|
هنوا معي الاخ احمد التجاني بالمولود
|
رزق الاخ احمد التجاني عضو المنتدي السوداني للحوار سودانيز اون لاين وعضو بورداب جدة بمولود ذكر (جاري التباحث حول الاسم ) نقول حمد لله علي سلامة الام ومليون مبروك المولود ويتربي في عزك وان شاء الله بار بعمه اساسي
|
|
|
|
|
|
|
|
Re: هنوا معي الاخ احمد التجاني بالمولود (Re: اساسي)
|
الف تحية وشكر يا اساسي علي اشراكنا الفرحة والتهاني لصديق الزمن الجميل ابوحميد.. والف مبروك احمد تجاني والوليد مبروك ...
لو سميتو علي عمو كريم ده بتكون قصرت معاهو تب الولد ده لكن ما تقصير شديد لمن يتونسوا بيهو كمان
| |
|
|
|
|
|
|
Re: هنوا معي الاخ احمد التجاني بالمولود (Re: اساسي)
|
شكراً أساسي
Quote: ياكيكي ... صديقنا أحمد التجاني ... تكاثر عليه (العزاب) في بيته ... إستقبل اليوم (الصبي) الثالث في أسرته ... ليصبح منزله كمنزل (عزاب الحلة) حال خروج المدام للعمل ... آملين أن يكتفي بهذا القدر من المحاولات لإستقبال (أجمل الكائنات)... خوفاً من الوصول به الى تشكيل فريق كرة قدم كامل .. لذلك ... فأنه يعمل جاهداً هذه الأيام لإقناع (معتز ومهند) بإمكانية التعامل مع القادم الجديد ...
... |
| |
|
|
|
|
|
|
Re: هنوا معي الاخ احمد التجاني بالمولود (Re: Hatim Yousif)
|
Quote: فأنه يعمل جاهداً هذه الأيام لإقناع (معتز ومهند) بإمكانية التعامل مع القادم الجديد ... |
وانا ياحاتم اقول الزول ده وين اليومين.. فمياه كثيرة عبر الجسر خاصة مياه صحبو خليل الذي اصبح ضارب (كيتة) بدرجة ممتاز للقادمين الجدد.. واتاري صحبي مزنوق من قبل معتز ومهند ومقبقب الف مبروك لولد التجاني ولكل الاسرة الكبيرة في ريفي ود الزين
| |
|
|
|
|
|
|
Re: هنوا معي الاخ احمد التجاني بالمولود (Re: اساسي)
|
الزملاء الاعزاء اشكركم جميعا وعذرا لهذا الرد الجماعى الذى اضطررت اليه بسبب ضيق الوقت المقسم بين البيت والمستشفى وانشاء الله نبارك ليكم السمح
الاخ والصديق كيكى يااخى من قلبى عقبال ماتفرح باولادك كدة - لكن عذرا مقدما اسماء الهامش مامطروحة للتصويت
الاخ الحبيب هشام يازول تحياتى وكتر خيرك وعقبال ماتفرح بعيال الدكتورة
اخى العوض المسلمى بارك الله فيك وكتر خيرك
الاخت استاذة راوية شكرا جزيلا على التهنئة -المولود ووالدته بحمد الله على مايرام
الاخ نصر الدين عثمان كتر خيرك ياحبيب - بس الحدث بينقصه زاوية الكاميرا بتاعتك
الاخ ود البشرى شكرا ابوى عقبال نبارك ليك الولد الجاى (بعد تدوها صنه كدة)
اوووه حاتم يوسف فى الظروف دى ياحاتم طوالى بفكر فيك وبارجوك تخش فى الموضوع دة سريع
اووه احونا امين عثمان كتر خيرك يااخى تعرف فى فكرة نغير موضوع السماية من كيمان لسجوك وكدة الحساب بكون بالاصبع
اخى ابوقصى شكرا جزيلا وكما عهدناك دايما سباق ومابتقصر
الاخ ابوعبيدة شكرا جزيلا يااخى ووين ماظاهر يااخ
حبيبنا الحبر شكرا جزيلا يااخى وياريت ترسل لينا للمولود دة بخرات وحجبات اسفيرية كدة للتحصين والحفظ
استاذ مجمد على يس شكرا جزيلا وكتر خيرك
استاذنا كمال ادريس بارك الله فيك وشكرا على التهنئة
المرهف صديق رحمة كتر خيرك وافتقدناك فى لقاء بورداب جدة الاخير
| |
|
|
|
|
|
|
Re: هنوا معي الاخ احمد التجاني بالمولود (Re: Hatim Yousif)
|
Quote: لو سمحت لي يا اخ احمد اختار ليك
اسم
كــــريم |
هلا راوية وحاتم
وانا ذاتي اثني معاكم واضيف انو الاسم يكون (استاذ كريم) ويا ويلك يا احمد تجاني لو ما سميتو
وياخ احبكم الاثنين علي وضع ابوصلعة ده في مقص كريمي خالي كيكي
وياحاتم ياخ ما تقول لي انت حاتم صحبي الزمااااان داك وفي داعي تجنني كده وتخليني استعين بفكي من ملكية جوبا واجيب خبرك واصبر لي يا وجيه (حتتعب جنس تعب يا حاتم في المنبر ده من الليلة وغادي) والف سلام وشوق كثيف ومشتاقين والله
| |
|
|
|
|
|
|
Re: هنوا معي الاخ احمد التجاني بالمولود (Re: اساسي)
|
مبروك المولود يا شيخ أحمد
جعله الله من مواليد السعادة وأقر به أعين والديه..
وذخراً للوطن..ولا نامت أعين الجبناء..
لووووووول..
بالنسبة للإسم..
قالوا المولود بيتولد وإسمه معاهو..
بس أنصحك أبتعد عن الأسماء الغريبة والتقليعات العاملة زي
أسماء الاسبيرات دي...
لكن بالعدم خالص سميهو (لاندكروزر)
يا سيدي ألف مبروك وحمدا لله على سلامة المدام..
وعلى قول عبد الدائم بالنسبة للعضة.. خليها تكون لقاء ثالث لبورداب جدة..
شكراً أساسي.. بل راسك يا حبيب..
| |
|
|
|
|
|
|
Re: هنوا معي الاخ احمد التجاني بالمولود (Re: اساسي)
|
أحمد التجاني احمد مليااااار مبرووووك البوردابي الجديد وجعله اللا من ابناء الوطن المتفوقين دوما ...
شكرا اساسي. ......................................................................................حجر.
| |
|
|
|
|
|
|
Re: هنوا معي الاخ احمد التجاني بالمولود (Re: اساسي)
|
مبروك ما جاك يا أخ أحمد .
يربي في عزكم العامر ..
قرة عين لكما إن شاء الله .. ومن الصالحين..
يسعدني أن أقترح علي فخامتكم الأسماء التالية بحرف الميم :::
مصطفى ، مقداد ، معن، مازن ..
التحية مع الشكر للأخ أساسي .. وعقبالك ياشاب ..
جاد
| |
|
|
|
|
|
|
Re: هنوا معي الاخ احمد التجاني بالمولود (Re: اساسي)
|
الزملاء الاعزاء مرة تانية اعذرونى للرد الجماعى اليوم كان مزذحم جدا خرجنا فيه من المستشفى للبيت بحمد الله واستقبال الزوار وبعد كدة شبكونى بالمراسيل وياالله قدرت اباصر من الشوط التانى اسبانيا وايطاليا وفرحتى كبيرة جدا باسبانيا
الزعيم بكرى شكرا للمرور والتهنئة ودايما سباق وصاحب واجب
الاخت راوية والله اختيارك جميل جدا وسوف يلحق بقائمة اقوى الاسماء المرشحة
بس تعرفى كان عندنا دكتور اسمه عبد الله الصادق فى كلية الهندسة مابحب ابدا اولاد الحرطوم وذوى الاسماء الحنكوشية اوشبهها ودايما عامل ليهم مشاكل فى النتيجة لكن اكتر حاجة محيرانا كانت انه مكجن كيكى كجنة جد وصاحبنا لا من الخرطوم ولا اسمه طلال
د.نجاة سعيدين بتشريفك لينا وعقبال ماتفرحى ببناتك
حاتم يوسف كيكى خلاص قال اتذكرك وبعد كدة قال ح يفك ملاسى شوية ويقبل عليك
الاستاذة ناهد بشير شكرا جزيلا للمرور والتهنئة وكتر خيرك
الاخ ابوهاشم يارك الله فيكم وشكرا للمرور
الاستاذ علاء الدين شكرا جزيلا للتهنية وكعهدنا بك صاحب واجب
الاخ محمد الطيب شكرا عزيزى ونبارك ليك السمح
الاخ شيخ العرب زارتنا البركة وجزاك الله خير
| |
|
|
|
|
|
|
Re: هنوا معي الاخ احمد التجاني بالمولود (Re: اساسي)
|
الله يبارك فيك اخ نور الدين الفحل ويسلمك من كل شر ويدوم عزك ان شاء الله
اخى عبد الدائم شكرا كثيرا على التهنئة لكن يااخوى السماية دى احسن نبعدها من المطارات البقت كلها حرائق دى
الفنان محمود مصطفى محمود الله يبارك فى ايامك وعقبال ماتفرح بجديد اولادك والعضة ان شاء الله ح تكون اسفيرية عشان نضمن مشاركة اكبر عدد من الزملاء وياريت لو صاحبها عزف منفرد من اناملكم
محمد عبد الماجد الصائم كتر خيرك وبارك الله فى ايامك وادام عزكم
الزميل والاخ عمار يس لك التحية والاشواق ويباركوا ليك السمح وعقبال ماتشوف عيال اولادك بالنسبة للاسم محمود كيف؟
استاذنا الرفاعى زارتنا البركة والله مشكور على التهنئة وكتر خيرك
اووه خليل
شكرا للمرور والتهنئة وكتر خيرك
اوووه كيفك يارامى ياابنى يااخوى قاطعتوا البلد وهملتوها البركة فيكم فى جدكم الصادق الريح جعله الله من اصحاب اليمين تعرف بمناسبة الاسماء دى – لما اتولد محمد اخوى امى اقترحت تسميه ايمن لكن كامل خالى رفض بشدة وقال ليها ابعدينا من اسامى ناس حوش حاج احمد دى
الاخ د. مجدى لك جزيل الشكر وكتر خيرك
الاخ وليد دواش شكرا عزيزى وتتبارك ايامك يارب
الاستاذة منى خوجلى بارك الله فيك واسعد ايامك كما اسعدتينا بمرورك
عزيزى العوض
وشكرا لك على التهنئة واسم العوض من الاسماء المرشحة بقوة واعتقد انه ح ينال اصوات كل ذوينا فى الهامش لكن ناس البندر مااظن يثنوه
الاخ جاد كتر الف خيرك على التهنئة وعلى ترشيح الاسماء الجميلة وسوف يتم ادراجها فى ال short list المرشحة
الاستاذة ماجدة عوض خوجلى شكرا جزيلا ونورت البوست
| |
|
|
|
|
|
|
Re: هنوا معي الاخ احمد التجاني بالمولود (Re: esam gabralla)
|
Quote: اوووه كيفك يارامى ياابنى يااخوى قاطعتوا البلد وهملتوها |
سلامات يا باشمهندس, البلد أنا كنت فيها شهر 12 الفات ولاقيت عم التجاني وسائقه الخاص (خالد, أبو راس).. ياخي لو عندك تلفونات أمير ومحمد ومرتضي عليك الله في الخاص ضروري, وكمان لو عندك تلفون نسيبك محمد عبد الله مضوي برضو بالمرة..
| |
|
|
|
|
|
|
Re: هنوا معي الاخ احمد التجاني بالمولود (Re: اساسي)
|
عصام جبر الله الله يبارك فى ايامك لكن قصة الولادة دى مافيها مواجبة وكدة وزى ماشايف اخوك بقى محمول فاى حاجة بتجى منكم كويسه ان شاء الله بيبى سواتش
Quote: يا كافي البلا ... من كلية عزابة لي بيت عزابة
|
كلية عزابة دى كان مقدور عليها بالاستعانة باهل الجوار لكن بيت عزابة دة لايطاق واسال مجرب - فى بيتنا اخواتى الاتنين جوا فى النهاية الفرق فى العمر بينى وبين الكبيرة حوالى 17 سنة
| |
|
|
|
|
|
|
|