|
|
 الهلال السوداني وافق على انتقال جودوين للنجم الساحلي التونسي.
|
كتب: مصطفى عطية - قالت صحيفة المشاهير السودانية أن نادي الهلال السوداني وافق على انتقال المهاجم النيجيري جودوين نيدبسي الي فريق النجم الساحلي التونسي.
وأكدت الصحيفة السودانية أنه من المقرر أن "يصل مندوب النجم الساحلي إلى الخرطوم خلال الأيام القادمة لمفاوضة مجلس إدارة الهلال بخصوص انتقال جودوين لجوهرة الساحل بعد أن أكد اللاعب تمسكه برغبته في الدفاع عن ألوان النجم".
وأشارت الصحيفة إلى أن الهلال سيطلب من النجم مليون دولار من أجل إطلاق سراح اللاعب وإسدال الستار على مسلسل انتقال جودوين الذي شغل متابعي كرة القدم في العديد من الدول العربية.
وذكرت الصحيفة أن الهلال سيحصل على 600 ألف دولار فيما سيحصل جودوين على مبلغ 400 ألف دولار مشيرة إلى أنه من المتوقع أن تتم الصفقة قريباً.
وكان جودوين قد تلقى العديد من العروض من العديد من الأندية العربية حيث ترددت بعض التقارير عن رغبة الزمالك و الأهلي في الحصول على خدمات اللاعب.
|
|
 
|
|
|
|
|
|
|
|
Re: الهلال السوداني وافق على انتقال جودوين للنجم الساحلي التونسي. (Re: جمال السنوسي)
|
ما اصلو السبب نحن المباريات اللعبه مع الهلال
اكتر من احلامو
وبعدين اي عين مدربة بتبحث عن لعيبه
شافت قوودوين مع الهلال لوشافو برة مكان يشيلوه
عشان كان نرتاح لايلعب معانا لانشوف كتابتك يا كيجا 2000
يا خي الدنيا اتحركت وانت لسه واقف في 2000
والله انت ياجمال ببتبالغ فاتح الموضوع البوعل كيجا ده ليه ؟؟
سؤال ياخي كيجا ده معانا ولابد مختفي ما بنشوفوا خالص
الظاهر حيظهر بعد اشيلوا الدوري
ومبروك لي قوودوين ومبروك للهلال
واهم حاجة انو لمن اسألوه عن اخر محطة ليهو حيقول
الهلال الهلال الهلال الهلال
ـــــــــــــ
جمال الشوق مطر ونبحث عنك لشماشه ماتش ودي حاجة بتاعة فن وكورة ورسم وكلوا
مهم جدا جدا جدا وجودك معنا عارف بفتش ليك في بوست خاص بيك عشان اعبر ليك عن شوقنا واهمية ان تكون نعنا ...
| |
|
|
|
|
|
|
|
|
|
Re: الهلال السوداني وافق على انتقال جودوين للنجم الساحلي التونسي. (Re: محمد سنى دفع الله)
|
ود السني
اروع وأجمل زول فنان
هسه بالله شهر مايو ده من سنة 1969 بيخلي ليهو زول يكتب موضوع - زهجنا عديل كده وكمان جات الطيارة
يا السني اخوي .. في اوروبا والدول المتقدمة طوالي بعد حادث اي طيارة بكتبوا كل المعلومات عن الرحلة والمسافرين والضحايا والناجين واسمائهم
نحن الناس نزلت من الطيارة ومشوا بيوتهم وما عارفينهم حيين ولا ميتين
بالله المطار ده ما شماشة تخش البلد وتطلع تمشي بيتكم من رحلة دولية ساكت
ياخي امريكا ذاتها لما يسافر المواطن للخارج ما بيسالوهو لكن لما يرجع لازم يمر على الجوازات ويختموا ليهو دخول في الجواز
اها شماشة شماشة يا زول معاك خلينا نشمش في الصيف الصحرواي ده بدل ما نسافر البلد وتقع بينا طيارة ساكت لا ايدنا لا كراعنا
الايميل على التلفون على الماسنجر
تحياتي
| |
|
|
|
|
|
|
|
|
|
Re: الهلال السوداني وافق على انتقال جودوين للنجم الساحلي التونسي. (Re: جمال السنوسي)
|
والله كلامك صاح حزن وشجن
وكمان جابت ليها عواصف رملية
لجدي هنا في الخليج
عارف كيجا ده انا بدعوه لي حفل ساهر يوم الحد في مركز اصدقاء البيئة
عشان اتمتع بالفنون السودانية وعشان نقنعوا بالفنون الكروية
لي ناس الهلال
عارف يا كيجا نحن ما بنقول ودينا قوودوين شمال افريقيا ومنها شمال اوربا وبس
انت عارف نحن غيرنا الوان بيبسي في الدعاية وانت اظنك كنت متابعى الحكاية في السودان
تذكر لمن الكوكا كولا عملوا راعي للمريخ والبيبيسي راعي لهلال
اها الوقت داك كان اشهر اعلان في العالم اعلان البيبيسي بتاع رواد الفضاء
لمن وسلوا ناس شركة البيبيسي للهلال كان التفاق على سيطرة اللون الأزرق
وفعلا تغيرت الحملة وطبعا لانو ديل ناس بتاعين علم الشركة الأم وجدت في تغيير نادي الهلال
المخرج العالمي ليهم فتحولوا باللون الأزرق الى اكبر حملة عالمية
واصبح الأحمر لون الكوكا طولا
والأزرق لون البيبسي
ولو مكضبنا ارجع الى جريدة الشرق الأوسط والجرايد السودانية وقت الحملة
نحن بنغير في العالم
يا كيجا 2000 غايتو حكايتك غربية
تاريخك واقف وساعتك ماشة
مش غريبة
| |
|
|
|
|
|
|
|
|
|
Re: الهلال السوداني وافق على انتقال جودوين للنجم الساحلي التونسي. (Re: محمد سنى دفع الله)
|
ود السني
يكفي ان الازرق هو لون السماء التي تغطي هذا الكون
كيجا ده لسع مع الصفر الدولي
هسه الناس الماعندهم صفر دولي بعملوا اتصالاتهم عن طريق الانترنت والمسنجرات
وناس كيجا لسه في الصفر الدوري
نحن بطولة الدوري دي علا يشموها قدحة
خلي ( المرفعين ) ده يديهم نقاط النيل ونقاط بورتسودان ولكن نحن بنشيلهم ستة نقاط كاملة منهم بنلقطها لقيط نقطة نقطة
والنقطة داخل الدوري زي الشرا في القندول
جمال
| |
|
|
|
|
|
|
| |
جمال السنوسي
keiga2000
محمد سنى دفع الله
فيس بوك
تويتر
انستقرام
يوتيوب
بنتيريست