|
|
|
 Re: أوكامبو صاحب واصل (Re: Yassir Tayfour)
|
أول مرة (أسمع) فيها أوكامبو بتكلم في الـCNN على ما أذكر، كان يتحدث بلغة إنجليزية أشبه بلغة تراجي..
ولكن والله على ما أقول شهيد (الآكسن) بتاع تراجي أفضل بكثير من آكسن أوكامبو..
____
وكلاهما يحتاجان لـ ُESL
| |
 
|
|
|
|
|
|
|
|
Re: أوكامبو صاحب واصل (Re: ALazhary2)
|
| Quote: كل واصل علي باوكامبو معجب . |
يا حبيبنا الأزهري
لكن إعجاب واصل بأوكامبو إعجاب حد الإستلاب ..
_____
| Quote: إن شاء الله يضوي ليه . |
سيب الحسادة يا شقيق
| |
|
|
|
|
|
|
|
|
|
Re: أوكامبو صاحب واصل (Re: ALazhary2)
|
آلطيفور لعل حالك باهي...
شايفك اليومين ديل آلطيفور .. الكيزان(مبارنك) ...ولا هم(مصاحبنك)... (ساي)...
____________________________________________________________________
بعرف واحد اسمو (معاوية طيفور) اوعا تقول اخوك...وحا اخسرك اذا قلت (آي)
| |
|
|
|
|
|
|
|
|
|
Re: أوكامبو صاحب واصل (Re: Elsanosi Badr)
|
البدر
نحمدو
| Quote: بعرف واحد اسمو (معاوية طيفور) اوعا تقول اخوك...وحا اخسرك اذا قلت (آي) |
تتخيل ولا بتذكر إنو عندنا قريب بهذا الإسم..
لكن لو مغروض ليك في شكلة
أي الزول ده قريبي لزم
| |
|
|
|
|
|
|
|
|
 Re: أوكامبو صاحب واصل (Re: Yassir Tayfour)
|
| Quote: بلغة إنجليزية أشبه بلغة تراجي.. |
.. | Quote: وكلاهما يحتاجان لـ ُESL |
..
مفترض يا طيفـور تكون جادي شوية .. الموضوع الانت بي صددو دا موضوع عالمي ..
كيف تجي تشكك في لغة تراجي ..؟
بعدين واصل دا منـو ..؟
وواصل وين زاتو ..؟
ووصل وين حسع دي ..؟
اهـــا
قول وصل .. ح يعمل شنـو بعداك ..؟
واصل يا ياسـر .. واصل وجيب لينا كمان اوبامـا صديق (استيف) واعمل لينا ربط تاريخي في التصريحات .. النارية بتاعت استيف حقت اليومين دي .. وبين تصريحات اوباما ..
شايف استيف المرة الفاتت اشترى ليهو طبنجة جديدة قال لابد ليك بس ما تطرف كدا وتجي امريكـا ..
قال ناوي يقلعك في البحيرات العظمى .. تهااااهه..
غايتو يا وغد كان جاتك غشوة للبحيرات العظمى وبقيت عايز تاخد ليك غطسه غطستين .. اعمل حساب انو تنزل الموية وشيل معاك لستك جواني .. منفوخ .. احتمال استيف دا وبعد تصريحات الجماعة بأنهم ح يحفروا ترعة حول امدرمان ..
احتمال
يكون استيف اشترك ليهو في محلات فيها حوض سباحة علشان يتعلم العـوم ..
احتمال يقووم يغطسك في واحده من البحيرات الخمسة ..
ويجيك واصل تاني يوم يكتب ليك بوست حدادي مدادي:
عـاجل .. استيف يغرق الجلابي في بحيرة متشجان بحضور أوكامبو وتراجي (توجد صورة) ..
ويفتح ليهو بوست فاضي يخت فيهو (نقطة) دلالة على انو دا سبق صحفي..
يجي صبري الشريف يقول ليهو دي نهاية السلطة الدينية ونقط .. نقط السعودية ونقط .. نقط تانية للقاعدين فيها ..
وتجي آمنـة مختار فردة ثنائي الحتانة تقول ليهو
واصـــل علشان الجلابة ديل ندقهم ونكسر ليك عضامم .. دقهم .. يدق لحمم..
ملحوظة:
يا بكري حقو ترفع البوست دا فوق علشان فوقو .. اوكامبو وواصل .. أحتمال بعد شوية يشرفنا الخال سارة عيسى ممسكا للحاوي بيده اليسرى ..
| |
|
|
|
|
|
|
|
|
|
Re: أوكامبو صاحب واصل (Re: tmbis)
|
تامبا يا هالك
| Quote: شايف استيف المرة الفاتت اشترى ليهو طبنجة جديدة قال لابد ليك بس ما تطرف كدا وتجي امريكـا .. |
ما دا المجنن بوبي ذاتوو..
الموت حق، لكن بيني وبينك كمان يقولوا عنتر كتلو إستيف!
والحاجة الأخيرة بقى يهددني بأوكامبو؛
قلنا نقصر الطريق ونفتح (نفاج) مع صديق أوكامبو شخصياً..
وأنا من زمان متابع أخونا واصل متابعة لصيقة، يوم صورة لأوكامبو مقبل يمين، أوكامبومقبل شمال، أوكامبو واقف، أوكامبو قاعد، أوكامبو بي (الطوة)، أوكامبو (مسلوق)، وهكذا (كوامبيك)..
وزي ما بقولوا: if you can't beat them, join them
وبالمناسبة، عندي أفكار نيرة
مثلاً نعمل الطريقة الأوكامبية تيمناً بالطرق الصوفية..
نعمل حلقات زِكر وحلقات (كفر) كفر (بالكاف المفتوحة ما الكاف المضمومة)
عشان أوكامبو ده أرجنتيني وود( قلبها)
قلب بيونس إيرس ما أم درمان
ويقعد أوكامبو (يضقل) ليك بالكورة لامن تآآآآمن..
وإنت ذاتك تجي (تنضما) لينا زي (ضمة) خضر الطيب للعدل والمساواة..
ببوست هاذل، سرعان ما تصبح أكبر (ضقال) -على وزن بقال- في الطريقة الأوكامبية..
لما (نمِسِخ) أوكامبو علي واصل وإن شاء الله بعد داك يخت صورة أوباما مع تراجي..
____
لكن ضَيْقة وما بتدي حرفا يا تامبا
| |
|
|
|
|
|
|
| |
Yassir Tayfour
ALazhary2
Elsanosi Badr
tmbis
Hussein Mallasi
فيس بوك
تويتر
انستقرام
يوتيوب
بنتيريست