|
بكري ابوبكر جبت ليك شمار حار من جلال جبار
|
ارسل: الجمعة مايو 30, 2008 3:21 pm موضوع الرسالة: دايرلى واسطة لنيل الجنسيه السودانيه
-------------------------------------------------------------------------------- ناس مسميين نفسن سودانزيون اون لاين وعاملين ليهم موقع
البونيه مدوره فيه وانا اصلا زول بونيه وعكاز وكاراتيه وملاكمه
تقدمت ليهم بمائه طلب اخر مره قالوا لي رسل لينا عنوانك
وصورتك واسمك - فرحت قلت خلاص الناس دايرين يدونى
الجنسيه السودانيه وتاكدوا تماما باننى سودانى
انا العوير الابله قمت رسلت الاسم
جلال الدين محمد حبار الخليفه احمد ود عريس
مقيم في دولة قطر هاتف 009746592414
وكمان الصوره -- وانتظرت ولا هسع راجيهم -- سمعت بتحت تحت
الدخول ( للسودان) علا بواسطه وانا سودانى بالميلاد ومن قريه تسمى
البسابير تقع جنوب شندى ومولود عام 1964 في اشلاق المهندسين
في مدينه ام درمان في المنزل رقم 3 اول صف جنوب الاشلاق
اها دى الصوره وكل المعلومات ومنتظر واسطه -- ولو عاوزين شهادة
الميلاد ممكن ارسله ولو عازين الصوره بالجلابيه والعمه والمركوب
والشال ممكن ارسله ولا حتى بالعراقي والصديري والتوب ومعاهو
سيف وسكين ممكن ارسله === الناس ديل بس بقول شامنى عديل
كدا -- اسمع لو بفلوس ممكن ادفع --- اصلا بحب الكاراتيه والملاكمه
وبحب استمع لندة القلعه وزيدان والطيب عبد الله
هسى بضرب لمعتصم ونصر الدين نايميييييين قلت علشان
يورونى كيف انزل الصور الرسلتها لناس سوداويين اون لاين _________________ ما عدنا نلتفت لحركة الفصول لا شهوة تهتز لها الأرض لا رقص تبتهج له الواقفات على العشب ولا العشب أبقى على الندي الطيب انتقل الى الاعلى نصر الدين عمر عضو ساحر
اشترك في: 23 يونيو 2006 مشاركات: 3642
ارسل: الجمعة مايو 30, 2008 4:15 pm موضوع الرسالة:
دها جلال جبار كاتب في عكس الريح
|
|
|
|
|
|
|
|
Re: بكري ابوبكر جبت ليك شمار حار من جلال جبار (Re: khaleel)
|
الزميل المحترم خليل
أثني بقوة طلب انضمام الأخ المشاكس جلال جبار و فعلاً هو شمار حار ، و حيخلي المنبر كل يوم كترابته قايمة !!
أعرفه منذ سنين طويلة ، هو وطني ( وطني ) غيور على وطنه مهموم لحد الغلو بقضاياه السياسية و التنموية ، حاضر بقلمه الجرئ المليان في عدد من المنابر الإسفيرية و الصحفية بالسودان و قطر ، محرر لقسم بإحدى الجرائد السودانية .
دخوله المنبر يتوقع أن يكون إضافة نوعية و عدديةخاصة للشق الآخر من بورداب الدوحة ، و فعلاً هو ما من جماعة ( كيكي الأمريكي ) بل ممن يسميهم بجيوب الـ .......... !
** يا بكري .. المنبر يحتاج لوزنة أكثر خاصة و جلال جبار و أمثاله من الكفة المطففة .
| |
|
|
|
|
|
|
Re: بكري ابوبكر جبت ليك شمار حار من جلال جبار (Re: khaleel)
|
لاحولااااااااااا جبال جبار شخصيا... غايتو يا خليل دخلتنا في امرا ضيق نرحب بالمرجف ده ولا ما نرحب... لكن اقول لييك قولة حقوا نرحب بيهو جبار ده ولو علي مضض وخليهو يجينا هنا عشان نديهو في راسو المدوقس ده ونحرش فيهو اصجابي من مناضلي الاسافير المنتشرين من في كل العالم ده حتي في كندا (لاحظت كندا دي وشوف فيها منو مرحب بجلال جبارفي موقع الراي والراي الاخر عشان يااامن ويعرف حاجة (عامل سدريهو الشين ده)
| |
|
|
|
|
|
|
Re: بكري ابوبكر جبت ليك شمار حار من جلال جبار (Re: khaleel)
|
هلا ياخلي وتعرف يوم مشيت عكس الريح بهناك وقلت خالك يمارس الاركلوجيا شوية وعملت بوست عن الحب والاندياح والقصة ورت والبوست عجاجو مشي فووق والبلابوش انبسط بسطة شديد واها فجاة كده جاء صحبك جلال جبار ده وفتح فيني علب تقيلة وشبكني مناضلين دارفور وفنادق وقال لي انتو الخربتو الحب الفي السودان وطير نيران البوست والجكس كلو اتضاير من الحكاية فعشان كده انا عاوزو يجي بجاي عشان اخلص منو حقي الخاص والحق العام بتاع انتمائه للسطلة التحت الكاب ساتركه للاشاوش هنا يضايروا لي جبار ده ويعذبوا عذاب قبورة
| |
|
|
|
|
|
|
Re: بكري ابوبكر جبت ليك شمار حار من جلال جبار (Re: khaleel)
|
الأخ خليل
أشكر لك شهامتك و أصالتك التي دعتك لترشيح جلال جبار و أنت لا تعرفه ! اتصلت به ففوجئ بهذا البوست و علمت منه أنه لم ينسق معك ، بل و لا يعرفك !! و أخبرني أنه ظل يطالب بالعضوية منذ ثلاث سنوات !!
معقولة ؟! أصلو مؤتمر وطني و لا جن كلكي لابس ملكي ؟!
فلنتضامن بقوة من أجل منح جلال الدين محمد جبار العضوية فوراً ، و تعويضه معنوياً عن الضرر الذي لحق به من جراء السنوات التي قضاها يراكض من أجل العضوية !! و عيب و الله يا بورداب الدوحة لو ما وقفتوا معاه زي وقفة كيكي و أقوى منها .
| |
|
|
|
|
|
|
Re: بكري ابوبكر جبت ليك شمار حار من جلال جبار (Re: عبد الرحمن الطقي)
|
Quote: أشكر لك شهامتك و أصالتك التي دعتك لترشيح جلال جبار و أنت لا تعرفه ! اتصلت به ففوجئ بهذا البوست و علمت منه أنه لم ينسق معك ، بل و لا يعرفك !! و أخبرني أنه ظل يطالب بالعضوية منذ ثلاث سنوات ! |
استاذ الطقي
وحاة الله بعرفني وعملت ليهو مداخلة في البوست بتاعو في عكس الريح
واللنك عندك اقرا المداخلة
وانا شخصيا موافق بشدة لانضمامه اذا موافقتي كفاية
| |
|
|
|
|
|
|
Re: بكري ابوبكر جبت ليك شمار حار من جلال جبار (Re: هجو الأقرع)
|
اها ياهجو وشيخ الطقي من ما انتو جيتو زولك ده تاني سودانيز اونلاين تاني باقي حيشمها قدحة او بالكثير يشمها في قصير البعد الجاي..!! غايتو يا ظلاميين الدوحة حالتكم بقت تحنن بعد فقدكم للاعب معتز قريش الذي ظهرت عليه اعراض (جنون البقر) كمان عاوزين تجيبو لينا جلال جبار لا حولااا ولا قوي الا بالله
| |
|
|
|
|
|
|
Re: بكري ابوبكر جبت ليك شمار حار من جلال جبار (Re: عبدالكريم الامين احمد)
|
Quote: اها ياهجو وشيخ الطقي من ما انتو جيتو زولك ده تاني سودانيز اونلاين تاني باقي حيشمها قدحة |
إنت يا كيكي ما عارف بكري الأيام دي فاتح ليكم و مطبع مع المستنيرين بنور الحق ؟! و الله كتر خيره ما قصر معانا تب ، جاب لينا كمال عكود و عماد موسى ، و أمس رسل لي عضوية ابن دارفور المصادم فاروق آدم أبكر المحامي ، و لسه في جماعة قبضوا الباسويرد و لابدين ، و حيلطلعوا ( عند اللزوم ) !! أها خموا و صروا !!
** يشمهما قدحة دي عجبتني شديد زي نجاض قبورة ، إنت يا عبد الكريم دقة قديمة زينا كده !!
| |
|
|
|
|
|
|
Re: بكري ابوبكر جبت ليك شمار حار من جلال جبار (Re: khaleel)
|
Quote: اتصلت به ففوجئ بهذا البوست و علمت منه أنه لم ينسق معك ، بل و لا يعرفك |
شفت ابو الخل زولك ملصك في اقرب زقاق تلفوني وعشان كده انا قلت ليك الظلاميين ديل ما مننههم فائدة زولك ده مش الانت مشيت معاهو رحلة نيلية داك والكان معانا ايام الانتخابات بتاعة الجالية بكابسنا في الاصوات غايتو يا ابو جلال الفيك اتعرفت وتاني لو عملت كده حنسحب التاييد الشعبي ده كلو
| |
|
|
|
|
|
|
|