|
|
 عمار يرثي القامة عثمان حسين
|
اصدق الكلمات خرجت من هذا الأخ الصادق الإحساس
كلام أتي من جوه الجوه من الأ عماق
مررت خلال الأبيات و سبقتني الدموع
هذا العملاق كان معي في كل لحظة من حياتي
في المنزل في العربة في العمل
كان يخفف آلامي الوذ إلية واعيش معة لأهرب من
كل ما حولي
حفظت الحانه عن ظهر قلب وسجلتها في دفتر الذكريات
سجلت كل نغماته و دفنت نفسي فيها فهو سلوتي و انسي
وكيف لا عشق جماله و ما سمعت أذني مثاله
كل الإخوة الأعزاء الذين كتبوا بوستات في هذا المصاب
الجلل احر التعازي لهم وكل السودان و لأسرته ولوسط الفني
اللهم أرحمه رحمة واسعة وادخله الفردوس الأعالي برحمتك
يا أرحم الرحمين ......آمييييين
...............................................................
اعزى مقاشى والناس الهناك ساكنين
وفى السجانة ابكى الزول خرافى حنين
اشوف الناس صفوف واقفين
يصيح الصائح المجروح
يولول زى خروج الروح
زى قمرية باكية تنوح
دموع دفاقة من العين
وقلب حزين
حليل عثمان
حليل الكان زمانو زمان
يحرك فى الصخور وجدان
ويبعث فيها ريد نشوان
ويعزف اعذب الالحان
جميل فنان
روح قديس ضمير انسان
وداعا يا الجميل جوة
وداعا يا البرق ضوه
وداعا ياوليد فاطنى
وحبيب عاشه وحفيد الزينى بت حوه
مما قمنا شفنا الزول ملانا شجن
وكيف انساهو فينى سكن
وحبب لى قليبى الفن
اصيل سودانى كلو وطن
سمعت الحانو قلبى انا حن
وعطر للوجود صوتو
مغستى انا ما حضر موتو
فتح فينى مليون باب
يعزف عود اصلو رباب
سيد الفن والاداب
كيف بتهيلو فوقو تراب
حليل عثمان
وداعا يا الجميل بره
جمالك فينا انشره
من البركل الحانى وجبل مرة
وداعا ياحبيب الناس
غناك الطيب الانفاس
وداعا ياجميل احساس
|
|
 
|
|
|
|
imad braka
فيس بوك
تويتر
انستقرام
يوتيوب
بنتيريست