|
Re: لحظات استقبال أب لابنه حضر على متن الطائرة المنكوبة بعد فراق دام 24 عاما (Re: يسرى معتصم)
|
الاخ / يسري مساء الخير شكرا ....فقد انتظرت هذا البوست طويلا
الوالد عوض علي حسن برسي ( عوض علوب ) ابن خالي عديييييييل كده خرج من السودان سنة 1976م وانضم الي الفدائين الفلسطينين في لبنان وعندما تم اخراج الفلسطينيين من لبنان ذهب الي سوريا وتزوج من ام ابنه مجدي وبعد ثلاثة اشهر تم بينهم انفصال ولم يكن يعلم بان زوجته حامل , عاد للسودان بعد 18 سنة وتزوج من احدي قريباتنا واستقر به المقام في الخرطوم العام الماضي نشرت جريدة الراي العام تحقيق عن ابن يبحث عن والده وتم ايضا استضافته في برنامج مراسي الشوق من سوريا والحمد لله ان والدته لم تخفي عليه خبر ان والده سوداني وانه يقيم في السودان وكانت قد استخرجت له شهادة ميلاد باسم والده الحقيقي عوض علوب ...وبواسطة برنامج مراسي الشوق تم الوصول لوالده وتم الاتصال بينهما وخلال سنة كاملة كان التلاقي فقط من خلال الاتصالات الهاتفية حتي قرر اخيرا الحضور للسودان وصادف تاريخ وصوله ان يكون في نفس الطائرة المنكوبة ولتوثيق لحظة الوصول واللقاء بين الاب وابنه كانت اسرة برنامج مراسئ الشوق هناك ليتم التوثيق لهذه اللحظة الانسانية في ظروف اكثر انسانية .....
شكرا يسري لهذا التوثيق والف حمد الله علي سلامة الابن مجدي والتحايا للاخ عوض علوب
| |
|
|
|
|
|
|
Re: لحظات استقبال أب لابنه حضر على متن الطائرة المنكوبة بعد فراق دام 24 عاما (Re: يسرى معتصم)
|
تابعت هذا اللقاء عبر برنامج (مراسى الشوق ) على الفضائية السودانية يوم الجمعة الماضية ..... الجدير بالذكر ان هذا البرنامج قام فى فترة سابقة بربط الاب بأبنه عبر نداء وجهه عبر البرنامج ... ....وان كاميرا مراسى الشوق كانت فى المطار بقيادة المخرج شكرالله خلف الله والمذيع محمد جمال وجعفر امبدى ...والاخوة المصورين ....انتظارا لقدوم هذا الابن من سوريا .....وقامت لحظتها كاميرا البرنامج ...بتصوير الحدث ولحظة الانفجار بعد نجاة الكثيرين ونجاة الابن ولقاءه بوالده ...وقد شاهدت عبر البرنامج المصور وهو يجرى ناحية الطائرة .... وتصوير الانفجار ......الذى لم اره الا فى تلك الحلقة ..!!!!
خالص التعازى للشهداء والحمدلله على سلامة الناجيين
والف حمدلله على سلامة هذا الابن ولقاءه بوالده بعد كل هذه السنين ...
الشكر اخ يسرى
| |
|
|
|
|
|
|
Re: لحظات استقبال أب لابنه حضر على متن الطائرة المنكوبة بعد فراق دام 24 عاما (Re: BADRELDIN MAHMOUD)
|
Quote: الاخ / يسري مساء الخير شكرا ....فقد انتظرت هذا البوست طويلا
الوالد عوض علي حسن برسي ( عوض علوب ) ابن خالي عديييييييل كده خرج من السودان سنة 1976م وانضم الي الفدائين الفلسطينين في لبنان وعندما تم اخراج الفلسطينيين من لبنان ذهب الي سوريا وتزوج من ام ابنه مجدي وبعد ثلاثة اشهر تم بينهم انفصال ولم يكن يعلم بان زوجته حامل , عاد للسودان بعد 18 سنة وتزوج من احدي قريباتنا واستقر به المقام في الخرطوم العام الماضي نشرت جريدة الراي العام تحقيق عن ابن يبحث عن والده وتم ايضا استضافته في برنامج مراسي الشوق من سوريا والحمد لله ان والدته لم تخفي عليه خبر ان والده سوداني وانه يقيم في السودان وكانت قد استخرجت له شهادة ميلاد باسم والده الحقيقي عوض علوب ...وبواسطة برنامج مراسي الشوق تم الوصول لوالده وتم الاتصال بينهما وخلال سنة كاملة كان التلاقي فقط من خلال الاتصالات الهاتفية حتي قرر اخيرا الحضور للسودان وصادف تاريخ وصوله ان يكون في نفس الطائرة المنكوبة ولتوثيق لحظة الوصول واللقاء بين الاب وابنه كانت اسرة برنامج مراسئ الشوق هناك ليتم التوثيق لهذه اللحظة الانسانية في ظروف اكثر انسانية .....
شكرا يسري لهذا التوثيق والف حمد الله علي سلامة الابن مجدي والتحايا للاخ عوض علوب |
غايتو يا هارون دياب النجى الشاب ده فعلا دعوات والدته الربت وكبرت لوحدها لمدة 24 سنهة!!
....ويا اخوي قريبك ده بالغ 24 سنه ما عرف يلم في ولده؟؟غايتو ربك كاتب له ستره بس انه يتعرف على ابنه وتعال شوف ابو سمرا ولدنا ده بيكون شقى وتعب وسط الناس ديك قدر شنو؟؟ مش امه سوريا برضوا يكون عاني من التمييز العنصري واتقال له يا ابو سمرا في كل ملف وكل ركن,ربنا معاه وبركه الطلع حي...وحسه خليه يشبع بيا حلبي في السودان ايضا !!
منتظرين باقي القصة وقول لقريبك عوض علوب الف حمد على سلامة ولده لكن اايه ان يخليه يرجع بسودانير ثاني.
| |
|
|
|
|
|
|
Re: لحظات استقبال أب لابنه حضر على متن الطائرة المنكوبة بعد فراق دام 24 عاما (Re: Tragie Mustafa)
|
ام حازم سلام
Quote: غايتو يا هارون دياب النجى الشاب ده فعلا دعوات والدته الربت وكبرت لوحدها لمدة 24 سنة!! |
وفعلا قلب الام وانتي ام لان الابن ماجد قال كلامك ده بالضبط
Quote: ....ويا اخوي قريبك ده بالغ 24 سنه ما عرف يلم في ولده؟؟غايتو ربك كاتب له ستره بس انه يتعرف على ابنه |
شايفه ربك ده كريم كيف عاوز يستر الراجل يعني لو لاسمح الله والولد راح فوقه المراة دي كانت كرهت اليوم العرفت فيه السودان
Quote: منتظرين باقي القصة وقول لقريبك عوض علوب الف حمد على سلامة ولده لكن اايه ان يخليه يرجع بسودانير ثاني. |
الله يسلمك لكن انا لو مكان الولد ده تاني لو ارجع سوريا بي عجلة مابركب سودانطير دي
التحايا هارون دياب
| |
|
|
|
|
|
|
Re: لحظات استقبال أب لابنه حضر على متن الطائرة المنكوبة بعد فراق دام 24 عاما (Re: jini)
|
جني ازيك
Quote: تراجى شايتة وين! انتى ما دايرة تخلى الضفارى! اى اب هذا الذى ينقطع عن فلذة كبده اربعة وعشرين عاما! مثل هذا الاب البيولوجى خير منه الأب الفخرى! جنى |
يااخوي انت الشايت وين ...؟ قلنا ليك الراجل انفصل عن زوجته بعد الزواج بثلاثة اشهر وماكان عارف انها حامل وعرف اخيرا قبل سنة ومن خلال اعلان من الابن بانه يبحث عن والده ....وبرضو من خلال برنامج مراسي الشوق. يعني ما 24 سنة. بعدين ياعمك الراجل ولد خالنا ماتشيل حسه . التحايا هارون دياب
| |
|
|
|
|
|
|
Re: لحظات استقبال أب لابنه حضر على متن الطائرة المنكوبة بعد فراق دام 24 عاما (Re: jini)
|
عجبني لك يا جني حسه الشايت ضفاري منو؟؟؟
Quote: تراجى شايتة وين! انتى ما دايرة تخلى الضفارى! اى اب هذا الذى ينقطع عن فلذة كبده اربعة وعشرين عاما! مثل هذا الاب البيولوجى خير منه الأب الفخرى! جنى |
عشان يردوا عليك بجنس ده؟؟؟
Quote: يااخوي انت الشايت وين ...؟ قلنا ليك الراجل انفصل عن زوجته بعد الزواج بثلاثة اشهر وماكان عارف انها حامل وعرف اخيرا قبل سنة ومن خلال اعلان من الابن بانه يبحث عن والده ....وبرضو من خلال برنامج مراسي الشوق. يعني ما 24 سنة. بعدين ياعمك الراجل ولد خالنا ماتشيل حسه . التحايا هارون دياب |
عشان نبقى لجنس ده؟؟؟
| |
|
|
|
|
|
|
Re: لحظات استقبال أب لابنه حضر على متن الطائرة المنكوبة بعد فراق دام 24 عاما (Re: jini)
|
العزيز يسري !!!
يسعد صباحك ..
عارف أنا شاهدت البرنامج من أوله لآخره والولد ماجد دة فعلا أصيل وإبن أوادم زي ما بقولو لأنه حاول
جاهدا أن يتحدث بلهجة سودانية لكي يثبت إنه سوداني 100% رغم اللكنة السورية وهذا ما يدل على أنه
أصدقاءه في سوريا سودانيين .. تانيا قال كنت عايز أرجع الطيارة تاني عشان أنقذ الناس اللي كانوا
بستنجدوا بي عشان ضميري أنبني .. تالتا كان سعيد بي عماتو الجو من البلد في الوقت اللي فيه في
ناس كتار بتنكروا لأقرب الناس ليهم ..
هارون دياب : حمد لله على سلامة ماجد .. لله في خلقه شئون!!!
| |
|
|
|
|
|
|
|