|
|
 مطلوب مساعدة : أنقذوني من الزولة دي ( توجد صورة) !!!!
|
center>
يا أخوانا و الله بالجد الزولة دي عامله لي لخبطة في برنامجي
زمان كنت بطلع من الدوام الساعة 12 ظهراً و بمشي بصلي في المسجد جنب مكان الشغل و بعداك بمشي المطعم و بنجعص و بنتغدي على راحتى بدون قلق الساعة واحدة بكون وصلت البيت و غيرت ملابسي و نمت.
يوم على حظي جيت بدري و فتحت التلفزيون و لقيت مسلسل كوميدي ظريف جداً شغال واحدة من نجمات المسلسل زولة رهيبة يعني مش جمال و بس لكن أدائها للدور كان بصورة إحترافيه مبالغ فيها .
قصة المسلسل (و أسمو 3rd rock from the sun) تحكي عن مجموعة من الفضائيين أرسلو للأرض لدراسة الجنس البشري و تنكروا في أجسام بشر وطبعاً كده أي شئ في العالم ده غريب عليهم و أي حاجة بعملوها بيكون بعملوها لأول مرة و من هنا بتجي المفارقات و من ضمن الشخصيات شخصية سالي سولمون ( الممثلة كرستين جونسون) و ياها دي الزولة اللخبطت لي برنامجي الزولة دي بالله أجادت دور البت البريئة بالله تقول والدنها أسه ده !!! شخصية لا تملك أن تمنع نفسك من الضحك بمجرد ظهورها في أي مشهد.
الزولة دي أنا أدمنتها بالجد والله لدرجة أني بقيت أفكك من الشغل بدري و أمشي ألحق الصلاة في المسجد جنب البيت و مرات بفط الغداء ظاااااتو لأنو بعد المسلسل يخلص الدنيا بتكون سخنة و العربية الواقفة تحت الشمس بتكون بقت فرن والله الدركسون ساكت ما تقدر تمسكوا و لا مكيفات الدنيا كلها تحلك و لو خيروك بين أنك تموت من الجوع أو تمشي المطعم أنا بختار إني أموت من الجوع. يعني أنا لي قريب العشرين يوم بتغدي الساعة 4 الظهر !!!!
أنا بسببها لحدي أسه ما أتغديت !!!!!
السؤال كيف اشفي نفسي من هذا الإدمان؟؟؟
شوفوا لي حل بالله !!!!
|
|
 
|
|
|
|
|
|
|
|
Re: مطلوب مساعدة : أنقذوني من الزولة دي ( توجد صورة) !!!! (Re: Rawia)
|
الأخت راوية
تحياتي
تعرفي عندي مشكلتين مزمنات في حكاية الطبيخ دي :
* الأولي قطيع البصل يعني لو جيران جيرانا قطعو بصل في بيتهم أنا دموعي بتجري أنهار خلى أنا أقطع البصل براي. لمن جيت من الإجازة ناس بيتنا كانو مدني بصل ناشف بمجرد ما خلص و ما لقيت في السوق زيو طوالي وقفت طبيخ 
* التانية لما أطبخ الأكل طوالي بطلع من نفسي و ما بقدر آكلو
* بالإضافة لغسيل العدة
| |
|
|
|
|
|
|
|
|
|
Re: مطلوب مساعدة : أنقذوني من الزولة دي ( توجد صورة) !!!! (Re: خالد عبد الله محمود)
|
Quote: الأولي قطيع البصل يعني لو جيران جيرانا قطعو بصل في بيتهم أنا دموعي بتجري أنهار خلى أنا أقطع البصل براي. لمن جيت من الإجازة ناس بيتنا كانو مدني بصل ناشف بمجرد ما خلص و ما لقيت في السوق زيو طوالي وقفت طبيخ
* التانية لما أطبخ الأكل طوالي بطلع من نفسي و ما بقدر آكلو
* بالإضافة لغسيل العدة |
ياخ ما تبطل مكنات
تلقاها معلوماتك عن الطبيخ تتوقف على اعتاب سلطة الدكوه
وتحمير البيض او سلقه وبس
| |
|
|
|
|
|
|
|
|
|
Re: مطلوب مساعدة : أنقذوني من الزولة دي ( توجد صورة) !!!! (Re: khaleel)
|
| Quote: و أمشي ألحق الصلاة في المسجد جنب البيت و مرات بفط الغداء |
وكان المسجد بقى بعيد من البيت ..فى الحالة دى بتعمل شنو??
اوممكن تشيل صحنك وتقعد قدام التلفزيون ياخنقت ياوديت اللقمة برة من خشمك..
كدى قول المسلسل دا فى ياتو قناة والساعة كم??..
عشان شوف ممكن ننقذك لو نغرق معاك...
نسيت ما سلمت عليك.
| |
|
|
|
|
|
|
|
|
|
Re: مطلوب مساعدة : أنقذوني من الزولة دي ( توجد صورة) !!!! (Re: Amira Elsheikh)
|
أميرة الشيخ
أزيك
Quote: وكان المسجد بقى بعيد من البيت ..فى الحالة دى بتعمل شنو??
اوممكن تشيل صحنك وتقعد قدام التلفزيون ياخنقت ياوديت اللقمة برة من خشمك..
كدى قول المسلسل دا فى ياتو قناة والساعة كم??..
عشان شوف ممكن ننقذك لو نغرق معاك...
نسيت ما سلمت عليك. |
الكويس إنو المسجد قريب ...
بس أخوك بكون مستعجل ألحق المسلسل ما بفكر زاتو الوقت داك...
المسلسل في قناة DUBAI ONE الساعة 12:30 بتوقيت السعودية
خالد
| |
|
|
|
|
|
|
|
|
|
Re: مطلوب مساعدة : أنقذوني من الزولة دي ( توجد صورة) !!!! (Re: Amira Elsheikh)
|
والله انا زاتي الزمن ما عاجبني كان خلوه الساعة واحدة كان ريحونا تماماً أصلاً الساعة واحدة بجيبو فرندز و ده شفنا حلقاتو كلها
Quote: تانى ماتغشنا وتقول بتعرف تطبخ..لانو الزمن دا البنات بقن يتبرن من الطبيخ..
|
أميرة والله أخوك بظبط ملاح بامية تاكلي صوابعك وراهو .....
بس البصل يكون مقطع جاهز و العدة مغسلة
| |
|
|
|
|
|
|
|
|
|
Re: مطلوب مساعدة : أنقذوني من الزولة دي ( توجد صورة) !!!! (Re: خالد عبد الله محمود)
|
الصديق خالد:
انا متوعك بمسلسلين......لوست و د. هاوس
عندي في الكمبيوتر ومالاقي وقت عشان اكملهم
وبمناسبة
| Quote: لمعلوماتك مافي دنقلاوي ما بيعرف يطبخ |
لي قصة طريفة من بروكسل عشان خاطرك حأحكيها قبل دورها يجي في ذكرياتي في بروكسل:
اشتكيت فعلا من عدم معرفتي بالطبخ ....ظهرا كنت اكل اكل نباتي في مطعم المستشفي اما وجبة المساء هي المشكلة....التقيت ذات مرة بطباخ السفير وهو دنقلاوي وراجل طيب جدا فسألته علي طول : ياخي انا بعاني جدا من قصة الاكل دي ..ممكن توصف لي اي حاجة اطبخها
فرد علي الفور: شوف ياهينا....أي هاجة تديو النار دا بينجض علي طول
| |
|
|
|
|
|
|
|
|
|
Re: مطلوب مساعدة : أنقذوني من الزولة دي ( توجد صورة) !!!! (Re: yasir Abdelgadir)
|
هلا د.ياسر
جمعة مباركة
| Quote: فرد علي الفور: شوف ياهينا....أي هاجة تديو النار دا بينجض علي طول |
أداك المفيد ...
بالمناسبة الموضوع بالبساطة دي..!! النسوان ديل ما يعملوا ليك فيها قاعدين يتعبوا في الطبيخ ده .. الطبيخ ده دعاية كبيرة..
لوست حضرتوا لحدي آخر حلقة أتعرضت ... كنت بحكي ليك لكن بمسخ عليك ؟
تعرف كنت بتشحتف وأنا بحضر فيهو حلقة واحدة كل أسبوع. مشيت أشتريت سيديهات الجزء التالت و الرابع و حضرتهم ليك كلهم في يوم خميس و جمعة و بعداك ندمت .. المسلسل بدون تشويق ما بيبقي عندو طعم.
تحياتي
| |
|
|
|
|
|
|
| |
خالد عبد الله محمود
Hatim Salih
Tragie Mustafa
Rawia
على محمد على بشير
khaleel
Farahat Sayed
عبد المنعم سليمان
فيس بوك
تويتر
انستقرام
يوتيوب
بنتيريست