|
المؤتمر الوطنى اكثرية منتفعة وقلة منظمة (الدوحة مثال)التركى ولا المتورك
|
اكثر ما يحيرنى الان ليس فرض قناعات على احد او فرض فكر على احد .......فالجميع لهم خيار
التنظيم وحق اعتناق اى فكر يرونة يلبى تطلعاتهم .حسب حقوق الانسان المتعار ف عليها.
صادفت كثير من من فى الدوحة يقولون انهم ليسو بمؤتمر وطنى, نتقرب منهم فقط و لا نعادية .والواقع
يقول غير ذلك .هؤلاء يحيرونى كثيرا حين تبرز اى قضية تجدهم ملوك اكثر من الملك نفسة
ذكرت الدوحة كمثال لانى صادفت كثير منهم. منهم من احتككت معهم فى العمل العام ....
ومنهم من صادفنى فى مجالس خاصة ..........
اعرف جيدا ان الجزب الجاكم يظهر لة احباء كثر وديل ناس باردة بعتبرهم .....فانا اسمى هؤلاء
المنتفعين ..واقترح للاخوان فى المؤتمر الوطنى ان يوسعو الماعون شوية ويسمونة الموتمر الوطنى
والمنتفعين................لانى اعرف ان عمود المؤتمر الوطنى هم الاخوان المسلمين ...
انفصلو عن الاخوان المصريين فى فترة ما من التاريخ ...وبداءو يغيرو فى مسمياتهم من ميثاق
الى جبهة قومية الى وطنى الى شعبى ولا ادرى ما القادم ...............
واعلم ان الحكام دائما يلتف حولهم من يريدون الوصول الى منصب او مال او سلطة او وجاهة
واذكر نكتة الترابى عن سبدرات حين قال عنة بعد الانفصال (واحد جبناهو كومبارس بقى مخرج)...
فانا شخصيا احترم صاحب اى فكر او منهج ان كان مؤتمر وطنى ام يسارى او احزاب وسط
ولكن هؤلاء هل تحترمهم ؟سؤال يورقنى كثيرا وانت تنظر اليهم وتعرف ما يقولونة لك
وحين الجد تجدهم يفعلون عكس ما يقولون ......ومرات يكونو اكثر تشددا من اهل المؤتمر الوطنى
فتحتار فيهم فهل يكذبون على ؟ام يكذبون عليهم؟ ام يكذبون على انفسهم؟ .ام المصلحة تقتضى ذلك.
|
|
|
|
|
|
|
|
Re: المؤتمر الوطنى اكثرية منتفعة وقلة منظمة (الدوحة مثال)التركى ولا المتورك (Re: عمر سعد)
|
الاخ عمر سعد تحية طيبة
سبل كسب العيش في السودان شكلت الانقاذ لها طرق جديده من اهمها التي سجلها وجدان الشعب السوداني الخلاق دعوني اعيش
و اليك هذه الحكاية قبل اشهر ذهب لزيارة الاستاذ سيداحمد الحسين و جدت مقيم معه احد قادة الاتحادي والذي كان ممثلا لمنطقته في البرلمانات التي شهدتها فترات الديمقراطيةوبعد حديث و نقاش في قضايا تلك اللحظة و كان شقيق الشخص المعني و الذي جاء مرافقا لاخيه الاكبر اكثرنا حدثا و ايراد للاخبار فجأة قال القيادي المعني نسيت اعرفكم بأن اخي هذا مؤتمر وطني و عضو مجلس الولايةفرد الاخ بسرغة ما عشان تعرفوا تعيشوا زي الناس!!!!!!!!!!!!!!!!!!!!!!!!!!!!!!!!!!!!!!!!!!
وقيس علي كده
| |
|
|
|
|
|
|
Re: المؤتمر الوطنى اكثرية منتفعة وقلة منظمة (الدوحة مثال)التركى ولا المتورك (Re: osman righeem)
|
الاخ عثمان
واللة حاجة تحير يعنى زى دة ما ترف تناقشو على ياتو اساس ممكن تلقى اخو مسلم عديل تناقشو
او شيوعةى او امة او اتحادى او بعثى او حركة ...فتعرف كيف تناقشهم ولكن مثل هؤلاء يحيرونى
وما تعرف تقول ليهم شنو .........انا انتظر اى تغيير فى السودان لارى هؤلاء الى اين يميلون
اخاف ان امسك الحزب الشيوعى بالسودان الحكم لوجدت صور ماركس على صدورهم ويقولون لك ما ادراك
ما انجلز وماركس انحنا من زمان كادر سرى هاهاهاهاههاهاهاهاهاهاهاه
كيف تناقش هؤلاء يا عثمان ؟
| |
|
|
|
|
|
|
Re: المؤتمر الوطنى اكثرية منتفعة وقلة منظمة (الدوحة مثال)التركى ولا المتورك (Re: حمد عبد الغفار عمر)
|
الاخ حمد
طبعا السودانيين ما عندهم اسرار كلو على المفتشر
بعدين ثقافة التعدد فى البيت الواحد دى من زمان موجودة وكلو زول فى اتجاة والكل متوازن
ودة بينسف المقولة الاصدقاء لو كان كدة كان البيت كلو بقى اتجاة واحد لكن التعدد موجود
وما فيهو خلاف فى السودان فى غيرو من الدول بتتم اغتيالات وكل زول بيكن خايف من اخوهو او ابوهو ما يفتنو
لكن انا بتكلم عن ناس بيتبنو وبيصوتو لراى تيار مؤتمر وطنى وبيقولو ليك برة انحنا ما عندنا معاهم شغلة ويزيدك من الشعر بيت انو ديل حرامية ...
| |
|
|
|
|
|
|
Re: المؤتمر الوطنى اكثرية منتفعة وقلة منظمة (الدوحة مثال)التركى ولا المتورك (Re: عمر سعد)
|
عمر سعد.
مثل هذا الامراض دائما نجده تنتشر افي ظل الانظمة الدكتاتورية، وهي تقل كثيرا في وجود نظام ديمقراطي عادل يعطي الجميع حقوقهم. ولكن هنالك نفر من الناس تجد صفة الانتهازية متأصلة بهم وهنالك عوائل كاملة في السودان تتسم بصفة الانتهازية، وهي عوائل مشهورة جدا. ولكن بيني وبينك أنا معجب بأنتهازية صلاح غريبة. الرجل يعملها بكل وضوح ولا يستحي من أحد أبدا. أنت يا أبو ساندرة. زولك القلتوا ده تفتكر ممكن ينافس صلاح غريبة في الانتهازية؟
دينق.
| |
|
|
|
|
|
|
Re: المؤتمر الوطنى اكثرية منتفعة وقلة منظمة (الدوحة مثال)التركى ولا المتورك (Re: عمر سعد)
|
الاخ عمر تحياتى حتى فى النظام الديمقراطى موضوع الرجل المناسب فى المكان المناسب اى تقلد الكفاءات للمناصب يأخذ وقت ، ولذلك النظام الديمقراطى يحتاج لزمن طويل وصبر لكى يثمر وهذا ما يحتاج الناس ان يفهموه، خاصة وان نظامنا الديمقراطى يأتى بالحزبين الكبيرين بكل تشوهتهم البنيوية وذلك يعنى ان الصبر حيكون طويل لكن مهما كان طويل برضو افضل من حكم المؤسسة العسكرية السودانية. ذلك يعنى استمرار ظاهرة الانتهازية مع الاحزاب الكبيرة على بداية حكمها واستمرار ظاهرة the old boys network التى كان قد اشار اليها الراحل قرنق
| |
|
|
|
|
|
|
Re: المؤتمر الوطنى اكثرية منتفعة وقلة منظمة (الدوحة مثال)التركى ولا المتورك (Re: عمر سعد)
|
الان الان يحاولون ان يكونو كادر خطابى للمؤتمر بدون كيس
واحد منهم لا اعرف مهنتة بالظبط ولكن يدعى معرفة اى شئ فى الدنيا
من احدى اقاليم السودان ..........لا اعتقد انة قراء لللعراب الترابى اى كتاب
ولم يعرف كتب سيد قطب او حسن البنا او ابو الاعلى المودودى
معرفتة فقط انة مرسال شوق ........
قررت ان لا اناقش هؤلاء ابدا ابدا لان فى ذلك اشعار لهم بانهم كوادر مهمة فى التنظيم
وهم فقط يجيدون ان يوصلو المعلومات من هنا او هناك ولا احبذ استعمال اللفظ السودانى الدارجى.....
| |
|
|
|
|
|
|
Re: المؤتمر الوطنى اكثرية منتفعة وقلة منظمة (الدوحة مثال)التركى ولا المتورك (Re: عمر سعد)
|
اخونا عمر تحياتي اسف علي التأخير
طبعا لو عايز تصنف مثل هذه الامثلة تحتاج لوضع معيير القياس ولكن انا سوف اتحدث لك عم نوعين
النوع الاول الذي يتقدم الصفوف و يعلن انتماءه الي الكيانات التي تعادي المؤتمر الوطني وانها سوف لن تمكن المؤتمر و السفارة بالتلاعب بمكاسب الجالية وتاني يوم من حصولهم علي التفويض من القاعدة يشتروا عمم جديدة وعليك يا السفارة و تظهر لك التبريرات الفطيره و المبيته انهم الرواد الذين يكذبون ويتلاعبون و بغدرون ببعضهم البعض . و يقدمون نموذجا لادارة التجمع الوطني الديمقراطي الذي يعماون تحت رايته يجعل المواطن يتمني طول العمر للانقاذ.
النوع الثاني أو ما يسمي بالانتهازية الواعيةوهذا من النوع المنتشر في كل الجاليات ويخبرك بأنه رياضي مثلا أو ان مهنته كصحفي تلزمه بالعمل بإستقلاليه وبعد ذلك عندما تطابق المبدأ بالتنفيذ تجد انه في انتهازيته فاق حتي اكذب اجهزة اعلام المؤتمر الوطني والخطورة في مثل هذا النوع انه يقدم نموذج الشخص المحايد الذي يحكم بالوقائع ودائما الثمن الذي يقبضه تافه و علي قدر قامته الوطنية
ونواصل
| |
|
|
|
|
|
|
Re: المؤتمر الوطنى اكثرية منتفعة وقلة منظمة (الدوحة مثال)التركى ولا المتورك (Re: osman righeem)
|
طبعاQuote: لو عايز تصنف مثل هذه الامثلة تحتاج لوضع معيير القياس ولكن انا سوف اتحدث لك عم نوعين
النوع الاول الذي يتقدم الصفوف و يعلن انتماءه الي الكيانات التي تعادي المؤتمر الوطني وانها سوف لن تمكن المؤتمر و السفارة بالتلاعب بمكاسب الجالية وتاني يوم من حصولهم علي التفويض من القاعدة يشتروا عمم جديدة وعليك يا السفارة و تظهر لك التبريرات الفطيره و المبيته انهم الرواد الذين يكذبون ويتلاعبون و بغدرون ببعضهم البعض . و يقدمون نموذجا لادارة التجمع الوطني الديمقراطي الذي يعماون تحت رايته يجعل المواطن يتمني طول العمر للانقاذ.
النوع الثاني أو ما يسمي بالانتهازية الواعيةوهذا من النوع المنتشر في كل الجاليات ويخبرك بأنه رياضي مثلا أو ان مهنته كصحفي تلزمه بالعمل بإستقلاليه وبعد ذلك عندما تطابق المبدأ بالتنفيذ تجد انه في انتهازيته فاق حتي اكذب اجهزة اعلام المؤتمر الوطني والخطورة في مثل هذا النوع انه يقدم نموذج الشخص المحايد الذي يحكم بالوقائع ودائما الثمن الذي يقبضه تافه و علي قدر قامته الوطنية |
الاخ عثمان
تعرف النوع الاول داير ليهو بوست لحالو من ما يسمى بالتجمع الوطنى الهالك....
اما النوع الثانى فهذا من ما انا بصددة
ولى من هذا اثنين فى مجالين الاول اعلامى..................يسارمينى حسب علمى ان الاعلاملى شرفة الكلمة فكيف تكتب
بلسانين ويدين وشفتين........لكن المعايش جبارة ...........................
الثانى متخصص فى الرياضة ولكن عند التصويت متخصص سياسة ذو اتجاة واحد...........
طبعا انتبهت الانقاذ مؤخرا الى مجالات زى الرياضة وزى الغناء
صار همهم الاول ان يفرغو ناس منهم لهذا الكم الهائل من المشجعين واصحاب الفرق الرياضية.
وبذلو المال لذلك واليك فى السودان جمال الوالى الذى كان لايعرفة الا قلة الان صار نمرة 3 بعد البشير
وسلفاكير ............................................
اما الفنانين فالكيزان بيستخدمو الصوفية مطية ليهم .فحبو يفرغو المديح من قالبو
فاجبرو الفنانين ان يمدحو جميعا حتى تصير اى مدحة لا تختلف عن اغنية راجل المرة
فكيف باللة واحد يمدح بالليل وفى الصباح يقول ليك مرة الراجل حلوة حلا.....
هذا ما كان من امر الغغناء والرياضة .....وبرضو فيها مكاسب كتيرة لا تعد من سفرات ومهرجانات
وما شا ء من ذلك........
اواصل
| |
|
|
|
|
|
|
Re: المؤتمر الوطنى اكثرية منتفعة وقلة منظمة (الدوحة مثال)التركى ولا المتورك (Re: عمر سعد)
|
الحبيب عمر كيف حالك
موضوعك جميل خالص وانا عندي فيه كلام المسألة بقت انو الشباب بقوا ينجروا خلف المؤتمر الوطني عشان يستفيدوا بس وإذا جيت سألتهم المؤتمر الوطني هو شنو مابعرف يرد عليك عندك مثال بالواضح كده ( رابطة الطلاب ) استغربت جدآ انو رئيسهم ماعندو علاقة لاهو ولا اهلو بى حاجه اسمها المؤتمر الوطني وبعد فترة لقيتو مربى الذقن وبقى يطلع في المنابر ويخطب ذكرنى اركان النقاش في الجامعات والله أكبر والعزة للسودان والله اكبر ولانامت اعين الجبناء!!! ولمن تسأل اصحابوا الزول ده مالو يقولوا ليك داير يستفيد !!!!!
واكتشفت حاجات كده خليها ساي كدى لمن اتأكد مها من بين رابطه الطلاب الغريب انهم كونوا الرابطة بدون جمعية عمومية وبدون إخطار الجالية ! لاكن مع الوقت عرفت انهم تابعين لإتحاد الطلبة في السودان والراعي الرسمي ليهم هو المؤتمر الوطني!!!
راجع تاني
| |
|
|
|
|
|
|
Re: المؤتمر الوطنى اكثرية منتفعة وقلة منظمة (الدوحة مثال)التركى ولا المتورك (Re: عمر سعد)
|
عمر سعد : كان قعدت تباري ديل بجيك ضغط وسكري وانفلونزا في الاضنين
ياخي ما دا الجابوه الجماعة ديل من تيت
قسموا الأخوان ناهيك عن أولاد الحلة اذهب لأي مكان أو حتى أصغر قرية تجد من يتملقهم ويداهنهم
وتلقى نفسك زي الأطرش في الزفة شفع صغار (لم يبلغوا الحلم ومبلغ الرجال) اصبحوا أثرياء ولا يعرف تسلسل الجهة التي ينتمي اليها فقط لحية ( سموها دعوني أعيش) وواحدة تانية ( من اجل أبنائي ) شفت كيف ويكرر في الله أكبر والشنو والشنو ويركب مكنة فيراري في بوكس 78
وأنا وانت نحتار ويركبنا الجن والعفاريت
أفضل علاج لهم : ما تسوي للهنابير قنابير أفتح ليهم وريح روحك بجيبو أجلك ديل ياخي فاتو مرحلة : التع............ خليها علي الله يا صديقي بهاء /طوكيو
| |
|
|
|
|
|
|
Re: المؤتمر الوطنى اكثرية منتفعة وقلة منظمة (الدوحة مثال)التركى ولا المتورك (Re: عمر سعد)
|
ههههههههههه
ياخى لقيت ناس من الشباب ديل اول مرة اشوفهم في البلد
وسألت عنهم وعرفت ان ليهم سنة هنا ومع الوقت عرفت انهم تابعين لجهاز الأمن في السودان !!!
والغريب زي ماقلت الواحد لو دفعت ليه بشتغل معاك الصباح والمسا معاهم يعني داير اعرف الواحد فيهم مابعرف يقيس الإمور؟ ولا ده جهل منهم ؟ الواحد
ممكن مايكون تابع لحزب معين بس بإمكانو يقيس الإمور ويتعامل بصدق مع الاحداث .
| |
|
|
|
|
|
|
Re: المؤتمر الوطنى اكثرية منتفعة وقلة منظمة (الدوحة مثال)التركى ولا المتورك (Re: hani babiker)
|
هلا يا عمر ود سعد وحبابك وده الزمن الخلاص فيهو مفروض الناس تكشف كل الاعيب الناس ديل علي الهواء الطلق فقد ولي عهد الغتعتة واللبيد ... وكل الحراك ماشي في اتجاه حصار الانتهازيين ومحبي جوقة السلطان وبلك اسف فهو كثر هنا في ارض هذه الدوحة ادمنوا لسنوات طويلة هذه الاشياء واصبحت همهم اليومي ويديدنهم ولا يستطيعون الفكاك منها والاعلام الان صار اداءة فعالة ونافذة وضرورية لفضح هولاء الانتهازين..
وكل الود يا ابوعمار
| |
|
|
|
|
|
|
Re: المؤتمر الوطنى اكثرية منتفعة وقلة منظمة (الدوحة مثال)التركى ولا المتورك (Re: عبدالكريم الامين احمد)
|
Quote: هلا يا عمر ود سعد وحبابك وده الزمن الخلاص فيهو مفروض الناس تكشف كل الاعيب الناس ديل علي الهواء الطلق فقد ولي عهد الغتعتة واللبيد ... وكل الحراك ماشي في اتجاه حصار الانتهازيين ومحبي جوقة السلطان وبلك اسف فهو كثر هنا في ارض هذه الدوحة ادمنوا لسنوات طويلة هذه الاشياء واصبحت همهم اليومي ويديدنهم ولا يستطيعون الفكاك منها والاعلام الان صار اداءة فعالة ونافذة وضرورية لفضح هولاء الانتهازين..
وكل الود يا ابوعمار |
سلام كيكى وينك؟ ايدى فى ايدك
فى واحد كان فى تنظيم شمولى سابق مرة يقول كلام وحين ينفرد بة احد المحسوبين على المؤتمر
يغير راية تمام ويتبنى ارائهم بالكامل ......واذا سالت يقول ليك انا انتخبتنى الكتلة دى ولازم اصوت ليها
وقال لى البعض انهم حالفين يمين تخيل تحلف يمين على ما سياتى ..............
ويجب ان تبر يمينك باى شكل وهذا فى الفقة الجديد اسمو يمين مقدم لما سيحدث
لا فكاك لك منة ..وهذا يعتبر انة فى حل من اى ارتباط فقط عليه ان يتذكر يمينة حين المناقشة وابداء الراىاو التصويت ...........
يا كيكى هؤلاء اخطر من المؤتمرين انفسهم ...وملكيين اكثر من الملك نفسة
| |
|
|
|
|
|
|
Re: المؤتمر الوطنى اكثرية منتفعة وقلة منظمة (الدوحة مثال)التركى ولا المتورك (Re: hani babiker)
|
Quote: والغريب زي ماقلت الواحد لو دفعت ليه بشتغل معاك الصباح والمسا معاهم يعني داير اعرف الواحد فيهم مابعرف يقيس الإمور؟ ولا ده جهل منهم ؟ الواحد |
تعرف يا هانى انو الوضع مش جهل او ما بيعرف يقيس الامور
بل واعين جدا جدا بس ديل طفيليات بتقدر تعيش على فتات الاخرين
وواعين للبيعملو فيهو ...وبقيسو الامور بس بمقياس مصلحتهم فى الاول
يعنى لا فكر لا ايديلوجيا ولا منهج ولا ولا ولا ولا مصلحة وارتزاق
كيف احترم هؤلاء؟
| |
|
|
|
|
|
|
Re: المؤتمر الوطنى اكثرية منتفعة وقلة منظمة (الدوحة مثال)التركى ولا المتورك (Re: wadalzain)
|
يا عمر هؤلاء مثل رقاص الساعه
يتأرجحون ويميلون كلما مالت السلطه والمنفعه ، لا مبدأ ولا قيم عندهم ، تجدهم يهتفون خلف السلطان اذا هتف امريكا وروسيا قد دنا عذابها على ان لا قيتها ضرابها واذا مال السلطان وهتف نعم لامريكا هتف معه واذا مال السلطان وقال ببناء المشروع الحضارى حمل الآجر وتقدمه واذا قال السلطان بفقه الضروره قال آمين ، هؤلاء ارثى لهم فقط
يا رقاص الساعة، دعنا نقلب تاريخ الأوقات بهذي القاعة، وندجن عصر التدجين، ونؤكد إفلاس الباعة، قف وتأمل وضعك ساعة، لا ترقص، قتلتك الطاعة، قتلتك الطاعة.
| |
|
|
|
|
|
|
|