ماسر الرجل ذو الجلباب الاخضر مع البشير

Quote: لاخت نوسة سلامات ومالا حظته انه دوما يكون بقرب البشير في المقابر يمينه او يساره ولافي زول بيناتهم ولا حتى في الصف الورا (يكون عينوه مساعد الرئيس لشئون المقابر والدافنه )

Quote: الإسم: عابدين خضر محمود درمة شرفى. مواليد أمدرمان – 6/2/1966م ودنوباوى وحالياً الثورة الحارة الثانية فى مواجهة مقابر أحمد شرفى. أنتمى لأسرة المرحوم أحمد شرفى الذى جاء من جزيرة لبب – أهلنا كلهم أنصار جاءوا مع الإمام المهدى. إرتبطت المقابر باسم جدنا أحمد شرفى باعتباره أول من اقتطعت له السلطات آنذاك هذه المساحة من الأرض وجعل يدفن فيها الموتى من الأطفال إضافة لسكنه ثم أصبح من بعد يتم دفن الكبار فيها.

Quote: عابدين رجل شهم متواضع وخدوم ويعمل هو ومجموعته في مقابر أحمد شرفي ليل نار، يجهزون القبور ويسترون الموتى في مروة وشهامة

Quote: والكل في ام درمان يحبه خصوصاً الزعماء ورجال الاعمال

فيا معتصم
عابدين درمه رجل نزر نفسه لخدمة
الموتى لاعلاقة له بالسياسه
فلنشد من أزرالرجل في هذا العمل الشاق
الذي يخاف منه الكثيرون

(عدل بواسطة سامى عتبانى on 06-14-2008, 06:14 AM)

Quote: فيا معتصم عابدين درمه رجل نزر نفسه لخدمة الموتى لاعلاقة له بالسياسه فلنشد من أزرالرجل في هذا العمل الشاق الذي يخاف منه الكثيرون

Quote: عابدين درمه رجل نزر نفسه لخدمة الموتى لاعلاقة له بالسياسه فلنشد من أزرالرجل في هذا العمل الشاق الذي يخاف منه الكثيرون

Quote: دعواتنا الصالحات لرجال امتداد لصالحين لهم في هذا العمل شأن ونظرة حكيمة وهم بشر مثلنا لهم طابعهم الخاص ولكنهم ارفع درجة مننا لانهم عرفوا سر الدنيا واصبحوا زاهدين فيها

Quote: درمة واحمد داؤؤد الله يرحمه وتانى واحد كان ترزى فى الموردة تلقاهو فى حمد النيل اسمه طار منى كابو تقريبا ديل علم على راسه نار طوالى قدام الناس شتاءا وصيفا وخريفا لا يكلون ولا يملون ولا يمتنون احمد داؤود كان لا يشرب الا الماء القراح! لام احده احمد داؤود عليه رحمة الله قائلا: يا احمد اخوى انت فاتحتك عندنا بالدنيا دفنت ناس ام درمان ديل الا ابوى نحن لومنا شنو معاك! فرد احمد داؤود : يا اخوى انت ابوك دا تدفنو رجله فى البكرى وباقيهو فى احمد شرفى دايرنو يوم القيامة يقوم حرينا (شدت)! (اتضح ان احمد داؤود ذهب الى البكرى موقع دفن الرجل التى كانت قد بترت منذ سنين عديدة بسبب داء السكر! رجال يا ام درمان! جنى

Quote: العزيز جنـي .. إنت جطت المسالة جوطة شديدة ..

Quote: عابدين درمه من اسرة رياضية ومثقفه وهو من ظرفاء امدرمان كما ذكروا الاخوان,, واديك واحده وقفشاته:- اولا مقابر احمد شرفي ومقابر البكري متجاورتين يفصل بنهما شارع عام وجزء من حي العمدة الشمال الغربي فلكل مقابر اهلها بحسب المفاهيم السائدة. القفشة: قالوا كان في جماعة عندهم دافنه والمتوفى احدى رجليه مبتورة ويبدوا انها مدفونه في مقابر حمدالنيل, واهل الميت بعد ماصلوا عليهو وعايز يدفنوهو في احمدشرفي بداء الغلاط جماعه تقول ندفنو هنا وسترة الميت دفنو وناس يقولوا لا ندفنو مع كراعو هناك في حمدالنيل اها الكلام كتر والواطة حاره صاحبنا عابدين درمه زهج ورد عليهم قال ليهم يا هو زولكم ده يعني يوم القيامه ح يقوم شدت وانشاءالله تكونا متذكرين لعبة شدة؟ ودمتم

Quote: راى احمد داؤود احد الشباب يجك (يلوك) فى لبانة وهو يرتدى جلابية انصارية! داعبه احمد داؤود قائلا يا ولدى اسياد الجلابية دى كد الدوم عندهم عيب وانت لابس جلابيتهم وبتلوك فى لبانة!

Quote: يكون عينوه مساعد الرئيس لشئون المقابر والدافنه

Quote: الاخ جني سلامات شكرا على الاضافة, ورحمة الله جدنا احمد داؤد اعتاد اهلنا في امدرمان الحبيبه نسب النكات والمواقف الطريف لكل ظرفاء المدينة على اختلاف ازمانهم ولا رصد تاريخي لذلك. رحمه الله(احمد داؤد,كمال سينه, عوض دكام,البروف علي المك,الفريق احمد عبدالكريم,ميو, خريستو,عبدالواهاب الجعفري,ودالشايقي,كمال طمبل(والد هيثم طمبل),كل ظرفاء واحباء امدر الآمان) واطال الله عمر عمنا الهادي نصرالدين(الضلالي) الفاتح/الثورات حلة الحريقة

Quote: ده لمن الدنيا بخيرها و الموت من قلته البموت بأرخو به .. يقولوا السنة المات فيها فلان .. أما فى الزمن الحاضر مع كترة الموت كان لابد أن تظهر وتشتهر شخصية مثل درمة مرتبطة بدفن الموتى له منا التحية .. وسيظل الجالسين بصيوانات العزاء يلتفون حول الهادى الما ضلالى ..الله يديه الصحة والعافية ..

(عدل بواسطة jini on 06-22-2008, 10:28 PM)