|
لماذا العودة الى قد النخرة....سؤال الى كل بوردابية ومطلوب صور
|
وردنى هذا السؤال من الصديق عادل اسماعيل الموجود الآن بالسودان وطلب منى وضعه فى بوست : تلاحظ أخيرا انتشار ظاهرة قد النخرة وسط النساء فى السودان. السؤال موجه لكل بوردابية .لماذا تقد المرأة نخرتها؟ وهل للرجل دور فى ذلك؟ وما هو الرد اذا قام الرجل بقد نخرة زوجته؟ أو طلب منها ذلك؟ وهل قد النخرة أشبه بقد الأذن؟
|
|
|
|
|
|
|
|
Re: لماذا العودة الى قد النخرة....سؤال الى كل بوردابية ومطلوب صور (Re: Abuelgassim Gor)
|
الدكتور: قور ..سلامات
Quote: يعنى حسى أى شخص نختو مقدوده لسانو بيلحس عادى ؟...بعدين لما تقول اللحس بكون عادى تقصد شنو؟ |
عادة قد النخرة عادة قديمة موجودة في كثير من قبائل السودان .. وهي للزينة وخصوصا عند قبائل البقارة كما تعلم.. يوضع عليها الزمام أو (القشاية) وكلها تصنع من الذهب ..أما اللسان مش بقدوه ..وبس أيضا ًتثبت عليه بطريقة ما حاجة زي البلي لكنها أصغر حجماً بكثير لتجويد علمية اللحس لكن ماأظنو الملحوس يكون عسل النحل أوالسكر وماشابه ذلك ..وهي وافدة علي السودان حديثاً وغير منتشرة ..
ولك عاطر التحايا
بشير جبريل
| |
|
|
|
|
|
|
Re: لماذا العودة الى قد النخرة....سؤال الى كل بوردابية ومطلوب صور (Re: Abuelgassim Gor)
|
ولد ابا ابو القاسم.. حبابك
عندي سؤالين.. ما ليهن علاقة مباشرة هنا.. اول بالتبادي: القال نخرة ده انت..و لا صاحبك عادل اسماعيل؟ تاني التبادي: عادل اسماعيل ده ياهو زولنا ولا واحد اخر؟ ما اقصده هو الأستاذ عادل اسماعيل محمد حسين .. من اعلامي مدينة الدلنج..و هو مراسل الإذاعة القومية من الدلنج..و كان زمان المراسل الرياضي لإذاعة كردفان بالدلنج..و شقيق استاذنا و صديقنا دكتور عبد الله اسماعيل صاحب "واشوقا على بلدي شوق زولا ولوف بكائ"..و برنامج " أنا كردفان" في اذاعة كردفان؟..
المهم يا عيال أبا.. نحن بنعرف الـمُنخر..و ليس النخرة..
و لو صاحبك عادل .. طلع ياهو نفس صاحبنا.. تبقى صحيح الدنيا خربت تب.. لأنو صاحبنا عادل داك .. حالف عصيدة دخن ما ياكلها في صحن بايركس.. في شان شنو؟.. في شان البايركس خراب للتراث..
سمح الزمام الفي الصور..و قبل ايام اخونا على سماعين فتح بوست عن التراث الكردفاني فيه رقصة مردوم..و كنت داير امشي هناك مخصوص عشان اكتب عن الإكسسوار (رجالي و نسائي)..
التحية ليك ..و لعادل اسماعيل.. لغاية ما القى لي فرقة و اجيكم راجع..
كبر
| |
|
|
|
|
|
|
Re: لماذا العودة الى قد النخرة....سؤال الى كل بوردابية ومطلوب صور (Re: Abuelgassim Gor)
|
Quote: واصل ....واصل خاصة فى هذا الجانب |
يا دكتور أنت بوستيك دا قنعان منو وداير تودي الخور ولا شنو؟
Quote: لتجويد علمية اللحس
|
المقصود عملية وليست علمية ..
غايتو جنس قدود ..يا دكتور ... - قد الخشم - قد المنخر - قد اللسان - قد الصرة - قدالإبرة - قد الشهادة - والقد البجيب الريح قدو وأستريح جسم البني آدم دا على قدودو الفيهو عايزين يقددوه كلو..
مع عاطار التحايا ...
بشير جيريل
_______________________________ تاري صحي الدنيا أم قدود
| |
|
|
|
|
|
|
Re: لماذا العودة الى قد النخرة....سؤال الى كل بوردابية ومطلوب صور (Re: mekki)
|
د. قور ماك طيب
اولا اعتقد انو في موضة قد مدورة في البلد
واشهر القدات قدت الزول البراي الما بسكت الا لما تقوليهو ياخ ما تقدنا
بعدين البنات يومه ده شغالات بمثل (لو قلبك سدها وسع قدها) وشغالات قديد سااااكت
وبعدين عجبني التعبير ده
وقبل يومين قريت لاستاذ فضيلي عتاب لكيكي قال ليهو (اللينقي بلحقك)
يعني يا معشر البقارة تراثكم ده لاصق فيكم بكان سايرين
ما احلاااكم
| |
|
|
|
|
|
|
Re: لماذا العودة الى قد النخرة....سؤال الى كل بوردابية ومطلوب صور (Re: celecon)
|
قور وصحبه الفايق بالله الناس في شنو و الحسانيه في شنو؟؟؟ واله انتو بقاره فنجريه خلاص...القيامه قائمه وانتو الدنيا دي خبر ما جايبنه ليها ومبارين لي قد البنات لمناخيرهم؟؟!!
اها يا ود امي قدود الدول الغربيه دي شعر ما عندك ليه رقبه خليك في قدرود السودان بس.حس شوف جنس الصورة الآخيرة دي؟؟
ننوم ونقوم نلقاهم نزلوا لتحت....وقتها بوستك بلحق امات طه
| |
|
|
|
|
|
|
|