|
عن أي عماد تتحدثون ياسيدي جلال وبُوداب السعودية وصديقتي إنعام ولماذا حملتَ الوجع وحدك ياصديقي؟!
|
عن أي عماد تتحدثُون ياسيدي جلال ؟!!
أي عماد يابورداب السعودية الأعزاء ؟!
أي عماد تقصدين ياصديقتي إنعام .. وكيف بالله عليك لم تحدثينني ؟!!
عماد محمود الوااااااحد ده ؟!!
عماد زارع الفرح في هذا المكان ؟!!
عماد باعث الأمل في قلوب المتشائمين ؟!!
عماد الفراش الحائر الذي يرشُ عطور فرحه في كُل البوستات في هذا المكان ؟!!
عماد محمود زاااااااتو ( عيان) قدُر ده ولا في يوم تشتكي لي ياعماد وإنت بتسألني عن أسباب همومي وبتسمع شكوتي من هموم الدنيا..وإمتحان إيمان ومشاكل الشغل كُل مرّة ؟!!
كُل يوم ترسل تسألني عن حالي وبنقاء الدنيا تكتب ( البرنسيسة نادية طمنئني عليك وعلى صحتك) وإنت صحتك بتعاني من غير ماتقول آآآآآآآآآآه ياعماد ؟!!
ليه ياعماد تشيل الوجع براك وماتخلينا نتقاسم الإ الضحكات ؟!!
فايدة خوتنا شنو ياغالي لو ماقلنا ليك سلامتك حتى وده أضعف الإيمان ؟!!
فايدة الصداقة شنو ياجميل الدواخل لو مادعمناك بمالنا ودعواتنا وإيه حايعمّق الحنية بين الناس غير وقوفهم جنب بعض في ظروف زي ده ياود أمي ؟!
والله أنا جد حزينة وزعلانة وماعارفة أقول شنو .. بس من قلبي بتمنى ربنا يشفي عماد الغالي وشكراً نبيلاً ليك ياصديقي الغالي أبو جهينة !!
وإتوقع مني إتصال الصباح ياسيدي الجميل جلال ..!!
وكذلك أنت يانقي القلب ياصديقي الحبيب عماد .. وربنا يرفع عنك المرض ويبعد عنك الشر يارب
|
|
|
|
|
|
|
|
Re: عن أي عماد تتحدثون ياسيدي جلال وبورداب السعودية وصديقتي إنعام ولماذا حملتَ الوجع وحدك ياصدي (Re: نادية عثمان)
|
كنت عايزة أرد على رسالتك البتسأل فيها عن غيابي واقول ليك
إنني مهمومة بحاجات كتيرة منها إمتحان إيمو بنتي وكمان حزينة على موت صديقي عثمان حسين
ماعارفة بجي هنا تاني قريب ولا مابقدر لكن مابكون بعيدة منك وبورداب السعودية الأعزاء وكل ناس المنبر مابقصروا معاك وإنت حاتبقى كويس جداً .. حاتبقى ( أكوس ) زول ياعماد ومليان بالعافية صدقني سمح ؟!!
بس عليك الله خلي بكري صحبك ده يتصلح معانا ويصلح الراء الطارت بلا مناسبة دي .. تفتكر مالها الراء دي طارت ياعماد ؟!!
ياح أضحك زي ماإنت إنت بألف خير إن شاء الله .. سمح ؟
| |
|
|
|
|
|
|
|