتحف إحتواء الحريق مستعملين جرادل...نعم جرادل...!
و قدرتهم على إحتواء الحريق قبل وصول عربات الإطفاء ...
التي تمشي كما يمشي الوجيٌ الوحلُ ( الحتة دي إضافة من عندي ) !
و لم ينسى كاتب الخبر..أن يُعلن بكل سرور...
أن سبب الحريق ماس كهربائي بايخ..
و أن الخسائر بسيطة و لا تعدو أن تكون كم تمثال كدا في الصالة الرئيسية للمتحف...!
إنتهى الخبر!!!
عليكم الله خجلانين زييٌ كدا!
|
|
 
|
|
|
|
|
|
|
 Re: بصراحة كدا...الحكاية بقت مُخيفة..و..شينة..و..مُخجِلة....!!! (Re: سلمى الشيخ سلامة)
|
دايرة أحكي ليك حاجة يا سلمى..
و أعفي لي كان زدتَ ليك قرفتك و مغستك.
عندنا الأيام دي موضة جديدة في الخرطوم..
طبعاً الصيف و قطوعات الكهربا و الموية زي ما إنتي عارفة..
أصبحت الموضة في أوساط ميسوري الحال..إنهم يتصلوا بالمطافيء في حالة إنقطاع الماء..
الكهربا ما مشكلة طالما في جنرايتر!
لتحضر العربات في ثواني لتملأ صهاريجهم بالماء..مقابل مبلغ لا يُستهان به من المال.
لا داعي للقول أن كثير ممن إتصلوا بالمطافيء طالبين العون و النجدة..
تلقوا رد واحد و صارم يقول...و الله ما عندنا موية!!!
ح تقدري تعفي لي..؟؟!!!
| |
|
|
|
|
|
|
|
|
 Re: بصراحة كدا...الحكاية بقت مُخيفة..و..شينة..و..مُخجِلة....!!! (Re: mamkouna)
|
Quote: عليكم الله خجلانين زييٌ كدا!
|
خجلانين ساي !!
والله خجلانين خجل العروس في اليوم داك ....
خجلانين وسافين التراب ....
خجلانين وملانين خجل لمن الخجل كِمل على الأجيال الجاية ....
خجلانين وما خلينا خجل قديم ورانا ولا جديد قدامنا الا وإحتويناه داخل خجلنا دا ...
خجلانين وخاجين الخجل خج .....
خجلانين وخجلانين لى المعانا الما بخجلوا ولا بيستحوا ديل ....
وخجلانين للما مؤهلين و مرسومين علينا مسؤولين ....
وبرضو تقولي يا ممكونة خجلانين ؟؟
وخجلانين وخجلنا ما مر يوم بخيال بشر !!
كفاك يا ممكونة وانشاء الله ربنا يرفع عنا البلاء دا...
هشام
| |
|
|
|
|
|
|
|
|
|
Re: بصراحة كدا...الحكاية بقت مُخيفة..و..شينة..و..مُخجِلة....!!! (Re: mamkouna)
|
سلامات يا ممكونة..
قبل سنة قمت بزيارة المتحف القومي مع إبني الذي زار معي السودان.. لن تصدقي شكل دورات المياه في المتحف. ومليانة أوساخ وليس هناك أدنى اهتمام بها.. حاجة مخجلة مخجلة مخجلة.. لو كنت في السودان يمكنك أن تتأكدي من هذا الشيء بنفسك..
هؤلاء لا يعرفون أن أهم شيء هو منظر دورة المياه في الأماكن العامة كالمتاحف.. لذلك ليس بعيدا أن تقوم حريقة ولا يكون هناك إمكانية إطفاء..
ياسر
| |
|
|
|
|
|
|
|
|
 Re: بصراحة كدا...الحكاية بقت مُخيفة..و..شينة..و..مُخجِلة....!!! (Re: mamkouna)
|
Quote: و لم ينسى كاتب الخبر..أن يُعلن بكل سرور...
أن سبب الحريق ماس كهربائي بايخ.. |
ولا تنسي إنه القدر..
الإيمان بالقضاء والقدر ركن أساسي..
نعم الحذر مطلوب لأجل سلامة وأمن الإنسان..
ولا ترمو بأيديكم في التهلكة..
ولكن الحذر لا ينجي من القدر..
مصداقاً لقوله:
[ولنبلونكم بشيء من الخوف والجوع ونقص من الأموال والأنفس والثمرات وبشر الصابرين الذين إذا أصابتهم مصيبة قالوا إنا لله وإنا إليه راجعون]
صدق الله العظيم..
| |
|
|
|
|
|
|
|
|
|
Re: بصراحة كدا...الحكاية بقت مُخيفة..و..شينة..و..مُخجِلة....!!! (Re: A.Razek Althalib)
|
ممكونة الممكونة ..
إزيك ياخ .
- لا طفايات حريق ..
- و لا أجهزة إنذار بالحريق ..
- و لا حتى جرادل التراب الحمرا حقت زمان ديك ..
- و الموية أصلاً قاطعة !!!
ده في المتحف القومي .. و متحف التاريخ الطبيعي .. و دار الوثائق ..
محلات الروبابيكيا و الخردة بتاعتكم دي ..
أما في دولة ( المؤسسات ) , ففي أي مؤسسة عصرية قسرية طفيلية منبثقة من هيئة سمينة متفرعة من وزارة ولائية إسترضائية , فأهم حاجة يجب توفرها في كل كم متر مربع هي أجهزة الإستشعار عن بعد و أجهزة كشف المعادن .. و كشف النوايا و كشف الدخان و كشف الحال .. غير السيكيوريطي و الجنريتر و عربية عربيتين مطافي ملاكي .. و كافة منتجات أدوات السلامة و الأمان الشرق آسيوية و الأوروبية .
....
دولة متفدمة نحنا و نتطلع إلى عالم الكتنولوجيا و المال و الإقتصاد أبو نمو سرطاني ..
حريقة في المتحف قال !!! ..
في ستين ياخ ..
هو الناس الحيين مكرهننا و دايرين نشوف طريقة نلغيهم أو نطفّشهم ..
كمان نجي نخلي ليكم بالنا من مومياءات و شوية حجارة و قلل و أزيار ؟؟
بلاش كرور و خردة معاكم ..
.....
أبو رزقة ..
يا ود يا ( قدري ) إنت يا بتاع بلاد بره ..
ياخي إزيك ياخ .
| |
|
|
|
|
|
|
|
|
|
Re: بصراحة كدا...الحكاية بقت مُخيفة..و..شينة..و..مُخجِلة....!!! (Re: mamkouna)
|
Quote: Quote: و لم ينسى كاتب الخبر..أن يُعلن بكل سرور...
أن سبب الحريق ماس كهربائي بايخ..
ولا تنسي إنه القدر..
الإيمان بالقضاء والقدر ركن أساسي..
نعم الحذر مطلوب لأجل سلامة وأمن الإنسان..
ولا ترمو بأيديكم في التهلكة..
ولكن الحذر لا ينجي من القدر..
مصداقاً لقوله:
[ولنبلونكم بشيء من الخوف والجوع ونقص من الأموال والأنفس والثمرات وبشر الصابرين الذين إذا أصابتهم مصيبة قالوا إنا لله وإنا إليه راجعون]
صدق الله العظيم.. |
الكائن دا طالع من ياتو كتاب تاريخ ؟؟
| |
|
|
|
|
|
|
|
|
|
Re: بصراحة كدا...الحكاية بقت مُخيفة..و..شينة..و..مُخجِلة....!!! (Re: mamkouna)
|
أنا يا أخوانا ومن زمااااان بقول ..
السودان ده تقول مسكون ...!
يعني الحاجات البسييييييييييييييطة ورخييييييييييييييييييصة ما قادرين يسووها ..
يعني مستلزمات السلامة ..
والنظافة ..
وشوية كناسين إن شاء الله يدوا الواحد منهم 10.000.000 جنيه ) وبالجديد ..
بس ينظفوا المرافق العامة دي ...
ياخي حمامات المطار الله يعزكم أبوابها مكسرة ..
ومواسيرها محلوجة ..
ومويتها قاطعة ..
وما في أي زول بتاع نظافة ولا مشرف عليها ..
الكلام ده في الصالة الجديدة السمحة ....
ياخي مستشفى الخرطوم لو إنت أول مرة تجي الخرطوم وما عارف الدرب ... ريحتو تجيبك ليهو ..
ياخي من ما تمرق من نمرة إتنين تبدأ تشم في الروائح المن زمن الإنجليز معتتتتتتتتتتتتتتتقة ...!
مع العلم إنو أرخص شيئ في الدنيا هو المطهرات ..
حاولت أقوم أعمل مجهود فردي قبل سنتين في حوادث الخرطوم أبان والدتي الله يرحمها كانت في الطوارئ ..
حاولت أن أعقد إتفاق مع عمال المستشفى إني أجيب ليهم لوري ديتول ...
أي والله لوري ...وكان ح يكلفني مصروفات إجازتي كلها ..
بس قلت أجرب وأشوف هل ممكن المستشفى ده يكون نظيف يوم من الأيام والريحة الكريهة دي تروح ولا دي حاجة في جينات المستشفى زاتو ...!
تصور الجماعة وبعد أن أغريتهم بيومية كااااااااربة لكل من يشارك في هذه الحملة ... وقد وعدوني بأن يأتو بأكثر من ثلاثين عامل من الصباح الباكر ...
بعد ده كله جاني واحد من ( مسؤولي الاعمال ) وقال لي فيما معنى كلامه ... إنت قايل الحكاية طلقيتة ساكت .؟؟
دعمك ده لازم يمشي عن طريق قنوات محددة ولازم تتم الموافقة على المواد المستخدمة في التنظيف و و و و و
قلت ليه ياخي خليت الحكاية دي ....!
يا حي دي مش بلد بتخجل وبس ......!!
| |
|
|
|
|
|
|
|
|
|
Re: بصراحة كدا...الحكاية بقت مُخيفة..و..شينة..و..مُخجِلة....!!! (Re: tayseer alnworani)
|
الخبر بتكلم كأنوا التماثيل دي ممكن يصنعوا ليك واحدة بدلها في المنطقة الصناعية
بعد محاولة الإسلاميين تدمير الآثار في اوائل عهدهم ، و إهمالهم الحفاظ على الآثار ، أو إنقاذها في مناطق السدود و غيرها ،
و إهمال الترويج لها و الإعلان عنها ..
من منكم سمع عن المومياء التي تعود للعهد المروي ؟
ذهبت لمشاهدتها بعد السماع عن الخبر المغمور صدفة .. و لحسن الحظ تمكنت من ذلك
قبل عدة شهور ذهبت مرة أخرى و معي شخص يريد الإطلاع عليها .. لم أجدها .. سألت عنها قالوا في المخزن !!!!!!!
في ظل هذا الوضع فسرقة الآثار من قبل لص آثار محترف هي صيانة لها !
| |
|
|
|
|
|
|
|
|
 Re: بصراحة كدا...الحكاية بقت مُخيفة..و..شينة..و..مُخجِلة....!!! (Re: mamkouna)
|
تتوفر طفايات الحريق...بأنواعها...في عدة محلات في الخرطوم و أمدرمان و بحري...
لا معلومات لديٌ عن باقي الولايات..
لماذا لا نحرص على وجود طفاية الحريق في منازلنا كما نحرص على وجود أنبوبة الغاز ؟!!!
ماذا لو أهبنا برجال الخير و العطاء و ذوي القلوب الرحيمة للتبرع بمثل هذه الطفايات للمدارس و المستشفيات..؟؟!!!
| |
|
|
|
|
|
|
| |
mamkouna
سلمى الشيخ سلامة
Hisham Ibrahim
Yasir Elsharif
الطيب رحمه قريمان
A.Razek Althalib
Emad Abdulla
Mohammed Elhaj
عواطف ادريس اسماعيل
Hani Arabi Mohamed
Adil Osman
.jpg)
محمد أبوالعزائم أبوالريش
حمد عبد الغفار عمر
محمد الطيب حسن
Hassan Makkawi
ريهان الريح الشاذلي
amin siddig
jini
عبدالله كع
فيس بوك
تويتر
انستقرام
يوتيوب
بنتيريست