|
Re: انا بحب الترابي (Re: khaleel)
|
عارفين يا اخوانا انا لسع محتار
هل التنظيم بتاع الجبهة الاسلامية انشق الي موتمر وطني وموتمر شعبي
وللا الناس ديل لبسونا العمة تاني
اذا كان لبسونا العمة انا بحب الترابي
واذا كان انشقاق جد جد ترابي شنو البحبو انا
| |
|
|
|
|
|
|
Re: انا بحب الترابي (Re: khaleel)
|
يا وليد .. لازم تورينا إنو الليلة الخميس يعني ؟؟ عارفنو .. و ( شاربنو ) ..
........ كلام كبار كبار قال .. تاني .. أعمل " مسحة " قبل ما " تدوّر " و خلاص .. أمشي نوم .
| |
|
|
|
|
|
|
Re: انا بحب الترابي (Re: Emad Abdulla)
|
Quote: يا وليد .. لازم تورينا إنو الليلة الخميس يعني ؟؟ عارفنو .. و ( شاربنو ) ..
|
عماد يا حلو
الناس انشقوا وللا كضب
انت سياسي ضليع ورينا
انا من الصباح الموضوع حائم في راسي
| |
|
|
|
|
|
|
Re: انا بحب الترابي (Re: khaleel)
|
هلا يا خلي وانا من زمان عارفك بتحب الرواكيب في الخريف.. والترابي نعم علم وفقه ضرورة تقيل لكن تامر جد وما تغرك الضحكة النص كلتش دي.. مستعد يلبد ليك في اقرب زقاق ثم يقيف بعيد ويعمل شخيت
| |
|
|
|
|
|
|
Re: انا بحب الترابي (Re: ALazhary2)
|
و يورد الافندي في شأن هؤلاء رواية من اطرف ما قرأت عن حوار دارت وقائعه بين المفكر الاسلامي الشيخ حسن الترابي و احد علماء الاسلام التقليديين، فضّل الافندي ان يحجب اسمه، فقد اشترك الاثنان في عضوية لجنة لمراجعة القوانين في سبعينات القرن الماضي و كان كلما تقدم الترابي برأي او مقترح او فكرة جديدة هب العالم التقليدي ليطالب الترابي بابراز الدليل علي جواز ما يقول من الكتب و المصادرالاسلامية، و كان الترابي يستجيب في كل مرة بابراز اسم الكتاب والمكان الذي يلتمس فيه، ولكن الترابي فيما يبدو كانت قد بلغت روحه الحلقوم من كثرة مطالبة ذلك العالم له بتحديد الكتب و المراجع القديمة التي تسند اقواله، فلما وصل الترابي الي نقطة معينة و ابدي فيها رأيا فقهيا عاد العالم ليسأله: ما هو المرجع الذي وجدت فيه هذا الكلام؟
فرد الترابي: ( الحقيقة يا مولانا المرجع ده بالذات كان مع الكتب الجدعوها المغول في نهر دجلة ! )
| |
|
|
|
|
|
|
Re: انا بحب الترابي (Re: Muhammad Elamin)
|
Quote: فرد الترابي: ( الحقيقة يا مولانا المرجع ده بالذات كان مع الكتب الجدعوها المغول في نهر دجلة |
محمد الامين
الترابي سالوهو لماذا سميتم الموتمر الشعبي بهذا الاسم
اجاب الترابي لانه من (دين) هذا الشعب
| |
|
|
|
|
|
|
Re: انا بحب الترابي (Re: ALazhary2)
|
Quote: طبعاً صوت ضحكك الحاضرين للندوة وصل (لحدي الخرطوم 3)
|
الازهري
ومرة في قناة الجزيرة في برنامج الاتجاه المعاكس قال للضيف التاني
اخي الكريم لو تحليت بالصبر لاخبرناك
| |
|
|
|
|
|
|
Re: انا بحب الترابي (Re: khaleel)
|
وليد(خليل) تحياتى ليك زمان نفتش ليك وانت لابد هنا التقيتك مصادفة فى تهراقا ان وصديقي ياسر العجب(مطبقة) وزكريات تلكم اليلة مازالت ماثلة صديقك بوب من دلنى عليك تجياتى
| |
|
|
|
|
|
|
Re: انا بحب الترابي (Re: Mahadi)
|
Quote: ماثلة صديقك بوب من دلنى عليك تجياتى |
هلا بمهدي القوم
ياخي بعد تهراقا ذهبيت انت رئيسا وذهبت انا حبيسا كما قال شيخ الترابي
| |
|
|
|
|
|
|
Re: انا بحب الترابي (Re: hamid abdalah)
|
الترابي: زمان أدونا انو الثعلب أذكي مخلوق لكن حديثا وجدوا طائر ( بدقس ) الثعلب هذا الطائر اسمه الفناتير حكايته كالآتي : لما يحس بقرب الثعلب لاصطياده يتماوت ( يعمل فيها أضان جلد وميت ) يأتي الثعلب يقلبه يمينا وشمالا ولا يحس فيه بالحياة بمجرد ما يغادر الثعلب صاحبك يكب الزوغة الما بتغباك ديك ويشتت
أها حبك الجديد دا ثعلب ولا فناتير عشان نفتي أنو ركبنا الخازوق ولا لسع ؟؟ ولا قطعنا التذاكر على التونسية؟؟
بهاء
| |
|
|
|
|
|
|
Re: انا بحب الترابي (Re: Baha Elhadi)
|
Quote: أها حبك الجديد دا ثعلب ولا فناتير عشان نفتي أنو ركبنا الخازوق ولا لسع ؟؟ ولا قطعنا التذاكر على التونسية؟؟
|
لحدي ما نتاكد انو فعلا الجبهة انشقت نصفين بعد كدة ممكن نحدد نحبو وللا نك
| |
|
|
|
|
|
|
Re: انا بحب الترابي (Re: khaleel)
|
هلا يا خلي وشيخ حسن زول مثير للجدل ومتحدث بارع وله ضحكة مميزة وموغلة في الثعلبة طبعا اخر فنياته هي عندما اعتقله الموتمر الوطني موخرا وقالوا له عندنا وثائق وادلة تدين الموتمر الشعبي في احداث خليل فقال قلت لهم اذهبوا بها فهي مبروكة لكم وجدع فيها ضحكة ضحكتين من النوع الترابي ...... سالتني يا خلي عن المفاصلة اقول نعم هنالك انشقاق بكتيري حاصل والخراب حصل وطبعا اسهل واسرع شكلة في العالم هي شكلة الحرامية
| |
|
|
|
|
|
|
Re: انا بحب الترابي (Re: khaleel)
|
Quote: لكن الالوسي قال دي مكنات عشان تحصل انفراجة والنظام يطلع من العزلة |
والله ياخلي كلو وارد من ابو الثعالب وبكونو حسع لاعبننا راس واحنا مافي معلوم... ولكن في الجانب الاخر حضرت الترابي في الدوحة هنا يتحدث بمرارة واسي وبالتحديد عن علي عثمان وشكلوا كده لو لم فيهو في زقاق ضيق بضايروا مضايرة جد
| |
|
|
|
|
|
|
Re: انا بحب الترابي (Re: عبدالكريم الامين احمد)
|
Quote: تتذكر يا خلي ندوة الميدان الشرقي الشهيرة عندما تحدث عن لقاء السيدين
|
ايوة قال
( اما بعد والتقي السيدان بعد عشرين عاما رجل اتي من شرق السودان ورجل اتي من غرب السودان
وارادا الهيمنة وان فرعون حينما تفرعن في مصر)
| |
|
|
|
|
|
|
Re: انا بحب الترابي (Re: khaleel)
|
ياخليل ..
انتو عايزين الجد يوم واحد مافهمت حسن الترابى دا عايز يقول شنو ..يبدا ليك موضوع ويدخل فى موضوع تانى ويشعب ليك الحديث لما يجننك ذاتو ..الزول دا جايط ..والجوطه قررربت تبقى خرف حماكم الله ...
| |
|
|
|
|
|
|
Re: انا بحب الترابي (Re: محمد عبدالرحمن)
|
Quote: انتو عايزين الجد يوم واحد مافهمت حسن الترابى دا عايز يقول شنو ..يبدا ليك موضوع
|
محمد عبد الرحمن
وانا كان بفهم حاجة انشاء الله اموت
مرة قال بضع في المائة من منسوبي الحركة الاسلامية متورط في الفساد
ولسع ما عرفتهم كم مع اني كنت شاطر في الحساب
| |
|
|
|
|
|
|
Re: انا بحب الترابي (Re: عبدالكريم الامين احمد)
|
Quote: وشكلوا كده لو لم فيهو في زقاق ضيق بضايروا مضايرة جد |
عبد الكريم يازميل في المنبر وأم نخيل
والله السطر المقتبس دا نساني زعلة الغداء الراح علي
أمبارح في الليل جبتا عشاء من مطعم سوادني وعجبني وفضل قلت أتغدى بيه بكرة الجمعة ونسيت أخته في التلاجة هسع مشيت أسخنه لقيتو برة التلاجة والزعلة حصلت وهسع بتغدى بي كورة زبادي ونص عيشة ومحبك حمبكة شديدة لحدي ماقريت مداخلتك دي وضحكتني جدا لدجة إنو هسع باكل في الزبادي وكانه ملاح نعيمية .
الله يملاك عافية إنتا وخليل وشيخ حسن زاته معاكم
| |
|
|
|
|
|
|
Re: انا بحب الترابي (Re: ALazhary2)
|
Quote: هسع باكل في الزبادي وكانه ملاح نعيمية . |
هلا يا ابو الزهور والترابي ملهم لدراما عجيبة بس دايرة ليها فضية كده ولايهمك في موضوع الزبادي انا واخوي الكاشف خليل ده بنكون اكلنا تانكر بتاع زبادي في البلد دي كل الود يا ازهري وحبابك
| |
|
|
|
|
|
|
Re: انا بحب الترابي (Re: عبدالكريم الامين احمد)
|
كيكي مشتاقوووووووووووووووووون
Quote: هلا يا هارون وش مكرمش شديد الناس تقول الترابي تجيب لينا سيرة البحر الراقص يازول هوووي انقرع |
طيب عشان ماتزعل لابحب البشير ولا الترابي بحب طارق لمن يغطي سعلب وش باسم والوجنة حفرة دخان!!!!!!!!!!!
| |
|
|
|
|
|
|
Re: انا بحب الترابي (Re: haroon diyab)
|
Quote: وش باسم والوجنة حفرة دخان!!!!!!!!!!! |
هلا يا سكورتا ودي الكلام او بلاش بس الخوف ابو خليل يمسك في كلامات حفرة الدخان وينسي لينا موضوع الشيخ حسن ده... واهلنا قالوا يا هارون الما بحب الترابي ولا البشير الخوف يكون بحب علي عثمان
| |
|
|
|
|
|
|
Re: انا بحب الترابي (Re: khaleel)
|
د. الترابي له مجهودات في ثلاثة ميادين: ميدان الحركة الإسلامية التي شقها عام 1978 ليلتحق بنظام نميري ثم جعل منها حركة سياسية صرفة تمارس السياسة القذرة و صرفها عن المنهج التربوي الذي كان ينبغي أن تقوم عليه حتى إذا وصلت إلى السلطة أفسدت فسادا غير مسبوق و انتهى به الأمر طريدا من دهاليز الحزب الذي أسسه. ميدان العمل السياسي و ثمرة جهده نراها اليوم ماثلة أمامنا شعب منهك مجروح الإنسانية و الكرامة و وطن مقتطع الأطراف تشتعل فيه الحرائق و أرض فقدت عذريتها و أصبحت مرتعا للقوات من كل حدب و صوب. ميدان الفكر الإسلامي حيث حاول الإتيان بما أسماه تجديد الفقه الإسلامي فأتى بطوام لم يفقه فيها إلا محمود محمد طه في محاولة هدم الأصول الراسخة التي قام عليها بنيان الإسلام. د. الترابي الآن كالثعلب الجريح و لعله ينال الآن قسطا قليلا مما أذاقه لبلده و شعبنا الطيب... تحب ليهو شنو يا خليل كان قلت معجب بيهو و بمقدراته التي لم يحسن استخدامها لخير وطنه بنعذرك فالرجل موهوب... لكن الحب و الغرام ديل غايتو إلا نعذرك بأنه الحب دا أعمى و أطرش و مطرطش كمان.
| |
|
|
|
|
|
|
Re: انا بحب الترابي (Re: Elawad)
|
Quote: د. الترابي الآن كالثعلب الجريح و لعله ينال الآن قسطا قليلا مما أذاقه لبلده و شعبنا الطيب... تحب ليهو شنو يا خليل كان قلت معجب بيهو و بمقدراته التي لم يحسن استخدامها لخير وطنه بنعذرك فالرجل موهوب... لكن الحب و الغرام ديل غايتو إلا نعذرك بأنه الحب دا أعمى و أطرش و مطرطش كمان. |
العوض
انا ضد اختزال كل مشاكل البلاد واختزالها في شخص الترابي الذي يجب ان يحاكم
هو التنظيم باكمله
| |
|
|
|
|
|
|
Re: انا بحب الترابي (Re: khaleel)
|
يا خلي ياخي أنا ما اختزلت المشاكل في الترابي... لكن الترابي هو كلينين للثورة الروسية و ماو للثورة الصينية... و عندما تكون هناك محاكمات سيحاكم كثيرون بإذن الله... لكن يظل الترابي هو الرمز و هو عراب النظام في سنينه الأولى.
| |
|
|
|
|
|
|
Re: انا بحب الترابي (Re: Elawad)
|
ياخليل لكن يحاكمو ياتو تنظيم مادام زولك ده كل يوم يومين طالع لينا بتنظيم زي ود الموية الاخوان المسلمين ولا جبهة الميثاق ولا الجبهة الاسلامية ولا الموتمر الشعبي والغريق لسسسع قدام
ودي كلها تنظيمات الترابي لعب ليها موسم موسمين ثم غادر وهو ضاحكا الي افاق ثعلبية وهو يودع الجميع ضاحكا بيد وحاملا لغبينة بيده الاخري.....
| |
|
|
|
|
|
|
Re: انا بحب الترابي (Re: khaleel)
|
Quote: حب ايه اللي جائي تقول عليه
مش لما تقرا في البوست ايه |
خليل ياخوى نحنا علينا بالشريعة ..
وشريعة البوست عنوانو..
وأقل حاجة ممكن نحاكمك بيها هى الشروع فى الحب.
قال تقرا قال.. نحنا كان بنقرا من سنة مجاعة ستة ماقدرنا نجيب لينا قايد مجيه?
| |
|
|
|
|
|
|
Re: انا بحب الترابي (Re: Balla Musa)
|
Quote: وأقل حاجة ممكن نحاكمك بيها هى الشروع فى الحب |
بلة ود موسي
اقترح استنساخ قائد بمواصفات سيدنا سليمان عليه السلام
لكي يحكم السودان
| |
|
|
|
|
|
|
Re: انا بحب الترابي (Re: khaleel)
|
Quote: اقترح استنساخ قائد بمواصفات سيدنا سليمان عليه السلام |
وده يا خلي يلقو ليهو (هدهد) وين مع الرصاص البلعلع في السودان وطير كل السمبر ده
| |
|
|
|
|
|
|
Re: انا بحب الترابي (Re: khaleel)
|
Quote: انا ببقي هدهد ياخ مافي مشكلة |
خليل ياخي حرام عليك عملت لينا فتاق في الحجاب الحاجز .ياخي الضحك كتلنا من أمبارح .
بعدين شوف ليك حاجة تانية أبقاها غير الهدهد دا
أسمع كلامي وبقول ليك السبب ماسنجر لانو مابتقال هنا
| |
|
|
|
|
|
|
Re: انا بحب الترابي (Re: ALazhary2)
|
Quote: بعدين شوف ليك حاجة تانية أبقاها غير الهدهد دا |
تعرف يا ازهري لو بقيت هدهد
بجيب اخبار لبنان بس وبوركينا فاسو دي اصلو ما بمشي ليها
| |
|
|
|
|
|
|
Re: انا بحب الترابي (Re: khaleel)
|
Quote: تعرف يا ازهري لو بقيت هدهد
بجيب اخبار لبنان بس وبوركينا فاسو دي اصلو ما بمشي ليها |
غايتو ياخليل أمانة ماوقع هدهد
شيل شيلتك مع ناس الهامش أيها المستعرب المستلب ثقافياً .
واطاتك أصبحت كان تراجي ولا بشاشا شافوا مداخلتك الاخيرة دي .
شوف يازول بلهجة السوريين :
عمي أنا ما دخلني
| |
|
|
|
|
|
|
Re: انا بحب الترابي (Re: عبدالكريم الامين احمد)
|
ياعبد الكريم أناغايتو ما بقول داير أبقى هدهد شوفوا ليكم أي طيرة تاني أنا ببقاها ليكم بس كمان اختو لينا البومة والغراب .
العرب عندها مثل بقول : فلان أسجد من هدهد كناية عن إنو زول المادة 148 وكدا عشان كدا انا قلتا لي خليل اختا الهدهد دا .
| |
|
|
|
|
|
|
Re: انا بحب الترابي (Re: ALazhary2)
|
ياساتر ودي هدهدة منها جفلة يا ابو خليل الحق غير الهدهد ده لاي حاجة تاني انشاء الله سمبر وما داير اقول فلان ابرق داك (اصلو القصة اليومين دي برتمولللللل)
| |
|
|
|
|
|
|
Re: انا بحب الترابي (Re: ALazhary2)
|
Quote: العرب عندها مثل بقول : فلان أسجد من هدهد كناية عن إنو زول المادة 148 وكدا عشان كدا انا قلتا لي خليل اختا الهدهد دا . |
هوووي يا يمة هوووووي
الحكاية فيها ملعوب
كان كدي انا ود ابرق سيبك بلا هدهد بلا كلام فارغ
قال 148 (النبي فوقنا)
| |
|
|
|
|
|
|
Re: انا بحب الترابي (Re: ALazhary2)
|
Quote: شيل شيلتك مع ناس الهامش أيها المستعرب المستلب ثقافياً .
|
الازهري
ناس الهامش بعين ليهم هدهد من نفس المنطقة عشان تكون في مشاركة في السلطة والثروة
| |
|
|
|
|
|
|
Re: انا بحب الترابي (Re: ALazhary2)
|
Quote: اقترح استنساخ قائد بمواصفات سيدنا سليمان عليه السلام |
ياخليل
لاسليمان لاحاجة
صدقنى الترابى دا لو فعلا حبيتوه بصدق وبالطريقة العايزا هو كان السودان دا بقى أحسن مطبخ والناس كلهم شبعوا.
| |
|
|
|
|
|
|
Re: انا بحب الترابي (Re: Balla Musa)
|
يا خليل وانا بحب هاشم بدر الدين (الخمش) محبوبك ده...Quote: صدقنى الترابى دا لو فعلا حبيتوه بصدق وبالطريقة العايزا هو كان السودان دا بقى أحسن مطبخ والناس كلهم شبعوا. |
يا بله كان الناس شبعو شنو؟
بلح!!!
| |
|
|
|
|
|
|
| |