|
إعــتذار واجب من بكــري ابو بكر لود المـايقوما
|
Quote: بتقدم الحزب الليبرالى باعتذاره الشديد الى كل اخواننا النوبيين الموجودين داخل ارض النوبه او المقيمين بالخارج الى الاساءه البالغه التى تسبب فيها العضو صابر عبد الهادى الى اهلنا النوبيين
ونحن كاعضاء الحزب الليبرالى نعترف بان البيان المذكور من العضو لا يعبر عن رائ الحزب وهو فى مجمله بيان ضعيف فى مضمونه ركيك فى محتواه .
كما نقر بان الاخ ود المايقوما لم يتسبب فى اهانه الاستاذه نور تاور كما نرجوا من الاخ بكرى ان يعيد الاخ ود المايقوما
و نرجو من العضو صابر ان يتقدم باعتذاره الى اهلنا النوبيين . |
Quote: ومن هنا أعلن أنني آسف لكل الجماهير النوبية العريضة لما حملته مذكرتي من إساءات عامة وشخصية .. ولكم العتبى حتى ترضوا. إنتهى . سطر جديد |
مالم تكن ثمة اسباب اخرى دعت الى إيقاف العضو ود المايقوما فبكري ابو بكر محقوق في اعتذار الى العضو المشار اليه..
هذا مع الاحتفاظ بحقنا* كاملا غير منقوص في ان يصدر الليبرالي بيان اعتذار رسمي.. زي ما طلع بيان إساءة رسمي..
ـــــــــــــــــــــــــــ بعدين يا صابر ياخي لامن تعتذر اعتذر بي ادب شنو انتهى سطر جديد بتاعتك دي؟؟ نحنا ياخي قلنا ليك تعال اغلط في حقنا؟؟ ولا جيناك في حلتكم اسئنا ليك؟؟ براك غلطا وكمان كان ما زرزرتك الجماهير النوبية الابية -التي ليس بها اي كسرة- ما كان جيت اعتذرتا.
شنو سطر جديد بتاعتك دي.. ما سطر جديد ولا اي شي.. انتا اصلا وكت شايل لي الاعتذار ده هم قدر ده..مالك بتطلش من طرف بي كامل هيئتك الرسمية؟؟ هسي من الاخر كده عايزين اعتذارك ده في بيان رسمي ده حقنا يا بو الشباب..
ــــــــــــــــــــــــــ *سيتم الاحتفاظ بحقنا في مكان بارد وبعيداً عن متناول الصغار..
|
|
|
|
|
|
|
|
Re: إعــتذار واجب من بكــري ابو بكر لود المـايقوما (Re: DKEEN)
|
صابر صحى من النوم لقى زول بيضحك مدردق و تاني بيدخن ويبدو انو صابر كان موقف التدخين الفترة دي قوم يا صابر اتنرفز وقوم اقيف و اخطب في الجمع الغفير (وحده) وقوم اكتب ليك بيان يهز الكون زي الحاج مارتن لوثر كينج وادخل التاريخ من أوسع بوستاته و ابقى روبن هوود و انتصر للغلابة وقوم امشي لبكري و (نبهه) على الظلم الغاشم وقوم يا بكري دق صدرك و اقبض من طرف وكش ملك ود المايقوما اتحلس يا جدعان! و المحس على الدناقلة على الكنوز على الحلفاوين اتكشو في بص شتيمة وااااحد زي الترتيب ثار الغلابة و المنكسرين ثاروا برغم الضعة و الانكسار ثاروا بلسان فصيح ثار المنهزمين وحاصروا العلامة صابر وقوم يا صابر لوثر اتزهج في الجمع الغفير والبس قميص المسيح واعتذر على مضض وعلى طرف الشفايف (ان شاء الله ما ينفعكم)
ولسه، المنابر فاقده ود المايقوما وبوستاته اتيتمت وبكري مبسوط نائم قرير العين انو انتصر (للحق) ونسى انو في (حقوق) اتمرمطت في الأرض ما لقت ليها زول يطالب بيها!
_______ والله يا دكين الاعتذارات تكالبت على الناس دي ...
تقول لي اعتذار؟
دكين انت جنيت؟
| |
|
|
|
|
|
|
Re: إعــتذار واجب من بكــري ابو بكر لود المـايقوما (Re: A.Razek Althalib)
|
أخوي عبد الرازق
صاح الخير ياخ!
بارك لي!
فهمت ليك مداخلة! (وش مبسوط مدردق)
فك شفرة المداخلة:
1- اللينك معناتو ود المايقوما رجع (بتبشرني يعني)
2- الابتسامة الخجولة × 2 دي معناها فرحان لينا رجعة ولدنا
3- الود البيقرى في الكتاب خير اللهم اجعله خير معناتو انو أرصد برلوم جديد يا هو بيقرى في دستور البورد، دستور يا اسياد دستور
واصل انت في النسق ده عوجه ما بتجيك ... لينكات على كام وش و الباقي نتمو انحنا نوايا طيبة وكده ...
| |
|
|
|
|
|
|
Re: إعــتذار واجب من بكــري ابو بكر لود المـايقوما (Re: عزاز شامي)
|
Quote: زي الحاج مارتن لوثر كينج وادخل التاريخ من أوسع بوستاته و ابقى روبن هوود و انتصر للغلابة وقوم امشي لبكري و (نبهه) على الظلم الغاشم وقوم يا بكري دق صدرك و اقبض من طرف وكش ملك ود المايقوما اتحلس يا جدعان! و المحس على الدناقلة على الكنوز على الحلفاوين اتكشو في بص شتيمة وااااحد زي الترتيب |
لوووووووووووووولوز منقة بس انتي .. ده اسمو: البريف المختصر في شان بكري الضكر..
عزوز فور يور انفورميشن: ود المايقوما رجعو ليهو باص ويرد بي اسم : ارصد بس لسع ما اعتزرو ليهو ..
| |
|
|
|
|
|
|
Re: إعــتذار واجب من بكــري ابو بكر لود المـايقوما (Re: A.Razek Althalib)
|
__________________
دكين .. يا جن ، كيفك؟ انت يا زول الكلام ده الكاتبو منو؟
Quote: بتقدم الحزب الليبرالى باعتذاره الشديد الى كل اخواننا النوبيين الموجودين داخل ارض النوبه او المقيمين بالخارج الى الاساءه البالغه التى تسبب فيها العضو صابر عبد الهادى الى اهلنا النوبيين
ونحن كاعضاء الحزب الليبرالى نعترف بان البيان المذكور من العضو لا يعبر عن رائ الحزب وهو فى مجمله بيان ضعيف فى مضمونه ركيك فى محتواه .
كما نقر بان الاخ ود المايقوما لم يتسبب فى اهانه الاستاذه نور تاور كما نرجوا من الاخ بكرى ان يعيد الاخ ود المايقوما
و نرجو من العضو صابر ان يتقدم باعتذاره الى اهلنا النوبيين |
شكلو كده بيان بيان
قاتل الله الجهوية
________________ أيها الليبراليون ... هنالك ظاهرة انفلات بيانات أرجو أن ننتبه له
| |
|
|
|
|
|
|
Re: إعــتذار واجب من بكــري ابو بكر لود المـايقوما (Re: DKEEN)
|
يا دكين ياخي إنتا ماسمعت بالمثل البقول :
إذا سلمت من الأسد فلا تطمع في صيده
في رئيس في العالم الثالث بعتذر يادكين؟
غايتو أتوقع إنك لمن كتبت البوست دا يادكين تكون شارب قبلو كباية لبن المراعي بايتة برة التلاجة إسبوع .
حمد الله على سلامة ود المايقوما (أرصد)
| |
|
|
|
|
|
|
Re: إعــتذار واجب من بكــري ابو بكر لود المـايقوما (Re: هشام آدم)
|
العزيز هشام
Quote: ما في "زول" بيدخل ليهو حزب في حتة ضيقة، الأفكار ملك لأصحابها |
يدخل ونص وخمسة ..الافكار لامن تكون ممهورة بي اسم الحزب بتدخل وبتمرق كمان من الملة..خليك من الحتة الضيقة.. ونحنا زولكم ده فكرتو التي شلمت الاساءة جاتنا ممهورة في بيان الحزب الرسمي الامريكانو.. ولا يُجبهاإلا اعتذار في بيان الحزب الرسمي الامريكانو..
| |
|
|
|
|
|
|
Re: إعــتذار واجب من بكــري ابو بكر لود المـايقوما (Re: DKEEN)
|
لقد ظللت وبكل اسف اتابع الاحداث الاخيرة في البورد والتي انتهت بايقاف عضوية الاخ ود المايقوما .. انتظرت متابعا ايضا ان يتم تبرير عملية الايقاف .. لم نجد ضمن ما صدر مؤخرا في صدر هذا البورد مايصلح لكي يكون سببا لايقافه.. فجرت فيني الظنون.. واجتهدتُ في ظل غياب النص الصريح لمعرفة سبب الايقاف.. ان سبب ايقاف العضو قد دخل بصورة او باخرى ضمن الهموم النوبية التي نعايشها في بلدنا ومحافلنا..
ساءني ان يُظن به السوء وهو لم يفعل غير ان تحدث بلغته الام ومازح اخوان له في هذا المكان.. ساءني ايضاً اننا في يوم من الايام قد نضطر ان نبرر ونفسر كل مانقول.. وساءني اخيراً ان التبرير الدائم لما نقوله قد يضطرنا الى التخلص من هذه اللغة التي تستوجب التفسير عند كل مقال.. ولايسؤني ان اطلب من السيد امين الموقع ان يعتذر لهذا العضو عن سوء ظنه او يبرر لنا سبب ايقافه غير المبرر.. ان نكون غير مفهومين في بلادنا فذلك امر عادي .. اما ان نكون مطالبين بشرح مانقوله لبعضنا في بلادنا فهذا امرً يدخل ضمن الكوارث الطبيعية..
| |
|
|
|
|
|
|
|