|
|
 من المضحكات...سوداني جده الرسول ولاعلاقة له بابي لهب!!!
|
والله يضحكني حد الموت ان يزعم سوداني (اسود اللون،،محمر العينين،،قرقدي الشعر) بان الرسول "ص" جدو لزم ويجيب ليك شجرة العائلة ويجر ليك قطر بتاع اسماء يعمل stop فى العباس
المحيرنى ان هذه الشجرة لم تظلل ابا لهب (مش هو عم الرسول) ولا انا ماقريت اسلامية
بعد دراسة الـ DNA التى تكرم احد الاعضاء بعرضها والتى اكدت اننا غير عرب ، رفعت قناة الجزيرة تقريرا عن اصل وفصل السودان ، وطلعنا ماااااااااااااااااعرب
لا جعلي يقول جدو الرسول لا عركي يقول نحن من الاشراف
والشرف افعال واخلاق وليس نسب
افارقة الدم والاصل والشكل والماعاجبو يشوف ليهو بلد عربي يتلم عليهو!!
|
|
 
|
|
|
|
|
|
|
 Re: من المضحكات...سوداني جده الرسول ولاعلاقة له بابي لهب!!! (Re: Shamael Elnoor)
|
الاخت شمايل تحياتى
حقيقة حكاية عرب ماعرب او افارقة وماافارقة او مختلطين مااظنها دى المشكلة
ببساطة لانو كلو انسان حر يعتقد ما يعتقده فى نفسه ولكى انتى مطلق الحريه انك تكتبى
رايك لكن بالتاكيد لمن يتعدى حدود الراى بيكون مامقبول
Quote: افارقة الدم والاصل والشكل والماعاجبو يشوف ليهو بلد عربي يتلم عليهو!!
|
يعنى الناس دى كلها ياتقبل بالكلام ده ولا تمشى تشوف ليها بلد تتلما عليهو
| Quote: بعد دراسة الـ DNA التى تكرم احد الاعضاء بعرضها والتى اكدت اننا غير عرب ، رفعت قناة الجزيرة تقريرا عن اصل وفصل السودان ، وطلعنا ماااااااااااااااااعرب |
وبعدين اختى العزيزة الدراسة قالت لا يوجد عرق عربى صافى وانو فى بعض القبائل ببتشارك مع بعضهاوأن هنالك مجموعات كبيرة من السودانيين في الوسط والشمال تتماثل جيناته وأشاروإلي تشابه بين جينات النوير والعركيين مع جينات سكان شرق افريقيا خاصة الأثيوبيين . وغير كده اصحاب الدراسة نفسهم قالو انهم اخدو 78 عينه فقط وبنو عليها هذه النتيجة وهذة ال78 مااظنها بتمثل كل السودان لكنهم لن يستطيعو هم ولا الجزيزة نفى وجود قبائل عربيه فى السودان ..
| Quote: والشرف افعال واخلاق وليس نسب |
فى دى انا تفق معاك تماما فعلا الشرف افعال واخلاق وتعامل ليس له علاقه بقبيلة ولا اصل
تسلمى يارب ...
| |
|
|
|
|
|
|
|
|
|
Re: من المضحكات...سوداني جده الرسول ولاعلاقة له بابي لهب!!! (Re: ماجدة عوض خوجلى)
|
المتداخلون الافارقة منكم والعرب
والله ياخليل شروطك تعجيزية عديل كدا ، يازول عفيناك من الفحص ونمررها ليك عربي صنف ممتاز مستقيم الانف ومسبب الشعر
ماجدة خوجلي
المشكلة فى انو مافى عرب بيور فى السودان وطالما فى عملية هجين اذا فى نسب زنوج وعرب ، قصدك كدا صاح؟
طيب فى رايك وحسب ماتريه من ملامح ووجوه بحساب الغالبية نحن عرب ولا افارقة كدا خلينا من DNA وقناة الجزيرة ،فقط بقراية الشكل فى الشارع السوداني
| Quote: تشابه بين جينات النوير والعركيين مع جينات سكان شرق افريقيا خاصة الأثيوبيين |
طيب ياماجدة كدا بالمنطق الخلطة الفوق دي يتلموا مع العباس بياتو زاوية؟؟؟
وان وجدت القبائل العربية "pure" فهى نسبة ضئيلة لحد التلاشي
| |
|
|
|
|
|
|
|
|
|
Re: من المضحكات...سوداني جده الرسول ولاعلاقة له بابي لهب!!! (Re: Shamael Elnoor)
|
Quote: المشكلة فى انو مافى عرب بيور فى السودان وطالما فى عملية هجين اذا فى نسب زنوج وعرب ، قصدك كدا صاح؟
طيب فى رايك وحسب ماتريه من ملامح ووجوه بحساب الغالبية نحن عرب ولا افارقة كدا خلينا من DNA وقناة الجزيرة ،فقط بقراية الشكل فى الشارع السوداني |
وأين المشكلة؟
وأين يوجد في نظرك هؤلاء العرب البيور؟
وما هي خصائص وملامح العرب البيور؟
ومثلما ما قال صديقي خليل....أنا جدي ...آدم ابو البشر....ولن أفحص....والشاكي....يمشي يفحص آدم
| |
|
|
|
|
|
|
|
|
|
Re: من المضحكات...سوداني جده الرسول ولاعلاقة له بابي لهب!!! (Re: mohmed khalail)
|
يلعم الله يا شمايل الناس ديل رايح لهم موضوع ساكت
وحاية خوتك ناسبت العرب شخصيا لم اسمع احد يتحدث عن هوية مشتركه ولا يحزنون.
بالعكس يضحكون على عروبتهم ويتعقدون انا الناس تصير اجمل كلما اختلتط انسابها.
وكمت قال اخونا ناصر مشكلتنا مع مع العرب وانما مع المتعروبين
والذين اشعلوا بلادنا بحريق ما له نهايو بحجة هذه الهوية المشكوك فيها.
Quote: وبعد دا لامين في الزنوج (أسياد البلد الجد جد وما مخلوطين ولا ملخبطين) إحتقار وإهانة
(والذي يعني في ذات الوقت إحتقارهم لأنفسهم التي هي بعضها--إن لم نقل كلها--زنجية) |
| |
|
|
|
|
|
|
|
|
|
Re: من المضحكات...سوداني جده الرسول ولاعلاقة له بابي لهب!!! (Re: Shamael Elnoor)
|
الأخت شمائل
المؤسف في هذا المنبر أو في هذا الوسيط عموما تناول مواضيع جادة بصورة سطحية و هايفة. يعني لو جينا عاينا لي كلامك دا من الذي زعم إنو جده الرسول صلى الله عليه و سلم؟ و شجرة العائلة المنسوبة للعباس و عاملة stop دي لو ما عملت stop قايلاها ماشة تصل أبو لهب؟ و البدعي إنو جدو العباس رضي الله عنه معناها بدعي إنو الرسول صلى الله عليه و سلم جده؟ ما عارف الناس شاغلة نفسها بالموضوع دا ليه؟
| |
|
|
|
|
|
|
|
|
|
Re: من المضحكات...سوداني جده الرسول ولاعلاقة له بابي لهب!!! (Re: Elawad)
|
استاذ العوض
ال المهدى و ال الميرغنى و قبائل سودانية فى شمال السودان تدعى الإنتساب الى ال البيت النبوى و الاشراف عموما, هذا ليس الشغل الشاغل لكثيرين من السودانين, خاصة فى الجنوب. المشكلة هو ان هولاء يحتلوا مراكز القوة و يريدون ان يتبنى غالبية اهل السودان ثقافتهم و عاداتهم و دينهم بالقوة. هذا fact. التحسس الفائص من المواضيع كهذه لن تحل هذه المشكلة, الحل يا سيدى موجود somewhere فى الاعتراف بالاخر و احترام عاداته و معتقداته.
| |
|
|
|
|
|
|
|
|
|
Re: من المضحكات...سوداني جده الرسول ولاعلاقة له بابي لهب!!! (Re: Elawad)
|
Quote: الأخت شمائل
المؤسف في هذا المنبر أو في هذا الوسيط عموما تناول مواضيع جادة بصورة سطحية و هايفة. يعني لو جينا عاينا لي كلامك دا من الذي زعم إنو جده الرسول صلى الله عليه و سلم؟ و شجرة العائلة المنسوبة للعباس و عاملة stop دي لو ما عملت stop قايلاها ماشة تصل أبو لهب؟ و البدعي إنو جدو العباس رضي الله عنه معناها بدعي إنو الرسول صلى الله عليه و سلم جده؟ ما عارف الناس شاغلة نفسها بالموضوع دا ليه؟ [/
QUOTE]
لو ماعارف الناس شاغلها نفسها بالموضوع دا ليه؟؟ تبقي دي مشكلة حقيقية
شكرا ع المداخلة
| |
|
|
|
|
|
|
|
| |
حيدر حسن ميرغني
khaleel
اسامة دفع الله ابوالحسن
ماجدة عوض خوجلى
nazar hussien
Nasr
mohmed khalail
Tragie Mustafa
Elawad
عبدالرحمن الحلاوي
Zakaria Joseph
فيس بوك
تويتر
انستقرام
يوتيوب
بنتيريست