|
Re: أخي العوض المسلمي : ما هي نتيجة فحص ال DNA الخاص بدكتور خليل إبراهيم (Re: SARA ISSA)
|
Quote: كل الذين نشر خبر خليل قالوا مصدرهم جهاز الأمن ما عدا أخوي العوض الوحيد الحشر المستشفى الكيزان بقلدوا الأمريكان ..عليك الله د.خليل دا عاوز DNA ؟؟ |
(العوض) أخوي مازول أخبار ساي , زول (دقيق) وكمان بحب أفلام الخيال العلمي , ..
أسي قالو بمشي المحاضرات وفي جيبو العين بتاعة (د. خليل) حا يحتفظ بيها لحدي مايتخرج ,وكل يوم
ببلها بي موية عشان ما تنشف .. ..
شفتا الدقة دي كيف ؟..
بعدين (العوض) أخوي مازي ناس (ودجمعة) بنقل أخبار ساي , لازم يأكدا بأدلة حتى لو مصدرو(ست شاي) ..
_________________________________________________
التحية للعوض أخوي أبو (الدقيق) .. وهذا منسوبة إلى (الدقة)
| |
|
|
|
|
|
|
Re: أخي العوض المسلمي : ما هي نتيجة فحص ال DNA الخاص بدكتور خليل إبراهيم (Re: كمال علي الزين)
|
كمال كيفك
Quote: وكل يوم
ببلها بي موية عشان ما تنشف .. .. |
دي عين ولا جلد اصلو؟
Quote: بعدين (العوض) أخوي مازي ناس (ودجمعة) بنقل أخبار ساي |
ود جمعه براه بوريك
Quote: لازم يأكدا بأدلة حتى لو مصدرو(ست شاي) .. |
اها ستات الشاي ديل مالهم ؟ ديل مربيات اسر وفاتحات بيوت حقو تعتذر عن هذا الكلام والله الاخوات يجنك هسه لحدي ما تشتهي العافيه اصبر بس
Quote: التحية للعوض أخوي أبو (الدقيق) .. وهذا منسوبة إلى (الدقة) |
يعني بس الي الدقه ؟
| |
|
|
|
|
|
|
Re: أخي العوض المسلمي : ما هي نتيجة فحص ال DNA الخاص بدكتور خليل إبراهيم (Re: كمال علي الزين)
|
كمال سلام يا راقي
Quote: (العوض) أخوي , إلتحق بالجامعة لدراسة (الهندسة الوراثية) أديهو فرصة خمسة سنة كده يتخرج ويجاوبك ..(الشفقة تطير) |
اها الكلام ده الوراك ليهو منو؟ الواحد كان سجل ساهي تجو وتقولوا درس ووراثه خلاص يعني سر بقي في البلد دي بقي مافي
Quote: كامل التضامن مع الطالب (العوض أخوي المسلمي) .. |
شكرا ولكن العوض ما محتاج لتضمنك هسه اجله شويه ...يمكن نحتاج تضامنك ده بعدين
| |
|
|
|
|
|
|
Re: أخي العوض المسلمي : ما هي نتيجة فحص ال DNA الخاص بدكتور خليل إبراهيم (Re: SARA ISSA)
|
عزيزي ساره عيسي سلام
نوثق اول ...
Quote: هكذا أورد العوض المسلمي الخبر ، إعتقال د.خليل إبراهيم وهو الآن يخضع لفحص ال DNA ، وبعد رؤيتنا لخليل إبراهيم في قناة الجزيرة من حقنا أن نعرف نتيجة هذا الفحص ومن الذي دفع الفاتورة ؟؟ وهل أتضح أنه مطابق أم سلبي ؟؟ هذه الأسئلة يجب أن تجيب عليها يا أخي المسلمي |
ايها الرجل الكريم
يعجبني كثير تحليلك واصرارك علي متابعة ما يكتب وخصوصا عن مناضلكم د.خليل ابراهيم ولكني اختلف معكم في انه افاد قضية دارفور باي شئ بل العكس فمازاد الا تهجيرا وضياعا عزيزي نعم انا اول من قال بالقبض علي المجرم خليل ولم اخفي فرحتي بالنباء وان كنت قبله قد فتحت اول بوست بسودانيز اون لاين ببدء الهجوم علي امدرمان تجاهلت انت وغيرك السبق باعلاني بدء المعركه وتمسكت فقط بالاعلان عن قبض خليل لشئ في نفسك تفضحه الايام القادمات وان كان لايحتاج لايام قادمات فقد وضح كل شئ ووقعت الاقنعه
Quote: هكذا أورد العوض المسلمي الخبر ، إعتقال د.خليل إبراهيم وهو الآن يخضع لفحص ال DNA ، |
الان وقد رفعت لك البوست المعني في الصفحه الاولي فبالله عليك اريني اين كتبت العباره التي قلت عليها ؟
| |
|
|
|
|
|
|
Re: أخي العوض المسلمي : ما هي نتيجة فحص ال DNA الخاص بدكتور خليل إبراهيم (Re: SARA ISSA)
|
ساره كيفك
Quote: أخوي العوض أتعرف لماذا ركزت عليك ولم أركز على محمد حامد جمعة ؟؟ أو عبود ودقداق ؟؟ الرابط في هذا غزوة أحد عندما زعمت قريش أنها قتلت الرسول ( ص ) فصاح أبو سفيان بن حرب في جمع المسلمين ..أقتلنا محمداً؟؟ فنرد عليه سيدنا عمر بن الخطاب النفي فقال ابو سفيان : أنت عندي ابرَ وأصدقَ من إبن أبي قمئة .. وللعلم أنا صدقت العوض المسلمي وكذبت بيانات حركة العدل والمساواة |
ساره عارفه
طبيعتي التي تربيت عليها ولن احيد عنها وربيت عليها اولادي وبناتي هي الصدق ...حتي في المزاح او الهزار ...واغضب جدا اذا كذب احد علي في موضوع ولهذا لا اغضب او اتاثر بحديث الا ان يقول لي احد اني كاذب فهذه صفة منافقين والرسول صلي الله عليه وسلم قال :المؤمن لايكذب اما موضوع خليل فقد قلت راي فيه بما يبعد عنه الغموض
| |
|
|
|
|
|
|
Re: أخي العوض المسلمي : ما هي نتيجة فحص ال DNA الخاص بدكتور خليل إبراهيم (Re: العوض المسلمي)
|
اخي العوض انا أنصفتك عشان كدا عملت البوست دا عشانك..ليه مثلاً ما هاجمنا محمد جمعة أو عم أبو الدرداق أو دقداق مش عارفة أو عبود ..أو عم أبو رزقة نحن أخترنا العوض المسلمي لأنو مش باين عليك كذاب ..صحيح ممكن تكره.دخليل إبراهيم لأنو غرابي بس دا ما سبب يخليك تتبنى حرب دعائية
اديك معلومة ..في يوم 12/5/2008 أنا كنت أعلم مكان د.خليل إبراهيم بتقاطع خطوط العرض والطول ..داخل أمدرمان وكنتا بضحك بعد الجماعة يقولو مسكناهو وهو يفرفر حي قدامنا!! الإنقاذ فشلت في تعقب موكب خليل المكون أكثر من مائة سيارة والرجل كان أشبه بمن يتنزه في شاطئ البحر ..ممكن تقول خليل جاب الأطفال وحارب بيهم ..انا سوف أستخدم معاك فقه الكيزان في حروب الأطفال .. الإمام علي بن ابي طالب شارك في الحرب وهو لم يبلغ الحلم وهو نام في فرش الرسول ( ص) في ليلة الهجرة سيدنا عبد الله بن عمر شارك في موقعة أحد وعمره لم يتجاوز ال 16 عاماً هناك شهيد في حرب الجنوب الأخيرة واسمه مصطفى - ولو بشاهد ساحات الفداء - عمره لا يتجاوز ال 14 عاماً ، من المرحلة المتوسطة ذهب للجنوب ، وبعدين أطفال دارفور هناك ميتين في قراهم وديارهم ..فأحسن يموتوا في الخرطوم بدل يموتوا في دارفور بلا ثمن
| |
|
|
|
|
|
|
Re: أخي العوض المسلمي : ما هي نتيجة فحص ال DNA الخاص بدكتور خليل إبراهيم (Re: SARA ISSA)
|
ساره عيسي سلام
Quote: نحن أخترنا العوض المسلمي لأنو مش باين عليك كذاب |
كما اعلم ان الكذب شئ لايظهر من لبس او شكل او شنا او جمال ولكنه تربيه تربينا عليها ونتمني ان نلقي الله عليها صدقا وامانه وفعلا فراسة مؤمن فوالله لن تجد عندي كذبا ابدا
Quote: ..صحيح ممكن تكره.دخليل إبراهيم لأنو غرابي بس دا ما سبب يخليك تتبنى حرب دعائية |
لعلمك كمان
انا لا اكره خليل ابراهيم لانو غرابي لاني اصلا لا اكرهه وثانيا من قال لك اكره الغرابه ؟ حرام عليك ان تقول مثل هذا الكلام والف حرام ومن هم الغرابه ؟ ومتي اتي هذا المصطلح ؟ ان من تسميهم الغرابه "ورغم كرهي للتسميه في حد ذاتها " اخواني واهلي ولا فرق عندي بين من يسكن غرب السودان او يسكن شرقه او وسطه او جنوبه انني في بيتي واسرتي كل من سميتهم الغرابه نعيش في بيت واحد ولافرق بيننا
| |
|
|
|
|
|
|
Re: أخي العوض المسلمي : ما هي نتيجة فحص ال DNA الخاص بدكتور خليل إبراهيم (Re: محمد عبد الماجد الصايم)
|
ياعمك سلام وينك شنو واصل متاخر
Quote: سارة .. شنو ياخ!!
يعني الناس البتكتب في البنبر دا كلهم ما شايف فيهم إلا العوض أخوي دا الناس دي كلها بتلقط كلام قبل نهايتو بيكون هنا!!
نصيحة شوف موضوع تاني |
ياعمك شكلو العوض القندول الفنقل الريكه يكضبو الاربعه وعشرين ساعه ويقولوا نحن ونحن يجي الكاشف اخوك بخبر حتي قناة العربيه اذاعته يقوليك العوض قال ويرجع يقول العوض صادق طيب العوض صادق ساكيهو مالو؟؟؟؟؟
غايتو جنس شربكه
| |
|
|
|
|
|
|
Re: أخي العوض المسلمي : ما هي نتيجة فحص ال DNA الخاص بدكتور خليل إبراهيم (Re: انعام حيمورة)
|
انعام حيموره الرائعه الحنونه سلام
Quote: رسالة :
اخوي العوض المسلمي
تضامني معك في محنتك
كمال على الزين ..
الراجل العوض المسلمي دا لسة حا تكتشفوا اكتر واكتر ..
__________________________________________
العوض غايتو كان كوز كان ما كوز ( انا بقيت شلتك) |
كلامك اختي علي العين والراس ويا اختي انا بعد لقيتك انتي كفاني .... مادام انتي والرائعين الزيك معاي تاني ماعندي اي مشكله وتسلمي ياشيالة هموم الناس وتسلمي يا قضايه مشاكل الناس وبدون فرز بس همك السودان ومادام في الزيك نقول البلد بالف خير وربنا يخليك يارب
| |
|
|
|
|
|
|
Re: أخي العوض المسلمي : ما هي نتيجة فحص ال DNA الخاص بدكتور خليل إبراهيم (Re: SARA ISSA)
|
Quote: اخي العوض انا أنصفتك عشان كدا عملت البوست دا عشانك..ليه مثلاً ما هاجمنا محمد جمعة أو عم أبو الدرداق أو دقداق مش عارفة أو عبود ..أو عم أبو رزقة نحن أخترنا العوض المسلمي لأنو مش باين عليك كذاب ..صحيح ممكن تكره.دخليل إبراهيم لأنو غرابي بس دا ما سبب يخليك تتبنى حرب دعائية
اديك معلومة ..في يوم 12/5/2008 أنا كنت أعلم مكان د.خليل إبراهيم بتقاطع خطوط العرض والطول ..داخل أمدرمان وكنتا بضحك بعد الجماعة يقولو مسكناهو وهو يفرفر حي قدامنا!! الإنقاذ فشلت في تعقب موكب خليل المكون أكثر من مائة سيارة والرجل كان أشبه بمن يتنزه في شاطئ البحر ..ممكن تقول خليل جاب الأطفال وحارب بيهم ..انا سوف أستخدم معاك فقه الكيزان في حروب الأطفال .. الإمام علي بن ابي طالب شارك في الحرب وهو لم يبلغ الحلم وهو نام في فرش الرسول ( ص) في ليلة الهجرة سيدنا عبد الله بن عمر شارك في موقعة أحد وعمره لم يتجاوز ال 16 عاماً هناك شهيد في حرب الجنوب الأخيرة واسمه مصطفى - ولو بشاهد ساحات الفداء - عمره لا يتجاوز ال 14 عاماً ، من المرحلة المتوسطة ذهب للجنوب ، وبعدين أطفال دارفور هناك ميتين في قراهم وديارهم ..فأحسن يموتوا في الخرطوم بدل يموتوا في دارفور بلا ثمن |
نريد احد يقول لينا راي الدين في مشاركة القصر في الحروب
| |
|
|
|
|
|
|
Re: أخي العوض المسلمي : ما هي نتيجة فحص ال DNA الخاص بدكتور خليل إبراهيم (Re: العوض المسلمي)
|
مش محتاج شوف القاعدة في العراق وافغانستان أو شوف حماس في فلسطين مافيش حاجة اسمها إتفاقية جنيف في السودان وهي ليست مرجع الإسلاميين ..وهي بالفعل الإتفاقية الوحيدة التي تنص على عدم إستخدام الأطفال في الحروب وبعدين د.إسماعيل الحاج موسى مشرع المؤتمر الوطني جلب أربعة فقهاء عشان قضية إستخدام الأطفال في الحرب ، هؤلاء الفقهاء الأربعة أختلفوا في تحديد عمر الطفل ، وأختلفوا حتى في علامات البلوغ ، فالفارق في درجة التكليف الشرعي وصل إلي خمسة سنوات ..وفي الفقه الإسلامي سوف تجد مصطلحات مثل ..مكلف ..يملك الأهلية ..يميز بين الخطأ والصواب ..الصبي ..الغلام .. إمارات الحلم الصغرى ..إمارات الحلم الكبرى .. ومصطلح طفل دا لن تجده إلا عند سامية أحمد محمد وهو مصطلح غير متداول في الفقه الإسلامي .. وبعدين يا اخوي المسلمي أنا شوفتا كشات الخدمة الوطنية ايام حرب الجنوب في سوق ليبيا والسوق الشعبي ..والله كانوا بيرسلوا الناس الحرب ولا عارفين أعمارهم كم ..
| |
|
|
|
|
|
|
|